Connect with us

تازه خبرونه

په پکتیا کې د جلغوزیو د پروسس خصوصي فابریکه پرانیستل شوه

Ariana News

خپور شوی

 په

(Last Updated On: January 6, 2021)

په پکتیا کې د یوه خصوصي شرکت لخوا د څه باندې شپږ میلیون ډالرو پر ارزښت د جلغوزیو د پروسس فابریکه پرانیستل شوه، چې په کال کې شپېته زره ټنه جلغوزي پروسس کوي او زر کسانو ته به د کار زمینه هم برابره کړي.

د سویل ختیځ زون په مرکز پکتیا کې د یوه خصوصي شرکت لخوا د جلغوزیو د پروسس د مرکز په پرانیسته کې ولسمشر غني هم د ویډیو کنفرانس له لارې غوڼدې ته خبرو کې څرګنده کړې، چې د لویې پکتیا اقتصادي زون پراختیا ته ژمن دی او په دې برخه کې هڅې روانې دي.

د جلغوزیو سوداګر له حکومته غوښتنه کوي، چې اوس هم د دې زون له اړوند ولایتونو څخه جلغوزي  بهرنیو هېوادونو ته قاچاق کېږي او باید مخه يې ونیول شي.

د جلغوزیو د پروسس فابریکې مسوول حاجي محمد ګردېزی وايي، چې د دغې فابریکې پًر جوړولو څه باندې شپږ میلیون ډالر لګښت راغلی؛ په کال کې شپېته زره ټنه جلغوزي پروسس کوي، چې له کار پیلولو سره به یې د لویې پکتیا د جلغوزیو سوداګر جلغوزي دلته پروسس او له دې ځایه  بهر ته صادروي.

د پکتیا والي حلیم فدايي څرګنده کړې؛ څو نورو پانګوالو هم ورسره ژمنه کړې، چې په دې ولایت کې به په بېلابېلو برخو کې پانګونه وکړي او په دې اړ به د امنیت خوندي کولو په ګډون په ګڼو برخو کې د هر یوه لاسنیوی کوي.

د جلغوزیو سوداګر نجیب الله ځلاند د دې فابريکې پر جوړېدو خوښ دی؛ خو له حکومته غوښتنه کوي، چې د جلغوزیو د قاچاق مخه ونیسي.

د جلغوزیو بل سوداګر ملک نوکري ویلي، چې ډېری اوس هم پاکستان او یو شمېر نورو هېوادونو ته په ناقاانونه لارو وړل کېږي، چې یاد هېوادونه یې په نړیوال بازار کې پخپل نوم پلوري.

د دغې برخې د سوداګرو د څرګندونو له مخې؛ سږکال په پکتیا او خوست کې شاوخوا دري دېرش ټنه د جلغوزيو حاصلات را ټول شوي، خو سوداګر اندېښمن دي، چې بیې يې ټیټې او د پروسس د مرکزونو د نشتووالي له کبله یې په کمه بیه پلورلو ته اړ کیږي. 

تازه خبرونه

د ټاکنو له لارې د واک پر لېږد معامله نکیږي – اشرف غني

Ariana News

خپور شوی

په

توسط

(Last Updated On: March 6, 2021)

ولسمشر غني نن ( د کب ۱۶) د ملي شورا د اوولسمې دورې د پرانیستې په غونډه کې  ټینګار کړی، چې د سولې راوستو او واک د لېږد لپاره د کاغذ پر مخ طرحې کارنده ندي او د ټاکنو له لارې د واک لېږد یو اصل دی، چې معامله پرې نکیږي.

کابل ته له سفر وروسته زلمي خلیلزاد د نوي ټولګډونه حکومت د جوړېدو لپاره د سولې د انتقالي حکومت تر نامه لاندې د امریکا له طرحې خبر ورکړ.

ولسمشر غني د ملي شورا د اوولسمې دورې په پرانیست غونډه کې دې طرحې ته په غبرګون کې د واک لېږد یوانۍ لار د ټاکنو تر سره کېدل بولي او وایي، چې د افغانستان د سولې لپاره کاغذي طرحې کارنده نه دي او ناوړه پایلې به ولري.

ولسمشر غني ویلي؛ د واک د لېږد لپاره د نړیوالې ټولنې تر مدیریت لاندې د ټاکنو د نېټې او څرنګوالي تر سره کېدو ته چمتو دی.

ولسمشر اشرف غني وایي؛ د سولې لپاره هر  څوک کولی شي پر پاڼه یو څه ولیکي؛ خو زمونږ وثیقه اساسي قانون دی او بلې وثیقې ته اړتیا نلرو. په اساسي قانون کې د تعدیل لار پرانستې ده. طالبانو  ته دا پیغام لرم، چې هیڅ ګواښ به د افغانانو سر ټیټ نکړي او د ادیرې سوله نه غواړو. تاوتریخوالي ودروئ او له شعاره د عمل ډګر ته راودانګئ؛ ملت راخپل کړئ او د خلکو رایې تر لاسه کړئ.  

دغه راز ولسمشر غني له پاکستان هم غواړي، چې رښیتنې سولې ته غاړه کېدي او افغانستان د ځان لپاره د یوه خپلواک هېواد په توګه ومني.

اشرف غني څرګنده کړې: له پاکستان څخه غواړم، چې رښتینې سولې ته ورسیږو او د خپلواکو هېوادونو په توګه یو بل وزغمو او د مثبتې لارې پاکستان خپل سیاست بدل کړي؛ خپلواکه او سرلوړی افغانستان ومني.      

د ولسي جرګې مشر ویلي، چې طالبان باید تاوتریخوالی کم کړي او د سولې په خبرو کې نرمښت وښیي.

د ولسي جرګې مشر میررحمان رحماني وایي: ملي شورا له طالبانو غواړي، چې تاوتریخوالي راکم کړي؛ د سولې په خبرو کې نرمښت ښکاره کړي، له هغو غوښتنو تېر شي، چې پلي کېدونکې ندي او له پلمې پرته اوربند ته غاړه کېدي.        

دا خبرې په داسې حال کې راپورته کیږي، چې د دوحې د سولې خبرو تر اوسه پایله نده ورکړې او د دې خبرو پر بدیلو لارو کار روان دی.

Continue Reading

تازه خبرونه

د فراه د ګمرک په اورلګېدنه کې د تېلو ۴ زیرمې وسوزېدې

Ariana News

خپور شوی

په

توسط

(Last Updated On: March 6, 2021)

د فراه ولایت د شیخ ابونصر فراهي د ګمرک د ګاز او تېلو په زیرمو کې له اور لګیدنې د سوداګرو د نفتي توکو  څلور زیرمې له منځه تللي دي.

 د افغانستان  د خصوصي سکتور د خونو فډراسیون ويلي، چې اور د ایران هېواد په مرسته وژل شوی دی.

د افغانستان د خصوصي سکتور د خونو فډراسیون مرستیال ویلي؛ د ابونصر فراهي  ګمرک د نفتي او ګازي توکو په یوه زیرمه کې اورلګیدنې د نفتي توکو څلور  زیرمې په بشپړ ډول سوځولي او مالي زیان يي هم تر اوسه ندی معلوم.

د  خصوصي سکتور غړي د افغانستان د ماليې وزارت  مامورینو د فساد او د ظرفیت نه شتون دټولو ستونزو اصلي لامل بولي.

د افغانستان د خصوصي سکتور د خونو فډراسیون مرستیال خانجان الکوزي وایي: مونږ د ستونزو ټول لامل ګمرکونه بولو؛ هلته هیڅ ظرفیت نشته د فراه نننۍ اورلګېدنه هم د ایران هېواد په مرسته مهار شوې ده او  کنه د مالي او زیاني زیان د پراختیا شونتیا ډېره وه.

د افغانستان د ماليي وزارت هم په ابونصر فراهي ګمرک کې د اورلګیدنې رامنځته  ته کیدل مني؛ خو زیاتوي، چې د دوي مامورین يي دعواملو د پیدا کولو په هڅه کې دي.

د ماليي وزارت ویاند رفیع تابع وایي: مونږ هم د نننۍ اورلګیدنې له پېښې خبر شوي یو او زمونږ همکارن په همدې موضوع بوخت دي، چې د شوی مالي زیان معلوم کړي.

د فراه والي تاج محمد جاهد ویلي؛ چې ګمرک د پراخې اړرلګېدنې لپاره پوره وسایل نلري.

نوموړي ویلي، ګې د ګمرک درې کارګر ورک دي.

د خصوصي سکتور غړي په ګمرکونو کې د ظرفیتونو د لوړولو پر ځاي د مامورینو پر بډو اخیستو نیوکې کوي.

د ابونصر فراهي  له ګمرک مخکې د اسلام کلا او له هغه وړاندې په سپین بولدک کې هم  ورته اور لګیدنې شوي، چې له سل میلیون ډېر مالي زیان خصوصي سکتور ته اوښتی دی.   

Continue Reading

تازه خبرونه

د اروپا پارلمان په افغانستان کې پر ډېرېدونکي تاوتریخوالي اندېښنه په ډاګه کړه

Ariana News

خپور شوی

په

توسط

(Last Updated On: March 6, 2021)

اروپایي ټولنې مشر په افغانستان کې پر ژورنالیستانو، بشري مخکښانو، مدني هڅاندو موخه ییز بریدونه او مخ پر ډېرېدونکی تاوتریخوالی غندلی او هغه یې په کلکه رد کړي دي.

د اروپا پارلمان په افغانستان کې د جګړې د درولو غوښتنه کړې او له ښکېلو غاړیو څخه یې وغوښتل، چې د دې هېواد د اساسي حقونو او راتلونکي خوندي کولو لپاره سوله وکړي.

درې ورځې مخکې په ننګرهار ولایت کې د یوه خصوصي تلویزیون درې کارمندانې کور ته پر لاره وژل شوې دي.

له افغانستان سره د اړیکو بورډ مشر پټراس آسټرویوسیوس ویلي؛ په دې وروستیو میاشتو کې مونږ د دښمنۍ زیاتوالی لیدلی دی. دا د اندېښنې وړ ده، چې دا تاوتریخوالي په موخه ییزه توګه هغه کسان پر نښه کوي، چې په یوه آزاده ټولنه کې کار کوي؛ د بیان او رسنیو د آزادي لپاره هڅې کوي. ښځې په ځانګړې توګه د دغو بریدونو موخه ګرزي.

د اروپا پارلمان له افغان حکومت غوښتي، چې د دې وژنو رڼه او هر اړخیزه څیړن دې وکړي او عاملین یې باید ونیول شي.

د اړیکو بورډ مشر پټراس آسټرویوسیوس زیاته کړې: د اروپا پارلمان پر ټولو خواوو غږ کړی، چې له تاوتریخوالي لاس واخلي او ژر تر ژره تلپاتې اوربند اعلان کړي.

هغه وایي، چې مونږ پر ټولو خواوو غږ کوو، چې د سولې خبرې روانې وساتي.

اروپایي پارلمان ټینګار کړی؛ د سولې پایله، چې هرڅه وي باید راتلونکی اساسي قانون، د افغانانو سیاسي حقوق، اقتصادي او ټولنیزې لاسته راوړنې باید خوندي او ډاډمنې کړي.

د دولت او طالبانو ترمنځ د سولې خبرو دوه یم پړاو د تېر کال د سپټمبر پر ۱۲ په دوحه کې هوکړې ته د رسیدو پر موخه پیل شوي.

اروپایي ټولنې ویلي، چې د خپلمنځي خبرو له پیل راپدیخوا په هېواد کې د مدني ټولنې وضعیت د لږ تر لږه ۱۴ خبریالانو او د بشري حقونو د ژغورونکیو موخه ییزو وژنو له پخوا ډېر خراب کړی دی.

Continue Reading

Trending

آریانا نیوز: ټول حقونه خوندي دي