Connect with us

تازه خبرونه

په کابل کې وسلوالو غلو درې کیلو ګرامه طلا لوټلې او پلورونکی یې وژلی

Ariana News

خپور شوی

 په

(Last Updated On: چنګاښ ۸, ۱۳۹۹)

یوې ډلې وسلوالو غلو د کابل د شپږمې امنیتي حوزې په اړوند سیمه کې د سره زرو یو پلورنځی لوټلی او پلورونکی یې وژلی دی.

د وژل شوي پلورونکي خپلوان وايي، چې د یکشنبې پر سهار اووه بجې د کابل په شپږمه حوزه کې پر موترسایکل سپرو اووه وسلوالو غلو لومړی د حسین زاده مارکیت ساتونکی ټپي او بیا یې د سره زرو پر پلورونکی، چې غوښتل یې دوکان خلاص کړي یرید کړی او درې کیلو ګرام زر یې ترې لوټلي دي.

نور احمد د مقتول زوی ویلي، ۷ کسان ول. ټولو شخصي جامې لرلې؛ لومړی یې پر ساتونکي برید وکړ او بیا دننه شول سره زر یې لوټ کړل.

بل زوی عزیز احمد نومي یې ویلي، زه دننه تر ویترین لاندې پټ شوم؛ پر پلار یې راته ډزې وکړې او سره زر یې راټول او لوټ کړل.

د کابل د لویدیځ د سره زرو د پلورونکیو ټولنې مسوولینو ويلي، چې د سره زرو پلورونکي هره ورځ د وسلوالو غلو لخوا ګواښل کیږي او که پيسې ورنکړي وژني یې.

دوی وايي، چې څو ځله یې دا ستونزه د شپږمې امنیتي حوزې له مسوولینو سره شریکه کړې؛ خو کوم مثبت پرمختګ ندی شوی.

د کابل د لویدیځ د سره زرو د پلورونکیو ټولنې مسوول محمود جعفري وایي: په خدای، چې نور له غلو څخه ډوه سپوږمو ته راغلي یو؛ هره ورځ مو وژني او هره ورځ غلا کوي. پولیس پاملرنه نلري.

طلا پلورونکی جاوید ویلي، چې څو ورځې مخکې یې زه ټپي کړه او ګواښي مې هم؛ حوزې ته ولاړم، د حوزې آمر وایي: ځه بیا یې پلټنه کوو. هره ورځ ګواښل کیږو او ژوبلیږو. مالیه ورکوو؛ خو حکوکت بې پاملرنې دی.

د کابل د امنیه قومندانۍ ویاند فردوس فرامرز پېښه تائيدوي؛ خو وایي، چې د جرمونو د مخنیوي لپاره پر نوې طرحه کار روان دی.

د شپږمې امینتي حوزې خلک او پولیس وايي، چې وسلوال غله پر موټر سایکلونو ګرځي او هره ورځ په دغه سیمه کې غلاوې کوي.

تازه خبرونه

طالبانو په بغلان کې ۲ تېل تانکرونو ته اور اچولي او ۷ نور یې وړي

Ariana News

خپور شوی

په

توسط

(Last Updated On: زمری ۱۷, ۱۳۹۹)

سیمه ییزو سرچینو ویلي، چې وسلوالو طالبانو نن له غرمې مخکې د بغلان – سمنګان پر لویه لار د تېلو دوه تانکرونو ته اور واچاو او اووه نور یې له ځان سره وړی دي.

ځایی سرچینو زیاته کړې، چې وسلوالو طالبانو ۷ نور ټانکرونه له ځان سره د بغلان ولایت د مرکز اړوند ډنډ غوري ته وړي دي.

د دغې لویې لارې مسافرو ویلي، چې طالبانو دغه لار څلور ګړۍ د ترافیکو پر مخ تړلې وه.

ځایی سرچینو ویل، چې طالبانو د پلخمري د اربابانو د چشمه شېر په اړوند سیمه کې تانکرونو ته اور اچولی و او اووه نور یې د پلخمري ډنډ غوري سیمې ته لیږدولي، چې هملته یو لیتر پر ۲۰ افغانیو پلورل کیږي.

په بغلان کې امنیتي چارواکو او وسلوالو طالبانو تر دې دمه په دې اړه څه ندي ویلي.

Continue Reading

تازه خبرونه

په تېرو څو کلونو کې د طالبانو منل یو ناشونی غوراوی و – اتمر

Ariana News

خپور شوی

په

توسط

(Last Updated On: زمری ۱۷, ۱۳۹۹)

د بهرنیو چارو وزیر حنیف اتمر ویلي، چې په تېرو ۱۹ کلونو کې د افغانستان ترټولو لویه تېروتنه دا وه، چې دوی ژر تر ژره پخلاینې ته راونه دانګل او طالبانو ته یې د درناوي وړ غوراوی نه دی وړاندې کړی.

د افغانانو تر منځ د سولې خبرو پېلېدو په وړاندې د خنډونو لیرې کولو له هڅو سره جوخت د بهرنیو چارو وزارت چارسمبالي محمد حنیف اتمر د امریکا د ستانفورد پوهنتون د هوېر مطالعاتو له مرکز سره په خبرو کې ویلي، اوربند، ګډ پروګرامونه او اساسي قانون به هغه موارد وي، چې له طالبانو سره به د خبرو اترو په لومړي پړاو کې پرې بحث وشي.     

د بهرنیو چارو وزارت چار سمبالی حنیف اتمر زیاته کړې؛ ولسواکي، د بشر حقونو ساتنه او جوړ شوي بنسټونه له طالبانو سره په هر ډول هوکړه کې سرې کرښې دي او نړیوال باید د جورجاړي عملي کېدل تائید او ضمانت کړي. معالومه نده، چې څرنګه؛ خو مونږ باید د ملګرو ملتونو امنیت شورا او نړیوال دوستان دې مساله کې دخېل کړو. دا هغه څه دي، چې د سولې په اړه یې مونږ په پام کې لرو.

په داسې حال کې، چې امریکا له افغانستان څخه د خپلو ځواکونو د ویستو په حال کې ده؛ خو افغان حکومت غواړي، چې دا پرېکړه باید شرایطو ته په کتو سره وشي.

د بهرنیو چارو وزارت چار سمبالی حنیف اتمر ویلي؛ ډېره مهمه ده، چې نړیوال ځواکونه شرایطو ته په کتو ووځي، باید ډاډ حاصل شي، چې ټول بهرني جنګیالي له افغانستان ووځي. زما موخه دا ده، چې د بهرنیو جنګیالیو لیرې کول باید د بهرنیو سرتېرو د وتلو لپاره یو مخکې شرط وي؛ ځکه مونږ یوازې له طالبانو سره سوله نه کوو، نړیوالې ترهګرې او پاکستاني ډلې باید له افغانستان ووځي او دا مساله باید په خبرو اترو کې یاده شي.

په قطر کې د طالبانو سیاسي مرستیال ملا برادر او د افغانستان لپاره د ملګرو ملتونو ځانګړې استازې د سولې خبرو اترو د پیلېدو په اړه خبرې کړې دي.

 ملا عبدالغني برادر د افغانستان لپاره د ملګرو ملتونو له ځانګړې استازې سره د بندیانو د خلاصولو د مسالې په وروستي کولو او د افغانانو خپلمنځي خبرو د پېلېدو پر څرنګوالي خبرې اترې کړي دي.

د اسلامي حزب د مشرتابه غړی حفیظ الله نقي وایي: تر دې دمه سوله سمه نده روانه؛ د حکومت لار له تېروتنو ډکه ده او مثبته پایله به ونلري.

دا په داسې حال کې ده، چې ټاکل شوې په کابل کې د سولې مشورتي لویه جرګه د څلور سوه طالب بندیانو برخلیک په تړاو جوړه شي؛ خو طالبانو دا جرګه ناقانونه او د سولې بهیر پر وړاندې د خنډ او ځنډ جوړولو په معنا ګڼلې ده.

Continue Reading

تازه خبرونه

د ملګرو ملتونو امنیت شورا پر جلال آباد زندان د داعش برید محکوم کړ

Ariana News

خپور شوی

په

توسط

(Last Updated On: زمری ۱۶, ۱۳۹۹)

د افغانستان دفاع وزارت په ډاګه کړې، چې ځانګړیو افغان ځواکونو تېره شپه په کونړ کې د ننګرهار پر مرکزي زندان د برید سمبالوونکی او هېواد ته له بهره د بهرنیو داعش جنګیالیو د رالیږدولو مسوول نیولی دی.

د یاد وزارت په اعلامیه کې راغلي، چې د هېواد کماندو ځواکونو تېره شپه په کونړ ولایت کې د داعش جنګیالیو یوه اړین قومندان محمد سعید د محمد افضل زوی نیولی دی.

د دغې سرچینې د څرګندونو له مخې؛ هغه د بهرنیو داعشیانو کورنۍ افغانستان ته رادننه کولې او هم یې په جلال آباد ښار کې د وروستي برید مشري پر غاړه لرله.

داعش ویلي؛ د یکشنبې پر ماښام د دوی یوولس جنګیالیو د ۴ تاجکانو، درې هندیانو، درې افغانانو او یو پاکستاني په ګدون پر ننګرهار زندان ډله ییز برید تر سره کړ، چې په کې ۳۰ کسان ووژل شول او ۵۰ نور ټپیان دي.

د دغه برید پر مهال، چې ۱۸ ګړۍ روان وساتل شو؛ د زندان له ۱۷۰۰ بندیانو څخه سلګونه یې پر تېښته بریالي شول.

تېره ورځ د افغانستان د ولسي جرګې غړي عبدالکریم کریمي منلې، چې د ننګرهار له زندانه ۸۰۰ بندیان تښتیدلي دي.

هغه زیاته کړې، چې د جګړې په بهیر کې د زندان له  ۱۷۰۰ بندیانو څخه یوازې ۵۰۰ پاتې دي؛ نور ټول له ندندانه ووتل، چې یوازې ۴۰۰ یې بېرته نیول شوی دي.

د نوموړي د څرګندوړنو له مخې؛ په ۸۰۰ تښتیدلیو بندیانو کې د داعش او طالب په ګډون جنایي مجرمان هم ول.

د چارواکو په وینا؛ په دې زندان کې پرسیاسي او جنایي بندیانو سربېره  طالب او داعش غړي هم ساتل کیدل.

Continue Reading

Trending