Connect with us

کوید۱۹

کابل ښاروالي د کرونا ویروس د مخنیوي لپاره ښاري بسونه دروي

خپور شوی

 په

(Last Updated On: غبرګولى ۲۷, ۱۴۰۰)

کابل ښاروالۍ ویلي، چې د دې بنسټ ښاري بسونه به د غبرګولي میاشتې پر ۲۹ د کرونا ویروس د مخنیوي له کبله خپل تګ راتګ د لنډ وخت لپاره ودروي.

ښاروالۍ پدې اړه ویلي؛ هغه ښاري بسونه، چې د نوې کارتې او احمد شاه بابا مېنې د اړوند پروژې پر لارو تګ راتګ کوي؛ د کرونا ویروس د خپرېدو د مخنیوي لپاره له راروانې شنبې، چې د غبرګولي له ۲۹ سره برابره ده ښاري تګ راتګ د لنډ وخت لپاره دروي.

ښاروالۍ زیاته کړې، چې د ښاروالۍ د دغو بسونو ښاري تګ راتګ به د کرونا ویروس د له منځه وړلو ورسته پوره پراخه شي.

دې بنسټ له کوچنیو موټرچلوونکیو هم غوښتي، چې د مسافرینو د لېږد شمېر دې کم کړي.

دغه راز ښاروالۍ له خلکو هم وغوښتل، چې ټولنیز واټن ته درناوی وکړي او روغتیایي سپارښتنې په پام کې ونیسي.

“کابل ښاروالۍ زیاته کړې؛ د ټولو هېوادوالو روغتیا ساتنه او ترې څارنه زمونږ دنده ده. ټولنیزو واټنونو او روغتیایي سپارښتنو ته پاملرنه، نه یوازې ځان ژغورنه ده، بلکې د شاوخوا نورو خلکو خونديتوب هم دی.

دا په داسې حال کې ده، چې کرونا ویروس په ټول هېواد کې خپور شوی او پرون په ټول هېواد کې د دغه ویروس له کبله ۹۴ کسان مړه شوي دي.

کوید۱۹

په آسټرالیا کې له کروناویرسه د مړینې ډېرې پېښې ثبت شوې

خپور شوی

په

توسط

(Last Updated On: مرغومی ۲۸, ۱۴۰۰)

رویټرز راپور ورکړی، چې آسټرالیا د کرونا ویرس له خپریدو راپدیخوا د مړینې ډېر شمېر ثبت کړی، چې ورسره په هېواد کې بېړنی حالت اعلان شو.

د راپور له مخې، د هېواد په روغتونونو کې هم پر کرونا ویروس ډېر اخته کسان بستر شوې دي.

د آسترالیا د رسمي څرګندونو له مخې؛ نن په دغه هېواد کې پر کرونا ویروس ۷۷ کسان مړه شوي او په ټول هېواد کې د ویروس ۷۳ زره مثبتې پېښې ثبت شوې دي.

د نیو ساوت ویلز لومړي وزیر ډومینیک پروټ یوې خبري غونډې ته ویلي: نن زمونږ د ایالت لپاره خورا سخته ورځ ده.

د کرونا ویروس د خپریدو له پیل راپدیخوا په آسټرالیا کې یو اعشاریه شپږ میلیون مثبتې پېښې ثبت شوي، چې یوازې یو اعشاریه درې میلیو یې په تېرو دوه اوونیو کې ثبت شوي دي.

د راپورونو له مخې، په دې موده کې ۲۷۷۶ کسان د کرونا ویروس له کبله مړه شوي دي.

Continue Reading

روغتيا

روغتیایي سکټور د اومیکرون پېژندنې تجهیزات نلري

خپور شوی

په

توسط

(Last Updated On: مرغومی ۲۷, ۱۴۰۰)

د عامې روغتیا وزارت مسوولینو ويلي؛ د کرونا ویروس د پرمختللې بڼې یا اومیکرون د تشخیص لپاره اړین تجهیزات نلرو او معلومه نده، چې په نویو مثبتو ۴۰ پېښو کې به څو کسان پر اومیکرون اخته وي.

که څه هم د ګاونډ هېوادونو په پرتله په افغانستان کې پر کرونا ویروس د اخته کسانو شمېر ټيټ ښودل شوی، خو د عامې روغتیا وزارت ویاند جاوید هژیر وايي؛ د دوی وروستۍ ارزونې ښيي، چې په تازه پېښو کې څلوېښت کسان پر کرونا ویروس اخته شوي او د تجهیزاتو د نشتوالي له کبله نه پوهیږي، چې څو به یې د کرونا پر پرمختللې بڼه یا اومیکرون اخته شوي وي.

هېوادوال د عامې روغتیا له وزارته غواړي، چې د کرونا د څلورمې څپې او د دې ویروس د نوې بڼې پر وړاندې دې اړین ګامونه پورته کړي.

افغان- جاپان روغتون پر کرونا د اخته کسانو د درملنې لپاره لومړنی بنسټ دی، چې خلک ورځي.

د افغانا جاپان روغتون مسوولینو ويلي، چې له پېنځلس څخه تر شل ناروغان د ورځې رالېږدول کیږي؛ خو دوی د اومیکرون بڼې د تشخیص اړین تجهیزات نلري.

د افغان- جاپان روغتون د بشري سرچینو مدیر محمد انیل عظیمي وایي: تر د دمه د کرونا نوې بڼه تشخیص شوې نده؛ ځکه، چې د تجهیزات یې تر دې دمه مونږ ته رارسېدلي ندي. له عامې روغتیا وزارته مو غوښتنه داده، چې له اړوند تجهیزاتو مو برخمن کړي.  

هېوادوال د عامې روغتیا له وزارته غواړي، د ژمې په سړه هوا کې، چې موسمي ناروغۍ مخ پر ډېرېدو دي، باید د کرونا له اومیکرون بڼې سره د مبارزې لپاره جدي ګامونه پورته کړي.

ناروغ لرونکی محمد جمعه وایي: ۱۵ ورځې کیږي، چې مور مې په افغان – جاپان روغتون کې بستر ده. مونږ له روغتیایي خدمتونو راضي یوو. خلک دې له ګڼه ګوڼې ډډه وکړي او ماسک دې نه هیروي.

د کابل ښار اوسیدونکی محمد عارف ویلي؛ خلک باید ماسک وکاروي او د لمونځ په ګډون د اسلام سپارښتنې پلې کړي، چې ناروغي رامنځته نشي.

د عامې روغتیا د روغتیایي خدمتونو د وړاندې کولو مرستیال ویلي، چې له نړیوالو بنسټونو او مرستندویه هېوادونو یې د اومیکرون د تشخیص لپاره د اړینو توکو او تجهیزاتو غوښتنه کړې؛ خو داسې ښکاري، چې تر دې دمه له دې مرستې د افغانستان د روغتیا سکټور برخمن شوی ندی.

Continue Reading

کوید۱۹

چینایان بیجینګ ته له ننوتلو مخکې باید د کرونا کتنه تر سره کړي

خپور شوی

په

توسط

(Last Updated On: مرغومی ۲۶, ۱۴۰۰)

د چینایي رسنیو د راپورونو له مخې، هغه چینایي وګړي، چې غواړي بېجینګ ته وردننه شي؛ باید ۷۲ ګړۍ مخکې د کرونا کتنه تر سره کړي.

چین په څو ایالتونو کې د اومیکرون په نوم د کرونا ویروس نوې بڼه هعم ثبت کړې ده.

دغه راز د بېجينګ اولمپيک لوبې به هم په فبرورۍ کې پيل شي.

د امريکا په ګډون يو شمېر هېوادونو ويلي، چې د چين په اولمپيک لوبو کې به ګډون ونکړي.

Continue Reading

Trending

Copyright © 2022 Ariana News. All rights reserved!