Connect with us

تازه خبرونه

په ګانا کې له یوه کسه ۵۳۳ کسان پر کرونا ویروس اخته شول

Ariana News

خپور شوی

 په

(Last Updated On: May 12, 2020)

د ګانا د کبانو په يوه کارخونه کې یوه کارګر سلګونه کارګران پر کرونا ویروس اخته کړي دي.

د دغه هېواد ولسمشر نانا اکوفو اددو تېره ورځ ملت ته په خطاب کې ویلي، چې ۵۳۳ کارګر له خپل یوه کارګره پر کرونا ویروس اخته شوي دي.

نوموړي زیاته کړې؛ په هېواد کې ۹۲۱ د کرونا ویروس نوې مثبتې پېښې ثبت شوي، چې ۵۳۳ کسان یې د کبانو د یوې کارخونې کارګران دي. دوی له تېرې چارشنبې او پنجشنې پر دې ناروغۍ اخته شوي دي.

دغه راز نانا زیاته کړې، چې دا کارګران د تیما ساحلي ښار د کبانو په یوه کارخونه کې اخته شوي دي.

دا په داسې حال کې ده، چې په دې هېواد کې تر دې دمه ۴۷۰۰ کسان پر کرونا ویروس اخته شوي؛ ۲۲ ترې مړه دي او ۳۲۳ نور رغیدلي دي.

تازه خبرونه

په کابل کې پر یوه زغروال ګاډي ماین چاودنه شوې

Ariana News

خپور شوی

په

توسط

(Last Updated On: January 25, 2021)

نن سهار د کابل د څلورمې امنیتي حوزې په اړوند سیمه کې پر یو زغروال لند کروزر د ماین چاودنه رامنځته شوې ده.

پېښه د کابل پولیسو تائید کړې او له ځاني زیان یې څه ندي ویلي.

دغه پيښه نن سهار شاوخوا ۷:۳۵ د کابل د پروان دو په اړوند سيمه کې رامنځته شوې؛ خو څرګنده شوې نده، چې د برید موخه څوک و.

دا په داسې حال کې ده، چې تېره ورځ په کابل کې د افغانستان بانک پر یو لوړ پوړی چارواکي د ځای پر ځای شوي ماین چاودنه رامنختاه شوې ده.

د افغانستان بانک د څرګندونو له مخې؛ د یکشنبې پر سهار ۸:۱۵ د مالي ستونزو د حل کمیسیون د مشر عبدالله دراني پر موټر د ځای پر ځای شوي ماین چاودنه شوې وه.

د سرچینې د څرګندونو له مخکې؛ دراني ټپي شوی او د هغه ساتونکی په چاودنه کې وژل شوی دی.

د افغانستان بانک ویلي؛ یو بل کس هم په چاودنه کې ټپي شوی دی. دغه چاودنه د کابل ښار شاه شهید په اړوند سیمه کې رامنځته شوې وه؛ خو د دغه کس هویت په ډاګه شوی ندی.

تر دې دمه هیچا د دغو دواړو بریدونو مسوولیت ندی منلی.

Continue Reading

تازه خبرونه

چین او تاجکستان له افغانستان سره په پوله پوځي خوزښتونه لري

Ariana News

خپور شوی

په

توسط

(Last Updated On: January 25, 2021)

په بدخشان کې افغان پوله ساتي ځواکونه په داګه کوي، چې چین او تاکجستان هېوادونه د سولې له احتمالي هوکړې وروسته د داعش ډلې پر پیاوړتیا اندېښمن شوي دي.

د ملي اردو په چورلکه کې، چې د بدخشان واخان سیمې ته ولاړو او له چین او تاجکستان سره مو پوله ولېده؛ معلومه شوه، چې تاجکستان له افغانستان سره په سرحدي سیمه کې خپلې پوستې ډېرې کړې دي.

دا موضوع امنیتي سرچینو هم منلې ده.

په بدخشان کې د پوله ساتو ځواکونو سرتېری اسامه وردوجي ویلي؛ له خپلو څلور سوه همکارانو سره د اوږدې پولې د امنیت ساتنې مسوولیت لري؛ خو افغان ځواکونه د پوځي تجهیزاتو له کمي سره مخ دي او تشکیل یې هم لږ دی.

په همدې توګه چین، چې له افغانستان سره یې پر ګډه بوله د غرنۍ لوا د جوړېدو غوښتنه کړې وه؛ د امنیتي سرچینو پر وینا، د امریکا د مخالفت له کبله دا کار ندی شوی.

د بدخشان والي ذکریا سودا هم په دې ولایت کې د بهرنیو جنګیالیو پر ځانګړې توګه د تاجکستان د انصارالله ډلې پر شتون اندېښنه لري.

دا مهال چین، افغانستان او تاجکستان د ۱۵۰ ځواکونو په شتون کې ګډه قومنداني لري، چې مالي لګښت یې چین پر غاړه اخیستی او دوی د سرحدي ګواښونو په کابو کولو کې په ګډه کار کوي.

Continue Reading

تازه خبرونه

طالب مشران د سولې په خبرو کې خپلواکي نلري ـ د ملي امنیت سلاکار

Ariana News

خپور شوی

په

توسط

(Last Updated On: January 24, 2021)

 د افغانستان د ملي امنیت سلاکار حمدالله محب ویلي، چې طالب مشران په خپلو پرېکړو کې خپلواکي نلري او له همدې کبله له وخت سره لوبې کوي.

د هېواد لوړپوړي دفاعي او امنیتي چارواکي د هوایي ځواکونو په قول اردو کې راټول شوي؛ د سولې او جګړې پر بحث سربېره یې د پولیسو، ملي امنیت او ملي اردو له ځانګړیو ځواکونو راټول شوی ځواک یې هم جوړ کړ.

د ملي امنیت شورا سلاکار ويلي طالبان سوله نه غواړي او پلاوی یې هم د پرېکړو واک نلري.

 د ملي امنیت سلاکار حمدالله محب څرګنده کړې، چې استخباراتي معلومات ښیي، چې طالبان په را روان پسرلي کې جګړې ته چمتوالی نیسي.

دغه راز د ملي دفاع وزارت لومړي مرستیال شاه محمود میاخېل ویلي؛ طالبانو د سولې  پر ځای جګړه ټاکلې او دوي اړ دي، چې د طالبانو د بریدونو په وړاندې له خلکو دفاع وکړي.

د کورنیو چارو وزیر مسعود اندرابي ، د وسلوال پوځ لوی درستیز او د ملي امنیت لوی مشر خبرداری ورکوي، چې که د سولې خبرې نتیجه ورنکړي؛ په ټول هېواد کې جګړې ته بشپړ چمتوالی لري.

په امریکا کې د نوي ولسمشر له راتلو سره تمې دا دي، چې د سولې خبرې به یوې مطلوبې پایلې ته ورسیږي؛ خو افغان ځواکونه وایي، چې که دا خبرې بې پایلې پاتې شي، جګړې ته چمتو دي.

Continue Reading

Trending

Copyright © 2021 Ariana News. All rights reserved!