Connect with us

تازه خبرونه

ځینې هېوادونه د افغانستان د سولې بهیر د ګډوډولو هڅې کوي

Ariana News

خپور شوی

 په

(Last Updated On: December 29, 2020)

د پاکستان د بهرنیو چارو وزیر شاه محمود قریشي ویلي؛ هېواد یې د سولې په بهیر کې د آسانتیاوو برابرولو په هڅه کې دی؛ خو ځینې نور هېوادونه نه پریږدي، چې دا بهیر یوې پایلې ته ورسیږي.

د پاکستان د بهرنیو چارو وزیر په یوه راډیویي مرکه کې یو ځل بیا تینګار کړی، چې هېواد یې د افغان سولې په بهیر کې د آسانتیاوو برابرولو په هڅه کې دی؛ خو ځینې عناصر يې د تخریبولو کوښښ کوي. مخکې له دې اسلام آباد هند تورن کړی و، چې د سولې بهیر د تخریبولو په هڅه کې دی.

شاه محمود قریشي ویلي؛ یو شمېر تخریب کوونکي شته، چې خپلې ځانګړې اجنډاوې لري او نه غواړي په سیمه کې سوله راشي. دوی هڅه کوي، چې د افغانستان د سولې بهیر ګډوډ او د تاوتریخوالي د دوام له لارې غواړي اوربند د هغوی تر ادارې لاندې وي.

د ولسمشر پخوانی سلاکار طارق فرهادي ویلي؛ د پاکستان له لوري د دغو څرګندونو موخه د جوبایډن تر غوږونو د هند، پاکستان او افغانستان پر اړیکو د بیاکتنې رسول دي.          

طالبان هم مني، چې ځینې لوري د افغان سولې په بهیر کې خنډونه رامنځته کول غواړي؛ خو په ځانګړي توګه د چا نوم نه اخلي.

په قطر کې د طالبانو د سیاسي دفتر ویاند نعیم وردګ ویلي: زه نه غواړم په دې اړه په ځانګړې بڼه وغږېږم؛ خو ټول پوهیږي، چې څوک د مشروعیت په لټه کې دي.         

مخکې له دې د پخلاینې عالي شورا مشر پاکستان ته په سفر کې ویلي وه، چې القاعده او نورې وسلوالې  ډلې او بهرني عناصر د افغان سولې بهیر د تخریب په هڅه کې دي.

تازه خبرونه

له افغانستان څخه د بهرنیو ځواکونو پر وتلو میرمنې اندېښمنې شوي

Ariana News

خپور شوی

په

توسط

(Last Updated On: May 8, 2021)

د افغانستان بهرنیو چارو وزارت ویلي، چې پرون (جمعه د غویي ۱۷) د ملي شورا د ښځو استازیو د امریکا د کانګرس له ځینو غړیو سره په افغانستان کې پر امنیتي او سیاسي وضعیت انلاین بحث او خبرې کړې دي.

د یاد وزارت د څرګندونو له مخې؛ افغان میرمنو له افغانستان څخه د امریکایي ځواکونو د وتلو د پایلو په اړه اندېښنه څرګنده کړې ده.

دې وزارت په ډاګه کړې؛ د کانګرس غړیو ژمنه کړې، چې دا اندېښنې به له مشرانو جرګې او وروسته له حکومت سره شریکې کړي.

د امریکا د مشرانو جرګې غړیو  د افغانستان او د تېرو دوه لسیزو له لاسته راوړنو ملاتړ کړی دی.

د ښځو استازیو  د بهرنیو ځواکونو وتل او له افغان ځواکونو سره د همکاریو روان ساتل په خپلواکه توګه د افغانستان د دفاع لپاره ترټولو ښه فرصت ګڼلی دی.

د بهرنیو چارو وزارت د څرګندونو له مخې؛ د پارلمان غړیو په تېرو دوه لسیزو کې ډیموکراټیکو جوړښتونو ته په نغوته کې د افغانستان د خلکو مشروع اراده او د ځوان نسل پر غوښتنو ټینګار کړی او وایي؛ افغانان نه غواړي، چې د طالبانو د رژیم  تورو ورځو ته ستانه شي.

د ملي شورا ښځینه استازيو د تاوتریخوالي زیاتوالی او د هدفي وژنو دوام هم د دوحې له تړونه سرغړونه بولي.

د افغان میرمنو استازیو له خپلو امریکایي همکارانو د ګډ کار غوښتنه کړي او غواړي؛ طالبان او د دوی سیمه ییز ملاتړ کوونکي وهڅوي، چې په هېواد کې سمدستي او دایمي اوربند ومني.

Continue Reading

تازه خبرونه

امریکا د خوندي وتلو لپاره سیمې ته ۱۲ نورې الوتکې لیږلي

Ariana News

خپور شوی

په

توسط

(Last Updated On: May 8, 2021)

اسوشیټیډ پرس د امریکايي چارواکو د څرګندونو له مخې په ډاګه کړې؛ دغه هېواد ۱۲ نورې جنګي الوتکې سیمې ته استولي، چې له افغانستان څخه د بهرنیو ځواکونو له خوندي وتلو ملاتړ وکړي.

د امریکا د پوځ لوی درستیز جنرال مارک میلي ویلي، چې د عربو په بحیره کې ۱۲ اف ـ۱۸ جنګي الوتکې او شپږ بي ـ۵۲ بم غورځوونکې له ناو ایزنهاور الوتکې لېږدوونکیو سره ځای په ځای شوي دي.

له راپورونو سره سم په سلګونه ځانګړي امریکایي ځواکونه هم په افغانستان کې ځای پر ځای شوي، چې د بهرنیو ځواکونو په خوندي وتلو کې مرسته وکړي.

مارک ملي زیاته کړې، چې د تاوتریخوالي کچه به دوام ومومي.

هغه زیاته کړې، چې له افغانستان څخه د بهرنیو ځواکونو د وتلو له پیل راپدیخوا پر ځواکونو برید ندی شوی او افغان ځواکونه یې ځواکمن نومولي دي.

دغه امریکایي جنرال وايي: اوس دوی ( افغان ځواکونه) د خپل هېواد لپاره جنګيږي. زما د پوځي اټکل له مخې، طالبان سمدستي بریالي کېدی نشي او کابل به سقوط ونکړي، چې هره دا وړاندویېنه وېرونکې ده. په افغان حکومت کې د پام وړ نظامي وړتیا شته؛ خو وګورو، چې دوی څنګه لوبه کوي.

راپور په ډاګه کړې؛ د امریکا دفاع وزارت په پام کې لري، چې له افغانستان څخه د امریکايي ځواکونو له وتلو وروسته په کوم بل هېواد کې د روزنې په ګډون له افغان ځواکونو د ملاتړ پر څرنګوالی خبرې وکړي.

امریکایی جنرال مارک میلي وایي، د هېواد هوایي ځواک د طالبانو د بریدونو په بندولو کې مهم رول لوبولی شی؛ خو الوتکې به یې دوام ونلري.

د افغانستان د سولې لپاره د امریکا ځانګړي پلټونکي په یوه راپور کې ویلي، چې د افغانستان هوایي ځواک به د امریکایي قرارداديانو له ملاتړ پرته پېنځه میاشتې هم دوام ونکړي.

د امریکا دفاع وزیر لوویډ آسټین ويلي، چې د بهرنيو له ملاتړ پرته د افغانانو لخوا د طالبانو بریدونه بندول به یوه ننګونه وي.

هغه ویلي: مونږ غواړو، چې افغان امنیتي ځواکونه د طالبانو د بریدونو په مخنیوي کې مهم رول ولوبوي.

د آسټین د څرګندونو له مخې؛ افغان ځواکونو د هلمند ولایت په مرکز لښکرګاه کې د طالبانو پر ضد بریدونه پیل کړي دي.

Continue Reading

تازه خبرونه

که طالبان سوله ونکړي؛ مونږ به په افغانستان کې د جمهوریت ملاتړ وکړو – خليلزاد

Ariana News

خپور شوی

په

توسط

(Last Updated On: May 8, 2021)

د افغانستان د سولې امریکایي استازي زلمی خلیلزاد په ډاګه کړې؛ که طالبان سوله غوره نکړي؛ نو امریکا به د هغو افغانانو ملاتړ وکړي، چې د جمهوري ریاست لپاره هڅې کوي.

د افغانستان د سولې لپاره د امریکا ځانګړي استازي زلمي خلیلزاد په خپل یولړ ټویټونو کې څرګنده کړې، چې د افغانستان د سولې بهیر په اړه یې تاشکند، دوحې کابل او دوشنبې ته خپل کاري سفرونه پای ته رسولي دي.

خلیلزاد ویلي، چې نړیواله ټولنه به په نوي فصل کې د افغانستان د سولې هڅې روانې وساتي.

د امریکا ځانګړي استازي له افغان مشرانو غوښتي، چې په افغانستان کې د سولې لپاره له رامنځته شوي تاریخي فرصت ملاتړ وکړي.

هغه ویلي، چې د افغانستان د سولې بهیر په اړه نړیواله اجماع؛ پر سیاسي حل، د تاوتریخوالي پای ته رسولو او د نظامي حل د تپلو د هر راز هڅو پر ردولو راڅرخي.

د اروپايي اتحادیې، ناتو، جرمني، فرانسې، ایټالیا، ناروې، انګلستان او امریکا ځانګړيو استازیو په یوه ګډه اعلامیه کې له طالبانو غوښتي، چې پسرلني نااعلان شوي بریدونه ودروي.

دا په داسې حال کې ده، چې طالبانو ویلي؛ ډیپلوماټان، ژورنالیستان او د بشري حقونو فعالین به خوندي پاتې شي او د سولې خبرو د پرمختګ لپاره د تورنوملړ له منځه وړل اړین دي.

Continue Reading

Trending

آریانا نیوز: ټول حقونه خوندي دي