Connect with us

لوبی

په کابل کې زرګونه کسانو د کرکټ سیالیو ننداره وکړه

خپور شوی

 په

(Last Updated On: وږی ۱۳, ۱۴۰۰)

رویټرز راپور ورکړی، چې د کرکټ زرګونه مینه وال پرون جمعه د وږي ۱۲ کابل لوبغالي ته د کرکټ سیالیو د نندارې لپاره راغلي وه.

دا لومړی ځل دی، چې د طالبانو د دوه یمې واکمنې پر مهال په کابل کې خلک د کرکټ لوبې لیدو ته راټول شوي دي.

خلک وايي، دوی د دغو لوبو له لیدو څخه پوره خوند اخیستی دی.

ننداره کوونکي وایي دا لوبه د افغانانو ملي پیوستون ښیي.

ټاکل شوې، چې د کرکټ دغه لوبغاړي به د نړیوال جام په ۲۰ آوریزو لوبو کې، چې د اماراتو او عمان پر کوربتوب د اکتوبر پر ۱۷ جوړیږي برخه واخلي.

لوبی

په سوپر ۱۲ کرکټ نړیوال جام کې د افغانستان سیالان وټاکل شول

خپور شوی

په

توسط

(Last Updated On: لړم ۱, ۱۴۰۰)

د کرکټ ۲۰ آوریز نړیوال جام سیالیو په سوپر ۱۲ پړاو کې د افغانستان سیالان وټاکل شول.

د روزنیزو لوبو د لومړني پړاو له پای ته رسېدو وروسته؛ ۴ لوبډلې په سوپر ۱۲ پړاو کې راغلې.

په دوی کې د افغانستان دوه سیالان؛ سکاټلینډ او نامیبیا هم شته.

نامیبیا ایرلینډ ته پر ماته ورکولو دې پړاو ته لار وموندله او سکاټلینډ هم عمان ته ماتې ورکړې ده.

د افغانستان لومړۍ لوبه به په یاد شوي ټورنمنټ کې له دوه ورځو وروسته ( د اکتوبر ۲۴) ترسره شي. په دې سیالۍ کې به له غرمې ورته۲:۳۰ نیلي زمریان د سکاټلینډ پر وړاندې ولوبیږي.

د پاکستان پر وړاندې له لوبې وروسته، چې د جمعې پر ورځ د مازیګر پر ۶:۳۰ بجو ترسره کیږي؛ دا لوبډله به د یکشنبې پر ورځ له غرمې وروسته ۲:۳۰ د نامیبیا پر وړاندې لوبې ته چمتووالی ونیسي.

افغانستان به بیا د چارشنبې پر ورځ د نومبر پر درېیمه د ماښام پر ۶:۳۰ له هند او بیا د یکشنبې پر ورځ د نومبر پر اوومه له نیوزیلنډ سره مخ شي.

افغانستان باید لږ تر لږه څلور لوبې وګټي، چې د لوبو بل پړاو ته لار ومومي.

Continue Reading

لوبی

د کرکټ ملي لوبډلې ویسټ انډیز ته پر ۵۶ منډو ماته ورکړه

خپور شوی

په

توسط

(Last Updated On: تله ۲۹, ۱۴۰۰)

د افغانستان کرکټ لوبډلې د تېرې شپې په روزنیزه لوبه کې ویسټ انډیز ته پر ۵۶ منډو ماته ورکړه.

افغان لوبغاړیو سیالې لوبډلې ته ۱۹۰ منډې هدف وټاکه؛ خو ویسټ انډیز په ۲۰ آورونو کې یوازې ۱۳۳ منډې جوړې کړې.

د کرکټ بورډ چارواکو منلې، چې افغانستان ویسټ انډیز ته په لوی توپیر ماتې ورکړې ده.

د چارواکو د څرګندونو له مخې؛ محمد نبي عیسی خېل، حضرت الله ځاځی، شېرزاد محمدي، رحمان الله ګوربز په دغو لوبو کې ښې پایلې درلودې.

ټاکل شوې، چې کرکټ ملي لوبډله به راتلونکې دوشنبه خپله اصلي لوبه (د لړم پر ۳) ترسره کړي؛ خو سیاله لوبډله یې تر اوسه ټاکل شوې نده.

د یادونې ده، چې د کرکټ شل آوریز نړیوال جام څلور ورځې مخکې پیل شوی او شاوخوا درې نورې اوونۍ به روان وي.

Continue Reading

لوبی

افغانستان د ویسټ انډیز پر وړاندې روزنیزه لوبه پیل کړه

خپور شوی

په

توسط

(Last Updated On: تله ۲۹, ۱۴۰۰)

د افغانستان کرکټ بورډ څرګنده کړې، چې افغانستان د ویسټ انډیز پروړاندې د ۲۰۲۱ زېږدیز کال د نړیوال جام  له پیلېدو مخکې یوه روزنیزه لوبه پیل کړې ده.

د کرکټ بورډ د څرګندونو له مخې، افغانستان به لومړی توپ وهنه پیل کړي.

دا لوبه به د ۲۰ آوریزه کرکټ نړیوال جام سیالیو په لړ کې ترسره کیږي.

دغه سیالۍ د دوبۍ په کرکټ لوبغالي کې ترسره کیږي.

د کرکټ بورډ چارواکو ويلي؛ افغان لوبغاړيو په کابل او ننګرهار کې د دغو لوبو لپاره بشپړ روزنیز چمتووالی لري.

له دې مخکې د افغانستان کرکټ لوبډلې خپله لومړنۍ روزنیزه لوبه د ۴۱ منډو پر توپیر سویلي آفریقا ته بایللې ده.

د افغانستان دوه یمه لوبه به راتلونکې چارشنبه ( د لړم ۵) د پاکستان پر وړاندې وي.

ټاکل شوې، چې کرکټ ملي لوبډله به راتلونکې دوشنبه خپله اصلي لوبه (د لړم پر ۳ / د اکتور ۲۵) ترسره کړي؛ خو سیاله لوبډله یې تر اوسه ټاکل شوې نده.

د یادونې ده، چې د کرکټ شل آوریز نړیوال جام څلور ورځې مخکې پیل شوی او شاوخوا درې نورې اوونۍ به روان وي.

Continue Reading

Trending

آریانا نیوز: ټول حقونه خوندي دي