Connect with us

تازه خبرونه

څه نا څه ۱۶ زره شکایتونه ثبت شوي او نن شپه ۱۲ بجې دا بهیر پای مومي

Ariana News

خپور شوی

 په

(Last Updated On: December 26, 2019)

د ټاکنیزو شکایتونو خپلواکمیسیون مسوولینو ویلي، چې د شکایتونو د ثبتولو له پای ته رسیدو وروسته به د شکایتونو څېړل پیل شي.

د شکایتونو د ثبت د درېیمې ورځې تر ناوخته د ثبت شویو شکایتونو شمېر ۱۶ زره ته رسیدلی و.

د ولسمشریزو ټاکنو د لومړنیو پایلو له اعلان وروسته نوماندان او نور معترض کسان دوه اویا ساعته وخت لري، چې د ټاکنیزو شکایتونو په کمیسیون کې خپل شکایتونه ثبت کړي.

د ټاکنیزو شکایتونو د کمیسیون غړی قطب الدین رویدار وایي: زه د افغانستان خلکو ته  ډاډ ورکوم، چې مونږ به پر ټولو شکایتونو لاسرسی مومو او د قانون او کړنلارې له مخې به پرېکړې کوو او د ټاکنو خپلواک کمیسیون ته به لیږدول کیږي.

د شکایتونو پر درېیمه او وروستۍ ورځ له غرمې وروسته د بېلا بېلو ټاکنډلو لخوا د ثبت شویو شکایتونو شمېر ۱۶ زره ته رسیدلی و.

د دولت جوړوونکې ډلې غړی عصمت الله تیموري وایي، چې مونږ تېره ورځ او نن څه نا څه دوه نیم زره شکایتونه ثبت کړي دي.

د سولې او اسلامي عدالت ډلې غړی سیف الرحمان حبیبي ویلي؛ مونږ څه نا څه پېنځه زره شکایتونه ثبت کړي دي.

د ثبات او همپالنې ټاکنډلې ویلي، چې له اته زره ډېر شکایتونه مو ثبت کړي دي.

د دولت جوړوونکې ټاکنیزې ډلې لومړي مرستیال امر الله صالح ټينګار کړی، چې د ننګرهار ولایت نهه زره هغه رایې هم د اعتبار وړ وګڼي، چې د ننګرهار ولایت له بایو متریک دستګاوو څخه مرکزي سرور ته لیږدول شوي ندي.

نوموړي د ټاکنو خپلواک کمیسیون یو غړی تورن کړی، چې د ثبات او همپالنې ډلې په ګټه کار کوي. 

د افغانستان د آزادو او عادلانه ټاکنو د بنسټ اجرئیه رییس یوسف رشید وايي، چې د شکایتونو د ثبت لپاره روانو سیالیو د شکایتونو کیفیت تر پوښتنې لاندې راوستی دی.

د ټاکنو خپلواک کمیسیون د دارالانشا پخوانی مشر داوود علي نجفي په دې باور دي، چې که ټول شکایتونه په پوره پاملرنه وڅېړل شي؛ ټاکنې دوه یم پړاو ته ځي.

د ټاکنیزو شکایتونو کمیسیون څلوېښت ورځې وخت لري، چې شکایتونه وڅېړي او پایلې یې د ټاکنو خپلواک کمیسیون ته واستوي.

تازه خبرونه

په یونان او ترکیه کې زلزلې لږ تر لږه ۲۶ کسان مړه کړي

Ariana News

خپور شوی

په

توسط

(Last Updated On: October 31, 2020)

د جمعې پر ورځ د لړم ۹ د رښتر ۷ درجې زلزلې د ترکیې لویدیځ ساحل ازمیر او د یونان ساموس ټاپوګان ولړزول، چې د مالي زیانونو تر څنګ په کې ۲۶ کسان مړه  شوي او سلګونه نور ټپیان دي.

د شنبې پر ورځ، د ژغورنې کارمندانو د ویجاړو شویو ودانیو له خاورو څخه ژغورل شوي او د ژغورونکو هڅې روانې دي.

د ترکیې د ناورین او بېړنیو حالاتو ادارې د شنبې پر سهار په یوه خپره شوې اعلامیه کې څرګنده کړې ، چې په ترکیه کې ۲۴ کسان مړه شوي دي.

د ترکیې دفاع وزارت ویلي، له زلزلې وروسته پر نورو مرستو سربېره چورلکې هم پر کار ګمارل شوي، چې د لټون او ژغورنې په عملیاتو کې برخه واخلي.

د ترکیې ولسمشر رجب طیب اردوغان له خپلو خلکو سره د تویت له لارې خواخوږي ښودلې او د ازمیر ایالت له مشر سره یې تیلیفوني اړیکه نیولې ده.

دغه راز پر ترکیې سربېره د یونان چارواکو هم ویلي، چې زلزله د یونان په ساموس بندر کې احساس شوې، چې له کبله یې ځینې ودانۍ اغېزمنې شوې دي.

یوناني چارواکو ویلي، چې د یونان په ساحلي ښار ساموس کې دوه ماشومان مړه شوي دي.

په یونان کې رسنیو راپور ورکړی، چې د ساموس او نورو ټاپوګانو اوسیدونکي له خپلو کورونو تښتیدلي او اوسنی حالت یې کوچنی سونامي نوولی دی.

امریکایي ځمکپوهانو ويلي، چې د ترکیې ازمیر ایالت ۷ درجې سختې زلزلې وهلی دی. په داسې حال کې چې ترکیې د زلزلې درجه ۶.۶ ښودلی ده.

Continue Reading

تازه خبرونه

په سعودي کې یوه سړي خپل موتر د مسجد الحرام پر دروازه وهلی

Ariana News

خپور شوی

په

توسط

(Last Updated On: October 31, 2020)

د سعودي عربستان د خبري آژانس د څرګندونو له مخې؛ یوه سعودي تبعه د جمعې پر شپه خپل ګړندی موټر د مکې معظمې د مسجدالحرام له بهرني دروازې سره ټکر کړی دی.

پېښه د ځایي وخت سره سمه د شبې ۱۰:۳۰ هغه مهال رامنځته شوه، چې دغه سړی له لومړي خنډ څخه تېر شو؛ خو موتر چلولو ته یې دوام ورکړ او ان تر دې، چې موتر یې د مسجد الحرام له سویلي دروازې سره وواهه.

یادې سرچینې په ډاګه کړې؛ پولیسو دغه سړی په داسې حال کې نیولی، چې له عادي حالته برخمن نه وو.

پولیسو نوموړی د شونو تورونو د سپیناوي لپاره څارنوالۍ ته ورپېژندلی دی.

د مکې معظمې مسجد الحرام د مسلمانان د ۵ وخته لمانځه لپاره ځانګړی شوی دی.

مسجد الحرام د کرونا ویروس د خپریدا له کبله لږ تر لږه شپږ میاشتې  بند شوی و؛ خو په لوی اختر کې یو شمېر ځایي حاجی صاحبانو پرانستل شو او بیا لومړی د سعودي عربستان خلکو ته او اوس د ټولنیز واټن په پام کې نیولو سره د ټولو مسلمانانو د عمرې د ادا کولو لپاره پرانستل شو.

Continue Reading

تازه خبرونه

افغانستان بیا د کانونو د شفافیت نړیوال نوښت غړی شو

Ariana News

خپور شوی

په

توسط

(Last Updated On: October 30, 2020)

د کانونو او پټرولیم وزارت پرون (پنجشنبه د لړم ۸) په ډاګه کړې وه، چې افغانستان یو ځل بیا د کانونو د شفافیت نړیوال نوښت یا  (EITI)غړیتوب تر لاسه کړ.

افغانستان له ۲۰۱۰  کال راهیسې د استخراجي صنایعو د شفافیت د نوښت سازمان غړیتوب لري چی د ۲۰۱۴ او ۲۰۱۷ کال د اجرااتو پر بنسټ یې غړیتوب په یاد سازمان کې له ځنډ سره مخ شو.

د خبرپاڼې له مخې؛ د کانونو او پترولیم وزارت د تصدیو په اصلاحاتو کې د پام وړ پرمختګ او د قراردادونو او جوازونو ورکولو په پروسه کې د روڼتیا ډاډ د دې لامل شوی، چې افغانستان د استخراجي صنایعو نړیوال شفافیت نوښت غړیتوب ترلاسه کړي.

دغه راز د یاد وزارت په خبرپاڼه کې راغلي؛ د کانونو او پټرولیم وزارت په تصدیو کې د اصلاحاتو او د قراردادونو او جوازونو د ورکړې په پروسه کې پر شفافیت سربېره، د حکومتي چارواکو، مدني ټولنې او خصوصي سکتور په ګډون د څو اړخیز ګروپ (MSG)  منظمې غونډې ترسره کړې.

د کانونو او پترولیم وزارت زیاته کړې؛ د استخراجي صنایعو نوښت د شفافیت نړیوال سازمان بورد پرون په دې سازمان کې د افغانستان بیا غړیتوب تصویب کړ، چې له مخې یې د ژینیو ۱۲.۵ ژمنې هم بشپړ شوې دی.

د استخراجي صنایعو نړیوال شفافیت نوښت ویلي، چې د اعتبار له دوه یم پړاو وروسته افغانستان د دې ټولنې د معیارونو په پلي کولو کې د پام وړ پرمختګ کړی دی.

په دې اعلامیه کې په ډاګه شوې؛ افغانستان وکولی شول د جواز ورکولو او پروژې تړونونو په برخو کې روڼتیا ډاډمنه کړي، چې دا د دې لامل شوی، چې په دې سازمان کې د افغانستان د لنډمهاله غړیتوب د لیري کیدو لامل وګرزي.

د استخراجي صنایعو شفافیت نوښت یو نړیوال سازمان دی، چې د هېواد په کانونو، ګاز او تېلو کې رو نتیا ډاډمنوي.

Continue Reading
Advertisement

Trending