Connect with us

نړۍ

په پاريس كې پرليبيا جوړه شوې نړيواله ناسته پاى ته ورسيده

Avatar

خپور شوی

 په

(Last Updated On: وږی ۱۲, ۱۳۹۰)

نړۍ شا و خوا ٦٠ مشرانو د ليبيا د ملي انتقالي شورا د ملاتړژمنه څرگنده کړه. دوى د ليبيا د کنگل شويو شتمنيو د خوشې کولو او ډيموکراسۍ ته د انتقال وعده هم وکړه.

ناټو خبردارى ورکوي، چې :

په ليبيا كې شخړه پاى ته رسيدلې نه ده.

د دغه هېواد مشرمعمر القذافي د مخالفت غږ اوچت کړى او ويلي يې دي، چې:

له مخالفينو سره مبارزې ته به دوام وركوي.

په دې ورځ، چې د ليبيا د مشر ډگروال معمرالقذافي د واکمنۍ ٤٢ کاله پوره کېږي، د نړۍ مشرانو د ملي انتقالي شورا تر مشرتابه لاندې د دغه هېواد د بيارغونې د ملاتړ ژمنه وکړه.

د ٦٠ هېوادونو استازيو، د ملگرو ملتونو، اروپايي ټولنې، افريقايي اتحاديې او عرب ليگ په گډون، نورو نړيوالو څېرو د جمعې په ورځ د فرانسې په پلازمېنه پاريس کې په دې هدف وکتل، چې د ليبيا د راتلونکي په اړه پلانونه طرح کړي.

د ملي انتقالي شورا له مشر مصطفى عبدالجليل او صدراعظم محمود جبريل سره د کتنې تر څنگ د بريتانيا صدراعظم ډېوډ کامرون وويل:

د ليبيا موقت مشرانو د نړيوالې ټولنې ملاتړ ترلاسه کړ، چې ليبيا ته ډيموکراسي راولي.

د فرانسې ولسمشر نيکولاى سارکوزي اعلان وکړ، چې:

د ليبيا پېنځلس ميليارډ ډالرشتمني، چې مخکې کنگل شوې وه، خوشې شوه.

ملگرو ملتونو د قذافي رژيم اړوند شتمني د مارچ په مياشت کې د تحريمونو د يوه پرېکړه ليک پر بنسټ کنگل کړې وه، چې دې ادارې هم د امريکا، بريټانيا او فرانسې په بانکونو کې د ليبيا ٦ ميليارډ ډالر کنگل شوې شتمني ازاده کړه.

د امريکا د بهرنيو چارو وزيرې هليري کلېنټن د ليبيا له موقتو مشرانو وغوښتل، چې:

له قذافي وروسته دوره کې دې د روغې جوړې مسئله تعقيب کړي، نه د مجازاتو.

هغې هم د انتقالي شورا د ملاتړ ژمنه وکړه.

د هغې په خبره کار يوازې د ظالم رژيم په ړنگېدو نه ختمېږي.

د کلېنټن په خبره:

نړيواله ټولنه به د ليبيا د مشرانو څارنه او ملاتړ کوي، چې د قانون د حاکميت په رڼا کې د هراړخيز

انتقال او د اسيب پذيره خلکو د ساتنې په برخه کې پخپله ژمنه ټينگ وي.

ميرمن کلېنټن غونډې ته وويل:

د ائتلاف پوځي مبارزه بايد ترهغې روانه وي، چې ملکيانو ته گواښ متوجه وي، خو ويې ويل:

د ملگرو ملتونو بنديزونه او په ملگرو ملتونو کې د نوې ليبيا رهبرانو ته د څوکۍ ورکړه بايد په مسوولانه توگه وي.

د ملگرو ملتونو عمومي منشي بانکي مون وويل:

د ليبيا موقت مشرانو د هغو سيمو يو ليست برابر کړى، چې  نړيوال ملاتړ ته اړتيا لري.

د هغه په خبره:

په دغه هېواد کې بېړنى خطرکه څه هم بشري دى، په دې برخه کې يې د بېړني اقدام غوښتنه وکړه.

دا خبردارى يې هم ورکړ، چې په دغو سيمو کې د دارو، خوړو او اوبو قحطي يو لوى بحران دى.

بله خوا ناټو خبردارى ورکړى، چې په ليبيا کې جگړه اوس هم پاى ته نه ده رسېدلې او قذافي هم ملکيان گواښي.

د ناټو عمومي منشي اندريس فوگ راسموسن نن وويل:

دغه سازمان به د اړتيا تروخته د ليبيا د خلکو ساتنې لپاره خپلو عملياتو ته دوام ورکړي.

Continue Reading
Advertisement
Click to comment

Leave a Reply

Your email address will not be published.

تازه خبرونه

الاقصا جومات یو ځل بیا لمونځ کوونکیو ته پرانستل شو- بیت المقدس

Avatar

خپور شوی

په

توسط

(Last Updated On: غبرګولى ۱۱, ۱۳۹۹)

په بیت المقدس کې د الااقصا جومات، چې د کرونا ویروس د خوریدو له وېرې تړل شوی و؛ نن له دوه میاشتني ځنډ وروسته یو ځل بیا د لمونځ کوونکیو لپاره پرانستل شو.

نړیوالو خبري سرچینو په ډاګه کړې، چې د کروناویروس له پڅې ودې وروسته د اسلامي وقف شورا، چې له اسلامي مقدساتو څارنه لري؛ پر دې سپیڅلي ځای بندیزونه لیرې کړل.

دغه راز یادې شورا د مسلمانانو په دې سپیځلي درېیم مقام کې د کرونا ویروس د مخنیوي لپاره د یو لړ هڅو له تر سره کولو هم یادونه کړې ده.

د دغو هڅو له مخې؛ لمونځ کوونکي اړ دي، چې په جومات کې دننه او یا ترې بهر د لمانځه ادا کولو لپاره ماسک او خپل لمونخ مخی ولري.

دغه جومات او حرم شریف د معبد د غره پر لوړه برخه جوړ شوی، چې د بیا پرانستې لپاره یې لسګونه کسان د دغه مقدس مقام د لرګینو دروازو مخې ته ودریدل او د الله اکبر له ویلو سره یې پخپل ځان او روح د دغه جومات د ساتنې او پالنې غږونه پورته کړل.

دا په داسې حال کې ده، چې مسلمانانو سږنۍ روژه، اختر او خپلې رخصتۍ پرته له دې، چې الاقصا جومات ته نږدې شي ترسره کړې دي.

Continue Reading

تازه خبرونه

په امریکا کې د پولیسو له تاوتریخوالي پراخ لاریونونه رامنځته شوي

Avatar

خپور شوی

په

توسط

(Last Updated On: غبرګولى ۱۱, ۱۳۹۹)

د غربي رسنیو د څرګندونو له مخې؛ د لاریونکوونکيو او پولیسو تر منځ تاوتریخوالي هغه مهال زور واخیست، چې یو تورپوستی جورج فلوید نومي د پولیسو تر څار لاندې ساه ورکړه.

له همدې کبله د امریکا څو ښارونو ته لارونونه وغزیدل او لاریونکوونکي په مینیاپولیس کې د پولیسو او ملي ګارد له پرېکنده غبرګون سره مخ شول.

د راپورونو له مخې؛ د امریکا په څو ایالتونو کې د ملي ګارد ځواکونه د تیارسئ په حال کې دي او ترې غوښتل شوي، چې په  ښارونو کې اعتراضونه ساړه کړي؛ خو خینو یې تاوتریخوالی رامنځته کړی دی.

د امریکا په نورو ښارونو کې ځانګړې پوځي هڅې تر سره شوي؛ خو لاریونکوونکي په ښکاره ترې وېره نلري.

د امریکا ولسمشر ډونالډ ټرمپ پنتاګون ته امر کړی، چې پوځي پولیس د تیارسئ په حالت کې وساتي او وايي، چې کیدی شي دا پولیس د مینا سوتا ایالت ته ولیږل شي.

د یادونې ده، چې تور پوټکی جورج فلوید د دوشنبې پر ورځ له هغې وروسته ساه ورکړه، چې یو سپین پوټکي افسر دریک چووین نومي يې پر اورمېږ زنګون کیښود . ورپسې دغه افسر د قتل پر تور محکوم شو؛ خو په دې اړه هغه افسران، چې په ښکاره یې په دې قتل کې لاس درلود تر څارنې لاندې ونه نیول شول او له همدې کبله اعتراض کوونکي غواړي، چې په قتل کې د شاملو ۴  نورو  افسرانو تر نیولو به خپل اعتراضونه روان وساتي.

Continue Reading

تازه خبرونه

ناسا د بدې هوا له امله فضا ته د خلابازانو لیږد وځنډول

Avatar

خپور شوی

په

توسط

(Last Updated On: غبرګولى ۸, ۱۳۹۹)

ناسا خپل پلان شوی ماموریت د چهارشنبې پر ورځ د خرابې هوا له امله د امریکې له خاورې څخه نړیوالی فضا سټیشن ته وځنډول.

دې سازمان په یوه ټویټ کې ویلي چې دا لیږد د هوا له امله شنډ شوی. “د فالکن ۹ راکټ او کریو ډریگن الوتکې سره کومه ستونزه نه وه.”

دغه ماموریت د لیږد له پېل څخه یواځې ۱۷ دقیقې دمخه شنډ کړل شو.

ناسا ویلي: “د نن ورځې دغه امریکي الوتنه یوه فوري هڅه وه. د مدور میکانیکونو له امله، موږ اړتیا لرو ډاډ ترلاسه کړو چې په هغه وخت کې چې موږ پیل کوو، موږ وړ یو چې پر وخت د فضا سټیشن ته ورسیږو. د دې له امله، موږ نشو کولی نن ورځ ښې هوا ته انتظار وکړو.”

ناسا وویل چې دا به د شنبې په ورځ، د می په ۳۰ مه د ځایي وخت په شاوخوا ۳ او ۲۲ دقیقو د ډیمو-۲ ماموریت په لاره اچولو هڅه بیا پیل کړي. د ناسا ستور پیژندونکي رابرټ بهنکن او ډګلس هرلي به دسپېس ایکس کریو ډریگن الوتکه کې الوتنه وکړي.

ناسا په یوه بیان کې وویل، “د انسان د فضايي الوتنو نوی دور پیل کیږي ځکه چې امریکایی خلاباز یوځل بیا د امریکا د خاورې څخه د نړیوال فضایي سټیشن ته د ناسا د تجارتي عملې برنامې برخې په توګه لیږدوي.”

ناسا زیاته کړه چې دا ماموریت به د سپېس ایکس – د خصوصي امریکایی فضا تولید کونکي او د فضا ټرانسپورټ خدماتو شرکت – د ناسا د تجارتي عملې برنامې لپاره وروستۍ ازموینې الوتنه وي او د فالکون ۹ راکټ، کریو ډریګن فضا جہاز، او ځمکني سیسټمونو د فعالیت په اړه به مهم معلومات چمتو کړي.

په خبروینا کې راغلي: “د آزمایښت الوتنه به د فضا تم ځای ته ستورمستګی او الوتنې لپاره د منظم الوتنو لپاره د سپېس ایکس د الوتکې عملې ټرانسپورټ سیسټم تصدیق کولو لپاره ارزښتناکه معلومات چمتو کړي.”

Continue Reading

Trending