Connect with us

تازه خبرونه

ښایي روان تاوتریخوالی په افغانستان کې خپلمنځي خبرې زیانمنې کړي

خپور شوی

 په

(Last Updated On: چنګاښ ۸, ۱۳۹۹)

اروپايي ټولنې او ناټو په دوحه کې د طالبانو او امریکا ترمنځ د سولې له هوکړې وروسته په افغانستان کې د تاوتریخوالي زیاتیدل ناهیلي کوونکي بولي.

په تېرو څلیریشت ګړیو کې د هېواد په ډېرو سیمو کې د جګړو د دوام راپورونه تر لاسه شوي؛ حکومت وسلوالو طالبانو ته د ملامتیا ګوته نیسي، چې بریدونه یې ډېر کړي او طالبان بیا وايي، چې دوی په دفاعي حالت کې دي او خپل بریدونه یې شپېته په سلو کې راکم کړي دي.

اروپايي ټولنې د بهرنیو چارو وزیرانو په یوه ګډه اعلامیه کې څرګنده کړې، چې په دوحه کې د طالبانو او امریکا د سولې له هوکړې وروسته د طالبانو لخوا د تاوتریخوالي زیاتول ناهیلي کوونکي دي.

د دې ټولنې په اعلامیه کې راغلي، چې ښایي روان تاوتریخوالی د افغانانو خپلمنځي خبرې زیانمنې کړي.

په افغانستان کې د ناټو ملکي استازي هم ویلي، چې د طالبانو لخوا د تاوتریخوالي زیاتولو اندېښمن کړی او دا تاوتریخوالی د افغانانو د خپلمنځي خبرو له شرایطو سره په ټکر کې بولي.

د افغانستان لپاره د ناتو ملکي استازی ستیفانو پونتیکورو وایي: زه د تاوتریخوالي پر زیاتوالي ډېر اندېښمن یم. ټول پوهیږو، چې دا تاوتریخوالی د زغم وړ ندی او د افغانانو د خپلمنځي خبرو لپاره د زمینې برابرولو له روحیې سره په ټکر کې دي. طالبان باید له تاوتریخوالي لاس واخلي او خبرو ته کښيني.

د سولې ولسي حرکت مشر اقبال خیبر هم پر روان وضعیت اندېښمن شوی او وایي: دا د امریکا مسوولیت دی، چې حالات مدیریت کړي او ناورین ته د وردننه کیدو مخه ونیسي.

طالبانو ویلي، چې دوی په دفاعي حالت کې دي او په خپلو بریدونو کې یې شپېته په سلو کې کمی راوستی دی.

 پخواني طالب چارواکي سید اکبر آغا ویلي؛ پو ځي عملیات دواړو خواووډېر کړي. باید حالات باوري شي او د بندیانو د خلاصون بهیر چټک شي.

د افغانانو د خپلمنځي خبرو د پیل لپاره د طالب او افغان دولت د زندانیانو په خوشې کیدو ټینګار کیږي. حکومت وايي، چې نږدې څلور زره طالبان یې خوشې کړي او طالبانو هم ویلي ،چې نږدې اووه سوه افغان سرتېري په بېلا بېلو ولایتونو کې خوشې شوي.

تازه خبرونه

اسلامي امارت دې د لرغونو آثارو ساتنه او رغونه وکړي – خلک

خپور شوی

په

توسط

(Last Updated On: ليندۍ ۱۵, ۱۴۰۰)

د بامیان ولایت یو شمېر اوسیدونکیو ويلي؛ اسلامي امارت دې د لرغونو آثارو ساتنې او بيارغونې ته، چې د ویجاړېدو له ګواښ سره مخ دي؛ پام راواړوي، چې کورنیو او بهرنیو سیلانیانو ته د رتګ زمینه برابره او د دولت اقتصادي عوايد ډېر شي.

بامیان د هېواد یو له هغو تاریخي ولایتونو څخه دی، چې د بودا سترې مجسمې په کې دي. که څه هم دغه لرغوني آثار د څو کلونو جګړو پر مهال زيانمن شوي؛ خو بيا هم دغه لرغونې سیمه د سيلانيانو په زړونو کې ځای لري او کورني او بهرني سيلانيان ترې ليدنه کوي.

د هېواد يو شمېر اوسېدونکي د باميانو د بودا رغول او په هېواد کې د تاريخي ابداتو ساتل مهم بولي؛ خو وايي، چې په تېرو شل کلونو کې دې مسئلې ته جدي پاملرنه نده شوې.

سیمه ییز سیلاني امان الله محمودزی وایي: مونږ د باميانو د هغې سيمې ليدو ته راغلي یوو، چې تاريخي آثارو په کې موقعيت لري. د طالبانو له واکمنۍ وروسته په هېواد کې امنيت ډېر ښه شوی؛ خلک د پخوا پر پرتله په آسانۍ له يوه ځايه بل ځاى ته تګ راتګ کولى شي.

سیمه ییز سیاح او سیلاني حسین الله ویلي؛ دا یوه تاریخي سیمه ده، چې د لیدلو وړ او زړه راکښونکې ده. که دا بیا ورغول شي؛ نو ډېر سیلانیان به راشي او د سیمې خلکو ته به ورسره کاري زمینه برابره او د اسلامي امارت اقتصادي عواید هم ډېر شي.

عبدالقادر حکیمي نومي سیلاني ویلي: که مونږ اقتصادي پرمختګ ته پام وکړو؛ باید دا ډول تاریخي ځایونه ورغوو او نه یوازې ساتنه یې وکړو، بلکې سیاحت ته هم وده ورکړو. سیلانیان د هغه سیمې په اقتصاد کې مرسته کوي، چې دوی ورځي. که دا مجسمې بیارغول شي، نو د ټولې نړۍ څخه به یې لیدنې ته سیلانیان راشي.

اسلامي امارت په کابل کې له بیا واکمنېدو سره سم د هېواد د لرغونو سیمو د ساتنې او رغونې ډاډ ورکړی دی.

له دې مخکې د غور ولایت فرهنګیانو د جام منار، چې د یونسکو د نړیوالو میراثونو په نوملړ کې هم شامل دی، د ویجاړېدو له ګواښ څخه خبرداری ورکړی و.

دغه 65 مټره لوړ منار د ۱۱۹۰ زېږدیز مال په شاوخوا کې په بشپړه توګه له پخو خښتو څخه جوړ شوی او پر رڼو خښتو، ګچ و خاورې سینګار او ښکلی شوی دی.

له ۲۰۰۲ زېږدیز کال راپدیخوا دغه منار د نړۍ د میراثونو په نوملړ کې د ویجاړېدو له ګواښ سره مخ دی او له تېرو اووه کلونو راپدیخوا کارپوهانو خبرداری ورکړی، چې د سقوط له خطر سره مخ دی.

په کابل کې د افغانستان اسلامي له بیا واکمنېدو وروسته، د یونیسکو عمومي مشر آډري ازولي یوه بیانیه خپره کړه، چې د افغانستان د فرهنګي میراثونو د تنوع په ساتلو کې، د نړیوالو قوانینو پر بشپړ درناوي او د ټولو اړینو تدابیرو نیولو غوښتنه کوي،چې فرهنګي میراثونه د زیان او لوټ کیدو څخه وژغورل شي.

د افغانستان فرهنګي میراثونه زرګونه کلونه لرغونتوب لري؛ دا ټاټوبی د ډېرو تمدنونو څلورلاری و او د پام وړ میراثونه ترې پاتې دي، چې د تاریخ له بېلابېلو پړاوونو تر مونږ رارسېدلي او څه نا څه خوندي پاتې دي، چې د هغه مهال د هنري واک و ځواک ښکارندویي کوي.

د یادونې ده، چې په دې وروستيو کې اسلامي امارت د دې تاريخي منار د ويجاړولو د مخنيوي، رغونې او امنيت خوندي کولو لپاره ٣٠ کسيزه ډله ګومارلې ده.

Continue Reading

تازه خبرونه

امنیتي ځواکونو په انګور اډه کې لسګونه میله وسله نیولې

خپور شوی

په

توسط

(Last Updated On: ليندۍ ۱۵, ۱۴۰۰)

د افغانستان اسلامي امارت ځواکونو د دوشنبې پر ورځ په پکتیکا ولایت کې لسګونه میله وسلې، چې د افغانستان – پاکستان له پولې سره خیبر پښتونخوا ته قاچاق کېدې نیولې دي.

د پکتیکا ولایتي چارواکو په ډاګه کړې؛ امنیتي ځواکونو د ډیورنډ کرښې د انګور اډې په سیمه کې هغه ۳۸ میله بېلابېلې وسلې نیولي، چې له پیازو بار په یوه ډاټسن موټر کې ځای پر ځای شوې وې او د پښتونخوا وزیرستان ته قاچاق کېدلې.

د سرچینې په خبرپاڼه کې راغلي؛ د يادو وسلو د لېږد په تړاو یو کس نیول شوی او اعتراف یې کړی، چې وسلې یې له غزني ولایت څخه لېږدولې.

ګاونډ هېوادونو ته د وسلو او نورو پوځي تجهیزاتو د قاچاق مسله د اسلامي امارت له واک ته رسیدو وروسته د افغانانو تر منځ د بحث یوه موضوع ګرزېدلې ده.

د افغانستان اسلامي امارت ګاونډ هېوادونو ته د پوځي تجهیزاتو د قاچاق په اړه اوازې او ادعاوې رد کړي دي.

د کورنیو چارو وزارت ویاند قاري سعید خوستي ویلي، چې د افغانستان د استخباراتو اداره به اجازه ورنکړي، چې یوه مرمۍ هم له هېواده بهر ولېږدوي.

خوستي د ۲۰۲۱ کال د نوامبر پر ۲۶ په ویډیويي پیغام کې څرګنده کړې: مونږ یوې قوي اردو او پوځي تجهیزاتو ته اړتیا لرو او مونږ به هېڅکله چا ته اجازه ورنکړو، چې دغه تجهیزات له هېواده وباسي.

په همدې حال کې تېره میاشت د افغانستان اسلامي امارت چارواکو په رسنیو کې خپاره شوي راپورونه رد کړل، چې ګواکې اسلامي امارت حکومتي ځواکونو پر پاکستان د امریکا پوځي تجهیزات پلورلي دي.

د اسلامي امارت چارواکو ویلي، چې په دې راپورونو کې هیڅ حقیقت نشته او دا یوازې پروپاګند دی.

Continue Reading

تازه خبرونه

د ا.ا.ا د پخوانیو امنیتي ځواکونو د وژل کیدو ادعاوې رد کړې

خپور شوی

په

توسط

(Last Updated On: ليندۍ ۱۵, ۱۴۰۰)

د افغانستان اسلامي امارت د بهرنيو چارو وزارت وياند د لويديځ هغه ادعاوې رد کړې، چې ګواکې د ا.ا.ا ځواکونو د تېر سقوط شوي حکومت د امنيتي ځواکونو غړي او چارواکي وژلي دي.

د افغانستان اسلامي امارت د بهرنيو چارو وزارت د وياند عبدالقهار بلخي دا څرګندونې یوه ورځ وروسته له هغې راپورته کیږي، چې امریکا او یو شمېر لویدیځو هېوادونو د افغان امنیتي ځواکونو د پخوانیو سرتېرو د وژل کېدو راپورونه غندلي او پدې اړه یې د بېړنۍ څېړنې غوښتنه کړې ده.

د بهرنیو چارو وزارت ویاند عبدالقهار بلخي ويلي؛ هغه کسان، چې د ا.ا د عفوې له فرمان سرغړونه وکړي مجازات بشي.

هغه زیاتوي؛ مجاهدین د بخښنې د فرمان پلي کولو ته ژمن دي او د پخوانۍ ادارې کارکوونکي به د پخواني مخالفت له کبله ونه ځورول شي.

بلخي دا هم ویلي، چې پېښې په پوره پاملرنه څېړل کېږي، خو بې بنسټه اوازې د اعتبار وړ ندي.

دا په داسې حال کې ده، چې پدې وروستیو کې امریکا، اروپايي ټولنې، بریټانیا، جاپان او یو شمېر نورو هېوادونو په یوه اعلامیه کې ویلي، چې د افغانستان د پخواني حکومت د امنیتي ځواکونو د غړیو د وژل کېدو راپورونه ورکړ شوي دي.

Continue Reading

Trending

آریانا نیوز: ټول حقونه خوندي دي