Connect with us

تازه خبرونه

که ۲۰ کلنې لاسته راوړنې زیان وویني، نړیوال به مرستې ودروي ـ اتمر

خپور شوی

 په

(Last Updated On: ليندۍ ۲۴, ۱۳۹۹)

د بهرنیو چارو وزیر حنیف اتمر د ولسي جرګې استماعیه غونډې ته ویلي، چې که د سولې په بهر کې د تېرو ۲۰ کلونو لاسته راوړنې زیان وویني او نورې ستونزې رامنځته کړي؛ نړیوال به له افغانستان سره خپلې مرستې ودروي.

د بهرنیو چارو او مالیې وزیرانو د دوشنبې پر ورځ ( د لیندۍ ۲۴) د ولسي جرګې په استماعیه غونډه کې د هغو مالي مرستو په اړه معلومات وړاندې کړل، چې په ژنیو کنفرانس کې له افغانستان سره اعلان شوي.

د بهرنیو چارو وزیر حنیف اتمر ویلي، چې د نړۍ ۹۰ هېوادونو له داسې افغانستان څخه ملاتړ وښود، چې د ښځو حقونو او نظام ته په کې زیان ونه رسیږي.

حنیف اتمر څرګنده کړې؛ که افغانان په خپلو کې سوله ونکړي، نړۍ به له افغانستان سره ټولې مرستې به ودروي.

هغه زیاته کړې، چې د نړۍ نوي هېوادونو په افغانستان کې د بیړني اوربند غوښتنه کړې او د جمهوري نظام د پایښت لپاره یې له افغانستان سره د راتلونکیو څلور کلونو لپاره د یارلس میلیارډ ډالرو د مرستې ټټر وهلی دی.

د اتمر د څرګندونو له مخې؛ د دغې مرستې لس میلیارډ ډالر له شرایطو سره تړلي دي.

د مالیې وزیر عبدالهادي ارغندیوال د ولسي جرګې یادې غونډې ته ویلي، چې له افغانستان سره په راتلونکیو څلور کلونو کې د نړۍ د دیارلس میلیارډ ډالرو مرسته ډېره مهمه ده، چې هر کال به درې اعشاریه درې میلیارډ ډالر له افغانستان سره مرسته کیږي.

نوموړي زیاته کړې، چې د ۲۰۲۰ کال مرستې تائید شوي او د درې راتلونکیو کلونو مشروطې دي.

نړیوالو په ژنیو کنفرانس کې له افغانستان سره د څلور راتلونکیو کلونو لپاره مالې مرستې اعلان کړي؛ خو دا مرستې په افغانستان کې د سولې او ثبات سره مشروطې شوي دي.

تازه خبرونه

د افغان او ایراني سرحدي ځواکونو تر منځ نښته ناسم پوهاوی و – اسلامي امارت

خپور شوی

په

توسط

(Last Updated On: ليندۍ ۱۱, ۱۴۰۰)

د افغانستان اسلامي امارت چارواکو ویلي؛ د هېواد په نیمروز ولایت کې د ایران او اسلامي امارت د سرحدي ځواکونو ترمنځ نښته د “سرحدي ناسم پوهاوي” له کبله رامنځته شوې وه.

د اسلامي امارت وياند ذبيح الله مجاهد څرګنده کړې، چې تېره ورځ (چارشنبه د لیندۍ ۱۰) د نيمروز ولايت د کنګ ولسوالۍ په سرحدي سيمه کې د افغان او ايراني امنيتي ځواکونو تر منځ نښته شوې، چې اوس د دواړو غاړیو درولې ده.

هغه زیاته کړې، د دغه ناسم پوهاوي د مخنیوي او څېړنې لپاره د اسلامي امارت مسوولینو ته لازمې لارښوونې شوې دي.

د اسلامي امارت چارواکو زیاته کړې، چې په جګړه کې دواړو لوریو ته ځاني زیان ندی اوښتی.

دا په داسې حال کې ده، چې د پنجشنبې پر ورځ د افغانستان د بهرنیو چارو وزارت د کنګ په ولسوالۍ کې د سرحدي جګړې په اړه ویلي وه، چې د سرحدي چارواکو پر هڅو نښته پای ته رسېدلې او د دا ډول پېښو د تکرار د مخنیوي لپاره به هڅې وشي.

Continue Reading

تازه خبرونه

مولوي متقي په دوحه کې د ۱۶ هېوادونو له نوماندو سفیرانو سره وکتل

خپور شوی

په

توسط

(Last Updated On: ليندۍ ۱۱, ۱۴۰۰)

د اسلامي امارت د بهرنیو چارو وزارت ویاند په ډاګه کړې، چې د دې وزارت چارسمبالي مولوي امیر خان متقي په دوحه کې د افغانستان لپاره د ۱۶ بهرنیو هېوادونو له نوماند سفیرانو او استازیو سره وکتل.

د بهرنیو چارو وزارت ویاند عبدالقهار بلخي په یو لړ ټویټونو کې څرګنده کړی: د مولوي امیرخان متقي په مشرۍ د اسلامي امارت پلاوي په دوحه کې د افغانستان لپاره له ۱۶ نوماند وزیرانو سره او استازیو سره وکتل او پر امنیتي، بشري، اقتصادي، سیاسي او روغتیايي مسایلو یې خبرې وکړې.

هغه زیاته کړې؛ ټولو لوریو په امنیتي وضعیت کې د شویو پرمختګونو ستاینه وکړه او وایي، چې افغانستان ته باید بشري او طبي مرستې ورکړ شي او شته ستونزې دې د همکارۍ له لارې اوارې شي.

هغه ویلي؛ د اماراتو پلاوي دوی ته د امنیت ډاډ ورکړ، د مرستو په رسولو کې یې د همکارۍ ژمنه وکړه او له ټولو هېوادونو یې وغوښتل، چې په کابل کې خپل سفارتونه پرانیزي، چې واقعیتونه له نږدې وګوري او د اړیکو د نوي فصل د پرانېستلو لپاره مثبت کار پیل کړي.

عبدالقهار بلخي زیاته کړې، چې په دې غونډه کې د جرمني، کاناډا، فنلنډ، نیوزیلنډ، ایټالیا، جنوبي کوریا، د اروپايي ټولنې کمیشنرانو، هسپانیا، امریکا، ناروې، سویډن، هالنډ، آسترالیا، بریټانیا او جاپان هېوادونو نوماند سفیرانو او استازیو ګډون کړی و.

د بلخي د څرګندونو له مخې؛ مولوي امیرخان متقي په دوحه کې د انډونیزیا له سفیر رضوان حسن سره وکتل او د دوه اړخیزو همکاریو او سیاسي مسایلو په اړه یې خبرې وکړې.

بلخي ویلي؛ د انډونیزیا سفیر د افغانستان د سیاسي او بشري وضعیت په اړه همکارۍ ته چمتووالی وښود او وایي، چې دواړه هېوادونه باید نږدې اړیکې ولري.

نوموړي په کابل کې د انډونیزیا سفارت د بیا پرانستل کېدو هیله هم په ډاګه کړه.

Continue Reading

تازه خبرونه

د ناټو سرمشریزې په څنډه کې د ترکیې او امریکا بهرنیو چارو وزیرانو ولیدل

خپور شوی

په

توسط

(Last Updated On: ليندۍ ۱۰, ۱۴۰۰)

د ترکیې او امریکا د بهرنیو چارو وزیرانو مولود چاووش اوغلو او انټوني بلینکن په لاتویا کې د ناټو د بهرنیو چارو وزیرانو له غونډې مخکې سره وکتل.

له غونډې مخکې کاووش اوغلو ویلي؛ له اوکراین او روسیې سره په اړیکه کې دی، چې د امریکا او روسیې ترمنځ د کړکېچ د کمولو زمینه برابره کړي.

د ترکیې د بهرنیو چارو وزیر زیاته کړې، چې پر مسکو بندیزونه به اوسنی بحران حل نکړي.

اوکرایني او لویدیځو چارواکو ویلي، چې مسکو له اوکراین سره پر پوله پوځيان ځای پر ځای کړي دي. اوکراین نن له ناټو وغوښتل، چې پر روسیې بندیزونه ولګوي.

ویل کېږي، چې د امریکا او ترکیې د بهرنیو چارو وزیرانو د اوکراین، لیبیا او افغانستان په ګډون د سیمې پر وروستیو پرمختګونو خبرې کړې دي.

Continue Reading

Trending

آریانا نیوز: ټول حقونه خوندي دي