Connect with us

تازه خبرونه

په هېواد کې پر کرونا ویروس د اخته کسانو شمېر ۴۹۶۳ ته رسیدلی

خپور شوی

 په

(Last Updated On: غویی ۲۴, ۱۳۹۹)

د عامې روغتیا وزارت ویلي؛ له تېرو څلیریشت ګړیو راپدیخو ۷۰۰ شکمنې بېلګې اخیستل شوي، چې ۲۸۱ یې مثبتې دي.

کرونا اوس هم په افغانستان کې مخ پر خوریدو ده او هره ورځ پرې ګڼ کسان اخته کیږي؛ له وروستیو څلیریشت ګړیو څخه په کابل کې ۸۴، میدان وردګو کې ۲۸، ننګرهار کې شل، بادغیس کې۲۰، تخار کې۱۴، کندهار کې۱۳، هرات کې۱۲، پنجشېر کې۱۲، هلمند کې۷، زابل کې۵، سرپل کې۵، کندوز کې۵، جوزجان کې ۴، پروان کې۴، کاپیسا کې۳، بدخشان کې۳، نیمروز کې۲، غور کې۲، بغلان، سمنګان، فاریاب او روزګان کې د کرونا یوه – یوه مثبتې پېښې ثبت شوې، چې له دې سره پر کرونا ویروس د اخته کسانو شمېر۴۹۶۳ ته پورته شوی دی.

د عامې روغتیا وزارت مرستیال وحید مجروح  زیاته کړې؛ په وروستیو ۲۴ ساعتونو کې پر کرونا اخته ۵ کسان مړه شوي، چې له دې سره د ټولو تلفاتو شمېر۱۲۷ ته رسېدلی دی.

د عامې روغتیا وزارت دا هم ویلي؛ په همدمره وخت کې پر کرونا له اخته کسانو ۳۶ ناروغان ښه شوي، چې ور سره د ټولو ښه شویو کسانو شمېر۶۱۰ ته پورته شوی دی.

عامې روغتیا وزارت له خلکو غوښتي، چې د کرونا ویروس د مخنیوي لپاره په کورونو کې پاتې شي او روغتیایي سپارښتنې پلې کړي.

تازه خبرونه

په پکتیا کې پر کرنیزه ځمکه له شخړې ۴ وروڼو ته مرګ و ژوبله اوښتې

خپور شوی

په

توسط

(Last Updated On: وږی ۲۹, ۱۴۰۰)

د پکتیا په مرکز ګردېز کې د ځمکې پر سر له شخړې درې وروڼه وژل شوي او څلورم مرګونی ټپي دی.

تېر ماښام د ګردېز په شکر خېلو کلي کې د تره زامنو لخوا د ځمکې پر ملکيت ۳ وروڼه ووژل شول او څلورم يې مرګونی ټپي دی.

د سيمې خلک او خپلوان يي له طالبانو غواړي، چې قاتلینو ته دې سخته سزا ور کړ شي.

د ګردېز د لومړۍ امنيتي حوزې آمر مولوي همت وايي؛ دغه پېښه د ګردېز په شکر خېلو کلي کې د دوه کورنیو تر منځ له لفظي شخړې ورسته را منځته شوې او ډاډ ور کوي، چې د اړوند کورنۍ ځینې غړي يې نیولي او د نورو د نيولو هڅې روانې دي، چې له نيولو وروسته به یې عدلي او قضايي ارګانونو ته وسپارل شي.

همت زياتوي، چې د وژل شویو درې وروڼو قاتلین به له نیولو ورسته عدلي او قضایي ارګانونو ته وسپاري او قانوني چلند به ورسره وشي.

ويل کېږي، له تېرو څو ورځو راپدیخوا د پکتيا په ځاځي اريوب ولسوالۍ کې هم د دوه قبيلو ترمنځ پر کرنیزه ځمکه شخړه شوې او يو بل ته ګوته په ماشه ناست دي. خلک له ولايتي چارواکو او قومي مشرانو غواړي، چې ياده ستونزه د خبرو له لارې اواره کړي.

Continue Reading

تازه خبرونه

د ښاري خدمتونو او عوایدو راټولولو عملي چارې پیل شوي – کابل ښاروالي

خپور شوی

په

توسط

(Last Updated On: وږی ۲۹, ۱۴۰۰)

کابل ښاروالۍ ویلي، چې د ښاري خدمتونو، عوایدو راټولولو او غصب شویو ځمکو د راګرزولو لپاره یې عملي چارې پيل کړي دي.

د کابل ښاروالۍ چارسمبالي مولوي حمدالله نعماني ویلي؛ له لارو څخه د سمنټې دیوالونو د لرې کولو کار روان دي، پخپل سر د لوړو ودانیو جوړول او د ځمکو غصب هغه ستونزې دي، چې دوی یې د حل لپاره کار کوي.

د کابل ښاروالۍ چارسمبالي مولوي حمدالله نعماني ویلي: د ودانیو او ځمکو د غضب په اړه د فساد څېړل او اړوند پېښو ته لاسرسی روان دی. دغه کار به د فرصت غوښتونکیو دبدې ګټې اخیستنې لپاره د ټولو ادارو تر کار پیلولو ځنډیدلی وي او له قانون سرغړونې به هم وڅېړل شي.

مولوي نعماني ويلي، چې د سیاسي وضعیت له بدلیدو سره له سلو د ډېرو پروژو چارې درېدولي او دوی یې له تمویلوونکیو سره په اړیکه کې دي، چې دا پروژې بشپړې کړي؛ خو تر دې دمه یې په دې اړه څه ندي ویلي.

د مولوي نعماني د څرګندونو له مخې؛ د ښار په بېلا بېلو برخو کې له لارو او واټونو څخه د سمنټي دیوالونو د لرې کولو کار روان دی او تر بشپړیدو به دوام پیدا کړي.

نوموړی وایي: مونږ د امنیتي بنسټونو له شاوخوا سمکنټي دیوالونه، چې ښار یې بدرنګه کړی د لرې کولو سپارښتنه کړې او که یې لرې نکړي؛ مونږ یې لرې کوو او د ښاروالۍ لګښت ترې اخلو.

په تېر حکومت کې د ځمکو غصب او پخپلسر د لوړو دانیو جوړول هغه ستونزې وې، چې حکومت یې په منخیوي کې پاتې راغلی و. دا، چې اسلامي امارت به دا ستونزه څنګه حل کړي؛ وخت به یې ځواب ووايي.

Continue Reading

تازه خبرونه

په افغانستان کې باید د اقتصادي سقوط مخه ونیول شي – انټوني گوترش

خپور شوی

په

توسط

(Last Updated On: وږی ۲۸, ۱۴۰۰)

د ملګرو ملتونو عمومي منشي د افغانستان د راتلونکې په اړه اندېښنه لري او وایي، چې میلیونونه افغانان سمدلاسه خوراکي توکو او درملو ته اړتیا لري.

له افغانستان څخه د اشرف غني له تېښتې او حکومت له سقوط راپدیخوا نړیوال په پرلپسې توګه د افغانستان پر بشري وضعیت، لوږه او انساني بحران اندېښنه ښيي.

د ملګرو ملتونو عمومي منشي انټوني ګوترش وایي: مونږ نه پوهیږو، چې څه به پېښیږي؛ خو که په تماس کې نه وو، ناسم تګلوري به ولرو. په افغانستان کې د ناورین د مخنیوي لپاره مهمه ده، چې مونږ بشري مرستې، خواړه او درمل برابر کړو.

په افغانستان کې د بحران له وېرې د نړۍ هېوادونه؛ ځکه اندېښمن دي، چې دې هېوادونو ته به د کډوالو سیلونه ور روان وي.

د ملګرو ملتونو ټولنې عمومي منشي ویلي، چې ملګري ملتونه په افغانستان کې د داسې حکومت د جوړېدو تمه لري، چې بشري او د ښځو حقونو ته درناوی وکړي.

د ملګرو ملتونو عمومي منشي ويلي، چې د افغانستان راتلونکی روښانه ندی او په اړه یې وړاندویېنه هم ناشونې ده.

که څه هم د طالبانو سرپرسته کابینه نیوکې شته؛ خو طالبان وايي، چې دا کابینه سرپرسته ده او ټولمنلي حکومت جوړولو ته ژمن دي.

نړیواله ټولنه په افغانستان کې داسې پراخ بنسټه حکومت غواړي، چې بشري او د ښځو حقونو ته درناوي وکړي او دا هېواد بیا د ترهګرو په مرکز بدل نشي.

د ملګرو ملتونو عمومي منشي زیاته کړې؛ دا ټولنه له افغانستان سره پدې شرط مرستې کوي، چې بشري او د ښځو حقونو ته درناوي وکړي.

داسې ښکاري، چې اروپايي هېوادونه د افغان کډوالو منلو ته زړه نه ښه کوي.

د یونان لومړی وزیر کیریاکوس میټسوټاکیس وایي:  مونږ خپلې پولې ساتلي او د اروپايي ټولنې پولې مو هم څارلي او دې کار ته دوام ورکوو. زه د یونان د لومړي وزیر په توګه له ترکیې سره د دې ستونزې د حل لپاره همکارۍ ته چمتو یم. ترکیه په دې برخه کې مهمه ونډه لري.

دغه راز د افغانستان د بشر حقونو خپلواک کمیسیون د دغه بنسټ د کار او هڅو په اړه اندېښنه ښودلې او څرګندوي، چې کاري زمینه ورته برابره شي.

دا په داسې حال کې ده، چې طالبانو د هېوادوالو د حقونو پر خوندي کولو ټینګار کړی او اوسنۍ کابینه هم چارسمبالې بولي او د ټولمنلې کابینې د جوړښت ډاډ وړاندې کوي.

Continue Reading

Trending

آریانا نیوز: ټول حقونه خوندي دي