Connect with us

تازه خبرونه

څلور میلیون افغانان بېړنۍ مرستې ته اړتیا لري – د بښنې نړیواله ټولنه

Ariana News

خپور شوی

 په

(Last Updated On: March 31, 2021)

د بخښنې نړیوالې ټولنې له افغان حکومت او نړیوالې ټولنې غوښتي، چې په افغانستان کې بې ځایه شویو خلکو ته بېړنۍ بشري مرستې تر سره کړي.

د سرچینې د څرګندونو له مخې؛  کورني  بېځایه شوي خواړو، اوبو او روغتیایي بېړنیو مرستو ته اړتیا لري.

د دغې ټولنې په خبرپاڼه کې راغلي: افغان حکومت او نړیواله ټولنه باید د هغو څلورمیلیو بې ځایه شویو سره، چې د کرونا ویروس د چټکې خپریدا پر مهال له زیانمنېدو سره مخ ول؛ خپلې هڅې ګړندۍ کړي.

سرچینې زیاته کړې: مونږ له ویروسه وژغورل شو؛ خو له لوږې به ژوندي پاتې نشو.

د دې ټولنې د څرګندونو له مخې؛ کرونا ویروس په افغانستان کې د کورني بې ځایه شويو خلکو پر وضعیت خورا ویجاړونکې اغېزه کړې، چې پاکو اوبو، مناسبو خواړو او روغتیایي مرستو ته لاسرسی نلري.

د بښنې نړیوالې ټولنې په کمپونو کې د کورني بې ځایه شويو خلکو پر حالت هم نیوکه کړې او وایي، چې دوی ان خامو توکي ته هم لاسرسی نلري.

په سویلي آسیا کې د بښنې نړیوال سازمان مشرې سمیرا حمیدي ویلي، چې څلور میلیون د بې ځایه شوي کورنيو غړي د کرونا ویروس د خپریدو په شرایطو کې ژوند کوي.

سمیرا حمیدي زیاته کړې؛ کمپونه تنګ او روغتیايي خدمتونه نلري. ان دلته لومړني روغتیايي خدمتونه هم نشته. پر دې وژونکي جوړښت سربېره  کورني بې ځایه شويو خلکو ته لږه مرسته چمتو شوې ده

هغې زیاته کړې؛ جنګونو په هېواد کې د بې ځایه کیدو ډېریدل او د کرونا ویروس د درېیمې څپې خطر  رامنځته کړی دی. د افغانستان حکومت او نړیواله ټولنه باید د بې ځایه شویو کورنیو د ساتنې لپاره ډېرې هڅې وکړي.

د بخښنې نړیوالې ټولنې دا هم ویلي، چې د کابل، ننګرهار او هرات د کمپونو مهاجرو ته بېړنۍ مرستې  ورکړشوې؛ خو دې حالت پر یو متر واټن ټینګار ناشونی کړی دی.

د ننگرهار ولایت په یوه کمپ کې میشتې میرمن د بښنې نړیوالې ټولنې ته ویلي، چې په کمپ کې ډېرې کورنۍ د کرونا ویروس نښې لري؛ خو دوی کتنو ته لاسرسی نلري، چې وکتل شي. د خلکو د څرګندونو له مخې لږ تر لږه اووه کسان له کرونا ویروسه مړه شوي؛ خو مونږ بریالي نشوو، چې روغتیا پاملرنې ته لاسرسی ومومو.

داخلي بې ځایه شوي کسانو د بښنې نړیوال سازمان ته ویلي، چې د قرنطین پرمهال ورسره مرسته نه وه شوې.

یوه بې ځایه شوې دې ټولنې ته ویلي: مونږ دنده نلرو، پیسې نلرو، مونږ چیرته واوسېږو، مونږ له افغان حکومت او نړیوالې ټولنې غواړو، چې مونږ خپلو کلو ته بېرته ستانه شو. هغوی باید له مونږ سره مرسته وکړي، چې خپل ژوند خوندي او له عزته ډک ژوند وکړو.

حميدي څرګنده کړې: کرونا ويروس حکومت ته يوه ننګونه ده. ویروس د بې ځایه شوي پر وضعیت اغېزه کړې؛ خو نړیواله ټولنه باید د اغېز کمولو لپاره سرچینې ځانګړې کړي.

دا په داسې حال کې ده، چې جګړه ورځ تر بلې پراخه کیږي او د بې ځایه شویو خلکو شمېر هم ورسره ډېریږي. د ملګرو ملتونو د څرګندونو له مخې؛ په ۲۰۲۰ زېږدیز کال کې ۳۲۷۰۰۰ ډېر خلک په افغانستان کې بې ځایه شوي وه، چې ۸۰ سلنه یې ښځې او ماشومان دي.

تازه خبرونه

وحشیانه جرمونه، د دولت ناکامي په ډاګه کوي – د بښنې نړیواله ټولنه

Ariana News

خپور شوی

په

توسط

(Last Updated On: May 10, 2021)

د بخښنې نړیوالې ټولنې د دوشنبې پر ورځ په کابل کې د برچي د سیمې د سید الشهدا عالي لیسې پر زدکوونکیو مرګوني بریدونه او د یکشنبې پر شپه د زابل پر ۴۰۴ بس بمي چاودنې ته په غبرګون کې ویلي، چې دا دوه پېښې باید نړۍ له درانده خوبه راویښه کړي.

د بخښنې نړیوالې ټولنې د سویلي آسیا کمپاین کوونکې سمیرا حمیدي ویلي: په لویدیځ کابل او زابل ولایتونو کې غونی ځیږوونکې پېښې باید نړۍ له درانده خوبه راویښه کړي.

دې ټولنې د دوشنبې پر ورځ منلې، چې د شنبې پر ورځ د برچي د سیمې د نجونو پر ښوونځي په چاودنو کې ۸۵ زدکوونکي او د یکشنبې پر شپه په زابل کې د ځای پر ځای شوي ماین پر چاودنه ۱۱ کسان وژل شوي دي.

هغه وایي: دا نه بدلېدونکي جرمونه د ملکي وګړیو په ځانګړي توګه د نجونو او لږکیو د ساتنې په برخه کې د چارواکو ناکامي په ډاګه کوي. خلک په اوونیز وژل کیږي او وینه تویېدل مو د پریښودلو کومه نښه نلري.

هغې ویلي؛ اوس هغه وخت ندی، چې نړیواله ټولنه افغانستان ته شا راواړوي.

د ملکي وګړیو په ځانګړي توګه د ماشومانو او ښوونځیو په نښه کول جنګي جرم دی او له نړیوالو بشردوستانه قوانینو ښکاره سرغړونه ده. د سولې خبرو اترو ته ټولې خواوې باید د ملکي وګړیو ساتنې، د ټولو لپاره د بشري حقونو ملاتړ او له دې جرمونو نه خوندیتوب ته پام راواړوي.

Continue Reading

تازه خبرونه

جنرال قمر باجوه په کابل کې له اشرف غني سره ولیدل – سرچینې

Ariana News

خپور شوی

په

توسط

(Last Updated On: May 10, 2021)

سرچینو رویټرز ته د نوم د نه ښودلو پر شرط څرګنده کړې، چې د پاکستان د پوځ لوی درستيز جنرال قمر جاوید باجوه د دوشنبې پر ورځ / د غویی ۲۰/ په کابل کې د افغانستان له ولسمشر اشرف غني او یو شمېر نورو مشرانو سره لیدلي دي.

د پاکستان د اردو میډیا څانګې سمدلاسه د تبصرې یا غوښتنې لپاره غوښتنې ته ځواب ونه وایه او لیدنه یې تایید کړه.

د رویټرز د څرګندونو له مخې، دا سمدستي روښانه نده، چې د غونډې په بهیر کې پر کومو خبرو بحث شوی دی.

ګاونډی پاکستان د افغانستان د سولې په بهیر کې یو اغېزمن لوبغاړی ګڼل کیږي.

په تېرو وختونو کې اسلام آباد طالبانو ته د پناه بر ورکولو تورن شوی و؛ خو په وروستیو څو کلونو کې د واشنګټن او نورو غربي ځواکونو د فشار له مخې یې منلې، چې طالبان یې د سولې په خبرو کې برخه اخیستو ته هڅولي دي.

د پاکستان د پوځ د رسنیو څانګې  د څرګندونو له مخې؛ باجوه د دوشنبه پر ورځ د انګلستان د دفاع وزارت له لوی درستيز جنرال نیکولایس پیټریک کارټر سره د افغانستان د سولې په اړه لیدلي دی؛ خو د غونډې د ځای په اړه راپور ورکړ شوی ندی.

ارګ او د پاکستان د پوځ د رسنیو څانګې د دغه سفر او لیدنې د تائید یا رد په اړه څه ندي ویلي.

په دې وروستیو اوونیو کې ډیپلوماټیکو سرچینو رویټرز ته ویلي؛ پاکستان له وسلوالو سره خبرې کوي، چې اوربند ته غاړه کېدي. د امریکا او طالبانو ترمنځ شوې غځېدلې هوکړې له مخې؛ ټاکل شوې، چې بهرني  ځواکونه د می په میاشت کې وتل پیل او دا بهیر د سپتمبر تر ۱۱ روان وساتي او د ترکیې د پلان شوي کنفرانس د سولې په خبرو کې برخه واخلي.

په وروستيو اوونیو کې د طالبانو او افغان ځواکونو بریدونه هم ډېر شوي دي.

دا په داسې حال کې ده، چې طالبانو د یکشنبې پر شپه د کوچني اختر پرویاړ د درې ورځني اوربند اعلان کړی. که څه هم ارګ او سپیدار ماڼیو ترې هرکلی کړی؛ خو وایي، چې ستونزې پر لنډمهاله اوربند نه، بلکې پر دایمي اوربند حل کیږي.

Continue Reading

تازه خبرونه

په کابل کې د نجونو پر ښوونځي د چاودنو د ځالني زیان شمېر ۸۵ کسانو ته لوړ شوی

Ariana News

خپور شوی

په

توسط

(Last Updated On: May 10, 2021)

د ولسمشر دوه یم مرستیال سرور دانش آریانا نیوز ته منلې، چې د کابل په دشت برچي سیمه کې د شنبې د ورځې د بریدونو د ځاني زیان شمېر ۸۵ کسانو ته لوړ شوی او له ۱۵۰ ډېر نور ټپیان دي.

د تېرې شنبې پر ورځ په کابل کې د نجونو ښوونځي ته نږدې درې پرلپسې چاودنې شوې وې؛ خو تر دې دمه هیچا د برید مسوولیت نه دی منلی.

د بشري حقونو خپلواک کمیسیون ویلي؛ د روژې په مبارکه میاشت کې / د اپریل له ۱۳څخه د می تر ۷ / ۱۳۰امنیتي پېښې مو ثبت کړي، چې په کې ۵۱۹ ملکي وګړي زیانمن شوي دي.

د یاد کمیسیون د څرګندونو له مخې؛ د روژې په مبارکه میاشت کې ۱۶۰ کسان وژل شوي او ۳۵۱ نور ټپیان دي. په دې سروې کې د برچې د سید الشهدا ښوونځي د درې چاودنو ځاني زینونه شمېر شوي ندی.

د یادونې ده، چې د دغه شمېر له لوړېدو سره د روژې په مبارکه میاشت کې د وژل شویو کسانو شمېر  ۲۴۵ ته لوړ شوی او ۵۰۲ نور ټپیان دی.

Continue Reading

Trending

آریانا نیوز: ټول حقونه خوندي دي