Connect with us

تازه خبرونه

په هېواد کې د کرونا ویرس ۵۸ نوی مثبتې پېښې ثبت شوي

خپور شوی

 په

(Last Updated On: لړم ۱۷, ۱۳۹۹)

د عامې روغتیا وزارت د شنبې پر ورځ ( د لړم ۱۷) ویلي، چې په تېرو ۲۴ ساعتونو کې د کرونا ویروس ۲۱۸ شکمنې پېښې کتل شوي، چې ۵۸ ترې مثبتې دي.

دې وزارت زیاته کړې، چې په همدومره وخت کې شپږ ناروغان رغیدلي او په ننګرهار او بله کې دوه پر ویروس اخته کسان مړه شوي دي.

د دې وزارت د څرګندونو له مخې، پورتنۍ مثبتې پېښې په ننګرهار، کندهار، پکتیا، هلمند، سمنګان او بلخ ولایتونو کې ثبت شوې دي.

وزارت زیاته کړې، چې له وروستیو پېښو سره په هېواد کې د مثبتو پېښو ټول شمېر ۴۲۰۳۳ ته رسیدلی دی.

د یادونې ده، چې د ټولو رغیدلیو ناروغانو شمېر ۳۴۴۴۶ ته رسیدلې او د مړو هغه ۱۵۵۶ دی.

تازه خبرونه

فرانسې له ۳۰۰ ډېر کسان له افغانستان څخه ووېستل

خپور شوی

په

توسط

Reuters
(Last Updated On: ليندۍ ۱۳, ۱۴۰۰)

د فرانسې د بهرنیو چارو وزارت پرون (جمعه د لیندۍ ۱۲) په ډاګه کړې، چې دې هېواد له ۳۰۰ ډېر افغانان، فرانسوي او هالنډي اتباع له افغانستان څخه ایستلي دي.

دغه وزارت زیاته کړې، چې ۲۵۸ افغانان، ۶۰ هالنډيان، ۱۱ فرانسويان او له دوی سره اړوند یو شمېر ناڅرګند کسان یې له افغانستان څخه ایستلي دي.

سرچینې زیاته کړې، چې قطري چارواکو د دوی په ایستلو کې مرسته کړې ده.

د فرانسې د بهرنیو چارو وزارت وايي، د سپټمبر له ۱۰ راپدیخوا یې له کابله شاوخوا ۴۰۰ افغانان او ۱۱۰ فرانسوي وګړي ایستلي دي.

دغه وزارت زیاته کړې، چې فرانسې او قطر د ډسمبر پر دوه یمه په افغانستان کې میشتو نړیوالو موسسو ته د طبي وسایلو، خوراکي توکو او ژمنیو توکو د لېږد په موخه یو بشري ماموریت هم ترسره کړی دی.

Continue Reading

تازه خبرونه

د کډوالو په چارو کې د ملګرو ملتونو عالي کمشنرۍ د نورو مرستو غوښتنه وکړه

خپور شوی

په

توسط

(Last Updated On: ليندۍ ۱۳, ۱۴۰۰)

د کډوالو په چارو کې د ملګرو ملتونو عالي کمېشنرۍ (یو ان اچ سي آر) په افغانستان کې د جګړې له بې ځایه شویو درې نیم میلیو کسانو سره د بشري مرستو د رسولو لپاره د نورو مرستو غوښتنه کړې ده.

دغه سازمان ویلي، چې بې ځایه شوي کسان سرپناه، ګرمو جامو، سونګ توکو، خواړو او طبي وسایلو ته اړتیا لري.

د سرچینې د څرګندونو له مخې؛ بشري کړکېچ مخ په پراخېدو دی؛ لوږه د اټکل وړ کچې ته رسیدلې ده. نږدې ۲۳ میلیون وګړي، چې د افغانستان د نفوس ۵۵ سلنه جوړوي، لوږې لاندې کړي او شاوخوا ۹ میلیون نور یې د لوږې له ګواښ سره مخ دي.

دې ټولنې په هېواد کې د زیان منونکیو خلکو لپاره د خوړو پر چمتو کولو ټینګار کړی او دا یې ورته خپل لومړیتوب ټاکلی دی .

د خبرپاڼې له مخې: سږ کال د کډوالو لپاره د ملګرو ملتونو عالي کمیشنرۍ د اګست له نیمايي راپدیخوا له څه باندې ۷۰۰ زره کورنیو بې ځایه شویو سره مرستې کړې او اوس مهال هم هره اوونۍ ۶ سوه زره خلکو ته پاملرنه کیږي.

Continue Reading

تازه خبرونه

امنیتي ځواکونو په بلخ کې یوه نجلۍ د سړي تښتونکو له منګولو وژغورله

خپور شوی

په

توسط

(Last Updated On: ليندۍ ۱۳, ۱۴۰۰)

د بلخ امنيتي چارواکي وايي، په ګډو عملياتو کې يې يوه نجلۍ د تښتوونکو له منګولو ژغورلې ده.

سدره په نوم يوه نهه کلنه نجلۍ د جمعې پر سهار د درېيمې ناحيې په مربوطاتو کې د سړي تښتوونکو له خوا تښتول شوې ده.

امنيتي ځواکونه وايي، په دغو عملياتو کې نهه تنه نيول شوي هم دي.

د دوی په خبره، د عملیاتو په ترڅ کې یو تن تښتونکی وژل شوی او یوه اندازه وسلې او مهمات د اسلامی امارت د ځواکونو لاس ته ورغلی دی.

Continue Reading

Trending

آریانا نیوز: ټول حقونه خوندي دي