Connect with us

تازه خبرونه

په ژنیو کنفرانس کې د شرایطو پر بنسټ د مالي ملاتړ ژمنه وشوه

Ariana News

خپور شوی

 په

(Last Updated On: November 24, 2020)

د ژنیو په ناسته کې یو ځل بیا ټولو ګډونوالو له افغانستان څخه د “شرایطو پر بنسټ” خپل مالي ملاتړ اعلان کړ او له حکومته یې  وغوښتل، چې له فساد سره جدي مبارزه وکړي، ښه حکومت جوړ او مرستې په رڼښت ولګوي.

د دې ناستې پر وروستۍ ورځ؛ اروپایي ټولنې یو میلیارد او دوه سوه میلیون دالر، بریتانیا هر کال ۱۵۵ میلیون پونده، جاپان ۷۲۰ میلیون دالر، کانادا د درې راتلوونکیو کلونو لپاره ۲۷۰ میلیون دالر، هالند ۲۲۰ میلیون دالر، دنمارک د درې راتلوونکیو کلونو لپاره ۶۴ میلیون دالر، ناروې ۷۰ میلیون دالر، آسترالیا ۱۴۷ میلیون دالر، سويدن له ۲۰۱۵ کال څخه تر ۲۰۲۴ کال پورې ۹۳۲ میلیون دالر مرستو ته ژمن پاتې کیږي، هند په کابل کې د شاه توت بند جوړوي، او ایتالیا د ۲۰۲۱ کال لپاره د ۳۵ میلیون یورو مرسته اعلان کړه.

په ټوله کې دې ناستې له افغانستان سره د ۴ راتلوونکیو کلونو لپاره د ۶ میلیارد دالرو ژمنه وکړه.

افغان ولسمشر اشرف غني ویلي؛ زمونږ موخه دا ده، چې په سیمه کې د ترانزیت پر مرکز بدل شو او پخپلو پښو ودرېږو او دې موضوع ته د رسېدو لپاره د نړیوالې ټولنې مرستو ته اړتیا لرو.

د مالي مرستو د ژمنو تر څنګ د ناستې برخوالو په بیړه د اوربند او له ښکېلو  خواوو څخه د جګړې د پای ته رسېدو غوښتنه وکړه.

ځینو برخوالو ټینګار کړی، چې باید تاوتریخوالی کم شي او د افغانستان د سولې خبرې په پراخ بنسټه توګه د تېرو ۱۹ کلونو د لاسته راوړنو په خوندي کولو تر سره شي.

د ملګرو ملتونو سرمنشي  انتوني ګوتریش څرګنده کړې؛ زه همدا راز په لوړه کچه د  تاوتریخوالي دوام ته ډېر اندېښمن یم، زه له ښکېلو خواوو غواړم، چې د ملکیانو د خوندیتوب او د کرونا ویروس د مخنیوي لپاره په بیړه اوربند وکړي.

د روسیې د بهرنیو چارو وزیر  سرګي لاروروف ویلي؛ په اوسنیو شرایطو کې یوه اړینه اړتیا داده، چې په دوحه کې د طالبانو او افغان دولت خبرې کوونکې ډلې پر اختلافي مواردو هوکړه وکړي. مونږ له دواړو ډلو غواړو، چې د افغانانو ترمنځ د جګړې د پای ته رسولو او د یوه ثبات لرونکي او هوسا هېواد د جوړېدو لپاره هوکړه وکړي.

هند او پاکستان هم د افغان سولې بهیرد ملاتړ لپاره یو ځل بیا ژمنه وکړه، چې دا بهیر د افغانانو په واک او مشرۍ مخته ولاړ شي.

د هند د بهرنیو چارو وزیر جي شنکر په ډاګه کړې؛ هند په افغانستان کې بیړنی او دایمي اوربند غواړي. مونږ دا راز باور لرو، چې د سولې بهیر باید د افغانانو په مشرۍ او واک تر سره شي.

د پاکستان د بهرنیو چارو وزیر شاه محمود قریشي ویلي؛ پاکستان د افغانستان د سولې په روانو خبرو اترو کې یو جوړښتي رول لوبولی او تل یې له هغو مذاکراتو څخه پر ملاتړ ټینګار کړی، چې د افغانانو په واک او مشري وي. 

افغان حکومت هم مرستندویه هېوادونو ته ژمنه وکړه، چې د خپلو ژمنو د پلي کولو لپاره به جدي ګامونه واخلي.

تازه خبرونه

طالبانو د سیمې د استخباراتو په ملاتړ بې پیلوټه الوتکو ته لاسرسی موندلی

Ariana News

خپور شوی

په

توسط

(Last Updated On: January 19, 2021)

د ولسي جرګې یو شمېر غړیو او پخوانیو پوځیان ویلي، چې د هوایي بریدونو د تر سره کولو لپاره د نوې تکنالوژۍ کارول هغه څه دي، چې یوازې د طالبانو وس پرې نه رسیږي او یو ځینې ګاونډ هېوادونه په  دې بریدونو کې لاس لري.

د طالبانو لخوا بې پیلوټه الوتکې کارول د افغان ځواکونو لپاره یو نوی سرخوږی دی؛ ځکه، چې په دې وروستیو میاشتو کې پر پوځي اډو د طالبانو دا ډول بریدونه ډېر شوي دي.

د کندوز د ولایتي شورا مشر محمد یوسف ایوبي څرګنده کړې؛ پر پامیر قول اردو له هوایي برید وروسته، طالبانو د کندوز په امام صاحب ولسوالۍ کې د ملي اردو پر یوه کنډک هوایي برید کړی دی.

پخواني پوځي دولت وزیري ویلي، چې په دې ډول بریدونو کې طالبان یوازې ندي او د سیمې هېوادونه په کې لاس لري.

نوموړي زیاته کړې؛ د پاکستان په ځینو سیمو کې آزاد بازارونه شته او طالبان له هغه ځایه بې پیلوټه الوتکې او پرمختللې وسلې تر لاسه کوي.

ملي دفاع وزارت که څه هم پدې اړه څه نه وایي؛ خو مخکې له دې ملي امنیت ریاست د دې ډول ټکنالوۍ کارول تائید کړې دي.

د ولسي جرګې د دفاعي چارو کمیسیون مشر میر حیدر افضلي هم ویلي، چې د استخباراتي کمزورتیاوو له کبله طالبان پوځي اډو ته نږدې پوځي حضور لري.

پوځي کارپوهان که څه هم دا بریدونه خطرناک بولي؛ خو وایي، چې امنیتي او دفاعي بنسټونه کولی شي ترې آسانه مخنیوی وکړي.

Continue Reading

تازه خبرونه

په پروان ولایت کې چارواکو د کرونا ویروس بودجه بې ځایه لګولې

Ariana News

خپور شوی

په

توسط

(Last Updated On: January 19, 2021)

هغه سندونه، چې آریانا نیوز ته را رسېدلي ښیي، چې په پروان ولایت کې له کروناویروس سره د مبارزې لپاره د ځانګړې شوې بودجې پیسې د څه باندې یو میلیون افغانیو پر توپیر بې ځایه لګول شوي دي.

د کورونا وېروس سراسري توب او له دې وېروس سره د مبارزې لپاره د ځانګړو شویو پیسو حیف و میل

هغه سندونه، چې آریانا نیوز ته رسېدلي ښیي، چې په پروان ولایت کې د کروناویروس پر وړاندې  د مبارزې کمېټې د کورونا د لومړۍ څپې پر ضد د مقابلې لپاره نهه ډوله توکي او روغتیایي وسایل پېرلي،  چې تفاوت یې سلګونه زره افغانۍ کیږي.

د کلورین پوډر یو کیلو پر څلور سوه پېنځه افغانیو پېرل شوي؛ په داسې حال کې، چې درې نیم سوه افغانۍ دي. د دوه زره ۳۸۰ قوطیو دستکشو په پېرودلو کې څلور سوه ۳۳ زره او ۱۶۰ افغانۍ توپیر لیدل کیږي. د محافظتي جامو په پېرودلو کې هم درې سوه اووه زره او ۶۹۲ افغانۍ توپیر ولیدل شو.

د لاس وینځلو د مایع په پېرودلو کې هم دوه برابره ډېروالی شته. د چپرکټ، د ویټامین ډي امپولو، پلاستیکي موزو، د بدن د حرارت معلومولو او طبي ماسکونو په پېر کې هم لوړ توپیر لیدل کیږي، ټول توپیر یو میلیون او ۱۳۷زره او څلور نوي افغانۍ شوی دی.

د هېواد د لویې څارنوالۍ ویاند جمشید رسولي منلې، چې د پروان د اوسني والي په ګډون څو کسان د څېړنو لپاره ورپېژندل شوي دي.

د کرونا ویروس د مخنیوي لپاره والیانو ته واک ورکړشوی، چې تر پېنځه میلیون افغانیو پورې د توکو د پرچون پېر منظوري ورکړي؛ خو د پروان اوسني والي د درې قلمه توکو د پېر لپاره د څه باندې اته میلیون افغانیو د پېرلو منظوري ورکړې او د خوراکي توکو په پېر کې هم تفاوت لیدل کیږي. یو من لوبیا پر نهه نیم سوه افغانۍ پېرل شوي. په داسې حال کې، چې بازار کې اته سوه څلویښت افغانۍ دي.

د ۱۰۰۰ منه لوبیاوو په پېر کې یو سل او لس زره افغانۍ توپیر لیدل کیږي. تر څنګ یې د اوړو په پېر کې څلور سوه زره افغانۍ، د اوبلنو غوړیو په پېر کې ۱۴۰ زره افغانۍ توپیر لیدل شوی دی.

د پروان والي فضل الدین عیار د دغو سندونو له ردولو سره څرګندوي، چې چمتو دی عدلي او قضایي بنسټونو ته ځواب ورکړي.

له کروناویروس سره د مبارزې په بودجه کې د فساد پر تور د پروان اوسنی والي، د عامې روغتیا ریاست مشر، د فارمسي مسوول، د تدارکاتو او چمتوکولو مدیر، د مستوفیت د حواله جاتو مدیر، د ولایتي روغتون سرپرست او څو نور کسان لویې څارنوالۍ ته ورپېژندل شوي دي.

Continue Reading

تازه خبرونه

دوستم له طالبانو سره د جګړې ډګر ته بیا ستون شو

Ariana News

خپور شوی

په

توسط

(Last Updated On: January 19, 2021)

د ولسمشر اشرف غني پخوانی مرستیال مارشال عبدالرشید دوستم د جګړې ډګر ته ستون شوی او د فاریاب ولایت په قرمقل ولسوالۍ کې له طالب جنګیالیو سره د جګړې لپاره د خپلو جنګیالیومشري کوي.

ویل کیږي، چې د نوموړي پر ​​مشرۍ د ۱۲ ګړیو په عملیاتو کې د ولسوالۍ ځینې برخې له وسلوالو طالبانو پاکې شوې دي.

مارشال عبدالرشید دوستم خپلو جنګیالیو ته داسې سپارښتنه کوي: د لیوانو په څېر کورونو ته ننوځئ، د کورونو پلټنه وکړئ، دیوالونه یې سوري کړئ او وګورئ؛ خو له ځانه هم خبر اوسئ. د طالبانو قومندانان حتماً همدلته دي. دا ټول ووهئ او خپله یوه ګولۍ هم باید له لاسه ورنکړئ.

د دوستم په مشرۍ د عملیاتو لامل د طالب وسلوالو پر وړاندې په مبارزه کې د دولتي ځواکونو ملاتړ ښودل شوی دی.

د اردو یو قومندان محب الله ویلي؛ د هغه (دوستم) په مرسته مونږ وکولی شول هغه کلي بېرته ونیسو، چې د دښمن تر څارنې لاندې ول.

دا لومړۍ جګړه نده، چې دوستم یې مشري کوي؛ د کلونو په اوږدو کې هغه په ​​بېلابېلو وختونو کې له طالبانو سره د جګړې لپاره د جنګیالي رهبري کړي او که څه هم هغه په ​​رسمي ډول د دولت لخوا نه دی ګومارل شوی؛ خو بیا هم د اړتیا په وخت کې د دندې غوښتنې ته پام کوي. هغه د طالبانو ضد لوی شخصیت هم ګڼل کیږي.

دوستم له۲۰۱۴ څخه تر ۲۰۲۰ پورې د افغانستان د ولسمشر اشرف غني د مرستیال په توګه دنده ترسره کړې او ځان یې تر مارشالۍ ورساوه.

د یادونې ده، چې په ۲۰۰۱ کې هغه د امریکا د ځانګړیو ځواکونو او سي آی اې کليدي ملګری و، چې د طالبانو د رژیم د سقوط لپاره یې ورسره ملګرتیا روانه وساتله.

Continue Reading

Trending

آریانا نیوز. کلیه حقوق محفوظ است