Connect with us

تازه خبرونه

کورنیو چارو وزارت څوارلس ولایتونو او دوه زونونو ته نوي قومندانان وروپېژندل

Ariana News

خپور شوی

 په

(Last Updated On: غویی ۲۲, ۱۳۹۷)

د کورنیو چارو وزارت د تازه پرېکړې له مخې؛ څوارلس ولایتونو او دوه زونونو ته نوي قومندانان، چې د آزادو سیالیو له لارې غوره شوي او تر۵ میاشتو به په آزمایښتي توګه کار وکړي وروپېژندل شول.

کورنيو چارو وزارت په یوه حکم کې ولسمشر ته د امنيه قومندانانو د تغيير او تبديل وړانديز کړى و، چې د ولسمشر له خوا منظور شوی دی.

د کورنیو چارو وزیر ویس احمد برمک د دغو قومندانانو د معرفي کولو په مراسمو کې له دوی وغوښتل، چې له فساد سره په مبارزه کې جدي ګامونه پورته کړي.

د دغه غوراوي له مخې؛ پاسوال خلیل الله د ۳۰۳ زون قومندان، مل پاسوال رازمحمد د ۸۰۸ زون قومندان، پاسوال عبدالباقي نورستانی د کندوز د پولیسو قومندان، پاسوال امین الله امرخېل د هرات د پولیسو قومندان، مل پاسوال عبدالرحمن اقتاش د تخار د پولیسو قومندان، مل پاسوال اختر محمد نوروزی د خوست د پولیسو قومندان، پاسوال نبي جان ملاخېل د فاریاب د پولیسو قومندان، پاسوال عبدالقیوم باقي زوی د سرپل د پولیسو قومندان، سمونوال محمد ابدالي د لوګر د پولیسو قومندان، سمونوال عبدالروف ارزگانی د لغمان د پولیسو قومندان، سمونوال فرید مشعل د غزني د پولیسو قومندان، سمونوال سید عباس سادات د نورستان د پولیسو قومندان، مل پاسوال محمد صابر د بدخشان د پولیسو قومندان، پاسوال غلام سخي غفوري د دایکندي د پولیسو قومندان، احمد فهیم قایم د بادغیس د پولیسو قومندان او پاسوال حقنوازحقیار د کونړ د پولیسو قومندان پر تازه دندو ګمارل شوي دي.

د کورنیو چارو وزارت له تازه ګمارل شویو مسوولینو یو لړ غوښتنې هم کیږي.

د کورنیو چارو وزیر ویس احمد برمک وایي؛ له تاسو قومندانانو غواړم، چې د فساد پر وړاندې نه ستړې کیړدونکې مبارزه وکړئ؛ ځکه میلیونونه دالر د خیالي پولیسو له پوستو ځار شوي دي.

د خیالي پولیسو موجودیت یوه اندېښنه ده، چې تر اوسه نه ده حل شوې.

د کورنیو چارو وزارت اداري معین امین الله کریم وایي: په امنیه قومندانیو کې د بې تعلیمه پولیسو تر نوم لاندې شپاړس زره پولیس شته، چې ډیري یې خیالي دي.

د کورنیو چارو وزارت امنیتي معین مراد علي مراد وایي، د افغانستان دښمنانو ته ښیو، چې د جګړې په ډګر کې به د سرتېرو او خلکو اړیکې بشپړې نوې شي.

دغه قومندانان په داسې حال کې ګمارل کیږي، چې په دې وروستیو کې امنیتي وضعیت ډېر خراب شوی دی.

خبریاله لیدا نیازۍ

تازه خبرونه

په هند کې د ځمکې ښویدو له کبله ۱۵ کسان مړه شوي او له ۵۰ ډېر ورک دي

Ariana News

خپور شوی

په

توسط

(Last Updated On: زمری ۱۷, ۱۳۹۹)

د هند سیمه ییزو رسنیو راپور ورکړی، چې ځمکې ښویدنې د هند د چای فارم یو ښارګوټی ویجاړ کړی او لږ تر لږه په کې  ۱۵ کسان مړه شوي او له ۵۰ ډېر ورک دي.

دا پېښه د جمعې پر سهار د هندوستان د کیرالا د ایدوکي د راجکاد په اړوند سیمه کې رامنځته شوې.

هندوستان تایمز راپور ورکړی، چې شاوخوا ۵۰ نور خلک په تنګو لارو، تیږو او غونډیو کې بند پاتې دي.

د راپور له مخې؛ تر دې دمه لږ تر لږه ۱۶ کسان ژغورل شوي او د درملنې لپاره روغتون ته لیږدول  شوي دي.

د ایالتي عوایدو وزیر چاندرا سیخاران هندوستان تایمز ته ویلي؛ دا لوی ناورین دی. دا یوه غرنۍ سیمه ده او ښار ته ځینې سړکونه د سختو بارانونو له کبله ویجاړ شوي دي. مونږ له هوایي ځواکه مرسته غوښتې، چې د ټپيانو په راویستلو کې مرسته وکړي؛ خو مونږ ته ویل شوي، چې دا به په ګرمه هوا کې ستونزمنه وي.

هغه زیاته کړې، چې د ملي غبرګون ځواک یوه ډله د پیښې ځای ته رسیدلې ده.

ځایي خلکو ویلي، په تېرو درې ورځو کې پر سیمه دروند اورښت شوی؛ برښنا او اړیکې پرې شوي او دې کار د ژغورنې کار ځنډولی دی.

دوی وايي، چې له دې کبله د پېښې په لومړیو ګړیو کې ډېري ټپیان په غصه کې ول او له همدې کبله یې ونشو کولی، چې له سیمې وتښتي.

د سیمې یو ټولنیز کارګر هندوستان تایمز ته ویلي؛ مونږ معلومات لرو، چې لږ تر لږه ۸۴ کسان په اړوند ښارګوټي کې اوسیدل. ډېری یې د تامیل نادو ګاونډ دي. په ښار کې د دوی د اړتیاوو پوره کولو لپاره یو میلمستون هم شته.

هغه زیاته کړې، چې کیدی شي د مړو شمېر نور هم لوړ شي.

د دې پیښې سیمه له مونار غونډۍ ۲۵ کیلومتره لیرې ده، چې په ۲۰۱۸ کال کې سیلاب ویجاړه کړې وه.

د کچې معلومولو ادارې په پېنځه نورو برخو کې هم د ګواښ له رامنځته کیدو خبرداری خپور کړی. ډېري سیندونه د ویجاړیدو له خطر سره مخ دي او د اوبو لګولو ادارې اعلام کړی، چې که وضعیت همداسې بارانې وي؛ نو د ادوکي په ګډون ځینې بندونه به ونړیږي.

Continue Reading

تازه خبرونه

د افغانانو ترمنځ د خبرو پیلولو لپاره مشورتي جرګه یو ښه فرصت دی- پمپیو

Ariana News

خپور شوی

په

توسط

(Last Updated On: زمری ۱۷, ۱۳۹۹)

د امریکا بهرنیو چارو وزارت د افغانستان د سولې مشورتي لویه جرګه د افغانانو تر منځ د خبرو پیلولو لپا ره یو تاریخي فرصت بولي او وایي، چې د خپلمنځي خبرو د پیلیدو یوازنی خنډ د طالب بندیانو د پاتې کسانو خوشې کول دي.

ښاغلي پمپیو څرګنده کړې؛ طالبانو ژمنه کړې، چې د افغانانو تر منځ د خبرو له پیلیدو سره سم به تاوتریخوالي راکم کړي.

د امریکا بهرنیو چارو وزیر مایک پمپیو ويلي؛ هېواد یې له ولسمشر غني، د ملي پخلاینې عالی شورا مشر عبدالله عبدالله او د لویې جرګې د غړیو په ګډون له نورو افغان مشرانو غواړي، چې د سولې لپاره د کار دغه تاریخي فرصت غنیمت وچڼي او د سیمه ییز ثبات او نړیوال امنیت د ټینګښت پر لوري ګټور ګامونه پورته کړي.

دغه راز د افغانستان د سولې په چارو کې د امریکا ځانګړی استازی هم وایي، چې مشورتي لویه جرګه افغانانو ته د خپلمنځي خبرو یو تاریخي فرصت دی.

د افغانستان د سولې لپاره د امریکا ځانګړي استازي زلمي خلیلزاد په یو لړ تویتونو کې څرګنده کړې؛ د افغانستان مشورتي لویه جرګه د دغه هېواد خلکو ته یو تاریخي فرصت دی، چې د سولې مستقیمو خبرو اترو وروستی خنډ هم لیرې کړي.

نوموړي ویلي؛ د دغې جرګې مثبته پایله به د تاوتریخوالي کمیدل وي او افغانان به د خبرو اترو میز ته راشي.

زلمی خلیلزاد د جرګې د بریا هیله لري او له ګډونوالو یې غوښتي، چې فرصت غوښتونکیو ته د تخریب او د حالاتو د پېچلي کولو اجازه ورنکړي.

خلیلزاد ټینګار کړی، چې د سولې دغه تاریخي فرصت باید د ټولو خواوو لخوا په پام کې ونیول شي.

ناتو هم مشورتي جرګه د سولې لپاره تاریخي فرصت وباله او هیله دی، چې دا جرګه د سولې لپاره د ملي اجماع په پیاوړي کولو کې ګټوره پایله ولري.

د ناتو ملکي سفیر ستیفانو پونتیکورو وایي: د سولې مشورتي لویه جرګه د بندیانو د خوشې کولو په ګډون د افغانستان د سولې په اړه د خبرو لپاره ښه فرصت دی  او د افغانانو ترمنځ هم خبرو اترو ته لار اواروي. زه هیله کوم، چې په دې جرګه کې برخه اخیستونکي به د سولې پیاوړتیا ته ملي کړنلار په پام کې ونیسي.

د ۴۰۰ طالب بندیانو د خوشې کیدو په اړه د پرېکړې لپاره جوړه شوې مشورتي لویه جرګه به له درې څخه تر پېنځه ورځو پورې روانه وي.

د حقوق پوهانو د باور له مخې، روانه جرګه د دې بندیانو د بښلو واک نلري او په دې اړه باید قانوني چلند ترسره شي.

Continue Reading

تازه خبرونه

د ۴۰۰ طالب بندیانو د برخلیک ټاکلو په اړه مشورتي لویه جرګه پیل شوه

Ariana News

خپور شوی

په

توسط

(Last Updated On: زمری ۱۷, ۱۳۹۹)

د سولې مشورتې لویه جرګه نن جمعه د زمري ۱۷ د اګست ۷ په کابل کې له ټینګو امنیتي تدابیرو سره پیل شوې، چې درې یا پېنځه ورځې به روانه وي.

د دغې جرګې د جوړوونکیو د څرګندونو له مخې؛ د سولې په مشورتي لویه جرګه کې د ۷۰۰ میرمنو په ګډون ۳۲۰۰ کسانو برخه اخیستې، چې د پاتې ۴۰۰ طالب بندیانو او د سولې خبرو په اړه به بحث او خبرې کوي.

دا شورا د ټول هیواد له مخورو مشرانو، د مړني ټولنو له استازیو او سیاستپوهانو څخه جوړه شوې ده.

د سولې مشورتي جرګه به ولسمشر غني ته د سولې په برخه کې مشورې ورکوي.

د امریکایي او طالب استازیو تر منځ د روان کال د فبرورۍ پر ۲۹ د دوحې هوکړه لاسلیک شوې، چې له مخې یې د افغانستان حکومت د ۵۰۰۰ طالب بندیانو او طالبان د ۱۰۰۰ حکومتي بندیانو خوشې کولو ته اړ شول.

طالبانو له اختر یوه ورځ مخکې په ډاګه کړه، چې ټول ۱۰۰۰ حکومتي بندیان یې خوشې کړل او د هوکړې ټاکلی شمېر بندیان پوره شول. اوس طالبان له نړیوالې ټولنې څخه د پاتې ۴۰۰ طالب بندیانو د خوشې کولو غوښتونکي دي او که دا بندیان خوشې نشي؛ خپلمنځی خبرې هم نه پیلیږي.

په هره توګه حکومت وایي؛ پاتې ۴۰۰ طالب بندیانو داسې جرمونه کړي، چې باید خوشې نشي او د برخلیک ټاکلو لپاره یې نن د زمري ۱۷ او د اګست ۷ د سولې مشورتي لویه جرګه جوړه شوه.

ولسمشر اشرف غني د مشورتي لویې جرګې استازیو ته د خبرو په پیل کې وویل؛ د دوحې د هوکړې له مخې افغان حکومت باید ۵۰۰۰ بندیان خوشې کړي ، نه غوښتل شوي بندیان.

هغه وویل، چې حکومت د ۵۰۰۰ بندیانو خوشې کولو ته ژمن ندی؛ خو طالب بندیان د حکومت د سولې د هڅو د یوې برخې په توګه خوشې شوي د ۴۰۰ طالب بندیانو خوشې کول تر دې دمه د افغان حکومت او طالبانو ترمنځ د سولې خبرو د پیل کیدو په لاره کې یو لوی خنډ دی او ولسمشر له مشورتي لویې جرګې غوښتنه کړې، چې دا مسله حل کړي.

دغه راز امریکایي مشرانو د سولې مشسورتي لویې جرګې له کوړیدو هرکلی کړی او په لویه جرګه کې د استازیو راټولول یې په افغانستان کې د سولې لپاره د ملاتړ پیاوړي کولو لپاره ارزښتمن ګام دی.

د امریکا د بهرنیو چارو وزارت په ډاګه کړې؛ له ۴۰ کلنې جګړې، وینې تویولو او ویجاړیو وروسته دواړه خواوې چمتو دي، چې خبرو اترو ته د رسیدو لپاره سیاسي بهیر پیل کړي.

په افغانستان کې د ناتو لوړپوړي ملکي استازی ستیفانو پینتاکورو ویلي؛ لویه جرګه په افغانستان کې د سولې خبرو لپاره یو قرصت دی او د بندیانو آزادول په افغانستان کې د لنډمهاله خبرو پیل کیدو ته زمینه برابروي.

د ستیفانو د تویتي څرګندونو له مخې؛ هغه د جرګې له استازوو هیله کړی، چې په خپلو غونډو کې د سولې لپاره ملي کړنلاره پیاوړې کړي.

Continue Reading

Trending