Connect with us

سوداگري

په هرات کې د شاتو تولیدي کچه لوړه شوې

خپور شوی

 په

(Last Updated On: ليندۍ ۱۱, ۱۳۹۹)

د هرات ولایت سیمه ییزو چارواکو په ډاګه کړې، چې په دې ولایت کې د شاتو د تولید سږنۍ کچه لوړه شوې ده.

د هرات ولایت د کرنې، اوبولګولو او مالدارۍ ریاست ویلي، چې د دې ولایت د شاتو د تولید سږنۍ کچه ۲۰۰ مټریک ټنو ته ورسېده.

د هرات ولایت د کرنیزو چارو آمر بشیراحمد وایي؛ د هرات ولایت په کچه د شاتو مچیو ۵۹۳ فارمونه فعالیت لري، چې ترې سږکال ۲۰۰ مټریک شات تولید شوي دي.

هغه زیاته کړې، چې په دې ولایت کې هر کال د شاتو مچیو روزنې فارمونه زیاتیږي.

د نوموړي د څرګندونو له مخې؛  د دې ولایت د مرکز په ګډون د انجیل، ګذرې، کرخ، رباط سنګي، غوریان، اردسکن، پشتون زرغون، اوبۍ، چشت شریف، شینډنډ او ګلران ولسوالیو کې د نورو سیمو په پرتله ډېر شات تولید شوي دي.

دی زیاتوي: په هرات ولایت کې له دوو لارو شات ترلاسه کیږي؛ لومړی غرنۍ شات او دوه یم له روزنیزو فارمونو.

غرنۍ شات غوره کیفیت او مناسبه بیه لري، چې په کورنیو بازارونو کې یو کیلو شات له ۷۰۰ څخه تر زر افغانیو پلورل کیږي.

سوداگري

د پاکستان د چمن پوله د افغانانو د ډله ییز ورتګ له وېرې تړل شوې

خپور شوی

په

توسط

(Last Updated On: تله ۲۵, ۱۴۰۰)

له هغې یوه ورځ وروسته، چې لاریونکوونکي د پاکستان په چمن کې سړکونو ته راووتل او له افغانستان سره یې د ګډې پولې د بیا پرانستلو غوښتنه وکړه؛ نو د شنبې پر ورځ  ګڼشمېر خلک پولې ته په تمه ودرېدل.

رویټرز راپور ورکړی؛ په سلګونه خلک له نږدې دوه اوونیو راپدیخوا د چمن پولې دواړو غاړیو ته بند پاتې دي.

دوی وایي، دا پوله له تېرو ۱۳ ورځو راپدیخوا تړل شوې او مونږ یې د خلاصیدو په تمه ناست یو؛  سهار اته بجې راځو او لس بجې بېرته ځو، ځکه دوی (چارواکي) وایي: دا به تر میاشتو تړلې وي. کومې پیسې مو، چې ګټلې وې؛ ټولې رانه دلته ولګېدلې.

پاکستانيو چارواکو ویلي، چې پوله په لنډمهاله توګه د هغو افغانانو د راتګ له وېرې تړل شوې، چې غواړي د په اګست میاشت کې د افغانستان اسلامي امارت له واکمنېدو وروسته؛ له خپل هېواده ووځي.

د چمن پوله، چې په خیبر پښتونخوا کې د تورخم له سوداګریز ښارګوټي وروسته له افغانستان سره دوه یمه لویه سوداګریزه پوله ده؛ د افغانستان کندهار ولایت له سپین بولدک سره نښلوي او لر او بر زرګونه کارو باري افغانان او د دواړو هېوادونو سوداګر یې کاروي.

د رویټرز د راپور له مخې؛ د جمعې پر ورځ زرګونه سوداګر د چمن سړکونو ته راووتل، ځینې یې پر آس سپاره ول او غوښتنه یې کوله، چې پوله خلاصه شي.

ویل کیږي، چې په زرګونه افغانان پاکستان ته د ننوتلو په هڅو کې پولې ته نږدې راټول شوي. په داسې حال کې، چې د ډېرو کډوالو له منلو یې دډه کړې ده.

د پاکستان چارواکي وايي؛ دوی وېره لري که د پولې مقررات نرم شي، نو شاوخوا یو میلیون افغان کډوال به ور ننوځي.

د یادونې ده، چې دمګړۍ شاوخوا درې میلیون افغان کډوال په پاکستان کې ژوند کوي؛ ځینې یې له درې لسیزو راپدیخوا کله، چې د دوی هېواد په ۱۹۷۹ زېږدیز کال کې د روسانو لخوا اشغال شوی و.

Continue Reading

سوداگري

پي آی ای او کام ایر هوایي شرکتونه دې د ټکټونو بیې راټیټې کړي – اسلامي امارت

خپور شوی

په

توسط

(Last Updated On: تله ۲۲, ۱۴۰۰)

د افغانستان د اسلامي امارت ملکي هوايي چلند ادارې د پاکستان پي آی ای او د هېواد کام ایر هوایي شرکتونو ته خبرداری ورکړی، چې د هوایي کرښو د ټکټونو دې راټیټې کړي او هغسې، چې په مخکیني حکومت کې وې؛ تنظیم شي.

سرچینې زیاته کړې؛ که اړوند شرکتونه د ټکټونو بیې بېرته راټیټې نکړي، الوتنې به یې بندې شي.

له دې سره هممهاله پي آی ای، ویلي، چې کابل ته به خپلې الوتنې سمدستي ودروي؛ خو نور جزیئات یې ندي ورکړي.

د یادو شرکتونو د هوایي کرښې ټکټونو بیې په تېرو دوه میاشتو کې په بې ساري توګه لوړې شوې دي.

سرچینې له خلکو غوښتي، چې که په دې اړه کومه سرغړونه وویني؛ نو خپله مستنده اندېښنه دې د افغانستان ملکي هوایي چلند ادارې ته وسپاري.

په هېواد کې د اسلامي امارت له واکمن کېدو وروسته پي آی ای یوازنی هوايي شرکت دی، چې افغانستان ته الوتنې کوي.

ویل کیږي، چې د اسلامي امارت واک ته له رسیدو وروسته د ټکټونو بیه ۲۵۰۰ ډالرو لوړه شوې ده.

Continue Reading

سوداگري

راتلونکې اوونۍ به د هوايي دهلیزونو له لارې سوداګریزې الوتنې پیل شي

خپور شوی

په

توسط

(Last Updated On: تله ۱۵, ۱۴۰۰)

د افغانستان د سوداګرۍ او پانګونې خونې مسوولینو ويلي، چې په راتلونکۍ اوونۍ کې به د هوايي دهلیزونو له لارې سوداګریزې الوتنې پیل شي.

په افغانستان کې د سیاسي بدلون او اسلامي امارت د رامنځته کیدو راپدیخوا اقتصادي او سوداګریز فعالیتونه نور هم ټکني شوي دي.

د افغانستان د سوداګرۍ او پانګونې خونې مسوولین وايي، چې په هېواد کې د امنیت له خوندي کیدو سره د اقتصادي چارو د پیل کیدو هڅې روانې دي.

د دې خونې مسوولینو له آریانا نیوز سره په خبرو کې څرګنده کړې، چې په راتلونکۍ اوونۍ کې به د هوايي دهلیزونو له لارې بهر ته سوداګریزې الوتنې پيل شي او په لومړۍ الوتنه کې به د افغانستان جلغوزي بهر ته صادر شي.

د افغانستان د سوداګرۍ او پانګونې خونې مسوولین وايي، چې د امریکا لخوا د افغانستان د پانګې کنګلولو د هېواد پر اقتصاد ناوړه اغېزه کړې ده.

د سوداګرۍ او پانګونې خونې مرستیال محمد یونس مومند وایي: الوتنې چمتو دی. ان شالله په راتلونکیو څلور ، پېنځه ورځو يعنې راروانه اوونکۍ کې به د کارګو لومړۍ الوت تر سره شي.

نوموړی له افغان سوداګرو سره د پاکستان پر چلند نیوکه کوي او وايي، چې افغان سوداګرو ته یې ستونزې جوړې کړي دي او له دغه هېواده غواړي، چې له افغانستان سره ښې سوداګریزې اړیکې وپالي.

محمد یونس مومند وایي: اوسنۍ کړنې ناسمې دي: مونږ د خپل هېواد په ټولو اقتصادي برخو کې له ټولو ملګرو، ګاونډ هېوادونو غواړي، چې اقتصادي وضعیت سم کړي؛ مونږ دوه اړخیزو اړیکو ته درناوی لرو.

د امریکا لخوا د افغانستان شاو خوا لس میلیارډه ډالر کنګل شوي، چې د افغانستان د سوداګرۍ او پانګونې خونې مسوولینو د څرګندونو له مخې د افغانستان پر اقتصاد یې ناوړه اغېزه کړې ده.

نوموړی په سپین بولدک او تورخم کې د افغان سوداګرو لپاره د سوداګریزیزو آسانتیاوو د برابرولو غوښتنه کوي او وایي: مونږ د خپلو بندو پیسو د آزادولو غوښتونکي یوو؛ زمونږ روان بانکي سیسټم هم همدغو بندو پیسو له ستونزو سره مخ کړی او ټولې لویې پروژې درېدلي دي.

د افغانستان د سوداګرۍ او پانګونې خونې مسوولین وايي، چې د بانکي خدمتونو عادي کیدل به د سوداګرۍ او اقتصاد له غوړیدا سره مرسته وکړي.

Continue Reading

Trending

آریانا نیوز: ټول حقونه خوندي دي