Connect with us

سوداگري

په هرات کې درې تولیدی کارخونې ګټې اخیستنې ته چمتو شوې

خپور شوی

 په

(Last Updated On: غویی ۲۸, ۱۴۰۰)

د هرات ولایت سیمه ییزو چارواکو ویلي، چې د نږدې لس میلیون امریکایي ډالرو پر لګښت درې ولایتي کارخونې د دغه ولایت په صنعتي ښارګوټي کې ګټې اخیستنې ته چمتو شوې دي.

دا کارخونې تېره ورځ د هرات ولایت په صنعتي ښارګوټي کې خصوصي سکتور پر پانګونه د صنعت او سوداګرۍ وزیر نثار احمد فیضي غوریاني، د هرات ولایت والي سید عبدالوحید قتالي، د خلکو استازي محمد رضا خشک او یو شمېرملي کسبګرو او سوداګرو لخوا ګټې اخیستنې ته وسپارل شوې.

د چارواکو د څرګندونو له مخې، د دغو کارخونو له پرانستې سره له ۵۰۰ دېرو کسانو ته کاري زمینه برابره شوې، چې ډېري یې میرمنې.

د سوداګرۍ او صنایعو خونې مشر حمیدالله خادم ویلي: له نویو تولیدي کارخونو  سره سلګونه خلکو ته په غیر مستقیم ډول کاري فرصتونه رامنځته شوي دي.

د یادونې ده، چې له ۴۰۰۰۰ څخه ډېر خلک دا مهال د هرات صنعتي ښارګوټي په نږدې ۳۰۰ تولیدي کارخونو کې کار کوي.

سوداگري

پي آی ای او کام ایر هوایي شرکتونه دې د ټکټونو بیې راټیټې کړي – اسلامي امارت

خپور شوی

په

توسط

(Last Updated On: تله ۲۲, ۱۴۰۰)

د افغانستان د اسلامي امارت ملکي هوايي چلند ادارې د پاکستان پي آی ای او د هېواد کام ایر هوایي شرکتونو ته خبرداری ورکړی، چې د هوایي کرښو د ټکټونو دې راټیټې کړي او هغسې، چې په مخکیني حکومت کې وې؛ تنظیم شي.

سرچینې زیاته کړې؛ که اړوند شرکتونه د ټکټونو بیې بېرته راټیټې نکړي، الوتنې به یې بندې شي.

له دې سره هممهاله پي آی ای، ویلي، چې کابل ته به خپلې الوتنې سمدستي ودروي؛ خو نور جزیئات یې ندي ورکړي.

د یادو شرکتونو د هوایي کرښې ټکټونو بیې په تېرو دوه میاشتو کې په بې ساري توګه لوړې شوې دي.

سرچینې له خلکو غوښتي، چې که په دې اړه کومه سرغړونه وویني؛ نو خپله مستنده اندېښنه دې د افغانستان ملکي هوایي چلند ادارې ته وسپاري.

په هېواد کې د اسلامي امارت له واکمن کېدو وروسته پي آی ای یوازنی هوايي شرکت دی، چې افغانستان ته الوتنې کوي.

ویل کیږي، چې د اسلامي امارت واک ته له رسیدو وروسته د ټکټونو بیه ۲۵۰۰ ډالرو لوړه شوې ده.

Continue Reading

سوداگري

راتلونکې اوونۍ به د هوايي دهلیزونو له لارې سوداګریزې الوتنې پیل شي

خپور شوی

په

توسط

(Last Updated On: تله ۱۵, ۱۴۰۰)

د افغانستان د سوداګرۍ او پانګونې خونې مسوولینو ويلي، چې په راتلونکۍ اوونۍ کې به د هوايي دهلیزونو له لارې سوداګریزې الوتنې پیل شي.

په افغانستان کې د سیاسي بدلون او اسلامي امارت د رامنځته کیدو راپدیخوا اقتصادي او سوداګریز فعالیتونه نور هم ټکني شوي دي.

د افغانستان د سوداګرۍ او پانګونې خونې مسوولین وايي، چې په هېواد کې د امنیت له خوندي کیدو سره د اقتصادي چارو د پیل کیدو هڅې روانې دي.

د دې خونې مسوولینو له آریانا نیوز سره په خبرو کې څرګنده کړې، چې په راتلونکۍ اوونۍ کې به د هوايي دهلیزونو له لارې بهر ته سوداګریزې الوتنې پيل شي او په لومړۍ الوتنه کې به د افغانستان جلغوزي بهر ته صادر شي.

د افغانستان د سوداګرۍ او پانګونې خونې مسوولین وايي، چې د امریکا لخوا د افغانستان د پانګې کنګلولو د هېواد پر اقتصاد ناوړه اغېزه کړې ده.

د سوداګرۍ او پانګونې خونې مرستیال محمد یونس مومند وایي: الوتنې چمتو دی. ان شالله په راتلونکیو څلور ، پېنځه ورځو يعنې راروانه اوونکۍ کې به د کارګو لومړۍ الوت تر سره شي.

نوموړی له افغان سوداګرو سره د پاکستان پر چلند نیوکه کوي او وايي، چې افغان سوداګرو ته یې ستونزې جوړې کړي دي او له دغه هېواده غواړي، چې له افغانستان سره ښې سوداګریزې اړیکې وپالي.

محمد یونس مومند وایي: اوسنۍ کړنې ناسمې دي: مونږ د خپل هېواد په ټولو اقتصادي برخو کې له ټولو ملګرو، ګاونډ هېوادونو غواړي، چې اقتصادي وضعیت سم کړي؛ مونږ دوه اړخیزو اړیکو ته درناوی لرو.

د امریکا لخوا د افغانستان شاو خوا لس میلیارډه ډالر کنګل شوي، چې د افغانستان د سوداګرۍ او پانګونې خونې مسوولینو د څرګندونو له مخې د افغانستان پر اقتصاد یې ناوړه اغېزه کړې ده.

نوموړی په سپین بولدک او تورخم کې د افغان سوداګرو لپاره د سوداګریزیزو آسانتیاوو د برابرولو غوښتنه کوي او وایي: مونږ د خپلو بندو پیسو د آزادولو غوښتونکي یوو؛ زمونږ روان بانکي سیسټم هم همدغو بندو پیسو له ستونزو سره مخ کړی او ټولې لویې پروژې درېدلي دي.

د افغانستان د سوداګرۍ او پانګونې خونې مسوولین وايي، چې د بانکي خدمتونو عادي کیدل به د سوداګرۍ او اقتصاد له غوړیدا سره مرسته وکړي.

Continue Reading

سوداگري

د ا.ا.ا چارواکو د پاکستان او چین د اقتصادي دهلیز پر پراخولو خبرې کړي

خپور شوی

په

توسط

(Last Updated On: تله ۶, ۱۴۰۰)

په کابل کې د پاکستان سفیر ویلي، چې پاکستانيو چارواکو او د اسلامي امارت مشرانو سره په بحث او خبرو کې پر سیمه ییزو اقتصادي اړیکو ټینګار کړی، چې د دواړو هېوادونو تر منځ اقتصادي تعامل هم ګڼل کیدای شي.

پاکستانيو چارواکو ويلي، چې د اسلامي امارت له مشرانو سره خبرې شوي، چې افغانستان د  پاکستان او چین له اقتصادي دهلیز سره یو ځای شي.

 په کابل کې د پاکستان سفیر دا خبر تائید کړی دی.

په افغانستان کې د پاکستان سفیر منصوراحمد خان څرګنده کړې: له سیمې سره اړیکې د افغانستان له مشرانو سره د بحثونو مهمه برخه ده، چې دا د اقتصادي تعامل لپاره ګټور ګام دی. دا مهمه پروژه د بېخبناوو او د افغانستان – پاکستان د انرژۍ د اتصال، د مرکزي آسیا او سویلي آسیا د نښلېدو په لار کې مهمه ده.

په وروستیو کې د پاکستان، چین او روسیې استازیو د اسلامي امارت له چارواکو سره خبرې کړي، چې د پاکستان د سفیر د څرګندونو له مخې؛ امنیت او اقتصادي پراختیا ر دې بحث بنسټیزې خواوې دي.

منصوراحمد خان وایي: پاکستان هڅه کوي، چې نړیواله ټولنه په بانکي سسیټم کې د نړیوال محدودیت د کمولو لپاره همکاري وکړي او د پاکستان د مالي ادارو څو مدیران هم کابل ته راغلي وه، چې څرنګه کولی شي د نړیوالې ټولنې له محدودیت سره حالات ښه کړي.

د چین – پاکستان اقتصادي دهلیز د یوه کمربند یوې لارې پروګرام یوه برخه ده، چې چین له آسیا، اروپا او نورې نړۍ سره نښلوي.

د سوداګرۍ خونې مرستیال یونس مومند ویلي؛ هېوادونه باید د ګډو ګټو پر پروژو هوکړه وکړي.           

د چین – پاکستان له اقتصادي دهلیز سره د افغانستان د یو ځای کولو هڅې له ۲۰۱۵ زېږدیز کال راپدیخوا پیل شوي؛ خو په هېواد کې د نوي نظام له راتلو سره دې هڅو نوې بڼه خپله کړې ده.

Continue Reading

Trending

آریانا نیوز: ټول حقونه خوندي دي