Connect with us

تازه خبرونه

ځانګړي پولیس د ټاکنو کمیسیون د دیجیتلي رایو مرکز ته ننوتي- مولانا عبدالله

Ariana News

خپور شوی

 په

(Last Updated On: October 21, 2019)

د ټاکنو خپلواک کمیسیون یوه غړي ویلي، چې یو شمېرځانګړیو پولیسو تېره شپه د ټاکنو خپلواک کمیسیون د بایومتریک رایو د معلوماتو بانک محافظتي قفل مات کړی او دې مرکز ته ننوتي دي.

د ټاکنو خپلواک کمیسیون د بایومتریکي رایو د معلوماتو مرکز د ځانګړیو پولیسو تر پلټني لاندې راغلی؛ خو د ټاکنو خپلواک کمیسیون کمیشنر مولانا عبدالله ویلي، چې ځانګړي ځواکونه د شپې د رایو مرکز ته ورغلي، دروازه یې ماته کړې او یو یې مرکز ته ننوتی دی.

نوموړي ویلي، چې په دې اړه نور معلومات نلري؛ ځکه دلته پېنځان امنیتي بنسټونه کارکوي او مونږ یې د دندو د وېش په اړه خبر نه یو.

د ټاکنو خپلواک کمیسیون کمیشنرمولانا محمد عبدالله ویلي، د ټاکنو خپلواک کمیسیون دفتر ته د شکمنو کسانو ورتګ د اندېښنې وړدی.

دی وایي؛ په بېلابېلو پلمو کمیسیون ته شکمن کسان ورځي، چې د اندېښنې وړ خبره ده.

هغه دغه راز ټینګار کوي؛ هغه افراد هم باید وپوښتل شي، چې د ټاکنو د لومړنیو پایلو په اعلان کې د ځنډ سبب شوي.  

ښاغلي مولانا عبدالله زیاته کړې، چې د ټاکنو کمیسیون له تېرو اووه میاشتو راپدیخوا د جنګ یوې جبهې ته ورته دی؛ نه یوې خپلواکې دولتي ادارې ته.

له ټاکنو ۲۳ ورځې تېرې شوي؛ خو تر اوسه کمیسیون ندی توانیدلی، چې د  رایو ورکوونکیو بایوومتریکي معلومات بشپړ کړي.

د کمیسیون دغه غړي دا هم ویلي، چې د ټاکنو کمیسون یو شمېر کارونه د اندېښنې وړ او پوښتنې راپورته کوونکې دي.

په ټاکنو کمیسیون کې دوه زره قرنطین شوې دستګاوې شته؛ یوه اوونۍ کیږي، چې کمیسیون پرې کارکوي او ایله د ۱۴ قرنطین شویو دستګاوو معلومات دیتا ته داخل کړي، خو دا بهیر اوس دریدلی دی.

د ښاغلي ګلبدین حکمتیار ټاکنیزه ډله هم دا تائیدوي، چې پولیس د معلوماتو بانک ته ورغلي وه؛ خو دولت جوړونکې ټاکنیزه ډله دا خبرې ردوي.

کورنیو چارو وزارت دا ادعا بې بنسټه بولي.

کورنیو چارو وزارت  ویاند نصرت رحیمي وایي، هیڅ ځانګړي پولیس ځواکونه د ټاکنو خپلواک کمیسیون دې برخې ته ندي ورغلي.

د ټاکنو خپلواک کمیسیون هم رسنیو ته په رالیږل شوې خبرپاڼه کې رد کړې، چې ګویا د دې کمیسیون د دیجیتلي رایو قفل دې مات شوی وي.

دا په داسې حال کې ده، چې د ثبات او همپالنې ټاکنیزه ډلې غړي علی احمد عثماني نن په یوه خبري ناسته کې ولسمشرۍ ماڼۍ، د کورنیو چارو وزارت امنیتي مرستیال او د ټاکنو خپلواک کمیسیون د دارالانشا رییس د ټاکنو خپلواک کمیسیون د بایومتریکي دستګاوو دیجیتلي مرکز ته د پولیسو په ناقانونه ننوتو تورن کړي او د یو شمېر کسانو د دندو د ځنډولو غوښتنه یې کړې ده.

تازه خبرونه

په غزني کې د موتربم برید پلانوونکی د هوایي برید ښکار شوی

Ariana News

خپور شوی

په

توسط

(Last Updated On: November 30, 2020)

ملي دفاع وزارت نن (دوشنبه د لیندۍ ۱۰) څرګنده کړې، چې په غزنی ولایت کې د تېرې ورځې د ترسره شوي موتر بم برید پلانوونکی له خپلو ملګرو سره د هوایي ځواکونو د عملیاتو پر مهال وژل شوی دی.

د وزارت د خبر پاڼې له مخې: حمزه وزیرستاني نومي، چې په غزنی کې د پروني موتربم برید پلانوونکی دی؛ له خپلو اووه ملګرو سره وژل شوی دی.

حمزه وزیرستانی تېره شپه د غزني ولایت د ګیرو ولسوالۍ د علی شېرخېل کلي په اړوند سیمه کې د هوایي ځواکونو د هدفي برید ښکار شوی دی.

خبرپاڼې  د دغه برید په اړه نور جزئیات ندي ورکړي.

د یادونې ده، چې پرون سهار مهال یوه ځانمرګي برید کوونکي له چاودېدونکيو توکو ډک هاموی د عامه نظم کنډک ته نږدې چولی، چې د ولایتي روغتون د څرګندونو له مخې په کې ۳۱ امنیتي ځواکونه وژل شوي او له شل ډېر نور ټپیان دي او  طالبانو هم په دې برید کې لاس لرل رد کړي .

Continue Reading

تازه خبرونه

سږکال په ننګرهار کې ۵۰۰ متریک ټنه شات تولید شوي

Ariana News

خپور شوی

په

توسط

(Last Updated On: November 30, 2020)

د ننګرهار ولایت د کرنې ریاست نن (دوشنبه د لیندۍ ۱۰) څرګنده کړې، چې سږکال په دې ولایت کې شاوخوا ۵۰۰ ټنه شات تولید شوي دي.

د ننگرهار د کرنې ریاست چارواکو ويلي، چې په دې ولایت کې شاوخوا ۶۰۰ لوی او کوچني فارمونه شته، چې په کې لږ تر لږه د شاتو مچیو ۴۰ زره کورنۍ  تر روزنې لاندې دي.

د ننګرهار د کرنې ریاست د چارواکو د څرګندونو له مخې؛ د ننګرهار د شاتو مچیو په فارمونو کې له ۲۲ تر ۳۰ ډوله د شاتو مچۍ شته، چې د روزلو په چارو کې یې نږدې دوه زره ښځینه او نرینه وو ته د کار زمینه برابره شوې ده.

په دې وروستیو کلونو کې د شاتو د مچیو روزنه او د شاتو تولید په ننګرهار ولایت کې خورا عام شوی دی.

د شاتو مچیو د روزنې د سکتور کارکوونکي څرګندوي، چې دا کار اقتصادي ارزښت لري او دوی ته په کې د اړتیاوو د پوره کولو زمینه برابره شوې ده.

د ننګرهار په سیمه ییزو بازارونو کې په منځنۍ کچه د یوه کیلو ګرام شاتو بیه له ۲۵۰ تر ۵۰۰ افغانیو ده. د ننګرهار شات د کابل تر څنګ د هېواد په یو شمېر نورو ولایتونو کې هم پلورل کیږي.

د کرنې وزارت له خوا د دولت، موسسو، شاتو مچیو روزونکیو او د شاتو تولیدوونکیو ترمنځ د اړیکو ټینګولو او بازار موندنې لپاره په ننګرهار ولایت کې د شاتو مچیو ټولنه هم جوړه شوې ده.

دغه ټولنه د کروندګرو او شاتو مچیو روزونکیو د ستونزو اوارولو ترڅنګ د شاتو مچیو صنعت ته د ودې ورکولو او د شاتو د تولید په برخه کې هم کار کوي.

د ننګرهار د شاتو تولیدوونکیو اتحادیې د چارواکو د څرګندونو له مخې، د دې ولایت شات د هېواد په بېلابېلو ولایتونو کې هم پلورل کیږي. اوسمهال دا ټولنه په هلمند، بلخ، کابل او هرات ولایتونو کې فعال استازي لري او نورو ولایتونو ته یې د غزولو هڅې هم روانې دي.

د یادونې ده، چې دمګړۍ د هېواد په غرنیو سیمولکه ننګرهار، پکتیا، بدخشان، تخار، بلخ، هلمند، پنجشېر، پروان، کاپیسا، غزني او هرات ولایتونو کې ښه شات تولیدیږي، چې ډېر خوښ شوي دي.

Continue Reading

تازه خبرونه

په تېرو۲۰ کلونو کې د برښنا تنظیمولو لپاره بشپړ کار ندی شوي – برښنا شرکت

Ariana News

خپور شوی

په

توسط

(Last Updated On: November 30, 2020)

د افغانستان برښنا شرکت مسوولینو ویلي، چې په تېرو ۲۰ کلونو کې د برښنا تنظیمولو لپاره بشپړ کار ندی شوي او دا هېواد د درې سوه میګاوټه برښنا له لږوالي سره مخ شوی او اوس ستونزه پر پرچاویو حلوو.

د افغانستان برښنا شرکت مسوولینو زیاته کړې؛ له ازبکستان څخه د پېنځه سوه کیلو ولت برښنا لین پروژې  نه بشپړیدو له کبله د هېواد کې د برښنا ستونزې ډېرې شوې دي.

د افغانستان د برښنا شرکت له خلکو غوښتي، چې د پرچاویو په اړه ورسره همکاري وکړي.

دوۍ دغه راز څرګندوي، چې د صنعتي  پارکونو د برښنا ستونزه یې هم  حل کړې ده.

د افغانستان برښنا شرکت عملیاتي مرستیال سلیم سلیمي وایي: مونږ د افغانستان د صنعت کارانو د ستونزې د حل لپاره اقدام کړی؛ مونږ ژمن یو، چې د کورنیو تولیداتو د ملاتړ لپاره برښنا برابره کړو اوس هم  دولس ساعته برښنا لري.

د افغانستان د صنایعو او کانونو خونې مسوولینو ویلي، چې اوس هم  د کورنیو تولیداتو د برښنا ستونزه نده حل شوې؛ ځکه، چې د ورځي پېنځه ساعته برښنا لري هغه هم  له پر چاوي سره ملګرې ده.

د صنایعو او کانونو خونې مرستیال سخي احمد پيمان ویلي: مونږ همدا اوس په فابریکه کې برښنا نلرو او په دې اړه برښنا شرکت همکاری نکوي. په داسې حال کې، چې صنعت برښنا ته اړتیا لري؛ خو برښنا نشته.

د اوسپنې ویلې کولو ټولنې اجرائیه مشر عبد النصیر رشتیا وایي: مونږ؛ خو تر اوسه د اړتیا وړ برښنا نده لیدلي. حیران یم، چې دوۍ دا برښنا چاته ورکوي. د برښنا د نشتون له کبله کارخونې هم تړل شوې دي.

د افغانستان برښنا شرکت مسوولینو ویلي، چې د تېر کال په پرتله په کابل کې ۴۵۰ میګا وات برښنا ته اړتیا ده، چې۴۸۰ میګاوته ته لوړه شوې.

د برښنا شرکت د څرګندونو له مخې؛ دمګړۍ د هېواد پېنځه ویشت ولایتونه برښنا نښلولي او راتلونکی کال به درې نور ولایتونه هم  له برښنا شبکې سره ونښلول شي.

Continue Reading
Advertisement

Trending