Connect with us

تازه خبرونه

پوهنې وزارت د انلاین زدکړو طرحه وړاندې کړه

Ariana News

خپور شوی

 په

(Last Updated On: May 8, 2020)

پوهنې وزارت ویلي، څرګنده نه ده، چې ګرځبندیز کله پای ته رسیږي او ښوونځي کله پرانیستل کيږي؛ ځکه مو  د انلاین زدکړو بدیله طرحه زدکوونکیو ته وړاندې کړه.

دغه وزارت څرګنده کړې؛ هغه زدکوونکي، چې انټرنټ ته لاسرسی لري، ورته یو ویب سایټ جوړ شوی او  ترې ښوونیز فلمونه ډانلوډولی شي.

د پوهنې وزارت چارسمبالی میرویس بلخي وایي، دا وبسایټ سر له ننه د لاس رسي وړ دی او ښوونیز پروګرامونه په غږیز او انځوریز ډول په کې ایښودل کیږي؛ هغه زدکوونکي، چې انټرنټ ته لاسرسی لري، له دې پروګرامه ګټه اخیستی شي.

میرویس بلخيزیاته کړې؛ د ښوونځیو مضامین په دوه برخو وېشل شوی (اجتماعي او ساینسي) چی ساینسي علوم له ۷ تر ۱۲ ټولگي لپاره زدکوونکي په کورونو کي پخپله لوستلې شي.

د پوهنې وزارت چارسمبالی دا راز په ډاګه کړې؛ په هغو سیمو کې، چې برښنا او انټرنټ نشته، محدود شمېر زدکوونکي را ټولیږي او روغتیایي موارد رعایتوي.

نوموړي ویلي، چی د پوهنې ټلویزیون له ۱۷ سټیدیوګانو څخه په ورځ کې ۹۰ لوستونه په فارسي او پښتو ژبو ثبتوي، چی له څېړنې وروسته د وبسایت او د ملي ټلویزیون له لارې خپریږي.

بلخي دا هم ویلي، که ګرځبندیز له څلور نیمې میاشتنۍ آزموینې ۱۵ ورځې مخکې لیرې شي له زدکوونکیو آزموینه اخیستل کیږي، له دې پرته ټول درسونه، چې زدکوونکي یې کورونو کې لولي د کال په وروستیو کې ارزول کیږي او ورته نمرې ورکوو.

تازه خبرونه

پاکستان افغانستان او مرکزي آسیا ته نړیوالې الوتنې ډېروي

Ariana News

خپور شوی

په

توسط

(Last Updated On: February 25, 2021)

د پاکستان نړیوال هوایي شرکت نن (پنجشنبه د کب ۷) په ډاګه کړه، چې دوی به افغانستان، آذربایجان او ازبکستان ته په نړیوالو الوتنو کې ډېروالی رامنځته کړي.

د پاکستان نړیوال هوایې شرکت په یوه ټویټ کې ویلي؛  چې دوی به په اوونۍ کې افغانستان ته خپلې الوتنې له ۴ څخه تر ۵  ورسوي.

سرچینه څرګندوي؛ مونږ غواړو، چې په دې توګه افغانستان ته خپلې الوتنې پراخه کړو.

دوی دا هم ویلي، چې د آذربایجان پلازمېنې باکو ته هم خپلې نېغې الوتنې ډېروي.

دا په داسې حال کې ده، چې پاکستان له افغانستان سره د سوداګریزو اړیکو د پراختیا تر څنګ په سیمه کې د سولې او ثبات راتلو ته هم لیواله شوی دی.

Continue Reading

تازه خبرونه

د آلمان کابینې په افغانستان کې د پوځي ماموریت غزول وغوښتل

Ariana News

خپور شوی

په

توسط

(Last Updated On: February 25, 2021)

د جرمني حکومت د چارشنبې پر ورځ پرېکړه وکړه، چې په افغانستان کې به خپل پوځي ماموریت لږ تر لږه  ۱۰ میاشتې نور هم وغزوي.

آلماني رسنیو د پنجشنبې پر ورځ راپور ورکړ، چې دغه نوې مسوده د دې لپاره د حکومت کابینې منلې، چې د سولې خبرې په افغانستان کې بریالۍ تر سره شي؛ خو دا مسوده د پارلمان د ولسي جرګې تصویب ته اړتیا لري.

د آلمان اوسنی ماموریت د روان کال په مارچ میاشت کې سرته رسیږي.

دویچه ویله څرګندوي؛ د آلمان د لومړۍ وزیرې انګیلا میرکل د کابینې د پرېکړې له مخې به په افغانستان کې د دغه هېواد پوځي ماموریت د ۲۰۲۲ کال د جنوري تر ۱۳ روان وي.

د حکومت ویاند سټیفن سایبرټ ویلي؛ د ماموریت د نوې نېټې په پرېکړه کې د افغانستان پېچلي وضعیت ته پوره پاملرنه شوې او تر هغې به روان ناامنه وضعیت او ګواښ هم بدلون ومومي.

آلمان په افغانستان کې د ناټو په پرېکنده ملاتړ ماموریت ځواکونو کې ۱۱۰۰ سرتېري لري، چې له امریکا وروسته دوه یم لوی ځواک دی.

سټیفن سایبرټ زیاته کړې، چې په نوي ماموریت کې به ۱۳۰۰ آلماني سرتېري له بدلون پرته پاتې شي.

د جرمني د حکومت دغه پرېکړه وروستۍ؛ ځکه نده، چې د دې هېواد د پارلمان  ولسي جرګې لخوا تصویب شوې نده.

له دې مخکې د جرمني دفاع وزیر او یو شمېر نورو چارواکو له می میاشتې وروسته هم په افغانستان کې د خپلو عسکرو د پاتې په اړه حکومت ته مشورې ورکړې وې.

د امریکا نوې اداره هم له طالبانو سره د امریکا د هوکړې، چې د روان کال تر می میاشتې به خپل ټول سرتېري له افغانستان وباسي؛ پر بیا کتنې ټینګار کړی دی.

دا په داسې حال کې ده، چې د ناټو عمومي منشي ینس سټولټنبرګ هم تېره اوونۍ د دفاع وزیرانو له ناستې وروسته خبریالانو ته ویلي، چې په افغانستان کې د میشتو بهرنیو ځواکونو د راتلونکي په اړه هیڅ پرېکړه نده شوې او پوځي ټلواله به مو په دې هېواد کې د خپلې ښکېلتیا له کبله له بېلابېلو خنډونو او ننګونو سره مخ وي.

Continue Reading

تازه خبرونه

پاکستان د طالبانو له بیا واکمنېدو ملاتړ نکوي – راپور

Ariana News

خپور شوی

په

توسط

(Last Updated On: February 25, 2021)

پاکستانیو رسنیو د پاکستان د پوځي چارواکو د څرګندونو له مخې په ډاګه کړې، چې حکومت یې په افغانستان کې د طالبانو واک ته د رسېدو له هڅو ملاتړ نکوي.

د پاکستان د پوځ ویاند جنرال بابر افتخار پرون (چارشنبه د کب ۶) د پوځ په قومندانۍ کې رسنیو ته څرګنده کړې، چې پاکستان د افغانستان د سولې بهیر د پیل او ترسره کولو لپاره ډېرې هڅې کړي او افغان مشران هم له دغو هڅو خبر دي.

پاکستانيو رسنۍ د جنرال بابر افتخار د څرګندونو له مخې په ډاګه کړې، چې د افغانستان د راتلونکي او د سولې د روان بهیر په اړه پرېکړه د افغانانو او افغان حکومت حق دی.

جنرال افتخار وایي: زمونږ یوازنۍ موخه په افغانستان کې تلپاتې سوله او ثبات دی.

هغه د یوې پوښتنې په ځواب کې، چې آیا طالبان به بېرته واک ترلاسه کړي؛ ویلي: افغانستان د ۱۹۹۰ کلونو هېواد ندی او د حکومت بېخبناوې به هم آسانه له منځه ولاړې نشي. دا ناشونې ده ، چې طالبان به يو ځل بيا پر افغانستان واکمن شي او پاکستان به يې ملاتړ وکړي.

څو ورځې مخکې د افغانستان لپاره د روسیې د ولسمشر ځانګړي استازي ضمیر کابلوف پاکستان ته سفر کړی و، چې له افغان چارواکو سره د افغانستان د سولې پر بهیر خبرې وکړي.

د راپورونو له مخې؛ نوموړي په مسکو کې د افغانانو ترمنځ د سولې د خبرو د پیل لپاره د غونډې پر جوړولو هم راڅرخېدلی دی.

ضمیر کابلوف زیاته کړې، چې په افغانستان کې د سولې لپاره د امریکا ځانګړی استازی زلمی خلیلزاد به هم په دې ناسته کې ګډون وکړي.

د یادونې ده، چې روسیې له دې مخکې هم په مسکو کې د افغانانو ترمنځ د خبرو ترسره کولو لپاره ډاډمنه زمینه برابره کړې وه.

Continue Reading

Trending

آریانا نیوز: ټول حقونه خوندي دي