Connect with us

کوید۱۹

په هند کې پر کرونا ۱۸ میلیون وګړي اخته شوي او ۲۰۰ زره نور مړه دي

خپور شوی

 په

(Last Updated On: غویی ۹, ۱۴۰۰)

هند په تېرو څلیریشت ګړیو کې د کرونا ویروس ۳۶۰ زره نوې مثبتې پېښې ثبت کړي؛ د مړینې شمېر یې درې زره درې سوه ته ورسید، چې له دې سره په ټول هند کې پر کرونا د اخته کسانو د مړینې شمېر ۲۰۰ زره کسانو رسېدلی دی.

له تېرو ۱۰ ورځو راپدیخوا په هند کې د کرونا ویروس د نويو پېښو شمېر په بېساري ټوګه لوړ شوی. هره ورځ په هند کې ۳۳۰ زره نوې پېښې ثبت کیږي او د کرونا ناروغۍ د شمېر د کمیدو نښې هم نه تر سترګو کیږي.

د چهارشنبې پر ورځ د اپریل ۲۸ / د غویی ۸ جان هاپکنز پوهنتون په هند کې د یوې شپې او ورځې د اخته کسانو شمېر ۳۶۰ زره ۹۶۰ اخته کسان ښودلي دي.

د جان هاپکنز پوهنتون له مخې؛ له تېرو ۲۴ ګړیو راپدیخوا په هند کې پر کرونا ویروس اخته درې زره ۲۹۳ ناروغان مړه شوي، چې تر دې دمه په دغه هېواد کې لوړ شمېر ښیي.

د نجیلي کلیسا د مرستو ټولنې ويلي؛ له هندي روغتونونو څخه وررسیدلي خبرونه ټکان ورکوونکي دي.

د دغې ټولنې د څرګندونو له مخې؛ نړیواله ټولنه باید په هندوستان کې د لسګونه زره خلکو د مړینې او پر ویروس د اخته کېدو د مخنیوي لپاره ګډ کار وکړي.

په هندوستان کې په میلیونونه خلک روغتیایي پاملرنې ته له لاسرسی پرته په بدمرغیو کې ژوند کوي. د هند روغتیایي سیسټم له کاره غورځېدلی؛ اکسیجن، چپرکټونه او درمل نلري.

دا په داسې حال کې ده، چې هندوستان د نړۍ تر ټولو لوی د واکسینو تولیدوونکی هېواد دی؛ خو تر دې دمه د خپل یو میلیارډ و ۴۰۰ میلیون وګړیو دوه سلنې ته د واکسین په کولو کې پاتې راغلی دی.

کوید۱۹

په سویلي کوریا کې پر کرونا د اخته کېدو ورځنی شمېر له ۸۰۰۰ پورته شو

خپور شوی

په

توسط

(Last Updated On: سلواغه ۵, ۱۴۰۰)

د سې شنبې پر ورځ په سویلي کوریا کې د اومیکرون بڼې له خپرېدا سره همهاله پر کرونا ویرس د اخته کسانو ورځنی شمېر د لومړي ځل لپاره ۸۰۰۰ ته پورته شو.

د کوریا د ناروغیو څارنې او مخنیوي ادارې د دوشنبې پر ورځ د کرونا ویروس له ۸۵۷۱ مثبتو پېښو خبر ورکړ، چې د ډسمبر په نیمایي کې یې شمېر ۷۸۴۸ پېښې وې.

د نویو پېښو ډېرېدل د اومیکرون د خپرېدا پرمهال که څه هم د ډېر لیږد وړ ده ؛ خو د مړینې کچه یې تيټه ښودل شوې.

د روانې میاشتې په لومړیو کې ورځنی شمېر شاوخوا ۴۰۰۰  ته راټیټ شوی و؛ خو تېره اوونۍ د اومیکرون دوه یمه لوړه کچه ثبت شوه.

د کرونا ویروس په پېښو کې ډېروالی په داسې حال کې ثبت شوی، چې په لسګونه میلیون کوریایان د نوي قمري کال له رخصتیو مخکې د خپلو کورنیو د غړیو د لیدنې لپاره هېوادني سفرونه کوي.

Continue Reading

کوید۱۹

نړۍ دې د کرونا ویروس پر ضد ګډې هڅې وکړي

خپور شوی

په

توسط

(Last Updated On: سلواغه ۴, ۱۴۰۰)

رویټرز څرګنده کړې؛ د روغتیا نړیوالې ټولنې مشر د دوشنبې پر ورځ د نړۍ له هېوادونو وغوښتل، چې د کرونا ویروس د روان مهم پړاو د پای ته رسولو لپاره ګډې هڅې وکړي؛ ځکه دمګړۍ له ټولو وسایلو برخمن دي.

د روغتیا نړیوالې ټولنې مشر ټډروس اډهانوم ګیبریسوس د آلمان له پراختیا وزیرې سونیا شولز سره یوځای په یوه مطبوعاتي کنفرانس کې وویل: کرونا ویروس اوس خپل درېیم کلني پړاو ننوځي او مونږ هم ورسره په یوه مهم پړاو کې یوو.

ټډروس اډهانوم ګیبریسوس وایي: مونږ باید په ګډې هڅې وکړو، چې د دې ناروغۍ مهم پړاو پای ته ورسوو. مونږ باید د وېرې او بې پروایۍ د اوږدېدنې مخنیوی وکړو.

ټډروس د دوشنبې پر ورځ وویل، چې آلمان د توضیحاتو له ورکولو پرته د دې ادارې ترټولو لوی تمویلوونکی دی. په تاریخي توګه امریکا د دې ټولنې د غړیو هېوادونو ترمنځ ترټولو ډېره مالي مرسته کړې ده.

د آلمان پراختیا وزیرې سونیا شولز ویلي، چې د آلمان لومړیتوب د جي – ۷  مشرۍ ته رسېدل  او په ټوله نړۍ کې د کرونا ویروس له منځه وړل دي؛ خو د دې کار لپاره یې د نړیوالې کچې د واکسین د ګړندی پړاو غوښتنه وکړه.

Continue Reading

کوید۱۹

په هند کې له ۲۴ ګړیو راپدیخوا پر کرونا ویروس ۳۳۳۵۳۳ کسان اخته شوي

خپور شوی

په

توسط

(Last Updated On: سلواغه ۳, ۱۴۰۰)

رویټرز راپور ورکړی، چې د یکشنبې پر ورځ د هند حکومت د پرلپسې څلورمې ورځې لپاره له ۳۳۰۰۰ ډېرې مثبتې پېښې ثبت کړې دي.

حکومتي سرچینو په هند کې له تېرو څلیریشت ګړیو راپدیخوا پر کرونا ویروس د اخته کېدو له ۳۳۳۵۳۳ مثبتو پېښو او ۵۲۵ د مړېنې راپور ورکړی دی.

د یادې سرچینې د راپور له مخې؛ په هند کې له کرونا ویروسه د مړېنې شمېر ۴۸۹۴۰۴ ته رسیدلی دی. د هند روغتیا وزارت ویلي؛ د شنبې پر ورځ هند پر کرونا ویروس د اخته کسانو ۱۹۳۳۷۷۰۴ نوې مثبتې او ۴۸۸ د مړېنې پېښې ثبت کړې دي.

د حکومتي څرګندونو له مخې، اوسمهال د اخته خلکو د رغیدو کچه ۹۳ اعشاریه ۱۸ ته رسېدلې ده.

د روان کال له پیل راپدیخوا، د هېواد بېلابېلې برخې د کرونا ویروس د نوې بڼې یا اومیکرون د مخنیوي محدودیتونه تر بېلابېلو کچو لاندې دي.

رویټرز راپور ورکړی، چې د هند پلازمېنې ډیلي د اوونۍ د وروستیو ورځو رخصتي پلې کړي؛ که څه هم په پراخه کچه تمه کیده، چې ډیلي به یو څه محدودیتونه لرې کړي. سیمه ییز حکومت د جمعې پر ورځ پرېکړه وکړه، چې پر تګ راتګ بندیزونه روان وساتي.

د هند فډرالي حکومت ویلي، چې دوی په تېرو څلیریشت ګړیو کې یو اعشاریه اووه اتیا میلیون خلک آزمویلي او په پام کې ده، چې دا کار روان وساتل شي.

Continue Reading

Trending

Copyright © 2022 Ariana News. All rights reserved!