Connect with us

تازه خبرونه

چین او څو نور هېوادونه ښایي له طالبانو سره اړیکې وغزوي ـ جوبایډن

خپور شوی

 په

(Last Updated On: وږی ۱۷, ۱۴۰۰)

له هغې وروسته، چې طالبانو تېره ورځ نوې سرپرسته کابینه اعلان کړه؛ ورسره سم یو لړ نړیوال غبرګونونه هم راپورته شول.

د طالبانو دغه سرپرسته کابینه د تېر حکومت له پاشل کېدو او د طالبانو له واکمنېدو شاوخوا درې اوونۍ وروسته اعلان شوه، چې له دې سره د نوي نظام د جوړېدو په لار کې اساسي ګام پورته شو؛ خولکه څنګه، چې تمه وه، ټوله کابینه اعلان نشوه او د نړیوالې ټولنې لخوا د طالبانو دا پرېکړه له بېلابېلو غبرګونونو سره مخ شوه.

امریکا له افغانستان څخه له وتلو وروسته اوس چمتو نده، چې طالبان پر رسمیت وپېژني؛ خو وایي سپینه ماڼۍ د طالبانو کړنو ته په تمه ده.

د امریکا ولسمشر ویلي، چې چین او څو نور هېوادونه ښایي له طالبانو سره اړیکه ونیسي.

د امریکا ولسمشر جوبایډن څرګنده کړې؛ د چین تر څنګ به روسیه، ایران او پاکستان هم هڅه وکړي، چې له طالبانو سره همغږۍ ته ورسيږي.

سپینې ماڼۍ ویلي، چې د نوې کابینې جوړښت اندېښمن کړي؛ خو قضاوت به پرې د طالبانو د هغو کړنو پر بنسټ وي، چې یوه یې هم په خوندي توګه له افغانستان څخه د بهرنیو وګړیو او د هغوی د همکارانو لپاره د سفر کولو اجازه ده.

د امریکا ولسمشر جوبایډن ویلي؛ چین له طالبانو سره رښتیانۍ ستونزې لري؛ نو، ځکه به هغوی هڅه وکړي، چې له طالبانو سره همغږي شي. زه ډاډه یم، چې روسیه او ایران د پوهېدو په حال کې دي، چې اوس څه کار وکړي.

چین بیا د طالبانو لخوا د نوې کابینې له اعلان وروسته ویلي چې د افغانستان له نوي دولت سره به اړیکې وساتي.

چین وايي، چې د طالبانو له حکومت سره کار ته چمتووالی لري.

د چین بهرنیو چارو وزارت ویلي، چې سفارت به د نوې کابینې له اعلان وروسته خپل کار روان وساتي.

د چین د بهرنیو چارو وزارت ویاند وانګ بین وایي: د چین  سفارت په افغانستان کې عادي کار کوي؛ مونږ له نوي حکومت او مشرانو سره یې د اړیکو ټینګولو په حال کې یوو او هیله من یوو، چې د افغانستان دا اداره د ټولو قومونو او لوریو نظرونو ته غوږ کېدي او د خلکو له هیلو او تمو سره همغږی عمل وکړي. مونږ نغوته کوو، چې طالبانو په نوي حکومت کې د ټولو خلکو پر ګډون ټینګار کړی دی.

د چین ګاونډ جاپان هم ډاډ ورکړی، چې له طالبانو سره اړیکې روانې وساتي او د امکان تر بریده د خپلو وګړیو د امنیت خوندي کولو لپاره د افغانستان د حالاتو څارنه کوي.

د جاپان د وزیرانو شورا مشر کاتسونبو کاتو ویلي؛ زه پوهېږم، چې طالبانو د نوي حکومت جوړېدا او د کابینې لنډ مهاله غړي اعلان کړل. جاپان د طالبانو د کړنو د څارنې تر څنګ، له امریکا او نورو اړوند هېوادونو سره هم همکاري روانه ساتي. زمونږ هڅې له طالبانو سره عملي خبري را نغاړي؛ مونږ هڅه کوو، چې د جاپاني وګړیو او سیمه ییزو کارکوونکیو امنیت وساتل شي او دا راز له افغانستان څخه د وتو لپاره لازم ملاتړ رامنځته شي.

د طالبانو لخوا د نوې کابینې له اعلان وروسته اسلام آباد رسمي نظر ندی ورکړی؛ خو په چین کې د پاکستان سفیر معین الحق له طالبانو خپله تمه داسې څرګندوي: د پاکستان دریځ ډېر روښانه دی او اوس مونږ د طالبانو له نوي حکومته تمه لرو، چې له ټولو ګډ‌و ګټو لرونکیو سره همکاري وکړي، چې یو بریالی سیاسي بهیر ولري. داسې حکومت، چې ټول افغانان په کې ځان وویني او د افغانستان د ټولو قومونو ګټې په پام کې ونیول شي.

د کابینې په ۳۳ غړیو کې اوولس یې د ملګرو ملتونو په تور نوملړ کې دي او سراج الدین حقاني ترې د کورنیو چارو وزارت چارسمبالی ټاکل شوی دی.

د طالبانو د فرهنګي جرګه ګۍ غړی انعام الله سمنگاني تمه لري، چې نوی حکومت یې په نړۍ کې پر رسمیت وپېژندل شي او له طالبانو سره ډیپلوماټیکې اړیکې خوندي شي.

د طالبانو یوه غړي له نړیوالې ټولنې غوښتي، چې له افغانستان سره د نړیوالې ټولنې لخوا ژمنه شوې پیسې باید د تېر په څېر تر ۲۰۲۴ کاله روانې وساتل شي.

تازه خبرونه

په کابل ښار کې پر امنیتي ځواکونو د لاسي بم برید وشو

خپور شوی

په

توسط

(Last Updated On: تله ۲۸, ۱۴۰۰)

د کورنیو چارو وزارت ویاند قاری سعید خوستي څرګنده کړې؛ د چارشنبې پر سهار د کابل ښار د درېيمې امنیتي حوزې اړوند په دهمزنګ سیمه کې د ژوبڼ له لورې پر امنیتي ځواکونو د لاسي بم برید شوی، چې دوه کسان يې ټپیان کړي دي.

قاري سعید زیاته کړې د پېښې د عاملينو پلټنه روانه ده.

عیني شاهدانو ویلي، چې په دې برید کې ۴ کسان ټپیان شوي دي.

دبرید پړه  تر دې دمه چا پرغاړه نده اخیستې.

Continue Reading

تازه خبرونه

په مسکو کې د روسیې، چین او پاکستان استازیو ګډه ناسته کړې

خپور شوی

په

توسط

(Last Updated On: تله ۲۸, ۱۴۰۰)

د روسیې، چین او پاکستان استازیو پرون د سې شنبې پر ورځ په مسکو کې د افغانستان پر اړوند سیاسي، امنیتي اوله شخړې وروسته مسایلو بحث خبرې کړي دي.

درې واړو خواوو د شوني امنیتي ګواښونو په اړه د اندونو تبادله کړې او افغانستان ته یې د بېړنیو بشري او اقتصادي مرستو د برابرولو لپاره خپله ګډه اراده څرګنده کړې ده.

روسیې امریکا ته بلنه ورکړې وه، چې د مسکو په خبرو کې برخه واخلي؛ خو د هغه هېواد د بهرنیو چارو وزارت ویاند نډ پرایس د لوژستیکي ستونزو له کبله په دې خبرو کې ګډون رد کړی وایي، چې امریکا له دې بهیره ملاتړ کوي.

د رویټرز د څرګندونو له مخې، د روسیې بهرنیو چارو وزارت ویلي؛ د چارشنبې پر ورځ به د افغانستان د اسلامي امارت او د نورو هېوادونو استازي هم په ډې خبرو کې برخه واخلي.

د روسیې د بهرنیو چارو وزیر سرګي لاوروف به د چارشنبه په غونډه کې وینا وکړي.

استازي به په افغانستان کې د نظامي او سیاسي وضعیت، د ټولمنلي افغان حکومت پر جوړولو او په افغانستان کې د بشري ناورین په مخنیوي کې د نړیوالې ټولنې د رول په اړه بحث او خبرې وکړي.

دې ناستې ته، چې د افغانستان پر راتلونکي راڅرخي د ا.ا.ا، روسیې، چین او پاکستان په ګډون  ۱۱ هېوادونه بلل شوي دي.

په کابل کې د روسیې سفارت ویلي، چې په دې غونډه کې د کورني سیاست په ګډون له شخړو وروسته رامنځته شوي شرایط، چې د دغه هېواد د بیارغونې لپاره اړین دي وڅېړل شي.

دا په داسې حال کې ده، چې دې غونډې ته د افغانستان د لومړي وزیر د مرستیال مولوي عبدالسلام حنفي په مشرۍ د بهرنیو چارو، اقتصاد، صنعت او سوداګرۍ وزیران او نور لوړپوړي چارواکي ورغلي دي.

Continue Reading

تازه خبرونه

پوتین په جي ـ ۲۰ سرمشریزه کې انلاین برخه اخلي

خپور شوی

په

توسط

(Last Updated On: تله ۲۸, ۱۴۰۰)

کرملین یا د روسیې ولسمشرۍ ماڼۍ نن څرګنده کړې، چې ولسمشر ولادمیر پوتین به دجي – ۲۰ په سرمشریزه کې انلاین ګډون وکړي.
کرملین ویلي، چې پوتین په دې اړه د ایټالیا له لومړي وزیر سره د ټیلیفون له لارې خبرې کړې دي.
د کرملین په څرګندونو کې راغلي، چې دواړو هېوادونو د دوه اړخیزو اړیکو او د افغانستان وضعیت تر بحث لاندې نیولی دی.
له دې مخکې د امریکا بهرنیو چارو وزارت ویلي، چې د افغانستان په اړه د مسکو په غونډه کې به ګډون ونکړي.
د امریکا بهرنیو چارو وزارت ویاند نډ پرایس ویلي: مونږ د مسکو په غونډه کې ګډون نه کوو. پرمختللې ټریکا یو ګټوره او حیاتي اړخ لري. مونږ هڅه کوو په راتلونکيو ناستو کې ولرو؛ اوس په دې غونډه کې د نډې لرلو په حالت کې نه یو.
له دې مخکې د افغانستان لپاره د روسیې د ولسمشر ځانګړي استازي ضمیر کابلوف ویلي وه، چې د هغه هیواد به د افغانستان په اړه د اسلامي امارت له پلاوي او د پاکستان او چین له استازیو سره ناسته ولري.
دا په داسې حال کې ده، چې د افغانستان اسلامي امارت یو لوړپوړی پلاوی نن په اړوند ناسته کې د ګډون لپاره مسکو ته روان شوی دی.

Continue Reading

Trending

آریانا نیوز: ټول حقونه خوندي دي