Connect with us

تازه خبرونه

په هلمند کې د جګړې د مخنیوي لپاره د امریکا پر بمبارد طالبانو نیوکې کړي

Ariana News

خپور شوی

 په

(Last Updated On: October 18, 2020)

طالبانو په هلمند کې د دوی د بریدونو د مخنیوي لپاره د امریکا د بمبارد په پایله کې امریکايي ځواکونه د دوحې له تړون څخه پر سرغړونه تورن کړي او د نورو بریدونو ګواښ یې کړی دی.

نن یکشنبه  د تلې پر ۲۷ په خپل یوه تویت کې څرګندده کړې؛ په هلمند ولایت کې له وروستيو پرمختګونو وروسته، امریکایی سرتېرو په وار وار په بې رحمانه بمبارد دوحې له تړونه سرغړونه کړې ده.

دغه تړون د روان کال د فبرورۍ پر ۲۹ د قطر په پلازمېنه دوحه کې لاسلیک شوی، چې له مخې یې طالبانو منلې، چې د افغانستان پر لویو ښارونو به برید نکوي.

اوس طالبانو ویلي: د دوحې د تړون له مخې؛ امریکايي عسکر نشي کوی، چې ماسوا له جنګي سیمو او د جنګ له وخته په نورو ځایونو کې بمبارد وکړي او څوک په نښه کړي.

 

طالبانو ټینګار کړی دی: په تېرو څو ورځو کې د ورځې او شپې له مخې د ډرون او نورو الوتکو پر مټ د هلمند ولایت په نهرسراج، خوشکاوه، باباجي، د ګرشک ولسوالۍ په مالګیراو بند برق، د سنګین، مرجې، ناوې او نادعلي ولسوالیو په مختلفو سیمو کې يې ګڼې سیمې بمبارد کړي. همدا ډول يې په فراه او ځينو نورو ولایتونو کې هم بمبارد کړي، چې دا کار یې د دوحې له تړون څخه ښکاره او څرګنده سرغړونه ده.

د دوی د اعلامیې له مخې: د اسلامي امارت او متحده ایالاتو تر منځ د دوحې تړون ټوله مینځپانګه روښانه ده؛ خو دا دوه یم ځل دی، چې امریکا  له دغه تړون څخه سرغړونه کوي؛ اشتباه کوونکي عملونه تر سره کوي او پر هغو سیمو بمبارد کوي چې جګړه په کې نه وي.

دوی دا ټینګار هم کړی، چې د داسې کړنو په تکرار د پایلو مسوولیت به امریکایي لوري ته واړول شي.

د لښکرګاه په ګډون د هلمند ولایت پر ځینو برخو د طالبانو د برید په پایله کې امریکایي ځواکونو د دوشنبې پر ورځ د طالبانو مرکزونه په نښه کړل.

امریکایي ځواکونو ویلي، چې بریدونه د دوحې له هوکړې سره سم دي؛ ځکه، چې د دوحې تړون له مخې به امریکایي ځواکونه د افغان ځواکونو ملاتړ کوي او د طالبانو لخوا به په ځانګړي توګه پر لویو ښارونو بریدونه نه کیږي.

په هلمند کې د طالبانو د بریدونو په پایله کې په لسګونه زره خلک بې کوره شوي، چې اوس مرستې ته اړتیا لري.

دا په داسې حال کې ده، چې په افغانستان کې د تاوتاریخوالي له کبله د دوحې و سولې خبرې ځنډیدلي او پرمختګ یې ندی کړی.

تازه خبرونه

د تاوتریخوالي د ډېرولو له کبله امریکا پر طالبانو فشار راوړي – راس ویلسن

Ariana News

خپور شوی

په

توسط

(Last Updated On: November 30, 2020)

په کابل کې د امریکا سفارت چارسمبالي راس ویلسن ویلي، چې هېواد یې پر طالبانو؛ ځکه فشار راوړي، چې تاوتریخوالی یې ډېر کړی دی.

په افغانستان کې د جګړو او تاوتریخوالی د ډېریدو له کبله د امریکا سفارت چارسمبالي راس ویلسن اندېښمن شوی او او ټينګار کوي؛ پر طالبانو به فشارونه راوړي، چې تاوتریخوالی کم کړي.

ویلسن ويلي، چې طالبانو د تاوتریخوالي د کمولو په برخه کې د نړیوالې ټولنې او امریکا سپارښتنې په پرلپسې توګه بابیزه ګنلي او په افغانستان کې هدفي وژنې هم  د طالبانو کار دی.

ویلسن له آریانا نیوز سره په ځانګړې مرکه کې پر طالبانو نیوکه کړې، چې د دوحې له هوکړې سرغړوي.

راس ویلسن وایي: طالبان پر هغه ژمنه ندي ولاړ، چې د فبرورۍ پر نهه ویشتمه یې له مونږ سره کړې ده. مونږ په کراتو له طالبانو غوښتي، چې تاوتریخوالی کم کړی؛ خو له بده مرغه  طالبانو زمونږ او ملګرو ملتونو غوښتنې ندي منلي. اوس مونږ پر طالبانو ډېر فشار راوړو. دا د سولې د بري لپاره مهم دي.  

ویلسن د افغانستان په اړه د امریکا د نوې ادارې پر کړنلاره څه ونه ویل؛ خو دا یې ویلي، چې امریکا د افغانستان شرایطو ته په کتو خپل سرتېري وباسي.

هغه زیاته کړې؛ امریکايي او د نړیوال ائتلاف سرتېري دلته د ذخیرې په توکه ساتل کیږي. د وتلو موضوع له هغو شرایطو سره تړلې ده، چې امریکا مخکې اعلان کړي دي.

ویلسن ويلي، چې په افغانستان کې له اداري فساد سره مبارزه داسې هڅو ته اړتیا لري، چې مطلوبې پایلې ولري.

دا په داسې حال کې ده، چې نړیوالې ټولنې د ژنیو په غونډه کې له افغانستان سره د میلیاردونو دالرو مرسته له اداري فساد سره پر مبازره مشروطه کړې ده.

هغه په دې اړه وایي: مونږ له چارواکو سره ګډ کار کوو او هغه پیسې، چې ځينو کسانو په فساد کې ټولې کړي بېرته تر لاسه پر سمه لار ولګول شي.

ویلسن وايي، چې د سولې لپاره د خبریالانو، سوداګرو، د شورا له غړیو او د مدني ټولنې له استازیو سره خبرې کوي او نظرونه یې راټولوي.

Continue Reading

تازه خبرونه

ولسي جرګې ۶ نوماند وزیرانو او د ملي امنیت مشر ته د باور رایې ورکړې

Ariana News

خپور شوی

په

توسط

(Last Updated On: November 30, 2020)

ولسي جرګې د اطلاعاتو او فرهنګ او ښځو چارو وزارتونو نوماند وزیرانو ته د باور رایې ورنکړې؛ خو ۶ نورو نوماند وزیرانو او د ملي امنیت عمومي مشر د باور رايې ترلاسه کړې.

ولسي جرګې د دوشنبې ورځې( د لیندۍ ۱۰) په غونډه کې هغو نوماند وزیرانو ته د رایو صندقونه کيښودل، چې خپل کاري لومړیتوبونه یې تشریح کړي وه.

شپږ نوماند وزیران بریالي شول، چې د ولسي جرګې د باور رایه ترلاسه کړي، خو د اطلاعاتو او فرهنګ او ښځو چارو وزارت نوماندان بریالي نه شول.

ملي امنیت مشرتابه ته احمد ضیا سراج ۲۲۰، کرنې، اوبو لګولو او مالدارۍ وزارت ته انوارالحق احدي ۱۸۹، د کډوالو او راستنیدونکو چارو وزارت ته نور رحمان اخلاقي ۱۶۵، د ترانسپورت وزارت ته قدرت الله ذکی ۱۶۵، ښار جوړونې او استوګنې وزارت ته محمود کرزي ۱۵۴، د کانونو او پترولیم وزارت  ته هارون چخانسوري ۱۵۴ د باور رایې ترلاسه کړې او بریالي وپېژندل شول.

اطلاعاتو او فرهنګ وزارت ته نوماند طاهر زهیر د ۷۸ او د ښځو چارو وزارت ته نوماندې حسینه ساپۍ د ۱۱۹ رایو پخپلولو بریالي نشول، چې د ولسي جرګې د باور رایې تر لاسه کړي.

د رایو په بهیر د جرګې ځينې غړیو نیوکې وکړې، چې ګواکي د رایو بهیر روڼ نه و او دې کار دا بنسټ تر پوښتنې لاندې راوستی دی.

د ولسي جرګې غړي محمد عارف رحماني ویلي؛ بهیر روڼ نه و او رایې ناقانونه شمېرل شوي او دې کار د ولسي جرګې باور زیانمن کړی دی.

د ولسي جرګې غړی رمضان بشردوست وایي: قانون باید پلی شي؛ خو دوه ځله د رای اچونې له قانونه سرغړونه شوې او په ښکاره د کمپاین هڅې شوي او د خلکو ډېري استازي له قانونه سرغړونه کوي.  

د ولسي جرګې مشر میر رحمان رحماني له حکومت وغوښتل، چې دغو دوه وزارتونو ته دې نوي نوماندان راوپېژندل شي.

په پام کې ده، چې په راتلونکیو ورځو کې د پاتې ۴ وزارتونو نوماند وزیران او د افغانستان بانک سرپرست ولسي جرګې ته کاري لومړیتوبونه وړاندې کړي.

Continue Reading

تازه خبرونه

په غزني کې د موتربم برید پلانوونکی د هوایي برید ښکار شوی

Ariana News

خپور شوی

په

توسط

(Last Updated On: November 30, 2020)

ملي دفاع وزارت نن (دوشنبه د لیندۍ ۱۰) څرګنده کړې، چې په غزنی ولایت کې د تېرې ورځې د ترسره شوي موتر بم برید پلانوونکی له خپلو ملګرو سره د هوایي ځواکونو د عملیاتو پر مهال وژل شوی دی.

د وزارت د خبر پاڼې له مخې: حمزه وزیرستاني نومي، چې په غزنی کې د پروني موتربم برید پلانوونکی دی؛ له خپلو اووه ملګرو سره وژل شوی دی.

حمزه وزیرستانی تېره شپه د غزني ولایت د ګیرو ولسوالۍ د علی شېرخېل کلي په اړوند سیمه کې د هوایي ځواکونو د هدفي برید ښکار شوی دی.

خبرپاڼې  د دغه برید په اړه نور جزئیات ندي ورکړي.

د یادونې ده، چې پرون سهار مهال یوه ځانمرګي برید کوونکي له چاودېدونکيو توکو ډک هاموی د عامه نظم کنډک ته نږدې چولی، چې د ولایتي روغتون د څرګندونو له مخې په کې ۳۱ امنیتي ځواکونه وژل شوي او له شل ډېر نور ټپیان دي او  طالبانو هم په دې برید کې لاس لرل رد کړي .

Continue Reading
Advertisement

Trending