Connect with us

تازه خبرونه

په پکتیا کې موټر بم چاودنې مرګ و ژوبله رامنځته کړې

خپور شوی

 په

(Last Updated On: غویی ۲۵, ۱۳۹۹)

امنیتي چارواکو ویلي، چې د پکتیا په مرکز ګردیز ښار کې موټر بم چاودنه کې ۵ ملکي وګړي وژل شوي او د ۵ پوځیانو په ګډون ۱۹ نور ټپیان دي.

د تندر قول اردو ویاند ایمل مومند د څرګندونو له مخې دا لومړني معلومات دي ښایي په مرګ ژوبله کې بدلون رامنځته شي.

د پکتیا امنیه قومندانۍ مسوولین وايي، چې په چاودنه کې څلور کسان وژل شوي او له څلوېښت ډېر ټپیان دي.

د پکتیا امنیه قومندان سمونوال سلطان داوود وايي، چاودیدونکي توکي په مازدا موټر کې ځای پر ځای شوي و، چې د اردو د تاسیساتو مخې ته یې چاودنه کړې ده.

د پکتیا ولایت رسنیز دفتر په یوه خبروینا کې ویلي چې په یاد برید په پایله کې ۲۸ تنو ته مرګ ژوبله اوښتې؛ په مړو کې د ملي پوځ یو تن سرتېری او درې تنه ملکي وګړي شامل دي، ۱۹تنه ملکي وګړي او ۵ تنه د ملي پوځ سرتیري ټپیان شوي دي.

د دغې خبروینا له مخې، دغه پېښه په داسې ځای کې رامنځته شوې، چې د ملکي وګړو تګ راتګ پکې زیات او د پېښې ځای ته نږدې د دفترونو او کورونو ښیښې ماتې او ځاني تاوان تر څنګ مالي زیان هم ورته رسېدلی دی.

وسلوالو طالبانو د دغه برید مسوولیت ومانه او سرتېرو ته د مرګ و ژوبلې اړولو ادعا کوي.

دا په داسې حال کې ده، چې ولسمشر غني په کابل، ننګرهار او لغمان ولایتونو کې له بریدونو او چاودنو وروسته د هېواد امنیتي ځواکونو ته د وسلوالو طالبانو پر ضد د فعالې جګړې سپارښتنه وکړه.

تازه خبرونه

د بهرنیو چارو وزارت د چارسمبالي پر مشرۍ یو پلاوی ناروې ته سفر کوي

خپور شوی

په

توسط

(Last Updated On: سلواغه ۱, ۱۴۰۰)

د اسلامي امارت د بهرنیو چارو وزارت څرګنده کړې؛ ټاکل شوې، چې د بهرنیو چارو د چارسمبالي وزیر مولوي امیرخان متقي پر مشرۍ یو پلاوی سبا (شنبه د سلواغې ۲) ناروې ته ولاړ شي.

د بهرنیو چارو وزارت ویاند عبدالقهار بلخي په خپل ټویټ کې دا سفر تائید کړی؛ خو نور جزئیات یې ندي ورکړي.

رویټرز د ناروې د بهرنیو چارو وزارت د څرګندونو له مخې ویلي، چې ټاکل شوې د ناروې پلازمېنه اوسلو د دوه ورځو په دننه کې د افغانستان په اړه د اسلامي امارت د استازیو په ګډون د یوې غونډې کوربتوب وکړي.

د ناروې حکومتي سرچینو ویلي، چې په دې غونډه کې به د اسلامي امارت پر پلاوي سربېره د افغانستان د مدني ټولنې په ګډون د بېلابېلو برخو استازي هم ګډون وکړي.

د ناروې د بهرنیو چارو وزارت لخوا په خپره شوې خبرپاڼه کې راغلي، چې د اسلامي امارت استازي به د ناروې له چارواکو او د نړیوالې ټولنې په ځانګړې توګه د دغه هېواد د متحدینو له استازیو سره هم وویني.

سرچینې زیاته کړې؛ د اسلامي امارت استازي به د ښځو د حقونو له فعالانو، خبریالانو او هغو اشخاصو سره هم وویني، چې په افغانستان کې د بشري حقونو د خوندیتوب لپاره بېلابېلې دندې ترسره کوي.

دغه راز ویل شوي، چې دا غونډې طالبانو ته د مشروعیت یا رسمیت پېژندنې معنا نلري، بلکې هېواد یې له اسلامي امارت سره د بشري حقونو د وضعیت او په ټولنه کې د ښځو د ونډې د ښه کولو او د افغانانو د ملاتړ لپاره د بشردوستانه هڅو د پیاوړتیا په لټه کې دی.

د ناروې د بهرنیو چارو وزیرې انیکین هویټفیلډ ویلي: مونږ اجازه نه ورکوو، چې سیاسي وضعیت د یو ستونزمن بشري ناورین لامل شي.

دا په داسې حال کې ده، چې د ناروې یوه پلاوي څه وخت مخکې کابل ته سفر کړی و او د اسلامي امارات له چارواکو سره یې د بشري حقونو د وضعیت او بشري ناورین په اړه خبرې کړې وې.

Continue Reading

تازه خبرونه

په کابل کې د اروپايي ټولنې استازولۍ رسماً کار پیل کړ – اسلامي امارت

خپور شوی

په

توسط

(Last Updated On: سلواغه ۱, ۱۴۰۰)

د اسلامي امارت د بهرنیو چارو وزارت ویاند عبدالقهار بلخي ویلي؛ اروپايي ټولنې د مرغومي پر دېرشمه په کابل کې رسماً  خپل سفارت د دایمي حضور په موخه پرانیست او خپلې هڅې یې پیل کړې.

د بهرنیو چارو وزارت ویاند عبدالقهار بلخي ټویټ کړی، چې له څو پرلپسې ناستو وروسته اروپايي ټولنې په کابل کې د دایمي حضور لپاره خپل سفارت پرانست او په رسمي ډول یې کار پیل کړ.

د عبدالقهار بلخي د څرګندونو له مخې؛ يادې ټولنې پر پخوانیو ٢٢٠ ميليون يورو سربېره د بشري مرستو  ٢٦٨ ميليون نورې هغه هم اعلان کړې.

عبدالقهار بلخي وايي، چې د دې ځانګړې مرستې یوه برخه د ښوونکیو معاشونه دي، چې د اسلامي امارت لخوا یې تود هرکلی وشو.

د اسلامي امارت د حکومت لومړي وزیر ملا محمد حسن اخوند د هېواد په اقتصادي غونډه کې پر اسلامي هېوادونو غږ کړی، چې د اسلامي امارت په رسمیت پېژندلو کې مخکښ شي.

ملا محمد حسن اخوند د چارشنبې پر ورځ (د مرغوي ۲۹) په کابل کې د افغانستان اقتصادي غونډه ته څرګنده کړې، چې د نوي حکومت د نه پېژندلو له کبله افغانستان له بېلابېلو اقتصادي ننګونو سره مخ شوی دی.

Continue Reading

تازه خبرونه

بیات بنیاد د میدان وردګ ولایت سلګونه اړمنو کورنیو ته ژمنۍ مرستې ورسولې

خپور شوی

په

توسط

(Last Updated On: مرغومی ۳۰, ۱۴۰۰)

 د بیات بنیاد مسوولینو ويلي؛ دغه بنسټ د میدان وردګ ولایت سلګونه اړمنو کورنیو ته اوړه، وريجې او غوړي ووېشل.

د بیات بنیاد مرستیال حاجي محمد اسماعیل خان د ژمنیو مرستو په لړ کې د میدان وردګ ولایت مستحقو کورنیو ته د مرستو د وېشلو پرمهال ویلي؛ دغه ژمنۍ مرستې، چې اوړه، غوړي او وريجې په کې دي له سروې وروسته پر مستحقو او اړمنو کورنيو ووېشل شوې.

نوموړي ویلي؛ مونږ هڅه کوو، چې د هېواد پاتې لږ شمې ولایتونو ته هم خپلې ژمنۍ مرستې ورسوو.

د ميدان وردګ ولایت يو شمېر اوسېدونکي وايي، چې په اوسنيو شرايطو کې له اقتصادي ستونزو سره مخ دي او د بيات بنیاد مرستې يې په اوسنیو شرایطو کې اغېزناکې وبللي.

له دغو مرستو برخمن شوي کسان له نورو مرستندويه ادارو هم غواړي، چې په دې ستونزمنو حالاتو کې له اړمنو کسانو سره مرسته وکړي.

دغه مرستې په داسې حال کې اړو کسانو ته رسیږي، چې په دې سوړ ژمي کې د بېکارۍ او د خوراکي توکو د بیو د لوړېدو له کبله خلک له ګڼو ستونزو سره مخ دي.

د یادونې ده، چې بیات بنیاد له تېرو څه نا څه شل کلونو راپدیخوا هر ژمی د هېواد د بېلابېلو ولایتونو اړمنو او بې ځایه شویو کورنیو ته خپلې ژمنۍ مرستې د لاسنیوي لپاره رسوي.  

Continue Reading

Trending

Copyright © 2022 Ariana News. All rights reserved!