Connect with us

تازه خبرونه

ژغورونکیو د بیروت له چاودنې یوه میاشت وروسته تر ویجاړیو لاندې د زړه درزا اوریدلې

Ariana News

خپور شوی

 په

Reuters
(Last Updated On: September 5, 2020)

د لبنان په پلازمېنه بیروت کې له چاودنې یوه میاشت وروسته د ژغورنې ډلې پرون تر ویجاړیو لاندې د یوه شوني ژوندي د موندلو لپاره ویجاړۍ ولټولې.

دا هیله هغه وخت راوټوکیده، چې فلش نومي روزل شوي سپي د چیلي لټونکې او ژغورونکې ډلې ته په نښه کړه، چې کیدی شي یو څوک تر ویجاړیو لاندې ژوندی پاتې وي.

لټونکې ډلې بیا د سنسورونو په کارولو اړوند ځای سکین کړ، چې د یو کس شتوالی او د شوني ژوند څه نا څه کمزورې نښې یې ومنلې.

د چیلي ژغورونکې ډلې مشر د لبنان دولتي رسنیو ته ویلي؛ زمونږ کارپوهانو وموندله، چې یو څوک درې متره تر خاورو لاندې سا اخلي.

د ژغورونکیو ډلې مشر زیاته کړې: دې کار مونږ وهڅولو، چې د دغه کس پر لوري د درې مترو پر ژوروالي درې تونلونه جوړ کړو.

د سا اخیستنې پر لوري کار روان دی؛ خو اوس هم داسې کومه نښه نه وینو، چې دغه کس ژوندی دی او که نه.

دوی له کتونکیو او لیدونکیو وغوښتل، چې ساحه پریږدي او له یو شمېر نورو څخه یې غوښتنه وکړه، چې خپل ګرځند غلی او کاري ډلې ته د زړه د درزا اوریدلو زمینه برابره شي.

راپور دا هم په ډاګه کړې؛ د پلټونکې او ژغورونکې ډلې نیت دا و، چې د جمعې تر ناوخته نور کار بند کړی او د شنبې پر ورځ یې بیا پیل کړي.

که څه هم څیړونکیو ویلي، چې د ژوندي سړي د موندلو شونتیا لږ ده؛ خو څارنه یې ارزښت لري.

په بیروت کې د اګست پر څلورمه چاودنې له ۱۹۰ دېر کسان ووژل؛ لږ تر لږه ۶۵۰۰ نور ټپیان دي او ۳۰۰ بې کوره شوي دي.

تازه خبرونه

د امریکا ولسمشر بایډن هېوادوالو ته له ستونزو د وتو ډاډ ورکړ

Ariana News

خپور شوی

په

توسط

(Last Updated On: January 20, 2021)

جوبایدن نن (چارشنبه د سلواغې لومړۍ/ د جنورۍ ۲۰ ) په واشنګټن کې د امریکا د شپږڅلوېښتم ولسمشر په توګه د ولسمشرۍ د لوړې مراسم ترسره کړل.

ولسمشر جوبایډن که څه هم د پخواني ولسمشر ډونالډ ټرمپ لخوا د امریکا په ټاکنو کې پر درغلۍ تورن شوې و؛ د دې هېواد ولسمشر شو.

جوبایډن په داسې حال کې ولسمشر شو، چې امریکا له یو شمېر ننګونو لکه د کرونا زیاتېدونکې مړینې او د ناامنیو شونتیا ( د ډونالډ ټرمپ د پلویانو لخوا دوه اوونۍ مخکې د کانګرس پر ودانۍ برید) سره ډغرې وهي.

نوموړي به خپلې لومړنۍ وینا کې امریکایانو ته په خطاب کې وویل: مونږ … په ګډه له دې( ستونزو ) وتلی شو!

 هغه زیاته کړې، چې ریاست به مې ځانګړی وي.

نوموړي د کرونا د قربانیانو لپاره ، چې تېر کال یې خپل خوږ ژوند له لاسه ورکړی؛ څو شېبې چوپتیا غوره کړه.

Continue Reading

تازه خبرونه

په ننګرهار کې له دوه چاودنو ۱۱ کسانو ته مرګ و ژوبله رامنځته شوې

Ariana News

خپور شوی

په

توسط

DVIDS
(Last Updated On: January 20, 2021)

د ننګرهار ولایت سیمه ییزو چارواکو ویلي؛ نن له غرمې وروسته د دې ولایت د شېرزاد او خوږیاڼو ولسوالیو په اړوند سیمو کې دوه ماین چاودنو ۴ کسان وژلي او اووه نور ټپیان دي.

د ننګرهار والي د رسنیو دفتر څرګنده کړې؛ نن له غرمې وروسته درې بجې د شېرزاد ولسوالۍ د ګړباوې په اړوند سیمه کې د ملکي وګړیو پر موټر د سړک غاړې ماين چاودنه شوې، چې د لومړنيو معلوماتو له مخې دوه کسان وژل شوي او څلور نور ټپیان دي.

دغه را راز له غرمې وروسته درې نيمې بجې د خوږياڼو ولسوالۍ د وزيرو د ابکو په سيمه کې د ملکي وګړیو پر يو موټر د سړک غاړې ماين چاودنه شوې.

د خوږياڼو ولسوال شمس الحق ساپي ويلي؛ د لومړنيو معلوماتو له مخې په چاودنه کې دوه ملکي وګړي وژل شوي او درې ټپيان دي.

د ننګرهار والي ضاالحق امرخېل څرګنده کړې، دواړه ماينونه طالبانو په لارو کې خښ کړي وه.

 طالبانو په دې اړه تر دې دمه څه ندي ويلي.

Continue Reading

تازه خبرونه

اسلام پر وژنو، تاوتریخوالي او ډارولو حکم ندی کړی – او آی سي

Ariana News

خپور شوی

په

توسط

(Last Updated On: January 21, 2021)

د افغانستان د بهرنیو چارو وزیر محمد حنیف اتمر د سعودي عربستان په جده ښار کې د اسلامي همکاریو سازمان ( او آی سي) له سکرتر جنرال یوسف بن احمد العثیمین سره د افغانانو د خپلمنځی سولې پر روان وضعیت کړې دي.

د بهرنیو چارو وزارت په ډاګه کړې، چې حنیف اتمر او ښاغلي یوسف بن احمد العثیمین تېره شپه ولیدلي دي.

د سرچینې په خبرپاڼه کې راغلي؛ په افغانستان کې ترسره شوي جنایتونه د مسلمانانو او اسلامي لارښوونو سره په بشپړ ډول مطابقت نلري او روانه جګړه ناروا ده. پر ښځینه قاضیانو بریدونه، د کابل پوهنتون د محصلینو وژنه او د زیږنتون پر روغتونونو برید په اسلام کې جواز نلري.

حنیف اتمر زیاته کړې؛ که مخالفان په رښتیا سولې ته ژمن وي، نو افغان حکومت به د ملي پخلاینې او د سولې پروسې بریا ته هیڅ خنډ ونه ګوري او چمتو دی، چې د افغانانو د خپلواکۍ او په نړیواله کچه له منل شويو معیارونو سره سم په ټولو برخو کې سیاسي ګډون ته لار اواره کړي.

دغه راز د بهرنیو چارو وزیر د سولې د بهیر د بریا لپاره د اسلامي همکاریو له ټولنې څخه د مرستې او همکاریو د دوام غوښتنه هم کړې ده.

اتمر ویلأ: مونږ د اسلامي همکاریو له ټولنې څخه غواړو، چې خپلو پخوانیو غوښتنو ته دوام ورکړي، چې وینې تویول پای ته ورسوي او سیاسي ناندرې په دوحه کې د خبرو اترو له ډلو سره د مشورې لپاره د تعقیبي ناستو، متخصصینو د مشورو او ځانګړې ډلې پر لیږلو حل کړي.

له بلې خوا د یادې ټولنې مشر یوسف بن احمد العثیمین ویلي، چې وژنه، تاوتریخوالی او ډارول له اسلام سره اړخ نه لګوي.

هغه په ​افغانستان کې د سولې په رامنځته کولو کې د دیني عالمانو د رول ستاینه هم وکړه او زیاته یې کړه، چې په اسلامي ټولنو کې عالمان نه یوازې له مذهبي نظره، بلکې له سیاسي نظره هم د غوره مقام لرونکي دي.

Continue Reading

Trending

آریانا نیوز. کلیه حقوق محفوظ است