Connect with us

تازه خبرونه

ډیپلوماسۍ د شخړو د حل لپاره غوره لار ده – طالبان

خپور شوی

 په

(Last Updated On: مرغومی ۱۸, ۱۳۹۹)

طالبانو د چارشنبې پر ورځ( د مرغومي ۱۷) د امریکا د راتلونکي ولسمشر جوبایډن د امنیتي سلاکار جیک سلیوان د څرګندونو په ځواب کې ویلي، چې د افغانستان اسلامي امارت روښانه کړې، چې ډیپلوماسي د شخړو حل کولو لپاره ښه لاره ده.

د طالبانو سیاسي ویاند نعیم وردګ ویلي: اسلامي امارت باور لري، چې د دوحې تړون د دواړو لوریو د ستونزو د حل لپاره ښه لاره ده؛ نو مونږ د ترسره شوي تړون ژمنې ته ژمن یو او له بل لوري هم ورته غوښتنه کوو.

 دغه راز په هېواد کې د موخه ییزو وژنو د ډېرېدو په غبرګون کې، چې د افغانستان حکومت یې پړه پر طالبانو وراچوي؛ طالبانو یې یې په غبرګون کې ویلي، چې د دغو پېښو تر شا هغه کسان دي، چې د سولې او “اسلامي نظام” مخالف دي.

طالبانو د چارشنبې پر ورځ غرمه مهال په یوه اعلامیه کې په ډاګه کړې، چې دیني عالمان، خبریالان او سیاسي شخصیتونه د دوی پوځي موخه نده او وژل یې غندل شوي هم دي.

د طالبانو د اعلامیې په یوه برخه کې راغلي: اسلامي امارت له ټولې نړۍ او هېوادوالو غواړي؛ هغه عناصر او کړۍ وپېژني، چې په دې حساس پړاو کې اوبه خړوي او ماهیان نیسي.

افغان حکومت تل په دغو پېښو کې طالبان مسوول بولي.

په دې وروستیو کې د میشتو امریکایي ځواکونو ویاند هم طالبان تورن کړي، چې د دولتي چارواکو، د مدني ټولنې د غړیو او خبریالانو په موخه ییزو وژنو کې لاس لري.

هغه ویلي؛ د دې لپاره، چې د افغانستان د سولې بهیر د بریالیتوب لپاره باید طالبان له دې کار څخه ډډه وکړي.

تازه خبرونه

مونږ د کابل هوایي ډګر د ساتنې چارې ترسره کولی شو – ترکیه

خپور شوی

په

توسط

(Last Updated On: تله ۲۴, ۱۴۰۰)

د ترکیې ولسمشر د جمعې پر ورځ له رسنیو سره په خبرو کې ویلي؛ ترکیې پخوا هم د کابل هوايي ډګر د چارو مشري کړې او په راتلونکي کې هم که هوکړې ته ورسیږي؛ اړوند چارې تر سره کولی شي.

د ترکیې ولسمشر رجب طیب اردوغان خبریالانو ته ویلي؛ مونږ د افغانستان په بېخبناوو کې ډېرې هڅې کړي. که په راتلونکي کې ترکیه، قطر او افغانستان هوکړه وکړي؛ مونږ کولی شو د کابل هوایي ډګر چارې ډاډمنې ترسره کړو.

ترکیې ته د افغان پلاوي د سفر په اړه نوموړي ویلي، چې افغان حکومت ترې د بشري مرستو او په افغانستان کې له نوي پیل شوي بهیره د ملاتړ غوښتنې کړي دي.

اردوغان ژمنه کړې؛ تر هغې، چې د اسلامي امارت لنډ مهاله اداره د افغانانو د حقونو په ساتنه کې عادلانه دریځ ولري؛ مونږ به له افغان ولس هر اړخیز ملاتړ روان ساتو.

اردغان دغه څرګندونې په داسې حال کې کړي، چې تېره ورځ د افغانستان د حکومت یو لوړ پوړی پلاوی د ترکیې پر رسمي بلنه  د دې هېواد انقرې ته سفر کړی او له ترکي چارواکو سره یې پر ديپلوماتیکو اړیکو، بشري مرستو، مهاجرت، افغانستان ته د پروازونو بیا پیلولو او کابل هوايي ډګر بیا فعالولو خبرې کړې دي.

د کابل هوايي ډګر له تېرو درې اوونیو راپدیخوا داخلي او بهرنيو الوتنو ته چمتو اعلان شوی؛ خو تر دې دمه دغه هوايي ډګر ته ډاډمن او منظم سوداګریز پروازونه شوي ندي.

Continue Reading

تازه خبرونه

ملګرو ملتونو افغان کډوالو ته مرستې رالیږلي

خپور شوی

په

توسط

(Last Updated On: تله ۲۴, ۱۴۰۰)

د ملګرو ملتونو د کډوالو عالي کمیشنرۍ په ډاګه کړې، چې د افغانستان بې ځایه شویو کدوالو ته د ملګرو ملتونو د مرستې لومړۍ الوتنه ازبکستان ته رسیدلې ده.

د سرچینې د څرګندونو له مخې؛ په دې مرسته کې د سرپناه توکي دي، چې په مزار شریف کې به پر زرګونه بې ځایه شویو خلکو ووېشل شي.

د ملګرو ملتونو د کډوالو عالي کمیشنرۍ ویاند بابر بلوچ ویلي: د دغو توکو لومړۍ الوتکه په ترمذ کې راکښته شوې ده.

هغه زیاته کړې: دې الوتکې د دوبۍ له ګودامونو ۳۲ ټنه د سرپناه اړوند توکي، د پخلنځي وسایل او پلاستیکي ټرپالونه د یاد هېواد هوایي ډګر ته لېږدولي دي.

بلوڅ وایي، چې دغه توکي به پر ۱۸۰۰۰ زره کورنيو ووېشل شي.

هغه په دې اړه ویلي: مونږ له ژمي مخکې خلکو ته د مرستې لپاره له وخت سره سیالي کوو. که تاسې پرته له کومې مرستې په آزاده هوا کې له سرپنا بې برخې وئ؛ یخنۍ به مو مړه کړي.

د دغه بنسټ د څرګندونو له مخې؛ بې ځایه شویو کورنیو ته به نور توکي په دوه نورو الوتنو کې د ترمذ هوایی ډګر ته ولیږدول شي.

Continue Reading

تازه خبرونه

داعش په کندهار کې د شیعه ګانو پر یوه جومات د برید مسوولیت ومانه

خپور شوی

په

توسط

(Last Updated On: تله ۲۴, ۱۴۰۰)

د داعش خراسانۍ ډلې پرون (جمعه د تلې ۲۳ / د اکتوبر ۱۵) په کندهار ښار کې د شیعه ګانو پر یوه جومات د خونړي برید د ترسره کولو مسوولیت پر غاړه اخیستی دی.

د داعش  د څرګندونو له مخې؛ دوه داعشي بریدګرو لومړی د جومات پر ساتونکیو برید وکړ او بیا جومات ته ننوتل او خپلو چاودیدونکيو توکو ته یې چاودنه ورکړه.

چاودنه پرون د جمعې د لمانځه پر مهال د کندهار د لومړۍ ناحیې په امام بارګاه جومات کې رامنځته شوې ده.

د پېښې یوه شاهد ویلي، چې هغه د جومات د انګړ له دروازې څخه د درې چاودنو غږ واورید.

ویل کیږي، چې ټول قربانیان ملکي وګړي دي.

د رسنیو د راپورونو له مخې؛ د کورنیو چارو وزارت ویاند ویلي، چې د پېښې د څېړلو لپاره یو ځانګړی پلاوی د پېښې ځای ته استول شوی دی.

د اسلامي امارت ویاند ذبیح الله مجاهد په یوه پیغام کې لیکلي، چې اسلامي امارت دغه چاودنه غندي او دا ستر جنایت بولي.

هغه وایي؛ اسلامي امارت خپلو ځواکونو ته امر کړی، چې عاملین یې ونیسي او عدالت ته یې راکاږي.

د سیمه ییزو چارواکو د څرګندونو له مخې؛ د کندهار د لومړۍ حوزې د شیعه ګانو په جومات کې د جمعې لمانځه پر مهال چاودنو کې د وژل شویو کسانو شمېر ۴۷ او د ټپیانو هغه ۷۰  ته رسېدلی دی.

دې ته ورته یو برید تېره جمع په کندوز کې د شیعه ګانو پر یوه جومات شوی و، چې د داعش خراسانۍ ډلې یې مسوولیت منلی. په دې برید کې لږ تر لږه ۵۰ لمونځ کوونکي وژل شوي او له ۱۰۰ ډېر نور ټپیان دي، چې ټول ملکي وګړي وه.
Continue Reading

Trending

آریانا نیوز: ټول حقونه خوندي دي