Connect with us

تازه خبرونه

په پروان او کاپیسا کې سیلابونو لسګونه کسان مړه او ټپیان کړي

Ariana News

خپور شوی

 په

(Last Updated On: August 26, 2020)

په پروان ولایت کې اورښتونو اوسیلابونو لسګونه کسان مړه او ټپیان کړي دي.

د دولت په چارو کې د طبیعي پېښو پروړاندې د مبارزې وزیر غلام بهاوالدین جیلاني ویلي، چې د پروان ولایت په مرکز چاریکار کې نن له غرمې وروسته دوه بجې سخت سیلابونه راوتلي.

د پروان ولایت مرکزي روغتون مشرمحمد قاسم سنګین آریانا نیوز ته ویلي، چې په دې پېښه کې تر دې دمه د مړو شمېر ۴۹ کسانو ته رسیدلی له ۹۰ ډېر نور ټپیان دي.

وزیر جیلاني زیاته کړې، چې په پېښه کې د استوګنې ۳۰۰ کورونه ویجاړ شوي او یو شمېر اوس هم تر خاورو لاندې دي.

ځایي سرچینې په ډاګه کړې، چې یو شمېر خلک تر خاورو لاندې دي، لسګونه موتر ویجاړ شوي او یو شمېر څاروي هم له منځه تلي دي.

چارواکو ویلي، چې د بند پاتې کسانو د ژغورلو لپاره د ژغورنې هڅې روانې ساتل شوي دي.

د سیلاب ځپلو سیمو اوسیدونکي وایي، چې خلک بېړنیو مرستو او لومړنیو توکو ته اړتیا لري.

دغه راز ولسمشر اشرف غني د دولت په چارو کې د طبیعي پېښو پروړاندې د مبارزې وزارت  او نورو اړوند ادارو ته سپارښتنه کړې، چې له زیامنو او ټپيانو بېړنۍ مرستې تر سره کړي.

په همدې حال کې د کاپیسا ولایت ځایي چارواکو هم په مرکز او کوهدامن ولسوالۍ کې د سیلابونو له راوتلو خبر ورکړی، چې لسګونه کورونه یې ویجاړ کړي او یو شمېر څاروي په کې له منځه تلي دي.

تازه خبرونه

په کابل کې له دوه بېلابېلوچاودنو ۲ پولیس وژل شوي او ۴ نور ټپیان دي

Ariana News

خپور شوی

په

توسط

(Last Updated On: January 27, 2021)

په کابل ښار کې د چارشنبې پر سهار د پولیسو پر دوه رنجر موټرو دوه بېلابېلې چاودنې رامنځته شوي؛ دوه ملي پولیس وژل شوي او څلور نور ټپیان دي.

د پولیسو د څرګندونو له مخې؛ لومړۍ چاودنه نن سهار شاوخوا ۸:۰۴ د کابل ښار د ۱۵ ناحیې د دسپېچري په سیمه کې د ملي پولیسو پر یو رینجر موټر رامنځته شوې ده.

پولیس وایي، چی دوه پولیس لږ څه ټپیان شوي دي.

دوه یمه چاودنه ۹:۳۲ د ښار د ۱۲ ناحیې د سلیم کاروان په سیمه کې د پولیسو پر رینجر رامنځته شوې، چې په کې لږ تر لږه دوه پولیس وژل شوي او دوه نور ټپیان دي.

تر دې دمه هیچا د دغو چاودنو مسوولیت پر غاړه ندی اخیستی.

Continue Reading

تازه خبرونه

جوبایډن او پوتین لومړنۍ ټیلیفوني خبرې وکړې

Ariana News

خپور شوی

په

توسط

(Last Updated On: January 27, 2021)

د امریکا ولسمشر جو بایډن تېره شپه له خپل روسی سیال ولادیمیر پوتین سره د هغو تورونو په اړه، چې روسیې په افغانستان کې د امریکایي ځواکونو د وژلو لپاره هڅونې کړي؛ ټیلیفوني خبرې کړې دي.

دا د امریکا له ولسمشریزو ټاکنو راپدیخوا له پوتین سره د بایډن لومړۍ ټیلیفوني خبرې دي.

جو بایډن په روسیه کې د وروستیو لاریونونو په اړه هم خبرې کړي او د روسیې د حکومت د مخالف الکسي ناوالني پر نیولو یې هم اندېښنه څرګنده کړې ده.

دغه راز ولسمشر بایدن د روسیې د سایبري بریدونو پر تورونو اندېښنه څرګنده کړې او د سولار وینډوز د سافټویر شرکت د معلوماتو پر پېر یې هم اندېښنه په ډاګه کړې.

هم دارنګه بایډن ویلي، چې د امریکا او روسیې ترمنځ پر اختلافاتو سربېره دواړه هېوادونه کولی شي، چې  د متقابلو ګټو لپاره نوې هوکړه وکړي.

دا په داسې حال کې ده، چې له پوتین سره له خبرو مخکې جو بایډن د ناټو له عمومي منشي ینس سټولټنبرګ سره په خبرو کې هغه ته د امریکا له لوري دې ټولنې ته ډاد ورکړ شوی دی.

Continue Reading

تازه خبرونه

د ایټالیا دفاع وزیر او اشرف غني په کابل کې پر امنیت او دوه اړخیزو اړیکو خبرې کړي

Ariana News

خپور شوی

په

توسط

(Last Updated On: January 27, 2021)

د ایټالیا دفاع وزیر لورنزو ګویرین تېره ورځ کابل ته راغی او له ولسمشر اشرف غني، د ملي پخلاینې عالی شورا له مشرعبدالله عبدالله او د ملي امنیت سلاکار حمد الله محب سره یې ولیدل.

له افغان مشرانو سره په لیدنه کې  د سولې پر بهیر، دوه اړخیزو اړیکو او په افغانستان کې د دې هېواد پر پوځي شتون خبرې اترې تر سره شوې.   

ارګ په ډاګه کړې، چې په دې کتنه کې دواړو لوریو د تاوتریخوالي پر زیاتوالي او هدفمندو ترورونو اندېښنه وښوده او د تاوتریخوالي د سملاسي پای ته رسېدو غوښتونکي شول.

نوموړي د تروریزم پر وړاندې د افغان امنیتي او دفاعي ځواکونو سرښندنه او میړانه وستایله او په ډاګه یې کړه، چې ایټالیا د سوله ییز، متحد او ډیموکراټیک افغانستان ملاتړ کوي.

لورنزو ګویرین زیاته کړې؛ له افغانستان سره په بېلابېلو برخو کې د ایټالیا مرستې او د پرېکنده ملاتړ ماموریت په چوکاټ کې د دغه هېواد د ځواکونو حضور، پخپل ځای دی.

د ارګ د څرګندونوله مخې: ولسمشر غني د ایټالیا دفاع وزیر ته د ښه راغلاست تر څنګ د یاد هېواد له اصولي دریځه مننه وکړه او څرکندويو چې افغانان او نړۍ په یو غږ د تاوتریخوالي د بندېدو غوښتونکي دي او طالبان باید دا وپوهیږي، چې د تاوتریخوالي پر دېرولو به یې افغانان او نړۍ پر ضد نور هم یو موټی شي.

د یادونې ده، چې  په دې کتنه کې اشرف غني د افغانستان د انکشافي او اقتصادي برنامو په ځانګړي توګه خواف-هرات اوسپنیزه کرښې پروژې د څلورمې برخې له تمویل څخه د ایټالیا د ملاتړ او د پرېکنده ملاتړ ماموریت په چوکاټ کې د دغه هېواد له مرستو مننه وکړه.

Continue Reading

Trending

آریانا نیوز: ټول حقونه خوندي دي