Connect with us

تازه خبرونه

په هانک کانګ کې د کرونا ویرو س د خوریدا له کبله پارلمانې ټاکنې وخنډیدې

Ariana News

خپور شوی

 په

(Last Updated On: July 31, 2020)

د هانک کانګ حکومت پارلماني ټاکنې، چې ټاکل شوې وه د روان کال په سپتمبر میاشت کې تر سره شي؛ د کرونا ویروس د ودې او خوریدا له کبله یو کال وځنډیدې.

هانګ کانګ اوسمهال د کرونا ویروس د پراخې خپریدا په حال کې دی او د جمعې پر ورځ په هانکانګ کې پر کرونا ویروس د اخته کسانو ۱۲۱نوې مثبتې پېښې ثبت شوې دی.

د بي بي سي د راپور له مخې؛ د هانک کانګ د حکومت مخالفانو د ټاکنو ځنډول غندلي او څرګندويو چې حکومت غواړي د کرونا ویروس په کارولو له رای ورکولو  بې برخې کړي.

د هانک کانګ حکومت د پنجشنبې پر ورځ د دیموکراسۍ پلوه ۱۲ نوماندانو پر ټاکنیزو هڅو بندیز ولګاوه.

په پرلپسې توګه د لسمې ورځې لپاره هانک کانګ په یوه ورځ کې د کرونا ویروس له ۱۰۰ ډېرې مثبتې پېښې ثبتوي.

یاد راپور د روغتیایي کارپوهانو په حواله لیکلي، چې پر ټولنیزو سفرونو له بندیدو سره به پدې هېواد کې د کرونا ویروس د خپریدا  کمیدو ته تمه رامنځته شي او له څلور څخه تر شپږ اوونیو کې به د کورونا ویروس د ناروغانو شمېر صفر ته نږدې شي.

هانک کانګ د کورونا ویروس د خپریدو د مخنیوي لپاره نوي او سخت بندیزونه معرفي کړي ، چې له مخې یې له دوه څخه د زیاتو کسانو راټولیدل منع دي.

تر دې دمه په هانک کانګ کې ۳۲۷۲ کسان پر کورونا ویروس اخته شوي، چې ۲۱ یې مړه او ۱۷۵۱ ترې رغیدلي دي.

تازه خبرونه

د طالب او داعش د ګډې ورستې ایدیالوژۍ ریښې باید وچې شي ـ امرالله صالح

Ariana News

خپور شوی

په

توسط

(Last Updated On: October 24, 2020)

د کابل لنډمهاله امنیتي مسوول او د ولسمشر لومړي مرستیال امرالله صالح د شنبې پر ماښام (د لړم درېیمه) د پلازمېنې په لویدیځ کې پر ځانمرګي برید سختې نیوکې وکړې او وایي، چې داعش او طالبان ګډه ایدیالوژي تعقیبوي او د دې ورستې ایدیالوژۍ ریښې باید وچې شي.

صالح په خپل یوه تویت کې د برچي د بلخشک د اړوند سیمې پر کوثر ښوونیز مرکز ځانمرګي برید ته په نغوته کې ویلي، چې د دروغجن جنت په لټه کې د ورستې ایدیالوژي ریښې باید وچې شي. طالبان او داعش په یو اند دي. دوی اوس په تاکتیکي کچه کې سره یوځای شوي. راتلونکی ؟!

په هر حال صالحي لومړنی کس و، چې د پېښې د غندنې تر څنګ یې په دوحه کې د سولې پر خبرو سربېره  یې د تاوتریخوالي پر لوړه کچه هم نیوکه وکړه.

د بشري حقونو د څار د آسیایي چارو چارواکې پاتریشیا ګاسمن په خپل تویت کې څرګنده کړې: په کابل کې یو بل بې رحمه برید؛ ملکي وګړي، چې عادي کارونه ترسره کوي، پر سړک تېریدونکي، د زدکړی یا په روغتونونو کې د پاملرنې ترلاسه کوونکي ناڅاپه له بې رحمه تاوتریخوالي سره مخ کیږي. ولې د دوی خبرې د سولې په مذاکراتو کې په ډاګه ش،ی ندي؟

د پخلاینې عالی شورا مشر داکتر عبدالله عبدالله هم دغه پېښه یو تروریستي عمل وباله او زیاته وي، چې دا د ټولو انساني او اسلامي ارزښتونو خلاف کار دی.

په افغانستان کې د اروپايي اتحادیې ځانګړي استازي رولاند کوبیا ویلي؛ دا برید او د ولایتونو پر مرکزونو نور وروستي بریدونه، چې تاوتریخوالي هڅوي نوربس دی. د نړیوالې ټولنې بشپړ یووالي + د سمدستي اوربند لپاره پراخه فشار د ټولو افغانانو غوښتنه ده.

د کورنیو چارو وزارت ویاند طارق آرین ویلي؛ چاودنه هغه مهال رامنځته شوې، چې ځانمرګي بریدګر د دانش کوثر روزنیز مرکز ته د ننوتلو په هڅه کې و، چې د مرکز د ساتونکیو لخوا پېژندل شوی او مرکز ته د وردننه کیدو مخه یې نیولې، خو ځانمرګي بریدګر چاودنه رامنځته کړه، چې په کې ۱۸ کسان وژل شوی او ۵۷ نور ټپیان دي.

د کابل لویدیځ میشتي په تېرو وختونو کې هم د ورته خونړیو چاودنو او بریدونو قرباني شوي او لسګونه ملکي وګړيو ته مرګ و ژوبله اوښتې ده.

د ا په داسې حال کې ده، چې تر دې دمه کومې ډلې د پېښې مسوولیت ندی منلی؛ خو پخوا دې ته ورته بریدونه داعش کړی او طالبانو په دې پېښه کې هم خپل لاس لرل رد کړي دي.

Continue Reading

تازه خبرونه

په کابل کې ځانمرګي، کوثر ښوونیز مرکز ته نږدې ۷۵ کسانو ته مرګ و ژوبله اړولې

Ariana News

خپور شوی

په

توسط

(Last Updated On: October 24, 2020)

کورنیو چارو وزارت منلې، چې د کابل ښار د برچي د پلخشک په اړوند سیمه کې ځانمرګی برید رامنځته شوې؛ ۱۸ کسان وژل شوي اږو ۵۷ نور ټپیان دي.

کورنیو چارو وزارت ویاند په ډاګه کړې، چې نن ماښام یو ځانمرګی بریدګر موخې ته له رسیدو مخکې د کوثر روزنیز مرکز د ساتونکیو لخوا پېژندل شوی دی.

د نوموړي د څرګندونو له مخې؛ دغه بریدګر هڅه کوله، چې کوثر روزنیز مرکز ته وردننه شي؛ خو له پېژندلو وروسته یې ځان په کوڅه کې والوزاوه.

طالبانو د دغې چاودنې په اړه ویلی، چې برید د دوی کار ندی.

تر دې دمه هیچا د پېښې مسوولیت پر غاړه ندی اخیستی.

Continue Reading

تازه خبرونه

د کابل په برچي سیمه کې ځانمرګي لسګونه کسانو ته مرګ و ژوبله اړولې

Ariana News

خپور شوی

په

توسط

(Last Updated On: October 24, 2020)

کورنیو چارو وزارت منلې، چې د کابل ښار د برچي د پلخشک په اړوند سیمه کې ځانمرګی برید رامنځته شوې.

کورنیو چارو وزارت ویاند په ډاګه کړې، چې نن ماښام یو ځانمرګی بریدګر موخې ته له رسیدو مخکې د کوثر روزنیز مرکز د ساتونکیو لخوا پېژندل شوی دی.

د نوموړي د څرګندونو له مخې؛ دغه بریدګر هڅه کول، چې کوثر روزنیز مرکز ته وردننه شي؛ خو له پېژندلو وروسته یې ځان په کوڅه کې والوزاوه.

تر دې دمه ۱۰ وژل شوي کسان او ۲۰ ټپیان روغتون ته لیږدول شوي دي.

طالبانو د دغې چاودنې په اړه ویلی، چې برید د دوی کار ندی.

تر دې دمه هیچا د پېښې مسوولیت پر غاړه ندی اخیستی.

Continue Reading
Advertisement

Trending