Connect with us

نړۍ

پوتین په کرملین کې تر ۲۰۳۶ کاله د پاتې کېدو یو قانون لاسلیک کړی

خپور شوی

 په

(Last Updated On: وری ۱۷, ۱۴۰۰)

د روسیې ولسمشر ولادمیر پوتین یو قانون لاسلیک کړی، چې له مخې به یې په کرملین کې تر ۲۰۳۶ زېږدیز کال پورې پاتې شي.

رویټرز په ډاګه کړې؛ دغه قانون پوټین ته اجازه ورکوي، چې د ولسمشرۍ لپاره په دوه نورو دورو کې هم ځان نوماند کړي.

د پوتین روانه دوره په ۲۰۲۴ زېږدیز کال کې پای ته رسیږي.

د روسیې په اساسي قانون کې دا بدلون تېر کال رامنځته شوی دی.

دا بدلون ۶۸ کلن پوتین ته اجازه ورکوي، چې تر ۸۳ کلنۍ پورې په احتمالي توګه په واک کې پاتې شي. اوسمهال هغه د ولسمشر په توګه د دوه یم ځل لپاره کار کوي.

دا په اساسي قانون کې هغه تعدیل دی، چې نیوکه کوونکي یې مشروطه کودتا بولي. تمه کیږي، چې د خلکو ملاتړ به هم ترلاسه کړي. په ځانګړي توګه د تقاعد په اړه بدلون به له پوره ملاتړه برخمن شي.

د پوتین لخوا لاسلیک شوی قانون هر راتلونکي ولسمشر ته د دوه دورو نوماندۍ اجازه ورکوي؛ خو د هغه د مودې شمېرنه بیا هم تظمینوي. دا د هر هغه چا مخه نیسي څوک، چې بهرني تابعیت لري.

دغه قانون تېره میاشت د پارلمان په ولسي او مشرانو جرګې کې تصویب شوی دی.

نړۍ

یوه ډنمارکي غشي ویشتونکي په ناروې کې مرګ و ژوبله اړولې

خپور شوی

په

توسط

(Last Updated On: تله ۲۲, ۱۴۰۰)

د ناروې پولیسو په ډاګه کړې، چې په کونګسبر ښار کې د یوه ۳۷ کلن ډنمارکي غشي ویشتونکي په برید کې پېنځه کسان وژل شوي او دوه نور ټپیان دي.

پولیسو شکمن کس نیولی او ډرمان ښار ته یې لیږدول شوی دی.

رویټرز په ډاګه کړې؛ پېښه تېره شپه د ناروې پلازمېنې اوسلو لویدیځ لوري ته ۸۰ کیلومټره لرې په کونګسبر ښار کې رامنځته شوې ده.

پولیسو د پېښې د احتمالي انګیزې په اړه څه ندي ویلي.

رویټرز راپور ورکړی، چې څېړونکي پدې غور کوي، چې آیا دا بریدونه د ترهګرۍ عمل و که نه.

دغه راز څرګنده شوې، چې پولیسو له شکمن کس څخه پلټنې پیل کړې دي.

د پولیسو ادارې ویلي، چې په ټول هېواد کې افسرانو ته امر شوی، چې وسلې وګرزوي.

د ناروې پولیس په عادي حالت کې بې وسلې وي؛ خو د اړتیا پر مهال وسلو ته لاسرسی مومي.

ویل کیږي، چې  په دې ښار کې ۲۸۰۰۰ خلک اوسیږي.

Continue Reading

نړۍ

په امریکا کې د الوتکې راغورزېدو مرګ و ژوبله رامنځته کړې

خپور شوی

په

توسط

(Last Updated On: تله ۲۰, ۱۴۰۰)

امریکایي رسنیو راپور ورکړی، چې د کالیفورنیا په ایالت کې د یوې کوچنۍ الوتکې د غورزېدو له کبله دوه تنه وژل شوي او دوه نور ټپیان دي.

ویل کیږي په پیښه کې دوه کورونو اور اخیستی دی.

پېښه د کالیفورنیا د سان ډیاګو د استوګنې په اړوند سیمه کې رامنځته شوې، چې په کې یو شمېر کورونو ته مالي زیان هم اوښتی دی.

د متحده ایالاتو د اور وژنې څانګې ویلي، چې د مړیو شمېر ممکن له دوه څخه ډېر وي.

د پېښې په اړه نور جزئیات خپاره شوي ندي.

Continue Reading

نړۍ

عراقي ځواکونو د داعش د مشر البغدادي مرستیال نیولی

خپور شوی

په

توسط

(Last Updated On: تله ۱۹, ۱۴۰۰)

عراقي چارواکو ویلي، چې د داعش مالي مسوول او د دې ډلې د مشر ابوبکر البغدادي مرستیال یې نیولی دی.

د عراق لومړي وزیر مصطفی الکاظمي د دوشنبې پر ورځ څرګنده کړې، چې عراق د اسلامي دولت (داعش) لوړ پوړی غړی او د دې ډلې د مالي چارو مسوول او د وژل شوي مشر ابوبکر البغدادي مرستیال نیولی دی.

د عراق لومړي وزیر زیاته کړې؛ په داسې حال کې، چې اردو د هېواد پارلماني ټاکنې خوندي کولې؛ د هېواد استخباراتي ټولنې په بهر کې د پېچليو عملیاتو په لړ کې د داعش مالي مشر سامي جاسم ونیوه.

هغه په دې اړه نور څه ندي ویلي.

سامي جاسم په دې ډله کې حاجي حمید الجبوري نومول شوی او له کلونو راپدیخوا په سویل موصل کې د داعش والي و.

Continue Reading

Trending

آریانا نیوز: ټول حقونه خوندي دي