Connect with us

تازه خبرونه

ښکېل افغان لوري دې خپل هېواد ته لومړیتوب ورکړي – زلمی خلیلزاد

خپور شوی

 په

(Last Updated On: زمری ۲۹, ۱۳۹۹)

د افغانستان د سولې لپاره د امریکا ځانګړي استازي زلمي خلیلزاد د چارشنبې پر سهار په ډاګه کړې، چې ټول ښکېل افغان مشران باید خپل هیواد ته لومړیتوب ورکړي او د تېرو تېروتنو د تکرار پر ځای یوې سیاسي هوکړې ته ورسیږي؛ پرته له دې د جګړې پای ته رسیدل بله لار نلري.

نوموړي د خپلواکۍ د ۱۰۱ کلیزې په مناسبت په خپل پیغام کې څرګنده کړې، چې ټول افغانان د سولې تږي او ارماني دي او ډېر ژر باید د افغانانو خپلمنځي خبرې د افغانانو پر مشرتابه پیل شي، چې دا یو تاریخي او ژوند بښونکی ګام دی.

هغه دغه راز د خپلواکۍ د ورځې په ویاړ ویلي: مونږ د افغانستان خپلواکي او سوله غواړو.

د افغان حکومت او طالبانو د خپلمنځي خبرو د پیلولو لپاره زلمي خلیلزاد ډېر کار کړی او د دې بهیر رامنځته کوونکی ماشین یادیږي.

د افغانستان د خلکو خپلمنځي خبرې اترې یوځل بیا له هغې وروسته وځنډیدلې، چې حکومت تېره اوونۍ ۸۰ بندیان خوشې کړل؛ خو ورسره د خبرو د ناکامۍ وېره او اندېښنه هم رامنځته شوه.

ولسمشر اشرف غني، چې تېره دوشنبه یې د ۴۰۰ طالب بندیانو د خوشې کولو امر کړی و؛  تر دې دمه ترې یوازې ۸۰ کسان خوشې شوي او پاتې۳۲۰ زندانیانو ته د “سخت دریځو” په توګه کتل کیږي، چې د دوحې د هوکړې د پلي کولو یو لوی خنډ ګرځیدلی دی.

ستونزه یوازې پر هغو شپږ بندیان راڅرخي، چې د امریکا، آسترالیا او فرانسې اتباع یې وژلي او دوی  غوښتنه کړې، چې حکومت باید دا بندیان خوشې نکړي.

اسوشیتید پریس څرګنده کړې، چې حکومتي سرچینو ویلي؛ طالبانو اوس هم شاوخوا ۲۰ افغان کماندو بندیان ساتلي او د دوی دا پاتې بندیان به تر هغې خوشې نشي، ې زمونږ سرتېري خوشې شوي نه وي.

د دوشنبې پر ورځ د ولسمشرۍ ویاند صدیق صدیقي هم وویل، چې د طالب بندیانو خوشې کیدل به تر هغې وځنډول شي، چې طالبان دولتي سرتېري خوشې نکړي.

نوموړي زیاته کړې؛ مونږ دا زړور ګام هم پورته کوو او پاتې بندیان به هم خوشې شي، نو ولې طالبان زمونږ اسیران نه خوشې کوي، چې شمېر یې هم خورا ډېر لږ دی؟

له دې مخکې د ملي امنیت شورا په ډاګه کړې وه، چې طالبان دې هم د حکومت پاتې بندیان را خوشې کړي؛ خو په قطر کې د طالبانو د سیاسي دفتر ویاند سهیل شاهین ویلي، چې د دوحې د هوکړې له مخې د ۱۰۰۰ حکومتي بندیانو د خوشې کولو شمېر پوره شوی او په بند کې د نورو امنیتي سرتېرو په اړه معلومات نلري.

تازه خبرونه

افغانستان د درملو له کمښت سره مخ دی

خپور شوی

په

توسط

(Last Updated On: تله ۱, ۱۴۰۰)

رویټرز راپور ورکوي چې افغانستان او د هیواد د تګ راتګ د ګډوډۍ له امله د درملو له کمښت سره مخ دی.

د روغتیا نړیوال سازان ویلي، چې په افغانستان  کې روغتیایي سیستم دړې وړې کېدونکی دی او انساني ناورین به ښایي ژر را منځته شي.

دا ټولنه وایي، چې که په دې برخه کې پام ونشي؛ افغانستان به له انساني ناورین سره ژر مخ شی.

د روغتیا نړیوال سازمان مشر کابل ته په سفر کې څرګنده کړې، چې د ناپېیلتیا د اصولو او د ملګرو ملتونو خپلواکۍ ته په کتو به د میلیونونو افغانانو د ژغورنې لپاره خپلې هڅې روانې وساتي.

د روغتیا نړیوال سازمان وایي، چې د افغانستان روغتیایي سکتور پر بانکونو د بندیزونو د لګېدو له کبله د دړې وړې کېدو له ګواښ سره مخ دی او د یو انساني ناورین شونتیا یې را منځته کړې ده.

د روغتیا نړیوالې ټولنې مشر ټډروس آډهانوم ویلي: د مالي مرستندویانو د ملاتړ کمی په افغانستان کې د روغتیایي پروژو پر وړاندې لویه ستونزه ده. زرګونه روغتیایي مرکزونه بودجه نلري او دا مهال طبي تجهیزاتو ته اړتیا ده او کارکوونکیو ته یې معاش ندی ورکړ شوی، ځینې مرکزونه بند شوي او دا مهال اوولس سلنه روغتیایي مرکزونه فعاله دي.

د کابل بازارونو کې د درملو عمده پلورونکي وایي، چې د پولو تړل کېدو له کبله څلویښت سلنه درمل کم شوي او ناروغانو ته نه رسیږي.

درمل پلورونکی زاهد الله وایي، چې له یوې میاشتې را پدیخوا یې درمل ندي وارد کړي او لامل یې د پولو تړل کېدا ده.

درمل پلورونکی مسیح وایي: ځمکنۍ او هوایي پولې د درملو د واردولو لپاره تړل شوي دي؛ مونږ د درملو له کمښت سره مخ یوو؛ د زړه، فشار او سرطاني ناروغیو درمل نلرو او اوس نه راځي.

د روغتیایي نظام د پاشل کېدو خبرداری په داسې حال کې ورکول کیږي، چې د روغتیا نړیوال سازمان مشر د یوه پلاوي په مشرۍ کابل ته راغلی و.

Continue Reading

تازه خبرونه

پر افغانستان لګول شوي اقتصادي بندیزونه دې پای ته ورسیږي – چین

خپور شوی

په

توسط

(Last Updated On: تله ۱, ۱۴۰۰)

د چین دولتي سلاکار او د بهرنیو چارو وزیر وانګ یي څرګنده کړې، چې پر افغانستان لګول شوي یو اړخیز بندیزونه یا  بېلابېل محدودیتونه باید ژر تر ژره لرې شي.

د چین د بهرنیو چارو وزارت څرګنده کړې، چې وانګ د چارشنبې پر ورځ د افغانستان په اړه د جي ـ۲۰ هېوادونو د بهرنیو چارو وزیرانو په ویډیوي ناسته کې پر افغانستان د لګول شويو اقتصادي بندیزونو د لرې کولوغوښتنه کړې ده.

نوموړي ویلي: د افغانستان د اسعارو او پیسو زیرمه د دې هېواد ملي شتمنۍ ده، چې د همدغه خلک باید باید ورته لاسرسی ولري او باید پر افغانستان او افغانانو د سیاسي فشار د رامنځته کولو لپاره ونکارول شي.

دا په داسې حال کې ده، چې د افغانستان اسلامي امارت یوه ویاند ویلي؛ د چین، روسیې او پاکستان استازیو کابل ته په یوځایي سفر کې له چارواکو سره لیدلي؛ د حکومت پر رسمیت پېژندل او د افغانستان اقتصادي بحران مخنیوی یې د بحث او خبرو سرټکي وه.

Continue Reading

تازه خبرونه

“اسلامي امارت” دې ترهګرو ته د امن ځالو جوړولو اجازه نه ورکوي – بریټانیا

خپور شوی

په

توسط

(Last Updated On: تله ۱, ۱۴۰۰)

بریټانې د افغانستان له اسلامي امارت غوښتي، چې په افغانستان کې دې ترهګرو ته د امن ځالو جوړولو اجازه نه ورکوي.

د افغانستان پر روانو حالاتو د ملګرو ملتونو د غونډې په درشل کې د بریتانیا لومړي وزیر بوریس جانسن ویلي، چې له افغانستان سره د دې هېواد مرستې له دې سره تړلي، چې دا هېواد له ترهګرۍ سره څه ډول مبارزه کوي. 

نوموړي زیاته کړې: په کابل کې نویو چارواکو ته ووايئ، چې تاسې پيسې غواړئ او مونږ له تاسو سره همکاري کوو؛ خو، چې افغانستان بیا د ترهګرو د روزنې پر مرکز بدل نشي.

دغه راز د پاکستان لومړي وزیر عمران خان هم ویلي، چې د نړۍ له نورو هېوادونو سره یو ځای به د افغانستان د نوي حکومت د رسمیت پېژندلو په اړه پرېکړه وکړي.

نوموړي زیاته کړې: آیا طالبان به ټولګډونه حکومت جوړ کړي، بشري حقونه به رعایت کړي او یا دا، چې دا هېواد بیا د تروریزم پر مرکز بدل نشي. دا هغه څه دي، چې ټول ګاونډيان یې په اړه اندېښنه لري.

د اطلاعاتو او فرهنګ وزارت مرستیال او د اسلامي امارت ویاند ذبیح الله مجاهد په دې اړه ويلي؛ دولت له نړیوالې ټولنې سره د اړیکو پراخولو ته لیواله دی او له نړۍ سره داسې اړیکې غواړي، چې د افغانستان ملي ګټې په خطر کې ونه لویږي.

د اسلامي امارت ویاند ذبیح الله مجاهد وایي: تر هغه ځایه، چې د اسلامي امارت سره تړاو لري؛ مونږ پرمختللې بهرنیو اړیکو ته ژمن یو، مونږ غواړو، چې ښې او مثبتې اړیکې ولرو. مونږ غواړو، چې ښې   ډیپلوماټیکې او بې پرې اقتصادي رامنځته کړو.

د یادونې ده، چې د خلکو او هېواد کمزوری اقتصاد، حکومتداري او له نړیوالو سره د اړیکو جوړول هغه ستونزې دي، چې اوس ور سره اسلامي امارت مخ دی او د حل لپاره یې هڅې کوي.

Continue Reading

Trending

آریانا نیوز: ټول حقونه خوندي دي