Connect with us

سوداگري

په کابل کې د ښاري بسونو ګرځېدل پیل شول

Ariana News

خپور شوی

 په

(Last Updated On: March 25, 2021)

د کابل ښاروالۍ ښاري بسونه نن پنجشنبه ( د وري ۵ ) د نوې کارتې او احمدشاه بابا مېنې تر منځ تګ راتګ پیل کړ.

په کابل کې د ښاروالۍ ښاري بسونو آزمایښتي ګرځېدل پیل کړل .

کابل ښاروال وایي، چې دوه سوه ښاري بسونه د پلازمېنې پر ۱۶ لوریو د پېنځه ترمینلونو او دوه سوه څلور شپیته تمځایونو له لارې خدمتونه وړاندې کړي.

کابل ښاروال داوود سلطان زوی ویلي، چې دا بسونه د امریکا ای سي شرکت جوړ کړي، چې نه یوازې د کرایې ټولونې معیاري سیسټم لري، بلکې د ۳۰ مسافرو د لېږد له وړتیاوو هم برخمن دي.

ښاروال زیاته کړې، چې د دغو بسونو له ګرځېدو سره به د خلکو په اقتصادي ژوندانه کې د ډاډ وړ او مثبت بدلوړنونه رامنځته شي.

دغه راز له دې سره به په ښار کې ګنه ګونه هم راکمه شي.

ښاروالۍ له خلکو غواړي، چې د نویو بسونو په څارنه او ساتنه کې همکاري وکړي.

مخکې له دې هم ښاري بسونه  فعال ول، چې له یوې مودې فعالیت وروسته بېرته له کاره ولوېدل.

تازه خبرونه

ماليې وزارت د امنیتي او روغتیايي برخو لپاره د نااړینو لګښتونو د کمولو غوښتنه کړې

Ariana News

خپور شوی

په

توسط

(Last Updated On: August 1, 2021)

مالیې وزارت په امنیتي او روغتیایي برخو کې د لوړو لګښتونو او د دولت د عوایدو لږېدو له کبله له رغنیزو پروژو او وزارتونو څخه د نویو تړونونو غوښتنه کړې.

جګړه او کرونا سبب شوه، چې افغان دولت سپما وکړي او په وزارتونو کې نوي رغنیزې او قراردادي پروژې ودروي.

په هغه لیک کې، چې  د مالیې وزارت چارسمبالي نذیر کبیري پرې لاسلیک کړی؛ له وزارتونو او دولتي بنسټونو غوښتنه شوې، چې د پیسو سپما او نااړینو لګښتونو د کمي لپاره د خپلو چارو راپور ور وړاندې کړي.

د دې راپور په یوه برخه کې راغلي: د پراختیایي بودجې په اړه پراخ بدلون راغلی او کابینې پرېکړه کړې، چې دولتي لګښتونه کم کړي؛ ځکه لګښتونه امنیتي او روغتیایي برخو کې لوړ شوي؛ باید د اختیاري بودجې تړونونه دمګړۍ ودریږي او د هغو طرحو د تدارکاتو بهیر وځنډول شي، چې تر اوسه یې تړون لاسلیک  شوی ندی.

مالیې وزارت دا هم ویلي، چې د طالبانو لخوا د ۵ سرحدي بندرونو له نیولو وروسته دولت تر دا مهاله ۳۳ میلیون ډالر عواید له لاسه ورکړي.

د مالیې وزارت ویاند رفیع تابع ویلي: په تېره یوه میاشت کې له ګاونډ هېوادونو سره د افغانستان سوداګریز بندرونه؛ شیر خان، سپین بولدک، اسلام کلا، ابو نصر فراهي او تورغنډۍ بندرونه طالبانو نیولي دي.

دغه راز یاد وزارت له وزارتونو غوښتي، چې د خپلو قراردادي کارکوونکیو د ګمارلو بهیر ودروي، چې نږدې څلیریشت زره کسان له همدې غیر اختیاري بودجې معاش اخلي.

د پوهنتون استاد سید مسعود په دې اړه څرګندوي، چې په دغسې وخت کې د پېښې مسلې وړاندویېنه شوې وه؛ حکومت ملامت ندی؛ خو حکومت کولی شي د خلکو د اذهانو د مخشوشولو مخنیوی ته نور غوراوي ولټوي.          

د افغان حکومت عاید د ۱۴۰۰ لمریز هجري کال د بودجې په سند کې ۲۱۶ میلیارد افغانۍ، چې شاوخوا دوه اعشاریه اووه میلیارد ډالر کیږي، اټکل شوې وه.

د سږ کال بودجې اووه دېرش میلیارد افغانۍ کسر درلود، چې مالیې وزارت اټکل کړی او له دې پیسو ۲۰ میلیارد افغانۍ یې د نقدي زیرمو له لارې او ۱۷ میلیارد یې د پیسو نړیوال صندوق لخوا ورکول کیږي.

Continue Reading

سوداگري

په افغانستان کې د غالیو صنعت له ننګونو سره مخ دی

Ariana News

خپور شوی

په

توسط

(Last Updated On: July 26, 2021)

د هېواد سوداګرۍ او پانګونې خو نې او د خصوصي سکتور غړیو ویلي، چې د صنعت او سوداګرۍ وزارت د نه پاملرنې  له کبله د غالیو سکتور د له منځه تلو له ستونزو سره مخ دی.

د خصوصي سکتور غړيو ويلي؛ په هېواد کې د غاليو تولیدوونکي له ګڼو ستونزو سره مخ دي، چې یو زیات شمېر يې د ستونزو د زیاتوالي له کبله په ګاونډ هېوادونو کې کار کوي.

دوۍ  زیاتوي،  چې  په  تېرو دوه لسیزو کې د غالیو سکتور ته د صنعت او سوداګرۍ وزارت پاملرنه نده کړي. اوس هم دا سکتور صنعتي پارکونه نلري، د پروسس لپاره مناسب ځایونه نشته، د او مه توکو د ترلاسه کولو ستونزې لري او تر څنګ یې د صادراتو بهیر هم صفر ته رسیدلی دی.

دوی زیاته کړې، چې د صنعت او سوداګرۍ وزارت له غالیو تولیدوونکیو سره همکاري نده کړې.

د صنعت کارانو د ټولنې مشر عبد الجبار ساپی وایي: مونږ په ځلونو د صنعت او سوداګرۍ وزارت ته تللي یو؛ ورته مو ویلي، چې د غالیو سکتور ته پاملر نه کولی شي د غالیو سکتور نور هم پراخ کړي. د بې روېې او بې کیفیته وارداتو باید مخنیوي وشي. په دا لس کلونو کې دا سکتور یو صنعتي پارک نلري.

د صنعت اوسوداګرۍ وزارت ويلي،  چې دوی به دغالیو صنعت په سنتي  توګه و ساتي. که دا سکتور صنعتي نشي؛ ښايي خپل کیفیت له لاسه ورکړي.

دوی زیاته کړې؛ دغالیو تولیدوونکیو سره يي د ځینو وسایلو مرسته کړې او د هېواد په شمال کې نږدې  سل زره هېوادوال کار کوي،  چې ډېري کارکوونکي یې میرمنې دي.

د صنعت او سوداګرۍ وزارت ویاند فواد احمدي وایي: دغالیو ښکلا په لاس جوړوونکو کې ده او د هېواد غالۍ زیاتره برخه صنعتي شوې او صنعت او سوداګرۍ وزارت هم  ځینې تولیدې توکي او وسایل میرمنو ته ورکړي.

اقتصادپوهانو ويلي؛ که د افغان حکومت  لخوا  د غالیو روانو ستونزو ته د حل لار پیدا نشي، ښايي د دې سکتور د له منځه وړلو هڅې پراخه شي او د دې ستر کار پنځو ونکی سکتور فعالیتونه به په هېواد کې بند شي.

 

۲

Continue Reading

تازه خبرونه

په هرات کې د سولې او بسیاینې تر سرلیک لاندې د تولیدي توکو شپږم نندارتون جوړ شو

Ariana News

خپور شوی

په

توسط

(Last Updated On: July 5, 2021)

د هرات سیمه ییزو چارواکو ویلي؛ په هرات کې د سولې او بسیاینې تر سرلیک لاندې د ښځو لاسي صنایعو او کورنيو تولیداتو شپږم لس ورځنی نندارتون پرانستل شو.

د کارخونو مسوولینو او ښځو خپل تولیدي توکي په ۲۱۵ غرفو کې نندارې ته وړاندې کړي دي.

د صنعت او سوداګرۍ وزیر ویلي، چې صنعتي ښارګوټي په شپېته قلمه کورنیو تولیداتو کې بسیاینې ته رسېدلي او له تېرو دوه میاشتو راپدیخوا مو ملي سوداګرو میلیونونه ډالر پانګونه کړې.

 د صنعت او سوداګرۍ وزیر نثاراحمد فیضي غوریاني وایي؛ له ۴ میاشتو راپدیخوا په هېواد کې څلوېښت نندارتونه پرانیستل شوي دي.

نوموړي ویلي، چې له تېرو دوه میاشتو راپدیخوا په صنعتي ښارګوټو کې دوه سوه میلیون ډالر پانګونه شوې؛ خو د کارخونو مسوولینو ویلي، چې د دوی تولیداتو ته ورته تولیدات اوس هم هېواد ته را واردیږي، چې د دوی پر کارونه یې ناوړه اغېزه کړې ده.

د هرات د صنایعو او کانونو خونې مشر حمیدالله خادم وایي، چې دې نندارتون ته د ۶ نورو ولایتونو تولیدي شرکتونو هم خپل تولیدات راوړي دي.

دا مهال د هرات په صنعتي ښارګوټي کې کارخونې اووه ویشت ډوله کورني تولیدات لري، چې نه یوازې  تر ډېره بریده د بازار اړتیاوې پوره کړي، بلکې ځانونه یې په دې برخه کې بسیاینې ته هم رسولي دي.

د کارخونې لرونکی سیداحمد مهاجرویلي: زمونږ کارخونې تر دې بریده توانېدلي، چې د بازار اړتیاوې پوره کړي؛ خو دغو توکو ته ورته توکي له بهره واردیږي، چې د کورنیو تولیداتو لګښت یې زیانمن کړی دی.

ټاکل شوې دا نندارتون لس ورځې پرانیستی وي.

Continue Reading

Trending

آریانا نیوز: ټول حقونه خوندي دي