Connect with us

تازه خبرونه

که د شوروي د یرغل په وړاندې پاکستان نه وای اوس به افغانستان نه و

Avatar

خپور شوی

 په

(Last Updated On: وری ۱۹, ۱۳۹۶)

vlcsnap-2017-04-08-18h58m20s93

د پاکستان د ملي امنیت شورا پخوانی سلاکار وایي، چې که د شوروي یرغل په وړاندې پاکستان نه وای دریدلی اوس به افغانستان نه و.

د پاکستان د ملي امنیت شورا پخوانی سلاکار ناصر جنجوا وایي، که پاکستان د پخواني شوروي د یرغل پر مهال له افغانستان سره مرسته نه وای کړې او د  شوروي په وړاندې نه وای دریدلی؛ نو نن به د نړۍ په نقشه کې افغانستان نه و.

د اجرائیه ریاست مرستیال ویاند جاوید فیصل وایي،  چې د افغانستان د جهاد ډېره ګټه پاکستان ته ورسیده.

د نوموړي په وینا؛ د سره پوځ په وړاندې د افغانانو جهاد نه یوازې افغانستان د وخت له یرغله وژغوره، بلکې پاکستان یې هم وساتلو.

د پاکستان د تحریک انصاف ګوند رییس عمران خان وایي، له مجاهدینو د پاکستان ملاتړ تېروتنه وه.

د نوموړي د څرګندونو له مخې؛ پاکستان نه یوازې د شوروي په وږړاندې جهاد ته ورودانګل، بلکې  افغان مجاهدین یې په دالرو کرایه ونیول او وروسته یې د هغو د له منځه وړلو لپاره دالر واخستل.

هغه زیاتوي، د پاکستان دا اقدام د دې سبب شو، چې ترهګر هلته وده وکړي. د پاکستان د همدې سیاست له کبله ډېر تلفات پاکستانیانو ته واوښتل.

ځینې پخواني جهادي قومندانان وایي، که پاکستان په هغه مهال کې له مجاهدینو په ملاتړ کې تېروتنه کړې وه اوس هم له طالبانو د ملاتړ له لارې دا تېروتنه تکراروي.

ویل کیږي، چې په سیمه کې اوس وضعیت بدل شوی روسیې هم  له طالبانو سره اړیکې نیولي دي. د پاکستان پخواني ولسمشر ضیا الحق د افغانستان جهاد د پاکستان دفاع بلله؛ خو اوس یې سیاستوال تېروتنه بولي.

خبریال: علی اضغري

Continue Reading
Advertisement

تازه خبرونه

طالبان اوس هم له القاعده سره اړیکې لري – ملګري ملتونه

Avatar

خپور شوی

په

توسط

(Last Updated On: غبرګولى ۱۳, ۱۳۹۹)

ملګرو ملتونو په یوه تازه راپور کې ویلي، القاعده په افغانستان کې په پټه د طالبانو په ملاتړ پوځي عملیات کوي او طالبانو د روان زیږدیز کال په لومړیو کې د القاعده له مشرانو سره د اړیکو د پوره پراختیا په موخه ناستې تر سره کړي دي.

د ملګرو ملتونو امنیت شورا په خپل تازه راپور کې په ډاګه کړې، چې القاعده او طالبان اوس هم نږدې او ژورې اړیکې پالي او له امریکا سره د سولې هوکړې پرې اغېز ندی کړی.

د دغه بنسټ د راپور په یوه برخه کې څرګنده شوې؛ القاعده د افغانستان په ۱۲ ولایتونو کې فعاله ده او شمېر یې له۴۰۰ څخه تر ۶۰۰ پورې رسیږي.

ملګرو ملتونو همدا راز ټینګار کړی، چې د القاعده مشرانو په تېرو ۱۲ میاشتو کې له طالبانو سره له ۶ ډېرې ناستې درلودې او د ملا عمر سلاکار ګل آغا اسحاق زي د القاعده مشرانو ته ډاډ ورکړی، چې طالبان په هیڅ ډول له القاعده سره خپلې ژورې او ارزښتناکه اړیکې نه پرې کوي. که د امریکا او طالبانو د سولې هوکړه لیک اجباري کړو، طالبان به هم دوه ټوټې شي؛ یوه به هغه ډله وي، چې د القاعده پلوي کوي او بله به یې پر ضد وي.

دغه راز په ډاګه شوې، چې الظواهري د ۲۰۲۰ کال د فبرورۍ په میاشت کې د حقاني شبکې له غړیو سره لیدلي او له امریکا سره یې د سولې بهیر په تړاو خبرې کړې دي.

د افغانستان د سولې په چارو کې د امریکا د بهرنیو چارو استازي ویلي؛ د سولې  رامنځته کولو د هوکړې له مخې امریکا د طالبانو د ژمنو له اجرایي کیدو څارنه کوي او د دې هوکړه لیک له مخې، طالبان به په هیڅ صورت د ترهګرو ډلو کوربتوب ونکړي او له  القاعده ډلې سره اړیکې هم پرې کوي.

په افغانستان کې د سولې د ټینګولو امریکایي استازي زلمی خلیلزاد څرګنده کړې؛ امریکا پر طالبانو پوره څارنه لري او د سولې د لاسلیک شوي هوکړه لیک له مخې؛ طالبانو ژمنه کړې، چې له القاعده سره به خپلې اړیکې پرې کوي.

پخوانی طالب سید اکبر آغا وایي؛  ملګري ملتونه غواړي خپله ناکامي پدې خبرو پټه کړي، چې طالبان او القاعده پټې اړیکې لري.

 هغه زیاتوي: زما په اند دوی د دغو اړیکو په اړه سند نلري او نه یې ثابتولی شي.

په دې راپور کې دا هم په ډاګه شوي، چې طالبانو له القاعده سره مشورې کړي او دوی ته یې ډاډ ورکړی، چې اړیکې به یې ور سره  روانې وي.

دا په داسې حال کې ده، چې افغان حکومت هم تل د طالبانو، داعش او نورو وسلوالو ډلو ان له القاعده سره پر اړیکو څرګندونې کړي او له طالبانو یې غوښتي، چې د جګړې د پای ته رسولو لپاره خپلې اړیکې له نورو ډلو سره پرې کړي.

Continue Reading

تازه خبرونه

په افغانستان کې پر کرونا ویروس ۱۶۵۰۹ کسان اخته دي

Avatar

خپور شوی

په

توسط

(Last Updated On: غبرګولى ۱۳, ۱۳۹۹)

د عامې روغتیا وزارت یو ځل بیا خلکو ته خبرداری ورکړ، چې که له کرونا ویروس سره په مبارزه کې همکار نشي؛ د افغانستان ټولې کورنۍ به پرې اخته شي.

د عامې روغتیا وزارت مرستیال وحید الله مجروح ویلي؛ په وروستیو څلیریشت ګړیو کې له ۱۳۲۲ کتل شویو بېلګو څخه ۷۵۹ یې مثبتې ثبت شوې دي.

د نوموړي د څرګندونو له مخې؛ په هېواد کې د کرونا پراختیا بهیر ډېر اندېښمنوونکی دی، چې اوس پرې د اخته شویو کسانو شمېر ۱۶ زره پېنځه سوه نهه کسانو ته رسیدلی، چې دوه ترې رغیدلي او پېنځه مړه دي.

هغه دا هم په ډاګه کړې، چې په مرکز او ولایتونو کې د کرونا تازه مثبتې پېښې دادي: کابل ۲۶۶، هرات ۲۱۲، بلخ ۳۹، ننګرهار ۳۴، پکتیا ۶۶، بغلان ۲۷، بامیان ۲۱، غزني ۱۸، تخار ۱۷، فاریاب ۱۸، خوست ۲۵، پروان ۴، کاپیسا ۷، سمنګان ۲ او بدخشان ۳ .

د عامې روغتیا وزارت ټینګار کړی، چې له کرونا سره د مبارزې کیلي د هر هېوادوال په لاس کې ده او که خلک همکاري وکړي؛ د غوره تغذیې او له ګڼه ګوڼې څخه د ډډې کولو په صورت کې به ځان او ټولنه د دې ویروس له زیانه خوندي کړو.

د عامې روغتیا وزارت دا ټینګار هم کوي، چې پر کرونا د اخته کیدو پېښې د خلکو د بې پامیو پایله ده او که په خبره یې روغتیایي سپارښتنې رعایت نشي؛ ناوړه انساني پایلې به رامنځته شي.

Continue Reading

تازه خبرونه

غني او پمپیو د افغانستان د سولې بهیر د راتلونکیو هڅو په اړه خبرې کړي

Avatar

خپور شوی

په

توسط

(Last Updated On: غبرګولى ۱۳, ۱۳۹۹)

د افغانستان ولسمشر اشرف غني او د امریکا بهرنیو چارو وزیر مایک پمپیو د سولې بهیر د راتلونکیو هڅو او کړنو په اړه ګدې خبرې کړې دي.

ولسمشرۍ په داګه کړې، چې دواړو لوریو تېره ورځ د وډیو کنفرانس له لارې د افغانستان د سولې پر بهیر خبرې اترې تر سره کړې دي.

په دې وډيو کنفرانس کې د ولسمشر دواړو مرستیالانو؛ امرالله صالح او سروردانش، د ملي پخلاینې شورا مشر عبدالله عبدالله، د افغانستان د سولې لپاره د امریکا ځانګړي استازي زلمي خلیلزاد، د پرېکنده ملاتړ ماموریت ځواکونو عمومي قومندان سکاټ میلر، د امریکا سفارت شاژدافیر راس ویلسن هم برخوال ول.

په دې کنفرانس کې د امریکا بهرنیو چارو وزیر ویلي؛ د امریکا موخه د دواړو هېوادونو ترمنځ د اوږد مهاله او ستراتیژیکو اړیکو په چوکاټ کې د متحد، خپلواک، ډیموکراټ او باثباته افغانستان رامنځته کول دي، چې له حکومت سره ورته په ګډه کار کوو.

د ارګ د څرګندونو له مخې؛ دا ویډیو کنفرانس د سولې پر بهیر، د سولې پر راتلونکيو ګامونو، د بندیانو پر خوشې کولو، د خبرو اترو پر موقعیت او د سولې اړوند پر نورو هڅو راڅرخیدلی دی.

همدارنګه دواړو لوریو د خبرو اترو پر پیل او په اړه یې د همکاریو پر اړتیا ټینګار څرګند کړی دی.

دغه راز څرګنده شوې، چې په راتلونکیو څو ورځو کې به د سولې بهیر پر جزئیاتو کار وشي او په ځانګړي ډول د افغان حکومت لخوا د نااعلان شوي اوربند پر میکانیزم ټینګار وشو، چې د سولې بهیر پوره روښانه کړي.

دا په داسې حال کې ده، چې د طالب بندیانو د خوشې کولو تخنیکي پلاوی اوس هم په کابل کې دی او د بندیانو پر تبادلې او خوشې کولو خبرې روانې دي او تر دې دمه نږدې ۳۰۰۰ طالب بندیان او لږ تر لږه ۴۰۰ حکومتي بندیان د دواړو لوریو خوشې شوي دي.

Continue Reading

Trending