Connect with us

تازه خبرونه

کورنیو چارو وزارت د افغان ملي پولیسو د لګښتونو مدیریت په غاړه اخلي

Ariana News

خپور شوی

 په

(Last Updated On: چنګاښ ۹, ۱۳۹۴)

vlcsnap-2015-06-30-15h40m18s105

کورنیو چارو وزارت د افغان ملي پولیسو د لګښتونو او معاشونو د مدیریت کنترول په خپله غاړه اخلي.

په همدې موخه د کورنیو چارو وزارت او د ملګرو ملتونو د پرمختیایي ادارې تر منځ یو تفاهم لیک لاسلیک شو.

د دې تفاهم لیک له مخې، ټاکل شوې د افغانستان لپاره د نظم او قانون د وجهي صندوق کنترول اتلس میاشتې وروسته د کورنیو چارو وزارت ته ولیږدول شي.

د افغانستان د پولیسو لګښتونه دا مهال د افغانستان لپاره د نظم او قانون د وجهي صندوق( لتفا) له خوا تامینږي او د ملګرو ملتونو پرمختیایی اداره یا UNDP یې مدیریت په غاړه لري.

مخکې له دې داسې رپوټونه خپاره شوي وو چې د ناوړه مدیریت په دلیل د پولیسو د لګښتونو سلګونه میلیون ډالر بې ځایه لګول شوي دي او ولسمشر غني هم غوښتي و چې د دې مدیریت کنترول دې کورنیو چارو وزارت ته ولیږدول شي.

تر اتلسو راتلونکو میاشتو به د دې مدیریت د کنترول لپاره د کورنیو چارو په وزارت کې د ظرفیتونو په جوړولو کار وشي او وروسته به په رسمي توګه دا وزارت د پولیسو د لګښتونو د پوره کولو مسولیت په غاړه ولري.

vlcsnap-2015-06-30-15h40m31s238

د ملګرو ملتونو د پرمختیایی ادارې لوی رییس ډکلس کي: 

دا نوې پریکړه هغو ننګونو ته ځواب دی چې د بدلون غوښتنه یې لرو، UNDP نه شي کولای ټولو هغو ننګونو ته رسیدګي وکړي چې د حکومت له خوا په ګوته شوي دي. په همدې دلیل مونږ اړتیاوې ترتیبوو څو په رښتینې توګه اتلسو راتلونکو میاشتو کې موخې تر لاسه کړو.

د کورنیو چارو وزیر نورالحق علومي همدا راز ټینګار کوي چې د فساد په وړاندې بریا د ترهګرو په وړاندې بریا ده چې غواړي د افغانستان له لارې نړۍ ناامنه کړي:

په دې برخه کې زموږ بریا له ټولو هغو ترهګرو سره په مبازره کې بریا ده چې هره ورځافغانان له ننګونو سره مخ کوي.”

دولسو تخنیکي ډلو په شپږو میاشتو کې د دې تفاهم لیک د متن د چمتو کولو لپاره کار کړی دی.

Continue Reading
Advertisement

تازه خبرونه

افغانستان په نګورنو قره باغ کې جګړه د اندېښنې وړ بولي

Ariana News

خپور شوی

په

توسط

(Last Updated On: تله ۷, ۱۳۹۹)

د بهرنیو چارو وزارت په نګورنو قره باغ په لانجمنې سیمه کې د آرمنستان او آذربایجان ترمنځ پر روانو نښتو اندېښنه څرګنده کړې ده.

دې وزارت د دواړو لوریو تر منځ د شخړې له کبله رامنځته شوي ځاني او مالي زیانونه د اندېښنې وړ بولي او ټینګار کوي، چې د نګورنو قره باغ  اړوند سیمه په نړیواله کچه د آذربایجان د یوې برخې په توګه پېژندل شوې ده.

د افغانستان د بهرنیو چارو وزارت په اعلامیه کې راغلي: افغانستان د نګورنو قره باغ د نیواک پای ته رسول غواړي او پدې اړه د آذربایجان د خلکو، حکومت او نړیوالو له هڅو ملاتړ کوي.

دې وزارت په سیمه کې د بیا اوربند غوښتنه کړې او غواړي، چې د دغه اوږد مهاله بحران سوله ییز حل رامنځته شي.

د دوشنبې پر ورځ د آرمنیا او آذربایجان تر منځ په نښتو کې لږ تر لږه ۲۱ کسان وژل شوي. ویل کیږي، چې دواړو لوریو په شخړه کې هوایي ځواک، توغندی او توپخانې کارولې دي.

د دواړو هېوادونو ترمنځ شخړې د سویلي قفقاز په سیمه کې د بې ثباتۍ په اړه اندښنې راپورته کړي؛ ځکه، چې د نړۍ بازارونو ته د تېلو او ګازو د نللیکو دهلیزونه له ګواښ سره مخ کوي.

رویترز راپور ورکړ، چې د شخړې او جګړې له پراخیدو سره به سیمه ایزو ځواکونو لکه روسیې او ترکیې ته د لاسوهنو زمینه برابره شي.

مسکو له آرمنیا سره دفاعي تړون لري. پداسې حال کې، چې انقره په آذربایجان کې د خپلو ترکي توکميزو ډلو ملاتړ کوي.

په آرمنیا کې دېرکي عیسویان او په آذربایجان کې مسلمانان دي، چې د لسیزو راپدیخوا د نګورنو قرباغ پر خاوره، چې په آذربایجان کې ده دواړه لوري جنګ کوي.

نګورنو قره باغ  د آرمنیانو تر ادارې لاندې دی او په سیمه کې ځینې وختونه د آرمنیا او آذربایجان ترمنځ نښتې کیږي.

د ارمنستان پارلمان د ترکیې پر ملاتړ د آذربایجان بریدونه پر نګورنو قره باغ بشپړ پلان شوی برید نوموي، چې د انقرې لاسوهنه به سیمه نوره هم بې ثباته کړي.

د یادونې ده، چې آذربایجان په دې جګړه کې د خپل متحد ترکیې لاس لرل رد کړي دي.

Continue Reading

تازه خبرونه

په هند کې د کرونا ویروس مثبتې پېښې له ۶ میلیون پورته شوې

Ariana News

خپور شوی

په

توسط

Reuters
(Last Updated On: تله ۷, ۱۳۹۹)

په هند کې له تېرو څلیریشت ګړیو راپدیخوا د کروانا ویروس ۸۲۱۷۰ مثبتې پېښې ثبت شوي، چې له دې سره یې ټول شمېر له ۶ میلیون ناروغانو واوښت.

د هند روغتیا وزارت په ډاګه کړې، چې په دې هېواد کې د دغه ویروس د مثبتو پېښو شمېر اوس ۶۰۷۴۷۰۳ ته رسیدلی دی.

دغه راز په تېرو څلیریشت ګړیو کې لږ تر لږه ۱۰۳۹ پر کرونا اخته ناروغان مړه شوي، چې ور سره په هند کې له دې ناروغۍ د مړو شویو ټول شمېر ۹۵۵۴۲ ته ورسیده.

د کرونا ناروغي په هند کې، چې د نړۍ دوه یم ډېر وګړي لرونکی هېواد دی؛ اوس د نړۍ له بل هر ځای څخه ترې د دې ویروس د ګړندۍ ودې راپورونه خپریږي.

ویل کیږي، چې پدې هېواد کې به په راتلونکیو څو اوونیو کې پر کرونا د اخته کسانو شمېر له امریکا، چې اوسمهال یې پر کرونا د اخته کسانو شمېر ۷.۱ رسیږي؛ هم ډېر شي.

د جان هاپکنز پوهنتون د څرګندونو له مخې؛ په نړۍ کې په هرو درې نویو پېښو کې او د مړینو په هرو پېنځه پېښو کې یو یې د هندوستان دی.

Continue Reading

تازه خبرونه

داکتر عبدالله پاکستان ته د اړیکو د نوي فصل د پرانستې په نیت سفر کړی

Ariana News

خپور شوی

په

توسط

(Last Updated On: تله ۷, ۱۳۹۹)

د ملي پخلاینې عالي شورا مشر عبدالله عبدالله نن دوشنبه سهار وختي اسلام اباد ته د خپل درې ورځني سفر پر مهال ویلي، چې په دې سفر کې به د افغانستان او پاکستان لپاره یو نوی څپرکی پرانستل شي او له پاکستاني چارواکو سره به د افغانانو ترمنځ د خبرو اترو په اړه هم نظرونه تبادله کړي.

عبدالله عبدالله په یوه تویت کې څرګنده کړې: زه هیله من یم، چې دا لیدنه به په ټولو برخو کې د متقابلې همکارۍ نوی څپرکی پرانیزي او په ځانګړي توګه به په افغانستان کې تلپاتې او له درناوي ډکې سولې ته زمینه برابره کړي.

هغه دا هم منلې، چې د دوشنبې پر ورځ يې د یو لوړپوړي پلاوي په ملتیا اسلام آباد ته درې ورځنی سفر کړی دی.

عبدالله په ډاګه کړې، چې هغه به د پاکستان له لومړي وزیر عمران خان، ولسمشر عارف علوي ، د مشرانو جرګې مشر، د ملي شورا مشر، د بهرنیو چارو وزیر او نورو شخصیتونو سره وویني.

د پاکستان د بهرنیو چارو وزارت د یکشنبې پر ورځ څرګنده کړې وه، چې عبدالله به په اسلام آباد کې د ستراتیژیکو مطالعاتو انستیتوت ته یو هر اړخیزه یادونه هم وړاندې کړي.

دا له ۲۰۰۸ زېږدیز کال راپدیخوا پاکستان ته د عبدالله عبدالله لومړی سفر دی.

د پاکستان د بهرنیو چارو وزارت ویلي؛ دا لیدنه به نه یوازې د افغانستان د سولې بهیر او د پاکستان – افغانستان دوه اړخیزې اړیکې پیاوړې کړي، بلکې د خلکو تر منځ د اړیکو پیاوړتیا او لیدنو ته به هم زمینه برابره کړي.

پاکستان له افغانستان سره د ورورۍ اړیکو ته ډېر ارزښت ورکوي؛ ځکه، چې  ګډه تاریخ، عقیده، فرهنګ، ارزښتونه او دودونه لرو.

د دوی د څرګندونو له مخې؛ پاکستان د افغانانو د سولې، ثبات او هوساینې لپاره له هر راز هڅو بشپړ ملاتړ کوي. د داکتر عبدالله عبدالله لیدنه به د دواړو هېوادونو تر منځ اړیکې، ورورګلوي او نږدې همکاري نوره هم  پیاوړې او ورسره مرسته وکړي.

Continue Reading
Advertisement

Trending