Connect with us

تازه خبرونه

کابل ته د شمالي ولایتونو له روانو جګړو، سلګونه کورنۍ راتښتېدلي

خپور شوی

 په

(Last Updated On: زمری ۱۸, ۱۴۰۰)

په شمالي ولایتونو کې د امنیتي ځواکونو او طالبانو ترمنځ د وروستیو نښتو له کبله سلګونه کورنۍ کابل ته تېتېدلي او تر شنه آسمان لاندې بې کوره او بې اوره د ژوندانه ترخې شپې او ورځې تېروي.

دا کورنۍ د کابل ښار د شمالي لوري د سرای شمالي او خیرخانې اړوند سیمو ته بې ځایه شوي او له حکومتي چارواکو څخه د مرستو غوښتنه کوي.

د آریانا نیوز خبریال، چې دغو سیمو ته تللی وايي؛ ډېري خلک له کندوز، تخار او بغلان ولایتونو څخه کابل ته راتښتیدلي دي.

​​دا کورنۍ وايي، چې د وروستیو روانو جګړو له کبله د خپلو کورونو پریښودو ته اړ شوي؛ کورونو یې اور اخیستی، هر څه ترې پاتې او سرلوڅي او پښې لوڅي ترې راوتلي دي.

دا کورنۍ د سرپناه لپاره یوازې خېمې او کږدۍ لري.

دوی وايي، چې حکومت تر اوسه ورسره مرسته نده کړې او دوی له حکومته غوښتي، چې د دوی روانو ستونزو ته پام راواړوي.

د آریانا نیوز خبریال په ډاګه کړې؛ د بې خایه شویو خلکو لسګونه ماشومان، ښځې او سپینږیري لیدل کیږي، چې نه خواړه لري، نه د اړتیا وړ څښاک پاکې اوبه او درمل.   

رحمت الدین نومی، چې له کندوز ولایت څخه راتښتیدلي؛ آریانا نیوز ته څرګندوي، چې طالبانو په کندوز ولایت کې له ملکي کورونو څخه د ډال په توګه کار اخیستی او د جګړې ډګر ترې جوړ شوی دی.

نوموړي زیاته کړې: په کندوز ښار کې وېره خپره شوې وه او مړي پر سړکونو هرې خواته پراته ول.

هغه وايي، چې دمګړۍ دوی له ګڼو ستونزو سره مخ دي او په دې موده کې یوازې د خیرخانې او سرې شمالي اوسیدونکیو دوی ته اوبه او ډوډۍ راوړي؛ خو حکومت تر اوسه له بې ځایه شویو سره مرسته نده کړې.

ملګرو ملتونو تېره میاشت په یوه راپور کې ویلي وه، چې په ټول افغانستان کې له تېرو اووه میاشتو راپدیخوا لږ تر لږه ۳۳۰ زره کسان د جګړو د زیاتېدو له کبله بې ځایه شوي دي.

لکه څنګه، چې د افغانستان په شمال او نورو ولایتونو کې جګړه مخ پر ډېریدو ده او همدارنګه د ملګرو ملتونو د کډوالو عالي کمیشنرۍ هم د راتلونکي بشري بحران په اړه خبرداری ورکړی او څرګندوي، چې د سولې یوې هوکړې ته نه رسیدل به ډېر نور خلک هم بې ځایه کیدو ته اړ کړي.

تازه خبرونه

د ناټو سرمشریزې په څنډه کې د ترکیې او امریکا بهرنیو چارو وزیرانو ولیدل

خپور شوی

په

توسط

(Last Updated On: ليندۍ ۱۰, ۱۴۰۰)

د ترکیې او امریکا د بهرنیو چارو وزیرانو مولود چاووش اوغلو او انټوني بلینکن په لاتویا کې د ناټو د بهرنیو چارو وزیرانو له غونډې مخکې سره وکتل.

له غونډې مخکې کاووش اوغلو ویلي؛ له اوکراین او روسیې سره په اړیکه کې دی، چې د امریکا او روسیې ترمنځ د کړکېچ د کمولو زمینه برابره کړي.

د ترکیې د بهرنیو چارو وزیر زیاته کړې، چې پر مسکو بندیزونه به اوسنی بحران حل نکړي.

اوکرایني او لویدیځو چارواکو ویلي، چې مسکو له اوکراین سره پر پوله پوځيان ځای پر ځای کړي دي. اوکراین نن له ناټو وغوښتل، چې پر روسیې بندیزونه ولګوي.

ویل کېږي، چې د امریکا او ترکیې د بهرنیو چارو وزیرانو د اوکراین، لیبیا او افغانستان په ګډون د سیمې پر وروستیو پرمختګونو خبرې کړې دي.

Continue Reading

تازه خبرونه

د روسیې د بشري مرستو درې الوتکې کابل ته راورسیدې

خپور شوی

په

توسط

(Last Updated On: ليندۍ ۱۰, ۱۴۰۰)

د روسیې ټاس خبري آژانس څرګنده کړې، چې د چارشنبې پر ورځ پر۳۶ ټنو بشري مرستو بار درې روسي الوتکې په کابل هوایي ډګر کې کښته شوې دي.

د روسیې دفاع وزارت څرګنده کړې؛ ټولې درې روسي ایلیوشین ال ـ ۷۶ الوتکې، چې افغانستان ته یې بشري مرستې رسولي؛ د روسي او د ډله ییز امنیت د تړون د هېوادونو وګړي به هم را وباسي.

د دغې سرچینې د څرګندونو له مخې؛ په ټوله کې به له ۳۸۰ ډېر روسان، د ډله ییز امنیت د تړون د غړیو هېوادونو وګړي (په ځانګړې توګه د قرغزستان) او د روسیې د پوهنتونونو افغان محصلین به په دغو الوتکو کې راووځي.

له طبیعي پېښو سره د مبارزې وزارت رسنیو ته ويلي؛ د روسیې د بشري مرستو دوه یمه جوپه، چې ۳۶ مټریک ټنه خوراکي او اکمالاتي مواد په کې دي؛ نن کابل ته راورسېدل.

له دې مخکې روسیې له افغانستان سره په درې پړاوونو کې د ۱۰۸ ټنو بشري مرستو ژمنه کړې وه.

Continue Reading

تازه خبرونه

صعودي عربستان په کابل کې قونسلي چارې پیل کړې

خپور شوی

په

توسط

(Last Updated On: ليندۍ ۱۰, ۱۴۰۰)

سعودي عربستان څرګنده کړې، چې د سې شنبې پر ورځ یې په کابل کې د خپل سفارت د قونسلګرۍ څانګه د افغانانو لپاره د قونسلي خدمتونو د وړاندې کولو لپاره پرانیستله.

د افغانستان اسلامي امارت له دغه وروستۍ هڅې هرکلی کړی دی.

د افغانستان اسلامي امارت مرستیال ویاند حمد الله وثیق ټویټ کړی، چې په افغانستان کي د سعودي عربستان سفارت ١٤ كسيز ډيپلوماتيک پلاوی د سې شنبې پر ورځ د لیندۍ ۹ / د نومبر ۳۰  کابل ته راستون او په خپل سفارت کي یې افغان ولس ته قونسلي خدمات پيل کړل.

د بهرنیو چارو وزارت ویاند عبدالقهار بلخي هم د سعودي حکومت دغه نيک ګام ستايلی او د ښو اړيکو زیری يې بولي.

له دې مخکې عربي متحده اماراتو په کابل کې خپل سفارت بېرته پرانیستی دی.

ذبیح الله مجاهد، د افغانستان اسلامي امارت مرستیال او ویاند تېره اوونۍ ویلي وه، چې د عربي متحده اماراتو د سفارت بیا پرانستل یو “ښه ګام” دی.

عربي متحده امارات یو له څو هېوادونو څخه و، چې د پاکستان او سعودي عربستان پهګډون یې  په ۱۹۹۰ لسیزه کې د اسلامي امارت حکومت پر رسمیت پېژندلی و.

د افغانستان اسلامي امارت له ټولو سیمه‌ییزو او نورو هېوادونو غوښتي،  چې بېرته په افغانستان کې خپل سفارتونه پرانیزي او دوی یې د امنیت خوندیتوب ته ژمن دي.

د اسلامي امارت ویاند مرستیال بلال کریمي هم څه وخت مخکې رسنیو ته ویلي وه؛ یو شمېر نور هېوادونه هم چمتو دي، چې په کابل کې خپل سفارتونه پرانیزي.

نوموړيٍ که څه هم د کوم هېواد نوم ندی اخیستی؛ خو په خبره یې اوسمهال شاوخوا ۱۰ هېوادونه په کابل کې خپل سفارتونه او استازولۍ لري.

تېره اوونۍ په افغانستان کې د جاپان سفیر تاکاشي اوکاډا ویلي وه؛ هېواد یې هم پرېکړه کړې، چې په کابل کې د نوي حکومت لخوا امنیتي ډاد وروسته خپل سفارت بېرته پرانیزي.

د افغانستان د اسلامي امارت د ویاند مرستیال انعام الله سمنګاني ویلي، چې تکاشي اوکاډا دغه موضوع په کابل کې د لومړي وزیر له سیاسي مرستیال عبدالکبیر سره د لیدنې پر مهال مطرح کړې ده.

د نوموړي د څرګندونو له مخې؛ په افغانستان کې د جاپان سفير ډاډ څرګند کړی، چې هېواد يې له افغانانو سره د مرستو لپاره چمتو دى او په دې اړه له اسلامي امارت سره یې کار روان ساتلی دی.

د یادونې وړ ده، چې په تېر اګسټ میاشت کې پر کابل د اسلامي امارت له واکمنۍ او د بهرنیو ځواکونو له وتلو وروسته یو شمېر هېوادونو د کابل سفارتونه وتړل؛ خو اوس یو ځل بیا هڅې پیل شوي، چې تړل شوي سفارتونه بیا پرانیستل شي.

Continue Reading

Trending

آریانا نیوز: ټول حقونه خوندي دي