Connect with us

تازه خبرونه

چین له افغانستان سره څلورسوه زره دوزه کرونا واکسین مرسته کوي

Ariana News

خپور شوی

 په

(Last Updated On: March 1, 2021)

د چین هېواد د افغانستان له عامې روغتیا وزارت سره د ۴۰۰۰۰۰ خوراکه  کرونا واکسین مرسته کوي.  

د هېواد د عامې روغتیا وزارت چارسمبالي( سرپرست) وحید مجروح تېره ورځ په افغانستان کې د چین له سفیر وانګ یو سره ولیدل.

د چین سفیر وانګ یو نن د عامې روغتیا وزارت له سرپرست سره په لیدنه کې ویلي، چې نړیوالو ته د واکسین جوړول او رسول د دې هېواد د ولسمشر شي جینګ پینګ یوه هیله وه.

د چین سفیر زیاته کړې، چې دا واکسین د ۳۰ هېوادونو لخوا د کارونې لپاره منل شوي دي.

دغه راز د روانې میاشتې په پیل کې هند له افغانستان سره ۵۰۰ زره دوزه واکسین مرسته کړې ده.

د افغانستان حکومت د واکسینو د پلي کولو بهیر تېره اوونۍ پیل کړاو ټاکل شوې، چې ۲۵۰ زره روغتیایي کارکوونکي، سرتېري او د رسنیو کارمندان واکسین شي.

د عامې روغتیا وزارت په ډاګه کړې، چې ۸۲۰۶ روغتیایي کارکوونکي واکسین شوي دي.

ښاغلي وانګ یو په مخکنۍ ناسته کې چې د عامې روغتیا وزارت له سرپرست سره يې چې درلوده د دغه هېواد لخوا د دوه سوه زره دوزه واکسین د مرستې ژمنه کړې وه چې دوه سوه زره دوزه نور د عامې روغتیا وزارت په غوښتنه د دهېواد لخوا اضافه شوئ دی، په دې سره د دغه هېواد لخوا د مرسته شوي واکسین مجموعي شمېر څلور سوه زره دوزه ته رسېدلی دی.

تازه خبرونه

په افغانستان کې د امریکايي ځواکونو ډېرول شوني دي – امریکا

Ariana News

خپور شوی

په

توسط

(Last Updated On: April 17, 2021)

امریکایي چارواکو ویلي، چې له افغانستان څخه د ټولو بهرنیو سرتېرو د ډاډمنو وتلو لپاره ښایي په شمېر کې یې ډېروالی رامنځته شي.

د امریکا د دفاع وزارت ویاند جان کربي د جمعې پر ورځ یوې خبري غونډې ته څرګنده کړې؛ دا به غوره وي، چې تر سپټمبره د لنډې مودې لپاره د سرتېرو د ډاډمنو وتلو لپاره په وړتیاوو کې ډېروالي رامنځته شي.

نوموړي د سرتېرو د رارسیدو او څرنګوالي په اړه پوره څه ندي ویلي.

هغه په دې اړه زیاته کړې؛ لکه څنګه، چې مونږ عراق پریښود، دغه راز په افغانستان کې هم مونږ لوژیستیکي او انجنري مرستې ته اړتیا لرو.

هغه دا هم ویلي، چې د امریکا دفاع وزارت اوسمهال له افغانستان سره د راتلونکیو کلونو پر امنیتي اړیکو کار کوي.

جان کربي زیاته کړې، چې امریکا به له تروریزم سره په مبارزه کې خپلې هڅې روانې ساتي او د ترهګرو د پټنځي د جوړولو مخنیوی به کوي.

کربي زیاته کړې: مونږ په دې برخه کې ډېر ظرفیتونه لرو  او زه نه غواړم پدې اړه تفصيلاتو ته لاړشم، چې مونږ دا ظرفیتونه څنګه کاروو.

هغه دا هم ویلي، چې له افغانستان څخه د بهرنیو ځواکونو وتل د اړیکو د پرې کولو معنی نلري؛ خو امریکا به د افغان ځواکونو ملاتړ روان ساتي.

دغه راز امریکايي چارواکو ژمنه کړې، چې د افغان امنیتي او دفاعي ځواکونو معاشونه به ورکوي.

طالبانو تر دې دمه په دې اړه څه ندي ویلي؛ خو مخکې یې د دې اعلان په غبرګون کې، چې د سپټمبر تر یوولسمې به امریکایي سرتېري له افغانستان څخه وځي ویلي، چې د امریکا دا کړنې به طالب جنګیالي پوځي ټینګار او مقاومت ته اړ کړي، چې مسوولیت به یې د امریکا پر غاړه وي.

Continue Reading

تازه خبرونه

په نیمروز ولایت کې د طالبانو له زندانه ۲۰ امنیتي سرتېري خوشې شول – دفاع وزارت

Ariana News

خپور شوی

په

توسط

(Last Updated On: April 17, 2021)

ملي دفاع وزارت په ډاګه کړې، چې تېره ورځ د نیمروز ولایت په خاشرود ولسوالۍ کې افغان ځواکونو د طالبانو یو زندان مات او  ۲۰ امنیتي سرتېري یې د طالبانو له بنده خوشې کړي دي.

ملي دفاع وزارت په ډاګه کړې؛ د کومانډو ځواکونو په دغو عملیاتو د اردو ۱۷ سرتېري او درې پولیس افسران د طالبانو له بند څخه خوشې شوي دي.

دغه وزارت زیاته کړې، چې په دې عملیاتو کې د طالب قومندان مولوي بشیر په ګډون اووه طالبان وژل شوي دي.

د دفاع وزارت د څرګندونو له مخې، بندیان د طالبانو لخوا ډېر ځورول شوي دي.

طالبانو تر دې دمه رسنیو ته په دې اړه څه ندي ویلي.

Continue Reading

تازه خبرونه

افغان دولت د سقوط له خطر سره مخ ندی- اشرف غني

Ariana News

خپور شوی

په

توسط

(Last Updated On: April 17, 2021)

د افغانستان ولسمشر اشرف غني د جمعې پر ورځ د آذربایجان په باکو ښار کې د ګنجوي نړیوال پوځي مرکز ته د انلاین ناستې له لارې جوړې شوې ناستې ته څرګنده کړې، چې د بهرنیو سرتېرو له وتلو وروسته د دولت او حکومت د سقوط خبره ناسمه ده او تر هغې، چې افغان کومانډو ځواکونه وي؛ هیڅ ګواښ به ورته ته متوجه نشي.

ولسمشر اشرف غني وایي: مونږ د سقوط له خطر سره مخ نه یو؛ د نظام د پاشل کېدو روایت یو ناسم روایت دی. زموږ کومانډو ځواکونه د سیمې په کچه څو برابره پیاوړي دي. تر هغې، چې دا ځواکونه شتون ولري؛ د پاشل کېدو او سقوط هیڅ نشته.

د ښاغلي غني په باور دا مهال ډېر عملیات افغان ځواکونه په خپلواک ډول تر سره کوي او مشري یې په غاړه لري. بهرني ځواکونه یوازې د مشورې او زدکړو رول لري.

ولسمشر غني په ډاګه کړې؛ که جګړه شدیده شي د ۳۵۰ زره وسلوالو پوځونو تر څنګ خلک هم مسلح دي او چمتو دي، چې دفاع  ترې وکړي.

ولسمشر ویلي: مونږ خبرو اترو ته ژمن یو؛ توپ اوس د طالبانو په میدان کې دی. مونږ استانبول ته په بشپړه توګه چمتو یو. په دې اړه ملي او حکومتي اجماع شتون لري. اوس وینو، چې طالبان کومه لار ټاکي. موضوع دا ده، چې د طالبانو سیاسي کمېټه د پوځي کمېټې استازیتوب نکوي او د طالبانو قومندانانو اوس هم سوله ټولنیزه کړې نده.

دغه راز د امریکا د بهرنیو چارو وزیر هم کابل ته له سفر او له افغان چارواکو سره د ځواکونو د ویستو د پلان تر شریکولو وروسته پدې اړه له پاکستانيو چارواکو سره هم خبرې کړې دي.

اشرف غني په ډاګه کړې: په دې شېبه کې غوراوی د طالبانو خوښه ده؛ آیا هغوی سوله غوره کوي، چې د ميز پر سر ده یا تاوتریخوالی؟ د پاکستان لپاره هم د غوراوي ښه شېبه ده، چې آیا نړیوال مشارکت او سیمه ییزه همکاري غوره کوي او که له ترهګرو ډلو ملاتړ کوي.

طالبانو د امریکا لخوا له افغانستان څخه د ځواکونو د ویستو نوې نېټې ته په غبرګون کې خبرداری ورکړی، چې دا کړنه به یې د پوځي عملیاتو له سره پیلېدو ته لار پرانیزي او مسوولیت به هم د امریکا په غاړه وي.

Continue Reading

Trending

آریانا نیوز: ټول حقونه خوندي دي