Connect with us

سیمه ییز خبرونه

په هلمند کې د نفوذي طالبانو شتون په چارواكي اندېښمن كړي

Ariana News

خپور شوی

 په

(Last Updated On: زمری ۱۶, ۱۳۹۳)

helmand

د هلمند د مارجې ولسوالۍ د ملي پوليسوپه ليكوكې د نفوذي طالبانوشتون په چارواكوكې اندېښنې راپورته كړې دي.

د مارجې ولسوال احمد شفيع سوله مل وايي، چې وسله وال طالبان غواړي د بېلابېلوهڅوله لارې ددې ولسوالۍ اوځينو نوروسيموامنيت گډوډ كړي.

د نوموړي په وینا، دا ځل يې د ملي پوليسوليكوته لار پيدا كړې اودې چارې سخت اندېښمن كړي يو.

هغه زياتوي، چې په دې اړه لوړپوړي چارواكي هم خبرشوي اوهيله من یم، چې ددې ستونزې په مخنيوي كې به كوټلي گامونه پورته كړي.

نوموړی وایي: نه یوازېدا چې ستونزو اندېمن کړی یو، بلكې ورځ تربلې په ځينوسيموكې امنيتي ستونزې اووسله وال بريدونه د ډېريدوپه حال كې دي.

په دې اړه د هلمند سرپرست امنيه قوماندان مل پاسوال محمد زي رحمتي ددغو اندېښنې د زياتيدوترڅنگ وويل، چې:

اوسمهال د يوځانگړي طرزالعمل له مخې هغه كسان، چې د ملي پوليسوپه ليكوكې شامليږي د بايومتريك له سيستم څخه له تېريدووروسته د پوليسوپه ليكوكې شامليږي، چې د همدې ستونزې د مخنيوي په موخه ياد شوى گام پورته شوى دى.

د نوموړي په وينا، په مارجه ولسوالۍ كې پراخې اوچټكې څېړنې روانې دي اوددې ستونزې لمن به ټوله شي.

دا په داسې حال كې ده، چې په دې وروستيوكې د دولت وسله والومخالفينوددې ولايت په ځينوسيموكې وسله والونښتواوخوځښتونوته زوروركړى دى.

Continue Reading
Advertisement

تازه خبرونه

په غزني کې موتر بم برید ۲۳ کسانو ته مرګ و ژوبله اړولې

Ariana News

خپور شوی

په

توسط

(Last Updated On: زمری ۱۹, ۱۳۹۹)

کورنیو چارو وزارت د یکشنبې پر ورځ ومنله، چې په غزني ولایت کې د عامه محافظت قطعې مخې ته د موټر بم په چاودنه کې ۳ پولیس او د عامه محافظت قطعې ۴ سرتېري وژل شوي او ۱۶ نور ټپیان دي.

سیمه ییزو چارواکو څرګنده کړې، چې تېره شپه ماښام شاوخوا ۷:۴۵ د غزنی ښار د کوتل روضه په اړوند سیمه کې رامنځته شوه.

د والي ویاند وحیدالله جمعه زاده زیاته ګړې، چې له چاودنې وروسته برید کوونکيو هڅه وکړه، چې اړوند قطعې ته وردننه شي؛ خو د امنیتي ځواکونو له ټینګار سره مخ او شاتګ ته اړ شول.

هغه وایي، چې د چاودنې موخه د عامه محافظت قطعه وه.

د غزنې ملکي روغتون ویلي، چې تر دې دمه د پېښې ۷ مړي او ۱۴ ټپیان روغتون ته رالیدول شوي دی.

ویل کیږي، چې برید کوونکیو په دې چاودنه کې هاموی موتر کارولی؛ خو هیچا تر دې دمه د پېښې مسوولیت ندی منلی.

Continue Reading

تازه خبرونه

طالبانو په بغلان کې ۲ تېل تانکرونو ته اور اچولي او ۷ نور یې وړي

Ariana News

خپور شوی

په

توسط

(Last Updated On: زمری ۱۷, ۱۳۹۹)

سیمه ییزو سرچینو ویلي، چې وسلوالو طالبانو نن له غرمې مخکې د بغلان – سمنګان پر لویه لار د تېلو دوه تانکرونو ته اور واچاو او اووه نور یې له ځان سره وړی دي.

ځایی سرچینو زیاته کړې، چې وسلوالو طالبانو ۷ نور ټانکرونه له ځان سره د بغلان ولایت د مرکز اړوند ډنډ غوري ته وړي دي.

د دغې لویې لارې مسافرو ویلي، چې طالبانو دغه لار څلور ګړۍ د ترافیکو پر مخ تړلې وه.

ځایی سرچینو ویل، چې طالبانو د پلخمري د اربابانو د چشمه شېر په اړوند سیمه کې تانکرونو ته اور اچولی و او اووه نور یې د پلخمري ډنډ غوري سیمې ته لیږدولي، چې هملته یو لیتر پر ۲۰ افغانیو پلورل کیږي.

په بغلان کې امنیتي چارواکو او وسلوالو طالبانو تر دې دمه په دې اړه څه ندي ویلي.

Continue Reading

تازه خبرونه

پر ننګرهار زندان د برید سمبالوونکی په کونړ کې ونیول شو

Ariana News

خپور شوی

په

توسط

(Last Updated On: زمری ۱۵, ۱۳۹۹)

د افغانستان دفاع وزارت په ډاګه کړې، چې ځانګړیو افغان ځواکونو تېره شپه په کونړ کې د ننګرهار پر مرکزي زندان د برید سمبالوونکی او هېواد ته له بهره د بهرنیو داعش جنګیالیو د رالیږدولو مسوول نیولی دی.

د یاد وزارت په اعلامیه کې راغلي، چې د هېواد کماندو ځواکونو تېره شپه په کونړ ولایت کې د داعش جنګیالیو یوه اړین قومندان محمد سعید د محمد افضل زوی نیولی دی.

د دغې سرچینې د څرګندونو له مخې؛ هغه د بهرنیو داعشیانو کورنۍ افغانستان ته رادننه کولې او هم یې په جلال آباد ښار کې د وروستي برید مشري پر غاړه لرله.

داعش ویلي؛ د یکشنبې پر ماښام د دوی یوولس جنګیالیو د ۴ تاجکانو، درې هندیانو، درې افغانانو او یو پاکستاني په ګدون پر ننګرهار زندان ډله ییز برید تر سره کړ، چې په کې ۳۰ کسان ووژل شول او ۵۰ نور ټپیان دي.

د دغه برید پر مهال، چې ۱۸ ګړۍ روان وساتل شو؛ د زندان له ۱۷۰۰ بندیانو څخه سلګونه یې پر تېښته بریالي شول.

تېره ورځ د افغانستان د ولسي جرګې غړي عبدالکریم کریمي منلې، چې د ننګرهار له زندانه ۸۰۰ بندیان تښتیدلي دي.

هغه زیاته کړې، چې د جګړې په بهیر کې د زندان له  ۱۷۰۰ بندیانو څخه یوازې ۵۰۰ پاتې دي؛ نور ټول له ندندانه ووتل، چې یوازې ۴۰۰ یې بېرته نیول شوی دي.

د نوموړي د څرګندوړنو له مخې؛ په ۸۰۰ تښتیدلیو بندیانو کې د داعش او طالب په ګډون جنایي مجرمان هم ول.

د چارواکو په وینا؛ په دې زندان کې پرسیاسي او جنایي بندیانو سربېره  طالب او داعش غړي هم ساتل کیدل.

Continue Reading

Trending