Connect with us

سیمه ییز خبرونه

په ننګرهار کې د ګاز ډبې چاودنې ۹ ماشومان مړه کړل

خپور شوی

 په

(Last Updated On: مرغومی ۲۰, ۱۴۰۰)

د کورنیو چارو وزارت منلې، چې په ننګرهار ولایت کې د ګاز ډبې د چاودنې له کبله ۹ ماشومان مړه شوي او څو نور ټپیان دي.

د یاد وزارت د ویاند مرستیال عقیل جان عزام څرګنده کړې، پېښه نن سهار د لعلپورې ولسوالۍ په اړوند سیمه کې رامنځته شوې ده.

نوموړي زياته کړې: د جوار پلورنې د ګاز دبې د چاودنې له کبله د يوه ښوونځي ۹ زدکوونکي مړه شوي او يو شمېر نور ټپيان دي.

تازه خبرونه

په هرات کې د غور تیوره ولسوالۍ پخوانی امنیه قومندان ووژل شو

خپور شوی

په

توسط

(Last Updated On: سلواغه ۵, ۱۴۰۰)

نن سهار د هرات ولایت په مرکز کې د غور ولایت د تیوره ولسوالۍ پخوانی امنیه قومندان حبیب الرحمن ملکزاده ووژل شو.

د حبیب الرحمن ملکزاده خپلوانو ويلي، چې نوموړی د هرات ښار په لومړۍ ناحیه کې د خپل کور په دروازه کې د ناڅرګندو وسلوالو پر ډزو وژل شوی دی.

د هرات امنیه قومندانۍ ویاند ثابت هروي د پېښې پخلی کړی او څرګندوي، چې بریدګر دوه تنه ول او پر ملکزاده له برید وروسته له سیمې تښتېدلي؛ خو په اړه یې د اسلامي امارت پلټنه روانه ده.  تر اوسه کوم کس یا ډلې د برید پړه پر غاړه نده اخیستې.

Continue Reading

سیمه ییز خبرونه

په هرات کې چاودنې ۱۶ کسانو ته مرګ و ژوبله اړولې

خپور شوی

په

توسط

(Last Updated On: سلواغه ۳, ۱۴۰۰)

روغتیايي سرچینو څرګنده کړې؛ د شنبې پر ماښام د افغانستان په لویدیځ هرات ولایت کې موټر بم چاودنې اووه کسان وژلي او ۹ نور ټپیان دي.
د هرات امنیه قومندانۍ په ډاګه کړې، چې نن ماښام شپږ بجې د هرات ښار د ۱۲مې ناحیې د حاجي عباس په اړوند سیمه کې له چاودېدونکیو توکو ډک موټر چاودېدلی.
پوليسو ويلي، د پېښې په اړه يې پلټنې پيل کړې دي.
د هرات د استخباراتو مسوولینو ويلي؛ په یوه موټر کې نښلېدونکي ماین چاودنه کړې ده.
امنیتي چارواکو د مرګ وژوبلې په اړه څه ندي ویلي.
هرات د حوزوي روغتون مشر عارف جلالي وايي؛ د پېښې له ځایه روغتون ته د ۴ ښځو او ۳ نرينه وو په ګډون اووه مړي او د ۵ ښځو او ۴ نرينه وو په ګډون ۹ ټپيان ور لېږدول شوي دي.
دمګړۍ کوم کس یا ډلې د برید پړه پر غاړه نده اخیستې.

Continue Reading

سیمه ییز خبرونه

د واورې او توپان له کبله د سالنګ لویه لار وتړل شوه

خپور شوی

په

توسط

(Last Updated On: سلواغه ۲, ۱۴۰۰)

د فواید عامي وزارت مسوولینو ويلي، چې د هیواد د ځینو ولا یتونو لارې له مرکز او و لسوالیو  سره تړل  شوي دي.

د سالنګونو د ساتنې او څارنې ریاست مسوولینو ويلي؛ د درندې واورې وریدو او توپان له کبله د سالنګونو لویه لار د ترافیکو پر مخ تړل شوې ده.

د دغه ریاست مشر قاضي عبیدالله عبید نن رسنیو ته په استول شوي پیغام کې ویلي، چې د تېرې شپې راپدیخوا په شمالي او جنوبي سالنګونو کې واوره او توپان روان دی، چې له کبله یې د سالنګ لار تړل شوېده.

قاضي عبیدالله زیاته کړې، چې پر دغه لار د انساني مرګ و ژوبلې د مخنیوي لپاره تېره شپه دغه لار د ټولو ترافیکو او موټرو پر مخ وتړله.

ویل کیږي، چې سلګونه بند پاتې مسافر د یاد ریاست د مسوولینو لخوا خوندي ځایونو ته لږدول شوي دي.

د غورـ هرات لاره او له ولسوالیو سره د دایکینډي او بامیانو لارې، هرات او تورغونډۍ  لاره او د بلخ  د ځینو ولسواليو لارې د واورې له امله تړل شوي دي.

د فواید عامې  وزارت په و ینا؛  په میدان – وردګ، پروان، پنجشیر، سرپل، بدخشان، نورستان ، بغلان، او پکتیا ولایتونو کې هم ځينې لارې بندې شوي دي.

د فواید عامې وزارت  زیاتوي، چې  په محلي کچه يي اداري واحدونه  چمتو دي، چې  د اورښت له دریدو سره لارې د ترافیکو پرمخ  خلاص کړي.

دغه راز د بادغيس مرستيال والي محب الله اسد ويلي: “د لارې د خلاصولو هڅې روانې دي؛ خو په بند سبزک کې، چې د هرات او بادغيس تر منځ پوله ده، مسافرين بند پاتې دي.

ځايي چارواکو له خلکو غوښتي، چې له تګ راتګ ډډه وکړي.
په بادغیس ولایت کې له پرون (جمعې) څخه تر نن سهار (شنبې) پورې د رنده واوره ورېدلې ده.
د سبزک لار د قلعه نو ـ هرات د لويې لارې يوه له هغو لارو څخه ده، چې هر کال د درندو واورو له کبله د مسافرو پر مخ تړل کېږي.

د خصوصي سکتور غړيو هم  ويلي، چې د مواصلاتي لارو  د پرانستلو لپاره باید په منظم ډول څارنه وشي، چې د مارکیټونو ته لومړنی تو کې په منظم ډول سره و رسیږي.

بل لوري ته د لغمان د ترافیکو مدیر ویلي، چې د تېرې شپې د اورښتونو له کبله د کابل او ننګرهار تړل شوې لار اوس بېرته پرانستل شوې ده.

Continue Reading

Trending

Copyright © 2022 Ariana News. All rights reserved!