Connect with us

تازه خبرونه

کابل هوایي ډګر کورنیو او بهرنیو الوتنو ته بیا پرانستل شو

خپور شوی

 په

(Last Updated On: وږی ۱۴, ۱۴۰۰)

د رویټرز د راپور له مخې؛ د قطر هېواد د تخنیکي ډلې پر همکارۍ کابل هوایي ډګر کورنیو او بهرنیو الوتنو ته پرانستل شو او د شنبې پر ورځ ترې آریانا افغان هوای شرکت درې لویو ولایتونو ته بیا الوتنې پیل کړې.

د افغانستان هوایي شرکت ادارې په ډاګه کړې، چې له کابل څخه هرات، مزار شریف او کندهار ولایتونو ته الوتنې پیل شوې دې.

د سرچینې په خبرپاڼه کې راغلي: د آریانا افغان هوای شرکت ویاړي، چې خپلې کورنۍ او بهرنۍ الوتنې بیا پیل کړې.

له دې مخکې په افغانستان کې د قطر سفیر ویلي وه؛ یوه تخنیکي ډله یې توانیدلې، چې د مرستې د ترلاسه کولو لپاره د کابل هوای ډګر بېرته پرانیستل شي.

د الجزیرې د څرګندونو له مخې، په افغانستان کې د کابل هوایي ډګر ځغاستلیکه د چارواکو په همکارۍ رغول شوې او د تېرو درې اوونیو له رامنځته شوي ناورین وروسته اوس وضعیت نسبي عادي حالت ته د راستنیدو پر لوري روان شوی دی.

په راپور کې څرګنده شوي، چې د هوایي ډګر بیا پرانستل، د بهرنۍ نړۍ او د افغانستان په غرنۍ سیمه کې د طالبانو لپاره یو لومړیتوب دی؛ ځکه، چې دوی د زمري پر ۴۲ د اګست پر ۱۵ د کابل له نیولو وروسته د نظم بېرته راګرځولو په لټه کې دي.

د کابل هوایی ډګر د امریکایي ځواکونو ، بهرنیو وګړیو او افغان همکارانو له وتلو وروسته د ویجاړیو له کبله د الوتنو لپاره تړل شوی و، چې ورسره د امریکا او څه نا څه ۴۲ متحدو هېوادونو ۲۰ کلن پوځي او ډیپلوماټیک حضور پای ته ورسېده.

رویټرز راپور ورکړی: هغه زرګونه خلکو، چې غوښتل یې له افغانستان څخه ووځي، د ټاکلې نېټې مخکې د وتلو عملیاتو له پای ته رسېدو وروسته؛ پاتې شول.

طالبانو د هغو کسانو لپاره، چې د وتلو غوښتونکي دي او اسناد لري؛ د خوندي تګ ژمنه کړې ده.

تازه خبرونه

بیات بنیاد په غزني کې سلګونه اړمنو کورنیو ته خوراکي توکي ووېشل

خپور شوی

په

توسط

(Last Updated On: ليندۍ ۱۱, ۱۴۰۰)

 د بیات بنیاد مسوولینو ویلي، چې د دغه بنسټ د ژمنیو مرستو لړۍ غزني ولایت ته رسېدلې او پر سلګونه اړمنو کورنیو د مرستو ټولګې ووېشل شوې.

د غزني ښار خلک له جګړو تازه خلاص شوی او له اقتصادي پلوه سختې ورځې تېروي؛ له همدې کبله بیات بنیاد د ژمنیو مرستو د وېش په لړ کې دا ځل د غزني اړمنو کورنیو ته د اوړو، وریجو او غوړیو یوه ستره ټولګه لېږدولې.

د بیات بنیاد مسوولینو ویلي، چې د غزني تر څنګ تر دا مهاله هرات، بلخ، خوست، کندوز، کندهار او بامیانو بېوزلو کورنیو سره مرستې شوي دي.

چارواکو ویلي؛ د دغو مرستو موخه د اړمنو کسانو لاس نیوی دی او په نورو ولایتونو کې به هم دا مرستې دوام وکړي.

د بیات بنیاد مرستیال حاجي محمد اسماعیل وایي: د بیات بنیاد د مرستو د وېش لړ له هرات، مزار، بامیان، ننګرهار، خوست او پکتیا وروسته دا دی غزني ولایت ته رارسېدلی او ډېر ژر به د هېواد نورو ولایتونو ته هم ورسیږي.           

هغو اړمنو او مستحقو کورنیو، چې دا خوراکي توکي تر لاسه کړي؛ د بیات بنیاد له مرستو خوښ ښکاري. دوی له نورو خیریه بنسټونو هم غواړي، چې په دې سختو حالاتو کې د اړمنو کسانو مرستې ته را ودانګي.

بیات بنیاد هر کال نه یوازې د هېواد په ګوټ ګوټ کې اړمنو او بېوزلو کسانو ته مرستې وېشي، بلکې د ښوونځیو او روغتیایي مرکزونو په جوړولو او د څښاک پاکو اوبو ته یې ولسي آسانتیاوې هم برابرې کړي دي.

Continue Reading

تازه خبرونه

په کابل کې د نښلیدونکي ماین چاودنې څلور کسان ټپیان کړل

خپور شوی

په

توسط

(Last Updated On: ليندۍ ۱۱, ۱۴۰۰)

په کابل کې د ایمرجنسي روغتون چارواکي تائیدوي، چې نن سهار (پنجشنبه د لیندۍ ۱۱) د کابل ښار د څلورمې حوزې اړوند د سلیم کاروان په څلورلارې کې د مقناطیسي ماین په چاودنه کې څلور تنه ټپیان شوي دي.

د ایمرجنسي روغتون په یوه ټویټ کې څرګنده کړې، چې څلور ټپیان نن سهار د رامنځته شوې چاودنې له روغتون ته رالېږدول شوي دي.

د روغتون د څرګندونو له مخې؛ په ټپیانو کې یو ماشوم هم شته دی.

د ایمرجنسي روغتون د څرګندونو له مخې؛ پېښه د نښلېدونکي ماین له چاودنې رامنځته شوې ده.

د کورنيو چارو وزارت وياند سعيد خوستي ويلي؛ پېښه په ګلدان کې د ځای پر ځای شوي ماين له چاودنې رامنځته شوې ده.

هغه زیاته کړې، چې په چاودنه کې چاته مرګ و ژوبله نده اوښتې.

تر دې دمه هیچا د پېښې پړه پر غاړه نده اخيستې.

دوه ورځې مخکې هم په کابل کې د یوې چاودنې له کبله، چې د دارالامان په سړک کې د اسلامي امارت پر موټر رامنځته او د اسلامي امارت د سرتېرو په ګډون یې ۵ کسان ټپيان کړي وه.

Continue Reading

تازه خبرونه

ملګرو ملتونو ا.ا.ا ته په عمومي اسمبله کې د څوکۍ ورکولو پرېکړه وځنډوله

خپور شوی

په

توسط

(Last Updated On: ليندۍ ۱۱, ۱۴۰۰)

د ملګرو ملتونو یوې ځانګړې کمېټې پرېکړه کړې، چې د ملګرو ملتونو په عمومي غونډه کې د افغانستان څوکۍ دې د اوس لپاره د افغانستان اسلامي امارت نوي حکومت ته نه ورکول کېږي.

د اسلامي امارت لخوا ملګرو ملتونو ته ورپېژندل شوي سهیل شاهین څرګنده کړې؛ د ملګرو ملتونو یوې ځانګړې کمېټې تېره ورځ پرېکړه کړې، چې د ملګرو ملتونو عمومي اسمبلۍ کې دې د افغانستان څوکۍ د اوس لپاره د افغانستان نوي حکومت ته نه ورکول کېږي.

سهیل شاهین زیاته کړې: د م.م دا پرېکړه  پر اصولو او انصاف بنا نده؛ ځکه، چې له افغان ولس څخه یې مشروع حق اخیستی. مونږ هیله من یوو، چي دا حق د افغانستان د حکومت استازي ته وسپارل شي.

هغه زیاته کړې؛ له دې سره به د افغانستان د ولس ستونزې حل او نړیوال مثبت تعامل رامنځته شي.

د چارشنبې پر ورځ د ملګرو ملتونو یوې کمېټې په ملګرو ملتونو کې د افغانستان او میانمار استازیتوب وځنډاوه.

د افغانستان اسلامي امارت او د میانمار جنټا حکومت په روان کال کې له حکومتونو له سقوط وروسته خپل نوي استازي ملګرو ملتونو ته وروپېژندل؛ خو غړیتوب یې دا دی وځنډول شو.

په ملګرو ملتونو کې د اسلامي امارت او د میانمار جنټا منل به د نړیوالې پیژندنې پر لوري یو ګام وي، چې دواړه حکومتونه یې غوښتنه لري.

د ملګرو ملتونو د باورلیک ۹ کسیزې کمېټې، چې روسیه، چین او امریکا یې بنسټیز غړي دي؛ د ملګرو ملتونو په مرکزي دفتر کې غونډه وکړه، چې د ملګرو ملتونو د عمومي اسامبلې د نننۍ غونډې لپاره د ټولو ۱۹۳ غړیو باورلیکونه وڅېړي.

يو شمېر ډيپلوماتانو رويټرز ته ويلي، چې ښايي کمېټه د افغانستان او ميانمار د استازولۍ په اړه خپلې پرېکړې د دې تفاهم له مخې وځنډوي؛ ځکه، چې د دواړو هېوادونو اوسني سفيران پر دغو څوکيو پاتې کېږي.

په داسې حال کې، چې په ملګرو ملتونو کې د دې کمېټې مشرې د سویډن سفیرې انا کارین اینسټروم خبریالانو ته ویلي، چې پرېکړې ځنډول شوې؛ خو هغې پدې اړه، چې آیا د افغانستان لپاره د پخواني ولسمشر اشرف غني لخوا ټاکل شوی سفیر به د استازي په توګه پاتې وي؛ له څه ویلو ډډه وکړه.

Continue Reading

Trending

آریانا نیوز: ټول حقونه خوندي دي