Connect with us

لوبی

چین د آسیا جام کوربتوب رد کړ

خپور شوی

 په

(Last Updated On: غویی ۲۴, ۱۴۰۱)

د آسیا فوټبال کنفډراسیون څرګنده کړې، چې د چین فوټبال ټولنه به د ۲۰۲۳ آسیا جام سیالیو کوربتوب ونکړي.

ټاکل شوې وه، چې د چین ۱۰ ښارونه د ۱۴۰۲ لمریز کال د غبرګولي له ۲۶ څخه د چنګاښ تر ۲۵ د ۲۴ شته لوبډلو کوربه وي.

چین له دې کوربتوبه د ډډې کولو علت د کرونا ویروس پراختیا بولي.

د آسیا کنفډراسیون به په راتلونکیو ورځو کې د دغو سیالیو د کوربه هېواد نوم په ډاګه کړي.

په دې وروستیو اوونیو کې دغه هېواد د کرونا ویروس د خپریدو له امله د ۲۰۲۲ کال آسیایي لوبې او د محصلینو نړیوال جام سیالۍ د یو کال لپاره وځنډولې؛ خو دا ځل چینایانو د ملتونو جام سیالیو کوربتوب په بشپړ ډول رد کړی دی.

په نړۍ کې د کرونا ويروس د خپرېدو له پيل راپدیخوا چينایي لوبډلو او ورزشکارانو په ډېرو سياليو کې پر ګډون بندیز لګولی دی.

دغه هېواد د ۲۰۲۲ کال د ژمنيو المپيک لوبو کوربتوب تر ډېرسخت کنټرول لاندې کړی و؛ خو له هغه وخت راپدیخوا د کرونا ناروغۍ د اخته کسانو شمېر په ډراماټیک ډول ډېر شوی دی.

لوبی

آریانا شبکې د کورني یو ورځني کرکټ ټورنمنټ د خپرولو حق خپل کړ

خپور شوی

په

توسط

(Last Updated On: غویی ۱۷, ۱۴۰۱)

د آریانا نړیوالې ټلویزیوني شبکې د افغانستان د کرکټ بورډ د نوې یوې ورځنۍ کورني سیالیو زرغون افغانستان یو ورځني ټورنمنټ، چې د یکشنبې پر سهار پیلیږي؛ د خپرولو حق ترلاسه کړ.

د افغانستان کرکټ بورډد څرګندونو له مخې؛ دغه سیالۍ د یکشنبې پر ورځ د وري ۱۸ / مې پر اتمه نېټه په خوست ولایت کې پیلېږي او درې لوبډلې( پامیر اتلان، میوند مدافعین او هندوکش مهاجمان) به په دې تورنمنټ کې ولوبیږي.

آریانا ټلویزیون به د یکشنبې پر ورځ پر سیمه ییز وخت د سهار پر ۸:۳۰ دغه لوبې پر ژوندۍ بڼه خپرول پیل کړي.

پامیر، میوند او ندوکش د افغانستان نومیالۍ سیمې دي او دا هره لوبډله ورسره ځانګړی تړاو لري. میوند د کندهار ولایت یوه تاریخي سیمه ده، چې خپل ځانګړي ارزښت یې خوندي کړی او همدارنګه پامیر او هندوکش د افغانستان دوه لوړ او نومیالي غرونه دي.

دغه سیالۍ به په یوه ورځنۍ بڼه ترسره شي او ټولټال اووه لوبې به په ۱۲ ورځو کې ترسره شي. درې واړه لوبډلې به لوبې وکړي او د می پر ۲۰ نېټه پای لوبه تر سره شي.

د کرکټ بورډ د څرګندونو له مخې؛ په لوبو کې به د ملي لوبډلې ټول غړي او ځلانده ستوري برخه ولري او ځوان لوغاړي به وهڅول شي.

د دې کار موخه د ځوانو لوبغاړیو د مهارتونو لوړول او د ملي لوبډلې تجربه لرونکیو لوبغاړیو ته د هغوی ورپېژندل دي.

د افغانستان کرکټ بورډ مشر میرویس اشرف ویلي، دا کار یې د دې لوبې د پراخولو لپاره په نظر کې نیولی؛ ځکه زمونږ ولس د کرکټ له لوبې سره مینه لري او مونږ هڅه کوو، چې دا لبه په هېواد کې پراخه کړو. په دې ټورنمنټ کې به د ځوانو لوبغاړیو تر څنګ د مشرانو لوبغاړیو ګډون هم د ویاړ وړ وي. زه له مینه والو څخه غوښتنه کوم، چې راشي او په لوبغالي کې دا لوبې وګوري.

نوموړي زیاته کړې: مونږ په راتلونکیو میاشتو کې سوپر لیګ لوبو ته هم سترګې پر لار یوو. دا ټورنمنټ به زمونږ لوبغاړي نړیوالو لوبو ته چمتو کړي.

د کرکټ بورډ اجرائیوي مشر نصیب خان ویلي، د زرغون افغانستان نوم د دې لپاره غوره شوی، چې د هېواد طبیعي ښکلا انځوریزه کړي.

هغه زیاتوي: مونږ تمه لرو، چې د خوست او نږدې ولايتونو مينه وال په لوبغالي کې له دې اختریز جشن څخه خوند واخلي؛ ځکه، چې ملي اتلان سيمه له خوښیو برخمنوي.

 

د لوبې مهالوېش په لاندې ډول دی:

 

پامیر اتلان د میوند مدافعانو پر وړاندې؛ یکشنبه د غویی ۱۸ / د می ۸ د سهار ۹ بجې

د میوند مدافعین د هندوکش مهاجمانو پر وړاندې؛ سې شنبه د غویی ۲۰ / د می ۱۰ د سهار ۹ بجې

د هندوکش مهجمان د پامیر اتلانو پروړاندې؛ پنجشنبه د غویی ۲۲ / د می ۱۲ د سهار ۹ بجې

د پامیر اتلان د میوند مدافعانو پر وړاندې؛ شنبه د غویی ۲۴ / د می ۱۴ د سهار له ۹ بجې

د میوند مدافعان د هندوکش مهاجمانو پروړاندې؛ دوشنبه د غویی ۲۶ / د می ۱۶ د سهار ۹ بجې

د هندوکش مهاجمان د پامیر اتلانو پر وړاندې چارشنبه د غویی ۲۸ / د می ۱۸ د سهار ۹ بجې

 

د دواړو غوره نمرو لرونکیو لوبډلو ترمنځ فاینل لوبه به د جمعې پر ورځ د غویي ۳۰ / د می ۲۰ د سهار پر ۹ بجو پیل شي.

د یادونې ده، چې آریانا نړیواله شبکه به دا لوبې پخپل ټاکلي وخت په ژوندۍ بڼه په ټاکلیو ورځو کې خپروي او د خپراوي دا ویاړ یې خوندي ساتلی دی.

Continue Reading

لوبی

غواړم د روهیت شرما او شعیب اختر له ګډو ځانګړنو برخمن پاتې شم – کریم جنت

خپور شوی

په

توسط

(Last Updated On: غویی ۱۳, ۱۴۰۱)

 

د افغانستان هر اړخیز لوبغاړي کریم جنت ویلي، چې غواړي د هندي توپ وهونکي روهیت شرما او د پاکستان د پخواني تکړه توپ اچوونکي شعیب اختر له ګډو ځانګړنو برخمن پاتې شم.

روهیت شرما، چې د هند د کرکټ ملي لوبډلې اوسنی لوبډلمشر دی؛ د کرکټ د ډګر یو له غوره توپ وهونکیو څخه شمېرل کېږي. هغه په ​​نړیوالو یو ورځنیو سیالیو کې د منډو جوړولو نړیوال ریکارډ لري او یوازنی لوبغاړی دی، چې په یو ورځنیو نړیوالو لوبو کې یې درې دوه سلیزې وهلي دي.

له بلې خوا د پاکستان شعیب اختر، چې په ۲۰۱۱ کال کې له نړیوال کرکټ څخه تقاعد شوی، د کرکټ د ډګر تر ټولو د غوره توپ اچوونکي نوم یې خپل کړی دی.

کریم جنت، چې په ویکټ اخیستو کې د غوره ځانګړنې لرونکی دی له کریکبز سره په مرکه کې ویلي: زه په رښتیا هم دوه لوبغاړي خوښوم، چې یو یې شعیب اختر دی او بل یې روهیت شرما او دا زما غوښتنه ده، چې د دواړو ځانګړنې ولرم.

افغان کريم جنت زیاته کړې؛ هيڅوک باور نشي کولی، چې د افغانستان کرکټ به تر دې حده بريالی شي.

زه فکر کوم، چې مونږ استعداد لرو او مونږ باید ځانونه پیاوړي کړو؛ څومره، چې په نړیوالو کرکټ لوبو کې ولوبیږو همغومره به چټکه وده کوو.

Continue Reading

لوبی

راشد خان پر ۳ شپږیزو ګجرات لوبډلې ته لوبه وګټله

خپور شوی

په

توسط

(Last Updated On: غویی ۸, ۱۴۰۱)

په هند غوره لیګ کې د افغانستان راشد خان په وروستي آور کې  ۳ شپږیزې ووهلې، چې ناممکنه لوبه یې وګټله  ګجرات ټایټینز لپاره وګټله

د هند په غوره لیګ سیالیو کې تېره شپه (چارشنبه د غویی ۷ ) د سانرایز حیدرآباد لوبډلې پر وړاندې د راشد خان په زړه پورې توپ وهنه په ۴ توپونو کې د ۳ شپږیزو پر وهلو د ګجرات لوبډلې ته د پام وړ بریا ور پر برخه کړه.

د هند غوره لیګ په سیالیو کې د ګجرات لوبډله په لومړي ځل له لوبې برخمنه شوې، چې له راشد خان سره یې د پېنځلس کروړه هندي کالدارو په بدل کې تړون لاسلیک کړی دی.

هغه په وروستيو دوه توپونو کې ۲ شپږیزې ووهلې، چې د بریا لپاره یې د ۹ منډو اړتیا وه.؛ خو د وروستي آور پر ۴ توپونو یې لوبډله ټاکل شوې موخې ته ورسوله. 

Continue Reading

Trending

Copyright © 2022 Ariana News. All rights reserved!