Connect with us

تازه خبرونه

کرونا وېروس افغانستان کې هم دوراني شو؛ هغه کسان چې بهر ته ندي تللي هم  اخته شوي

خپور شوی

 په

(Last Updated On: وری ۶, ۱۳۹۹)

د عامې روغتیا وزارت وایي، کرونا وېروس اوس افغانستان کې دوراني شوی او په دې وېروس هغه کسان هم اخته شوي چې نورو هېوادونو ته ندي تللي.

د عامې روغتیا وزارت ویاند وایي، په دې وېروس د اخته کسانو شمېر ۸۰ تنو ته رسېدلې چې د ناټو د غوڅ ملاتړ څلور سرتیري هم په کې ګډ دي.

نوموړي دا راز ټینګار کړی چې د هرات تر څنګ په زرنج او فراه ښارونو کې هم ورځنی ګرځبندیز ولګول شي.

په هېواد کې په کرونا وېروس د اخته کسانو وروستۍ شمېر، د ولایاتو په توپیر، په لاندې ډول ولولې:

ولایت

کووید-۱۹ څرګندشوې شمیر

هرات ۵۴
کابل ۷
سمنګان ۴
لوګر ۳
کاپیسا ۱
فراه ۲
بلخ ۲
زابل ۲
دایکندي ۱
بادغیس ۱
کندهار ۱
غزني ۱
نیمروز ۱

 

 

 

 

 

 

 

 

 

 

 

 

 

پورته جدول ته په کتو سره، هیواد کې د ټولو مثبتو پېښو شمېر اتیاوو ته ورسېد او د ویلو وړ ده چې تر دې دمه، دوه کسان د یاد ویروس له کبله مړه شوي دي.

که څه هم هېواد د کرونا وېروس د خپرېدو له امله اندېښمن دې، خو ویل کیږي چې خلک د عامې روغتیا وزارت سپارښتنې هیڅ جدي نه نیسي. حکومت باید د ګڼې ګوڼې سیمې بندې کړي.

همداراز د ولسي جرګې ځينې غړي په هېواد کې په کرونا وېروس د اخته کېدو لوړ شمېر د اندېښنې وړ بولي او ټینګار کوي چې حکومت دې د دې وېروس په وړاندې مبارزې ته ګړندي ګامونه پورته کړي.

د عامې روغتیا وزارت د هرات تر څنګ په زرنج او فراه ښارونو کې هم د ورځې لخوا په ګرځېدو بندیز لګولې او خبرداری ورکوي چې که د دغه وزارت پیغامونه او سپارښتنې د کرونا وېروس وقایې لپاره په پام کې و نه نیول شي، په دې وېروس به د اخته کسانو شمېر لا زیات شي.

تازه خبرونه

افغان پلاوي له قطري استازیو سره پر ګډو همکاریو خبرې وکړې

خپور شوی

په

توسط

(Last Updated On: ليندۍ ۶, ۱۴۰۰)

د افغانستان اسلامي امارت د بهرنيو چارو وزارت چارسمبالي مولوي امير خان متقي په مشرۍ یو لوړ پوړي پلاوي تېره شپه د قطر په بهرنیو چارو وزارت کې د بېلا بېلو وزارتونو او ادارو له استازیو او مشرانو سره ګډه ناسته ترسره کړې ده.

له مولوي متقي سره په دې پلاوي کې د پوهنې، روغتیا، مالیې، امنیت او د افغانستان بانک استازي مل دي.

د بهرنيو چارو وزارت وياند عبدالقادر بلخي څرګنده کړې؛ په دې ناسته کې پر سیاسي، بشري، اقتصادي او ښوونیزو او روزنیزو موضوعاتو پراخې ‏خبرې شوي دي.

په دې غونډه کې د قطر هېواد استازیو ويلي، چې د افغانستان د خلکو تر څنګ ولاړ دي او مرستې به ورسره وکړي.

افغان پلاوي د قطر هېواد له مرستو او په تېرو مذاکراتو کې د دوی له مثبت رول څخه مننه کړې.

دا په داسې حال کې ده، چې نن به د قطر پر کوربتوب د افغان او امریکایانو تر منځ پر سیاسي او ټولنیزو مسایلو پرخې خبرې تر سره شي.

Continue Reading

تازه خبرونه

له افغانستان څخه اخیستل شوی درس مو د راروانې ناستې موضوع ده – ناټو

خپور شوی

په

توسط

(Last Updated On: ليندۍ ۶, ۱۴۰۰)

د ناټو سرمنشي ینس سټولټنبرګ پرون (جمعه د لیندۍ ۵ ) څرګنده کړې، چې د دې ټولنې د بهرنیو چارو وزیران به راتلونکې اوونۍ په افغانستان کې د دې سازمان پر فعالیتونو او اخیستل شویو درسونو خبرې وکړي.

د ناټو عمومي منشي ینس سټولټنبرګ ویلي، چې د افغانستان د تېر حکومت او پوځي ځواکونو له چټک سقوط وروسته ما د خپل تعامل هر اړخیزه ارزونه پیل کړې ده.

سټولټنبرګ زیاته کړې، چې ناټو د ترهګریزو بریدونو د مخنیوي لپاره افغانستان ته تللې وه.

نوموړی وایي؛ د سپټمبر له یوولسمې وروسته زمونږ پر وړاندې له افغانستان څخه ترهګریز برید نه دی شوی؛ خو مونږ باید پوه شو، چې په وروستیو کلونو کې نړیوالې ټولنې له ترهګرۍ سره د مبارزې له بنسټیزې موخې څخه لوړې غوښتنې په نظر کې نیولې وې، چې مونږ له تلفاتو او پانګونې سره سره و نشو کولی هغهه ترلاسه کړو.

د ناټو عمومي منشي په افغانستان کې د بشري وضعیت په اړه هم اندېښنه څرګنده کړې ده.

هغه وایي: په افغانستان کې بشري وضعيت ډېر خراب، کړکېچن او ډېر ستونزمن دی او له شک پرته دا د ټولو لپاره د ډېرې اندېښنې وړ او ژمی هم په رارسېدو دی. مونږ پوهېږو، چې ډېر خلک په ژمي کې له کړاوونو سره مخ دي.

سټولټنبرګ له افغانستان سره د ناټو د غړیو هېوادونو له روانو بشري مرستو هرکلی کړی او دا یې د افغانستان له خلکو سره د ناټو د غړیو هېوادونو ژمنتیا نومولې ده.

د ناټو عمومي منشي زیاته کړه، چې د افغانستان پر راتلونکي به له پاکستان سره خبرې وکړي.

هغه وایي: ناټو له کلونو راپدیخوا له پاکستان سره منظمې اړیکې لري؛ نه یوازې د افغانستان د وضعیت په اړه، بلکې ورسره سیاسي اړیکې او منظمې پوځي اړیکې او خبرې اترې هم لرو، چې باید روانې وساتل شي؛ ځکه، چې په سیمه کې، په ځانګړې توګه د افغانستان د راتلونکي په اړه ډېرې ننګونې اوس هم شته.

سټولټنبرګ وايي، د ناټو د بهرنیو چارو وزیران به د اوکراین په پولو کې د روسي ځواکونو د زیاتوالي په اړه هم خبرې وکړي.

هغه ویلي: په دې اړه هڅې کړکیچ زیاتوي او د غلطې محاسبې خطر لري. روسیه باید شفافه وي، تاوتریخوالی کم کړي. د روسیې پر وړاندې د ناټو چلند بدل شوی ندی. مونږ خپله دفاع پیاوړی کوو او په دې اړه له روسیې سره خبرو ته چمتو یو.

هغه وایي، چې د ناټو د بهرنیو چارو وزیران به په بېلاروس کې له کډوالو سره د ناوړه چلند په اړه هم خبرې وکړي.

سټولټنبرګ زیاته کړه، چې په دې غونډه کې به د روسیې د تېري، د چین د اقداماتو او د اقلیم د بدلون په ګډون پر نورو مسایلو هم خبرې وشي.

ټاکل شوې، چې دغه غونډه راتلونکې سې شنبه د لاتویا په پلازمېنه ریګا کې ترسره شي.

Continue Reading

تازه خبرونه

اروپايي ټولنې له افغانانو څخه پر ملاتړ ټینګار څرګند کړ

خپور شوی

په

توسط

(Last Updated On: ليندۍ ۶, ۱۴۰۰)

د اروپايي ټولنې مشرې ارزولا فون در لاین پرون (جمعه د لیندۍ ۵) ویلي، چې دا ټولنه باید په افغانستان کې د اقتصادي او ټولنیز سقوط د مخنیوي لپاره له افغانانو ملاتړ وکړي.

نوموړې د آسیا – اروپا د دیارلسمې سرمشریزه پرمهال په آنلاین وینا کې ویلي؛ اروپايي ټولنه د افغانستان اسلامي امارت پر رسمیت نه پېژني، خو د افغانستان د اقتصادي او ټولنیز سقوط د مخنیوي لپاره کار کوي.

تېره میاشت اروپايي ټولنې د افغانستان له خلکو او ګاونډ هېوادونو سره د یو میلیارد یورو بشري مرستې اعلان کړی و.

د یادونې ده، چې د آسيا او آروپا په سرمشريزه غونډه کې د کمبوديا صدراعظم ويلي، چې د آسيايي او آروپايي هېوادونو ترمنځ همکاري بايد پياوړې شي.

Continue Reading

Trending

آریانا نیوز: ټول حقونه خوندي دي