Connect with us

تازه خبرونه

په هرات کې د کرنې ۱۴۵۰ پروژو د لغو کولو له کبله لاریونونه تر سره شوي

Ariana News

خپور شوی

 په

(Last Updated On: June 24, 2020)

په هرات ولایت کې یو شمېر کروندګرو د دې له کبله لاریون کړی، چې ګواکي په دغه ولایت کې د کرنې نږدې یو زر و پېنځه سوه پروژې لغوه شوې دي.

په هرات ولایت کې د یو زرو څلور سوه پنځوس کرنیزو پرژو د لغوه کیدو له کبله کروندګرو د ولایت مخې ته لاریون وکړ.

 کروندګرو ويلي، چې د پیل شویو پروژو بودجه اوسهم نه ده تائيد شوې.

د هرات د کرنې او مالدارۍ خونې  مرستیال نجیب الله رحمتي ويلي، چې د دغو پروژو له لغو کیدو سره کروندګرو ته سخت زیان اوښتی دی.

نوموړي زیاته کړې، چې د هرات ولایت کروندګر د دولت جدي ملاتړ ته اړتیا لري.

د هرات د کرنې ریاست مرستیال بشیر احمد احمدي هم مني، چې په دغه ولایت کې د ممیزو د پروسس د ۱۰۰۰ خونو او د پیازو د ساتنې د څلور سوه شل زیرمو چارې په ټپه دریدلي دي.

د هرات والي ویاند جیلاني فرهاد د کروندګرو لخوا مطرح شوې ستونزې په ځای ګڼي او ټينګار کوي؛ والي له کروندګرو سره په خبرو کې ژمنه کړې، چې دا موضوع به په جدي توګه وڅېړل شي.

د کرنې وزارت د پلان له مخې په پام کې وه، چې د هېواد په بېلا بېلو ولایتونو کې پېنځلس زره پروژې عملي شي او د هرات ولایت په ګډون په یو شمېر ولایتونو کې یې چارې پیل شوې؛ خو د بودجې د نشتوالي له کبله یې اوس چارې دریدلې دي.

تازه خبرونه

چین او تاجکستان له افغانستان سره په پوله پوځي خوزښتونه لري

Ariana News

خپور شوی

په

توسط

(Last Updated On: January 25, 2021)

په بدخشان کې افغان پوله ساتي ځواکونه په داګه کوي، چې چین او تاکجستان هېوادونه د سولې له احتمالي هوکړې وروسته د داعش ډلې پر پیاوړتیا اندېښمن شوي دي.

د ملي اردو په چورلکه کې، چې د بدخشان واخان سیمې ته ولاړو او له چین او تاجکستان سره مو پوله ولېده؛ معلومه شوه، چې تاجکستان له افغانستان سره په سرحدي سیمه کې خپلې پوستې ډېرې کړې دي.

دا موضوع امنیتي سرچینو هم منلې ده.

په بدخشان کې د پوله ساتو ځواکونو سرتېری اسامه وردوجي ویلي؛ له خپلو څلور سوه همکارانو سره د اوږدې پولې د امنیت ساتنې مسوولیت لري؛ خو افغان ځواکونه د پوځي تجهیزاتو له کمي سره مخ دي او تشکیل یې هم لږ دی.

په همدې توګه چین، چې له افغانستان سره یې پر ګډه بوله د غرنۍ لوا د جوړېدو غوښتنه کړې وه؛ د امنیتي سرچینو پر وینا، د امریکا د مخالفت له کبله دا کار ندی شوی.

د بدخشان والي ذکریا سودا هم په دې ولایت کې د بهرنیو جنګیالیو پر ځانګړې توګه د تاجکستان د انصارالله ډلې پر شتون اندېښنه لري.

دا مهال چین، افغانستان او تاجکستان د ۱۵۰ ځواکونو په شتون کې ګډه قومنداني لري، چې مالي لګښت یې چین پر غاړه اخیستی او دوی د سرحدي ګواښونو په کابو کولو کې په ګډه کار کوي.

Continue Reading

تازه خبرونه

طالب مشران د سولې په خبرو کې خپلواکي نلري ـ د ملي امنیت سلاکار

Ariana News

خپور شوی

په

توسط

(Last Updated On: January 24, 2021)

 د افغانستان د ملي امنیت سلاکار حمدالله محب ویلي، چې طالب مشران په خپلو پرېکړو کې خپلواکي نلري او له همدې کبله له وخت سره لوبې کوي.

د هېواد لوړپوړي دفاعي او امنیتي چارواکي د هوایي ځواکونو په قول اردو کې راټول شوي؛ د سولې او جګړې پر بحث سربېره یې د پولیسو، ملي امنیت او ملي اردو له ځانګړیو ځواکونو راټول شوی ځواک یې هم جوړ کړ.

د ملي امنیت شورا سلاکار ويلي طالبان سوله نه غواړي او پلاوی یې هم د پرېکړو واک نلري.

 د ملي امنیت سلاکار حمدالله محب څرګنده کړې، چې استخباراتي معلومات ښیي، چې طالبان په را روان پسرلي کې جګړې ته چمتوالی نیسي.

دغه راز د ملي دفاع وزارت لومړي مرستیال شاه محمود میاخېل ویلي؛ طالبانو د سولې  پر ځای جګړه ټاکلې او دوي اړ دي، چې د طالبانو د بریدونو په وړاندې له خلکو دفاع وکړي.

د کورنیو چارو وزیر مسعود اندرابي ، د وسلوال پوځ لوی درستیز او د ملي امنیت لوی مشر خبرداری ورکوي، چې که د سولې خبرې نتیجه ورنکړي؛ په ټول هېواد کې جګړې ته بشپړ چمتوالی لري.

په امریکا کې د نوي ولسمشر له راتلو سره تمې دا دي، چې د سولې خبرې به یوې مطلوبې پایلې ته ورسیږي؛ خو افغان ځواکونه وایي، چې که دا خبرې بې پایلې پاتې شي، جګړې ته چمتو دي.

Continue Reading

تازه خبرونه

د جمهوریت تر چتر لاندې ټول افغانان برابر دي – اشرف غني

Ariana News

خپور شوی

په

توسط

(Last Updated On: January 24, 2021)

د افغانستان ولسمشر اشرف غني د یکشنبې پر ورځ د اهل تشیع علماوو شورا له غړیو سره په ارګ کې د لیدنې پر مهال څرګنده کړې، چې د جمهوري ریاست په سیسټم کې لاسومنه به د هېواد لپاره ستره بیه ولري؛ ځکه، چې دمګړۍ یې تر چتر لاندې ټول افغانانو خوندي او برابر دي.

ولسمشرۍ ماڼۍ په ډاګه کړې؛ ولسمشر غني د شیعه عالمانو د شورا له غړیو سره په خبرو کې ویلي: جمهوریت یو چتر او بستر دی، چې د ټولو افغانانو مساوات په کې تامین دي.

غني زیاته کړې: زمونږ امنیتي او دفاعي ځواکونو په جګړه کې بر لاسي دي او د افغانستان اسلامي جمهوریت بشپړ نړیوال مشروعیت لري او امریکا د افغان حکومت او زمونږ د امنیتي او دفاعي ځواکونو ملګرې ده.

ارګ په ډاګه کړې: په دې کتنه کې، چې د جمهوري ریاست دوه یم مرستیال سرور دانش او په امنیتي او سیاسي چارو کې د ولسمشر ستر سلاکار محمد محقق هم حضور درلود.

غني دا هم وویل: له نړۍ او سیمې سره د سولې د اهدافو په ټاکلو کې د یوه خپلواک افغانستان ډاډ ترلاسه کول دي، چې ملي حاکمیت، ډیموکراسي او ملي یووالي څخه برخمن وي.

نوموړي ټینګار څرګند کړ، چې مونږ عذر او تسلیمۍ ته حاضر نه یو او دا ډول سوله غواړو، چې بقا، هوساینه او ملي یووالی په کې وي.

د دغې شورا مرستیال محمد اکبري څرګنده کړې؛ دغه شورا د اسلامي ورورولۍ او ملي یووالي د پیاوړتیا لپاره کار کوي، په هېواد کې د سولې د تامین او جګړې دپای ته رسېدو غوښتونکې ده، د اساسي قانون او د افغانستان اسلامي جمهوري نظام له ساتنې خپل ملاتړ څرګندوي.

د یادونې ده، چې د اهل تشیع علماوو شورا جوړښت د عمومي مجمع، اجرائیه شورا او د مرکزي کمیسیونونو او ولایتي شوراګانو څخه جوړه او شمېر یې ۶۵ کسانو ته رسېږي.

Continue Reading

Trending

Copyright © 2021 Ariana News. All rights reserved!