Connect with us

کوید۱۹

په هند کې پر کرونا ویروس اخته ۴۰۰۰ کسان مړه شوي – راپور

خپور شوی

 په

(Last Updated On: غویی ۲۵, ۱۴۰۰)

رویټرز څرګنده کړې، چې له تېروڅلیریشت ګړیو راپدیخوا په هند کې پر کرونا ویروس اخته ۳۸۹۰ ناروغان مړه شوي  دي.

راپور په ډاګه کړې؛ دغه راز په یادې موده کې د کرونا ویروس ۳۲۶۰۹۸ مثبتې پېښې ثبت شوي، چې له دې سره پر کرونا ویروس د اخته کسانو ټول شمېر ۲۴ اعشاریه ۳۷ میلیون کسانو ته پورته شو.

د روغتیا نړیوالې ټولنې خبرداری ورکړی، چې د کرونا ویروس دوه یم کال به د نړۍ اپاره ډېر خطرناک وي.

د دې ټولنې مشر له هغې وروسته دا خبرداری وړاندې کړ، چې د هند لومړي وزیر نریندرا مودي وویل؛ کرونا ویروس په نورو هېوادونو کې هم په چټکۍ خپریږي.

دغه راز له تېرې اوونۍ راپدیخوا د سویلي آسیا په هېوادونو کې د کرونا ویروس یو اعشاریه اووه میلیون پېښې ثبت شوي او پر کرونا ویروس اخته ۲۰۰۰۰ نور پر ویروس اخته ناروغان مړه شوي دي.

د انګلستان لومړي وزیر بوریس جان سوین ویلي، چې هېواد به یې د واکسیناسیون بهیر چټک کړي، چې د کرونا ویروس د چټکې خپرېدا مخه ونیوشي.

کوید۱۹

په امریکا کې پر کرونا ویروس د اخته کسانو شمېر ۴۴.۲ میلیون کسانو ته ورسېد

خپور شوی

په

توسط

(Last Updated On: تله ۱۷, ۱۴۰۰)

د جان هاپکنز پوهنتون د څرګندونو له مخې؛ په امریکا کې د کرونا ویرس د مثبتو پېښو شمېر ۴۴ اعشاریه ۲ میلیون ته رسیدلی دی.

د یادې سرچینې په ډاګه کړې؛ د دغه ویروس له کبله ۷۱۲۰۰۰ نور مړه شوي دي.

د راپورونو له مخې؛ د امریکا په الاسکا ایالت کې د کرونا ویروس خپریدل ډېر شوي او روغتیایي مرکزونه د درملو او نورو طبي تجهیزاتو له لږوالي سره مخ دي.

په تېرو دوه اوونیو کې د دغه ویروس له کبله د امریکایانو د مړینې شمېر درې چنده ډېر شوی او ډېرې هغه کسان مري، چې کروناواکسین یې تر لاسه کړي ندي.

د ناروغیو د څارنې او مخنیوي مرکزونو ویلي؛ د اګست له وروستیو راپدیخوا دغه ویروس په ماشومانو کې ۱۲ سلنه ډېرشوی دی.

Continue Reading

کوید۱۹

په افغانستان کې د کروناویرس واکسین پلي کولو بهیر ورو شوې

خپور شوی

په

توسط

(Last Updated On: تله ۱۵, ۱۴۰۰)

د روغتیا نړیوالې ټولنې پرون چارشنبه د تلې ۱۴ وویل، چې په افغانستان کې د کرونا ویروس لپاره د واکسین کولو او کتنې بهیر د اګست له میاشتې راپدیخوا ورو شوی.

دې ټولنې زیاته کړې؛ که په افغانستان کې د کرونا واکسین پلی نشي، یو اعشاریه شپږ میلیون کرونا واکسین به تاریخ تېر شي.

دې ټولنې زیاته کړې، چې غواړي د دغې ستونزې د حل لپاره د افغانستان په ۱۶ ولایتونو کې کمپاین پیل کړي.

د روغتیا نړیوالې ټولنې له افغانستان سره ۵۰ زره د کرونا کتنې تجهیزاتو مرسته کړې او ۱۵۰ زره نور کېټونه به هم مرسته وشي.

دغه راز تېره میاشت په نیمروز ولایت کې د کرونا ویروس یو لابراتوار پرانستل شوی او تېره سې شنبه په کونړ ولایت کې ورته یو مرکز پرانستل شو.

دې ادارې زیاته کړې؛ په پروان، لغمان او کاپیسا ولایتونو کې هم د لابراتوارونو مرکزونه تر کار لاندې دي، چې له بشپړیدو سره به یې د روغتیا نړیوالې ټولنې په ملاتړ د لابراتوارونو ټول شمېر ۳۶ ته ورسیږي.

د روان کال له اګست میاشتې راپدیخوا د روغتیا نړیوالې ټولنې په ټول افغانستان کې ۳۶۰ روغتیایي مرکزونو ته درمل لیږلي، چې ۳ اعشاریه ۹ میلیون کسانو ته روغتیایي خدماتونه تر سرهشي.

Continue Reading

کوید۱۹

مونږ بېوزلو هېوادونو ته ژمنې نه، بلکې کرونا واکسین غواړو – ډبلیو اچ او

خپور شوی

په

توسط

(Last Updated On: تله ۱۰, ۱۴۰۰)
د روغتیا نړیوالې ټولنې ویلي؛ د کرونا واکسین تولیدوونکي او بډایه هېوادونه دنده لري، چې بېوزله هېوادونو ته د واکسین پوره خوراکونه ولېږدوي او په دې اړه روغتیایي نابرابرۍ پای ته ورسوي.

د روغتیا نړیوالې ټولنې لوی مشر ټډروس اډهانوم قبریسوس یوې خبري غونډې ته ویلي؛ د ۵ اعشاریه ۵ میلیارډ خوراکه واکسینو ۸۰ سلنه بډایه هېوادونو ته لېږل شوي دي.

د روغتیا نړیوالې ټولنې ویلي، چې د روان کال تر پای به د نړۍ ۴۰ سلنه وګړي واکسین شي او د همدې موخې لپاره یې بېوزلو هېوادونو ته لېږل باید چټک شي.

ټډروس اډهانوم قبریسوس په دې اړه ویلي؛ تولیدوونکیو ژمنه کړې وه، چې د ټيټې کچې او لږ عاید لرونکیو هېوادونو ته باید لومړیتوب ورکړ شي. مونږ نور ژمنې نه، بلکې واکسین غواړو.

دا په داسې حال کې ده، چې په یوشمېر ډېرو هېوادونو کې د کرونا ویروس له خپرېدو سره مبارزه ټکنۍ روانه ده.

Continue Reading

Trending

آریانا نیوز: ټول حقونه خوندي دي