Connect with us

نړۍ

په پاکستان کې د فرانسوي کارتونونو د بیا خپرولو پرسر له نښتې مرګ و ژوبله رامنځته شوې

خپور شوی

 په

(Last Updated On: لړم ۶, ۱۴۰۰)

د رویټرز د څرګندونو له مخې د پنجاب د پولیسو مشر راو سردار علي خان پرون ویلي، چې د اسلامپالو له تاوتریخوالي څخه په ډک لاریون کې څلور پولیس افسران وژل شوي او لږ تر لږه ۲۶۳ نور ټپیان دي.

رویټرز د چارواکو د څرګندونو له مخې څرګنده کړې؛ د لاهور ختیځ ښار ته نږدې د یوې اسلامپالې وسلوالې ډلې فعالانو د سپکو فرانسوي کارټونونو د بیا خپراوي پر ضد په یوه مظاهره کې له امنیتي ځواکونو سره نښته کړې ده.

د پنجاب د پولیسو ویاند د چارشنبې پر ورځ ویلي، نښته د لاهور ښار د شیخوپورې په یوه لویه لار کې د پولیسو او تحریک لبیک د اسلامپالو په یوه لاریون کې هغه مهال رامنځته شوه، چې دې ډلې د پلازمېنې اسلام آباد پر لور پر لاریون غزولو ټینګار کاوه.

پولیسو ویلي، چې د تحریک لبیک فعالینو پر تومانچه او اټووماټیکو وسلو په ګډون پر امنیتي ځواکونو ډزې کړې دي.

د پنجاب پولیسو مشر جنرل راو سردار علي خان ویلي؛ څلور افسران وژل شوي او لږ تر لږه ۲۶۳ نور ټپیان دي.

د تحریک لبیک ویاند ویلي، چې په نښته کې د دې ډلې یو شمېر فعالانو ته هم مرګ و ژوبله اوښتې ده.

د تحریک لبیک په زرګونه فعالانو د جمعې له ورځې راپدیخوا د پاکستان تر ټولو لویه لار تړلې او د فرانسې د طنزیه مجلې لخوا د پیغمبر محمد صلی الله علیه وسلم د انځورونو د لړۍ د خپریدو له کبله د خپل مشر سعد رضوي د خوشې کیدو او د فرانسې د سفیر د شړلو غوښتنه کوي.

د رویټرز د څرګندونو له مخې؛ له څو ورځو له تاوتریخوالی وروسته، چې د تېرې اوونۍ په نښته کې درې پولیس افسران ووژل شول.

کورنیو چارو وزارت د تروریزم ضد قوانینو لاندې د امنیت ټینګښت په موخه رنجرز نومي نیمه پوځي ځواک د ګمارلو امر وکړ، د ۶۰ ورځو لپاره به خپله دنده ترسره کوي.

د کورنیو چارو وزیر شیخ رشید احمد خبریالانو ته ویلي، ما دوی ته دا اختیار ورکړی، چې د پنجاب په هر ځای ته لاړ شي او له تحریک لبیک هم غواړي، چې: مهرباني وکړئ شاته ولاړ شئ.

د رویټرز د څرګندونو له مخې؛ دا له ۲۰۱۷ زېږدیز کال راپدیخوا په ټول پاکستان کې د دې ډلې درېیم لوي لاریو او اعتراض دی، چې د اړوند فرانسوي کاریکاټورونو په اړه، چې مسلمانان یې د اسلام سپکاوی ګڼي ترسره کیږي.

فرانسوي مجلې شارلي ابډو په لومړي ځل دغه کارتونونه پر ۲۰۰۶ زېږدیز کال خپاره کړل او بیا تېر کال په ۲۰۱۵ زېږدیز کال کې د دوی پر دفتر د اسلامپالو وسلوالو د خونړي برید د محاکمه کولو پر ویاړ خپاره شول.

د پاکستان د اطلاعاتو وزیر فواد چوهدري ویلي، حکومت به پلازمېنې اسلام آباد ته د اسلامپالو د ننوتو د مخنیوي لپاره له زور څخه کار واخلي.

هغه خبریالانو ته ویلي: مونږ پرلویه لار د دوی د مخنیوي لپاره کانټینرونه ځای پر ځای کړي او تر دې دمه مو زغم ښودلی؛ خو حکومتي واک ننګول نور نشي زغملای.

نړۍ

په سومالیا کې د موټر بم په چاودنه کې اته کسان وژل شوي

خپور شوی

په

توسط

(Last Updated On: ليندۍ ۴, ۱۴۰۰)

رویټرز خبر ورکوي، چې په سومالیا کې موټربم  چاودنې اته کسان وژلي او ګڼ نور ټپیان دي.

د پولیسو د څرګندونو له مخې؛ بریدګر له غرمې وروسته په موګادیشو کې د ملګرو ملتونو د یوه کاروان مخې ته چاودنه وکړه.

راپورونه ښیي، چې په چاودنه کې ۸ کسان وژل شوي او ۲۳ نور ټپیان دي.

الشباب ډلې د پېښې پړه پر غاړه اخیستې ده.

تر دې دمه معلومه نده، چې د ملګروملتونو کارمندانو ته ځاني زیان اوښتي او کنه.

ملګرو ملتونو تر اوسه پدې اړه څه ندي ویلي.

د یادونې ده، چې الشباب اسلامپالي له کلونو راپدیخوا د سومالیا له مرکزي حکومت سره جګړه کوي، غواړي واک ترلاسه او د اسلامي شریعت پلي کولو ته زمینه برابره کړي.

Continue Reading

نړۍ

پاکستان ۱۸ میټریک ټنه نیول شوي نشه يي توکي وسوځول

خپور شوی

په

توسط

(Last Updated On: ليندۍ ۴, ۱۴۰۰)

د رویټرز د څرګندونو له مخې؛ د پاکستان د مخدره توکو ضد ځواک د چارشنبې پر ورځ (د نومبر ۲۴) د اسلام آباد په یوه څنډه کې  ۱۸ مټریک ټنه نشه یي توکي، چې ارزښت یې ۱.۳ میلیارډ امریکایي ډالره و؛ وسوځول.

د نشه يي توکو د سوځولو په دې مراسمو کې د پاکستان د ملي پوليسو عمومي مشر تورن جنرال غلام شبير ناريجو ويلي، چې سږ کال ١٨٤ مټريک ټنه نشه يي توکي کشف او نيول شوي دي.

نوموړي زیاته کړې؛ په نيول شويو نشه يي توکو کې چرس، ترياک، هيروئين، امفيټامين، ميټ امفيټامين، کيټامين، کوکاين، زاناکس، اکسټازي، الپرازولام، روشه او په ډېره کچه نور نشه يي او منع شوي کيمياوي توکي هم شامل دي.

د راپور له مخې، پاکستان ته د لویديځ ګاونډ افغانستان له لارې، چې په نړۍ کې د هيروئينو او چرسو ستر توليدوونکى هېواد دى؛ نشه یي توکي قاچاق کیږي.

نوموړي د ټولنې له ټولو برخو وغوښتل، چې د نشه يي توکو په وړاندې مبارزه کې ونډه واخلي.

د افغانستان اسلامي امارت تر دې دمه په دې اړه څه ندي ویلي.

Continue Reading

نړۍ

د آینشټاین د نسبیت تیورۍ خطي نسخه پر ۱۳ میلیون ډالرو وپلورل شوه

خپور شوی

په

توسط

(Last Updated On: ليندۍ ۳, ۱۴۰۰)

د البرټ آینشټاین او مایکل بیسو یوه ګډه خطي نسخه په پاریس کې لیلام او پر ۱۳ اعشاریه ۱۷میلیون ډالرو / ۹ اعشاریه ۸ میلیون پونډو وپلورل شوه.

دا  ۵۴ مخیزه څېړنه، چې د آینشټاین لاسليلک هم په کې شته؛ یوه له هغو دوه مشهورو نسخو ده، چې د نسبیت تیوري په ډاګه کوي.

آینشټاین دا څېړنه د مایکل بیسو په همکارۍ ترسره کړې ده. د کریسټيز لیلام د ۲ اعشاریه  ۳  او ۳ اعشاریه ۴ میلیون ډالرو ترمنځ اټکل اټکل کړی و. د دې څېړنې پاڼې له بیسو( سویسي فزیکپوه او د آینشټاین نږدې ملګري) سره وې. دوی دا څېړنه د ۱۹۱۳ او ۱۹۱۴ زېږدیز کلونو ترمنځ لیکلې ده.

په پاریس کې د خطي مسخو څانګوال او د لیلام د نندارې کوربه وینسنټ بلیو وایي: د دې نسخې اهمیت په دې کې نغښتی، چې له ۱۹۱۹ څخه مخکې د آینشټاین د څېړنې اسناد ډېر نادر دي.هغه به د خپلو تجربو په اړه دېر څه لیکل او دا حقیقت، چې یوه نسخه تر ننه پاتې شوې؛ بیسرې ده.

د دې څیړنې په پاڼو کې محاسبې پر ژیړ کاغذ پر تور رنګ لیکل شوي دي.

د آینشټاین نظریې د عصري کهکشانونو او ټکنالوژیو لکه جي پي اس نیویګیشن لپاره زمینه برابره کړې ده.

Continue Reading

Trending

آریانا نیوز: ټول حقونه خوندي دي