Connect with us

تازه خبرونه

په کابل کې د یوه ځانګړي روغتون بشپړولو لپاره د بسپنې راټولول

Ariana News

خپور شوی

 په

(Last Updated On: وږی ۵, ۱۳۹۹)

بیات بنیاد د مسلم اید یو اس ای په همکارۍ د شنبې پر ماښام بریالي شول، چې په کابل کې د میندو او ماشومانو لپاره د یو ځانګړي روغتون د کار بشپړولو ته په یو تلویزیوني پروګرام کې له لیرې څخه د بسپنې راټولولو غږ راپورته کړ.

له افغان بنسټونو څخه په بلنه د تیلیفون پرلیکه په یوتیوب کې د درې ساعتونو لپاره د بسپنې غوښتلو یو کمپاین تر سره کړ، چې د زرګونه دالرو پر راټولولو بریالي شول.

د نړۍ د نومیالیو هنرمندانو او ستورو په ګډون سلګونه کسانو له دې پروګرامه ملاتړ څرګند کړ.

د یکشنبې د ورځې د کابل پر وخت د غرمې تر ۱۲ بجو پورې ۸۰۰۰۰ ډالر راټول شول، چې له ټاکل شوې موخې ۱۰۰۰۰۰ دالرو څه نا حه لږې وې.

د دغو مرستو له راټولیدو سره به بیات بنیاد د دې وړتیا ومومي، چې دا روغتون پر پرمختللې ټکنالوژۍ جوړ او تجهیز کړي.

دغه روغتون په کابل کې جوړیږي، چې نه یوازې د میندو او ماشومانو د درملنې څانګوالې وړتیاوې به ولري، بلکې پر پرمختللې کچه د جراحۍ  او سرطاني عملیاتو آسانتیاوې هم وړاندې کوي.

د بیات بنیاد لوی مشر داکټر احسان الله بیات د ۲۰۱۸ کال په اپریل کې د دې پروژې د پرانیستې پر مهال ویلي وه: د بیات میندو او ماشومانو روغتون له بشپړیدو سره به دا ټولګه په افغانستان کې ترټولو پرمختللی، او وړ طبي مرکز شي.

هغه زیاته کړې: مونږ هغې ورځې ته سترګې پر لار یو، چې د بیات زېږنتون نوی روغتون پرانيستل شي او مونږ وکولی شو هغو میندو او ماشومانو ته روغتیایي پاملرنه وړاندې کړو، چې ورته ډېره اړتیا لري.

د ټولو افغانانو د ژوند ښه کولو لپاره، چې د لسیزې  زحمتونه او جګړې یې زغملي؛ ورته د روغتون جوړونه د بیات بنیاد د ژمنو یوه برخه ده. اوسمهال لوږه او بېوسي د تېروخت په پرتله ډېره ده او د کورونا ناروغۍ له خوریدو سره مو د روغتیايي پاملرنو سیستم هم ماتیدونکی شوی دی.

د افغانستان ښځې او ماشومان مرستې ته سخته اړتیا لري؛ په ځانګړي توګه هغه افغان میرمنې، چې له پوره روغتیایي پاملرنې، طبي تاسیساتو او آسانتیاوو بې برخې دي او په ځانګړي توګه تجهیزاتو او درملنې ته لږ لاسرسی لري او ترې کړیږي.

بیات بنیاد په افغانستان کې د ښځو او ماشومانو د وضعیت ښه کولو لپاره کار ته دوام ورکوي؛ په دې اړه د خنډونو لیرې کولو ته ژمن پاتې دی او د بیات زېږنتون او روغتون به د دغو ستونزو د پای ته رسولو او د ښځو د درملنې لپاره جوړ او کار پیل کړي.

بیات زېږنتون او روغتون به د روغتیایې پاملرنو پېنځه ځانګړې څانګې ولري؛ د ښځینه ناروغیو جراحۍ(د فستول درملنې او رغیدنې ته له ځانګړی پاملرنې سره) د ماشومانو د اوریدلو کلینیک، د انديسکوپي کلینیک، د سترګو کلینیک او د ښځینه سرطاني ناروغیو کلینیک.

دا پېنځه د ځانګړې ګړندۍ پاملرنې څانګې د وینې له بانک سره کولی شي، چې په روغتون کې د درمانې لپاره ځانګړی چوپړ چمتو کړي. دا مهال د افغانستان په نورو روغتونونو او روغتیایی مرکزونو کې دا آسانتیاوې شتون نلري.

د بې سرحده داکترانو د څرګندونو له مخې؛ د څانګوال او متخصص له شتون پرته د ماشوم زیږون د ژوندي پاتې کیدو او هوسا اوسیدنې لپاره لوی ګواښ دی. افغانستان د ماشوم زیږون لپاره په نړۍ کې یو له خورا خطرناکو هېوادونو څخه دی او داسې اټکل کیږي، چې په هېواد کې د زېږون پر مهال له هرو ۱۰۰۰۰۰ زیږونونو څخه ۳۹۶ میندې مري.

له ۲۰۰۵ زېږدیز کال راپدیخوا بیات بنیاد د هېواد په بېلابېلو سیمو کې د خلکو د هوساینې لپاره ډاډمنې هڅې تر سره او په ځانګړي توګه یې میندو او ماشومانو ته د درملنې آسانتیاوې برابرې کړې دي.

دا بنسټ د احسان الله بیات او فاطمه بیات لخوا رامنځته شوی او اداره کیږي. دغه بنسټ د افغانستان ځوانانو ، ښځو، بېوزلو او زړو خلکو د ژوند ښه کولو لپاره له ۳۰۰ څخه ډېرې پروژې لري. د بېلګې په توګه د ۱۳ زېږنتونونو او روغتونونو د ودانیو جوړول، چې په کې تر دې دمه له دوه میلیون د ډېرو میندو او ماشومانو درملنه یې کړې ده.

د نوي روغتون د ودانې جوړولو لپاره مرستې اوس هم کیدی شي او هغه څوک، چې دې روغتون ته بسپنه ورکول خوښوي؛ کولی شي دا لینک راکاږي:

https://www.launchgood.com/afgtelethon

یا د نورو معلوماتو لپاره له بیات بنیاد سره په لاندې پته اړیکې ونیسئ:

info@bayatfoundation.org

په یوتیوب کې د یاد روغتون جوړولو مرستې ته د لاسرسي لپاره هڅې:

تازه خبرونه

داکتر عبدالله پاکستان ته د اړیکو د نوي فصل د پرانستې په نیت سفر کړی

Ariana News

خپور شوی

په

توسط

(Last Updated On: تله ۷, ۱۳۹۹)

د ملي پخلاینې عالي شورا مشر عبدالله عبدالله نن دوشنبه سهار وختي اسلام اباد ته د خپل درې ورځني سفر پر مهال ویلي، چې په دې سفر کې به د افغانستان او پاکستان لپاره یو نوی څپرکی پرانستل شي او له پاکستاني چارواکو سره به د افغانانو ترمنځ د خبرو اترو په اړه هم نظرونه تبادله کړي.

عبدالله عبدالله په یوه تویت کې څرګنده کړې: زه هیله من یم، چې دا لیدنه به په ټولو برخو کې د متقابلې همکارۍ نوی څپرکی پرانیزي او په ځانګړي توګه به په افغانستان کې تلپاتې او له درناوي ډکې سولې ته زمینه برابره کړي.

هغه دا هم منلې، چې د دوشنبې پر ورځ يې د یو لوړپوړي پلاوي په ملتیا اسلام آباد ته درې ورځنی سفر کړی دی.

عبدالله په ډاګه کړې، چې هغه به د پاکستان له لومړي وزیر عمران خان، ولسمشر عارف علوي ، د مشرانو جرګې مشر، د ملي شورا مشر، د بهرنیو چارو وزیر او نورو شخصیتونو سره وویني.

د پاکستان د بهرنیو چارو وزارت د یکشنبې پر ورځ څرګنده کړې وه، چې عبدالله به په اسلام آباد کې د ستراتیژیکو مطالعاتو انستیتوت ته یو هر اړخیزه یادونه هم وړاندې کړي.

دا له ۲۰۰۸ زېږدیز کال راپدیخوا پاکستان ته د عبدالله عبدالله لومړی سفر دی.

د پاکستان د بهرنیو چارو وزارت ویلي؛ دا لیدنه به نه یوازې د افغانستان د سولې بهیر او د پاکستان – افغانستان دوه اړخیزې اړیکې پیاوړې کړي، بلکې د خلکو تر منځ د اړیکو پیاوړتیا او لیدنو ته به هم زمینه برابره کړي.

پاکستان له افغانستان سره د ورورۍ اړیکو ته ډېر ارزښت ورکوي؛ ځکه، چې  ګډه تاریخ، عقیده، فرهنګ، ارزښتونه او دودونه لرو.

د دوی د څرګندونو له مخې؛ پاکستان د افغانانو د سولې، ثبات او هوساینې لپاره له هر راز هڅو بشپړ ملاتړ کوي. د داکتر عبدالله عبدالله لیدنه به د دواړو هېوادونو تر منځ اړیکې، ورورګلوي او نږدې همکاري نوره هم  پیاوړې او ورسره مرسته وکړي.

Continue Reading

تازه خبرونه

عبدالله عبدالله د سولې خبرو د پیاوړتیا لپاره پاکستان ته سفر کوي

Ariana News

خپور شوی

په

توسط

(Last Updated On: تله ۶, ۱۳۹۹)

ټاکل شوې، چې سبا د ملي پخلاینې عالي شورا د مشر عبدالله عبدالله په مشرۍ دوه پنځوس کسیز پلاوی د پاکستان پلازمېنې اسلام آباد ته سفر وکړي.

د ملي پخلاینې عالي شورا مشر د سپتمبر پر اته ویشتمه اسلام آباد ته ځي او ټاکل شوې، چې د خپلمنځي خبرو په اړه د پاکستان له لومړي وزیر عمران سره خبرې وکړي.

په پام کې ده، چې عبدالله عبدالله به د پاکستان له لوی درستیز سره د سولې خبرو پر پیاوړتیا هم وغږیږي.

ځينې د نظر خاوندانو ويلي، چې پاکستان کولی شي پر طالبان فشار راوړي او په خپلمنځی خبرو کې رامنځته شوې ستونزه حل کړي.

د ملي پخلاینې عالي شورا ویاند فریدون خوځون څرګنده کړې، چې له عبدالله عبدالله سره د هغه د دوه مرستیالانو په ګډون دوه پنځوس کسیز پلاوی هم ملتیا کوي.

د سولې په چارو کې د دولت وزیره فرخنده زهرا نادري، سید اسحاق ګیلاني، مصطفی مستور هم د دغه پلاوي غړي دي او محمد معصوم ستانکزی او محمد ناطقي به له قطر څخه په اسلام آباد کې له دغه پلاوي سره مل شي.

د نظر ځينې خاوندان په دې باور دي، چې که پاکستان پر طالبانو فشار راوړي؛ کیدای شي په خپلمنځي خبرو کې رامنځته شوې ستونزې حل شي.

دا په داسې حال کې ده، چې ولسمشر غني د شنبې پر ورځ له عمران سره په خبرو کې پر اوربند ټینګار کړی او هغه ته یې د کابل د سفر بلنه ورکړې او دا غوښتنه منل شوې ده.

Continue Reading

تازه خبرونه

د سروبي ولسوالۍ سیلاب ځپلیو ته د بیات بنیاد مرستې ووېشل شوې

Ariana News

خپور شوی

په

توسط

(Last Updated On: تله ۷, ۱۳۹۹)

د بیات بنیاد مرستې د کابل ولایت د سروبي ولسوالۍ پر سیلاب ځپلیو او د جګړې پر بې ځایه شویو ووېشل شوې.

بیات بنیاد د وروستیو سیلابونو له زیانمنو شویو سره د مرستو په لړ کې له پروان او میدان وردګ وروسته د کابل سروبي ولسوالۍ ته هم مرستې ورسولې.

په دې مرستو کې اوړه، غوړي، وریځې او مکروني شامل دي.

د بیات بنیاد مرستیال حاجي اسماعیل ویلي، دا ډول مرستې به د نورو ولایتونو اړمنو کورنیو ته هم ووېشل شي.

د دې بنسټ د مسوولینو د څرګندونو له مخې؛ په دې مرستو کې وریځې، غوړي، مکروني او اوړه شامل دي.

د سروبي ولسوال شاه محمود ابراهیم خېل اړمنو کورنیو ته د دې مرستو پر وېش خوښي وښوده او له نورو خیریه بنسټونو یې هم غوښتنه وکړه، چې زیانمنو شویو کورنیو سره مرستې وکړي.

سروبي د کابل ناامنه ولسوالۍ ده، چې په وروستۍ میاشت کې دغلته سیلابونو او بې رحمې جګړو ډېرې کورنۍ زیانمنې کړي دي.

 د کابل د سروبي ولسوالۍ اوسېدونکې خسته ګل، چې دا مرستې تر لاسه کړي، له بیات بنیاد مننه کوي او غواړي، چې نور بنسټونه هم ور سره  مرستې وکړي.

له څه باندې یوې نیمې لسیزې راپدیخوا بیات بنیاد د هېواد په ګوټ – ګوټ کې پر اړو او زیانمنو کورنیو مرستې وېشي او د طبیعي آفتونو د زیانمنو شویو لاس نیوی یې ستر ماموریت دی.

 

Continue Reading
Advertisement

Trending