Connect with us

روغتيا

ډېري بنسټونه يوازې په ښارونو كې فعاليت كوي

Ariana News

خپور شوی

 په

(Last Updated On: وږی ۱۴, ۱۳۹۰)

په هرات ولايت كې يوې څلوارلس كلنې نجلۍ، چې په جبري توگه واده شوې وه د كورني تاورتريخوالي پر لامل په ځان سوزونه لاس پورې كړ.

نوموړې په داسې حال كې، چې له خپل كار څخه پښېمانه ده؛ خو بياهم ټينگاركوي:

كه ژوندى پاتي شي؛ نو غواړي له خپل ميړه طلاق واخلي.

په هرات كې روغتايي چارواكي وايي، چې:

په تېرو پېنځه مياشتو كې ۴۷ د ځان سوزونې پېښې  ثبت شوي، چې درې تنه يې نرينه دي.

د هېواد په لويديځ كې د ښځو او په دې ورستيو كې د نرينو له خوا ځان سوزونه په يوه جدي اندېښنه بدله شوې ده.

هركال د هغو ځان سوزونكيو له لامله، چې د كورنيو تاو تريخوالي، فقر، بيكارۍ ، په نشه يې توكو د روږدي كيدو، له وخته وړاندې او جبري ودونو له لامله په ځان سوزونه لاس پورې كوي، شاوخوا پنځوس ښځې او نجونې ترې خپل ژوند له لاسه وركوي .

د آريانا راډيو- ټلويزون خبريال څرگنده كړې، چې فتانه، چې په ورته كاريې لاس پورې كړې وايي، چې:

د دولس كالونو په عمريې د كورنۍ په غوښتنه واده ته غاړه ايښې وه  او له واده  وروسته د ورځيني كورني تاوتريخوالي له لامله يې په ځان سوزونه لاس پورې كړى دى.

دغه ميرمن، چې له خپل كار پېښمانه ده وايي:

بيا هم ټينگاركوي، چې كه ژوندۍ پاته شي؛ نو له خپل ميړه به جدا شي؛ خو د دغې ميرمنې خپلوان په دغه باب له څه ويلو ډډه كوي.

په هرات كې د سوزيدليو نارغانو د روغتون چارواكي وايي، چې:

د هېواد په لويديځ كې هر كال سل ښځې او څو نرينه ځان سوزونه كوي، چې:

له دې كسانو څخه يې شپېته په سلو كې ژوند له لاسه وركوي.

د دغه روغتون مسوول ډاكټر عارف جلالي وايي، چې:

ياده ستونزه يوه ټولنيزه جدي ستونزه ده، چې تراوسه يې د مخنوي لپاره څه نه دي شوي.

د هېواد په لويديځ كې د ښځو له حقونو د ملاتړ بنسټونه د ښځو پر وړاندې هرډول تاوتريخوالى په كلكه غندي، خو د هرات سيمه ييز چارواكي بيا وايي، چې:

ډېري بنسټونه د ښځو د حقوقو نه د ملاتړ په نوم له بهر څخه پيسې ترلاسه كوي، خو يوازې په ښارونو كې فعاليت كوي .

د هېواد د لويديځو سيمو اوسيدونكي بيكاري ، بې سوادي ، فقر ، په نشه يې توكو روږدي كيدل او كورنى تاوتريخوالى د ځان سوزونې اصلي لامل بولي.

دوى په دولت تور لگوي، چې په دې برخه كې يې چوپتيا غوره گڼلې ده .

Continue Reading
Advertisement
Click to comment

Leave a Reply

Your email address will not be published.

تازه خبرونه

افغانستان کې پر کرونا رنځ اخته کسانو شمېر ۱۱۱۷۳ ته رسیدلی دی

Ariana News

خپور شوی

په

توسط

(Last Updated On: غبرګولى ۵, ۱۳۹۹)

د روغتیا وزارت د څرګندونو له مخې؛ له تېرو څلیریشت ګړیو راپدیخوا د کرونا ویروس ۵۹۱ مثبتې پېښط ثبت شوي، چې کابل اوس هم د ۳۹۰ تازه مثبتو پېښو په لرلو د نوملړ په سر کې دی او له دې سره په ټول هېواد کې پر دې ناروغۍ د اخته کسانو شمېر ۱۱۱۷۳ ته رسیدلی دی.

د روغتیا وزارت مرستیال ویاند توحید شوکومند زیاته کړې، چې په تېرو څلیریشت ګړیو کې ۱۰۹۵ شکمنې پېښې کتل شوي، چې ۵۹۱ یې مثبتې وې. کابل د ۳۹۰ پېښو په لرلو سره د نوملړ په سر کې راغلی دی.

له کابل وروسته په ترتیب د هرات ۶۲ ، د بلخ ۳۶، د بادغیس ۲۱، د ننګرهار ۱۸، د کونړ۱۴، د تخار ۱۴، د جوزجان ۱۱، د وردګ ۷، د پکتیا ۵ ، د بغلان ۵، د خوست ۳، دپنجشیر ۲، د غور ۲ او د بامیان یوه نوې مثبتې پېښې دي.

له اختر راپدیخوا په کابل کې پر تګ راتګ بندیزونه سخت شوي. که څه هم دیني عالمان پر بندیز لګولو ټینګار کوي؛ خو له پولیسو غواړي، چې د ناروغانو او اړو کسانو سره مناسب چلند وکړي.

پر کورونا ویروس د اخته کسانو په شمېر کې د ډېروالي په اړه اندېښنې راپورته شوي؛ خو د عامې روغتیا وزارت په افغان جاپان روغتون کې د بستر له نشتوالي خبر ورکړی دي.

د روغتیا وزارت په وینا ، په کابل کې به د کرونا ویروس درې نور روغتونونه هم پرانیستل شي.

د یادونې وړ ده چې د کووید-۱۹ ناروغۍ د لازیاتو خپریدو د مخنیوي لپاره په کابل ښار کې د اختر په ورځو کې د لیدو پر مهال محدودیتونه جدي نیول شوي دي.

له بلې خوا، که څه هم دیني عالمان د بندیزونو لګولو ټینګار کوي، دوی په پولیسو غږ کوي چې ناروغ او نور یې جدي اړتیا زغمي.

په کورونا ویروس اخته کسانو کې د زیاتوالي په اړه اندیښنې راپورته شوي ، پداسې حال کې چې د عامې روغتیا وزارت د افغان-جاپان روغتون کې د وړتیا نشتون راپور ورکړی. د دې وزارت په وینا، د کروناویروس درې نور روغتونونه به په کابل کې پرانستل شي.

Continue Reading

تازه خبرونه

بیات بنیاد د سروبي ولسوالۍ له اړمنو کورنیو سره د خوراکي توکو مرسته وکړه

Ariana News

خپور شوی

په

توسط

(Last Updated On: غویی ۲۳, ۱۳۹۹)

بیات بنیاد په روژه کې د ګرځبندیز له کبله د کابل ولایت د سروبي ولسوالۍ له سلګونه زیانمنو او اړمنو کورنیو سره د خوراکي توکو مرستې وکړې.

بیات بنیاد د خوراکي توکو د مرستو د وېش په لړ کې دا ځل د کابل د سروبي ولسوالۍ خلکو ته مرستې ورسولې.

د بیات بنیاد کارکوونکي میرویس هاشمي ويلي؛ د سروبي ولسوالۍ اړمنو او له ګرځبندیزه زیانمنو کورنیو ته اوړه، غوړي، وریځې او روغتیايي توکي ووېشل شول.

نوموړي زیاته کړې، چې د بیات بنیاد د مرستو د خوراکي، روغتیایي او ودانیزو توکو دوېش لړۍ د هېواد په نورو ولایتونو کې هم روانه ساتل شوې ده.

د سروبي ولسوال ویلي، د بیات بنیاد مرستې کولی شي د خلکو لومړنۍ اړتیاوې پوره کړي.

د سروبي ولسوال گوهر خان بابري له بیات بنیاده مننه کوي او وایي، چې دا بنیاد تل خلکو ته د خپلو مرستو لړۍ رسوي.

دی له نورو سوداګرو هم غواړي، چې په دې سختو شرایطو کې له اړمنو کورنیو سره مرستې وکړي.

کومو کورنیو، چې مرستې تر لاسه کړي وایي، بیات بنیاد هر کال د  سروبي ولسوالۍ خلکو ته ډول ډول مرستې رارسولي دي.

بیات بنیاد د قرنطین په ورځو او روژه کې د هېواد د ښارونو او ولسوالیو له اړمنو کسانو سره د خوراکي، روغتیايي او ودانیززو توکو مرستې کړي او د کرونا د مخنیوي لپاره یې د کابل ښار او ځینو ولایتونو سړکونه او کوڅې نه یوازې پر عفوني ضد درملو پاکې کړي، بلکې د عامه پوهاوي لسګونه زره پاڼې او ماسکونه یې هم پر خلکو وېشلي دي.

Continue Reading

تازه خبرونه

بیات ګروپ او افغان بیسیم، د کابل ښار ضد عفوني کول روان ساتلي

Ariana News

خپور شوی

په

توسط

(Last Updated On: غویی ۲۰, ۱۳۹۹)

بیات ګروپ او افغان بیسیم مخابراتي شرکت له عامې روغتیا وزارت او کابل ښاروالۍ سره د همغږۍ له مخې په شپږم ځل هم په کابل ښار کې جوماتونه او فرعي کوڅې پر میکروب ضد درملو پاکې کړې او دا لړۍ یې روانه ساتلې ده.

بیات ګروپ او افغان بیسیم مخابراتي شرکت د کابل ښار په بېلابېلو سیمو کې عفوني ضد درمل وشیندل او پر خلکو یې د عامه پوهاوي پاڼې هم ووېشلې. له دې کاره موخه دا ده، چې خلک د کرونا ویروس پر وړاندې د مبارزې او وقایې لارې ګودرې ومومي.

د بیات ګروپ د روغتیایي برخې مسوول عبدالسمیع رحیمي زیاته کړې؛ په دې پروګرام کې د عامه پوهاوې پاڼې هم پر خلکو وویشل شوي دي.

بیات ګروپ او افغان بیسیم مخابراتي شرکت غواړي دا پروګرام په کابل کې روان وساتي او دغه راز  لمن یې نورو ولایتونو ته هم وغزوي.

کابل ښاریان بیات ګروپ د مرستو په رسولو کې مخکښ بولي او وایي، نور شرکتونه او سوداګر دې هم خلکو ته د مرستو په برخه کې خپل رول ادا کړي.

د چهلستون، باغ رییس، ګذرګاه، ده دانا، ایوب خان مېنه، قلعه ی وزیر، علاءالدین، مرکزي سیلو او د کابل ښار د لومړۍ ناحیې اوسیدونکي دا پروګرام ستایي او له نورو سوداګرو هم د کرونا په وړاندې مبارزه کې د ورته ګام پورته کولو غوښتنه کوي.

بیات ګروپ، افغان بیسیم مخابراتي شرکت، آریانا نیوز او آریانا تلویزیونونه هره ورځ لسګونه او سلګونه پیغامونه خپروي، چې په کې ( تاسې دا پیغامونه جدي ونیسئ، له روغبړ، ښکلولو او بې ځایه ګرځیدو ډډه وکړئ)  معلومات خلکو ته ورکول کیږي.

Continue Reading

Trending