Connect with us

تازه خبرونه

په میدان وردګ کې د اردو چورلکه پر رهبري شوي توغندي رانسکوره شوې – پلاوی

خپور شوی

 په

(Last Updated On: غبرګولى ۵, ۱۴۰۰)

د ولسي جرګې د پلاوي د موندنو له مخې؛  د میدان وردګ ولایت په بهسود ولسوالۍ کې د اردو چورلکه پر رهبري شوي توغندي لګېدلې او رانسکوره شوې ده.

د دغه پلاوي موندنو په ډاګه کړې، ګې دغه رهبري شوی توغندی په روسیه کې جوړ شوی؛ چین او ایران یې کاپي جوړه کړې ده. د الوتکې د رانسکورېدو سیمه هم په هغه وخت کې له علي پور سره د تړلیو خلکو تر اغېز لاندې وه.

په دې چورلکه کې، چې له نسکورېدو یې  نږدې دوه میاشتې کيږي؛ د ملي اردو د ۴ پیلوټانو په ګډون اته سرتېري وژل شوي وه.

د چورلکې له نسکورېدو وروسته ولسي جرګې یو پلاوی بهسود ولسوالۍ ته واستاو، چې د چورلکې د نسکورېدو پېښه وڅېړي.

د پارلماني  پلاوي په راپور کې راغلي:

۱ـ  دغه چورلکه پر ټانک ضد رهبري شوي توغندیو لګېدلې، چې روسیې جوړ کړی؛ چین او ایران هم کاپی کړی دی.

۲ـ  د پېښې پر شپه د سپوږمۍ رڼا صفر وه او یوازې رهبري شوی توغندی پرموخه لګېدلی شي.

۳ـ  توغندی پر دودځي لګېدلی او داسې ښکاري، چې همغه تودوخه او د غږ حپې یې څارلی دی.

۴ـ  له دې مخکې هم ورته غندي د هوایي ځواک د چورلکو په رانسکورولو کې کارول شوی دي.

۵ـ  هغه سیمه، چې توغندی ترې پر چورلکه توغول شوی؛ هغه مهال د علي پور د اړوند کسانو تر څارنې لاندې وه.

۶- د دې پېښې پیلوټان ​​د هوایی ځواک هغه ترټولو غوره او تکړه کسان ول، چې د بالا مرغاب، بادغیس او د کابل د ۴۰۰ بستریز روغتون د بام  د ناستې په ماموریتونو کې یې برخه اخیستې وه.

د میدان وردګ ولایت بهسود ولسوالۍ ته د ولسي جرګې د لېږل شوي پلاوي پلاوي غړی علي اکبري جمشيدي ویلي په دې اړه ویلي: زمونږ هڅه دا وه، چې د چورلکېد نسکورېدو په اړه رښتیا په ډاګه شي او په دې راپور کې پېښه پوره او هر اړخیزه څېړل شوې ده.

یو شمېر نورو وکیلان بیا په دې اړه ویلي، چې تر دې دمه دا په ډاګه شوې نده، چې توغندی دی د علی لخوا توغول شوی وي.

د ولسي جرګې غړي احمدشاه رمضان په دې اړه ویلي: د رهبري شوي توغندي د توغولو ځواک علیپور نلري او دا ډول توغندي هم په واک کې نلري.

د ولسي جرګې غړې  شګوفه نورزۍ بیا وایي: مونږ د چورلکې د رانسکورېدو په اړه پوه څرګندونونې غواړو او پر وړاندې شوي راپور باید ډېر څه وویل شي او ډېر بحث ته پرې اړتیا ده. په راتلونکیو ناستو کې به دا بحث وغځول شي، چې د نسکورېدو پوره بڼه ترې په ډاګه شي.

که څه هم وسلوال قومندان علیپور د امنیتي چارواکو لخوا د چورلکې پر نسکورولو تورن شوی او له پېښې وروسته یې د نوموړي پر ضد په بهسود ولسوالۍ کې پراخ عملیات هم پیل کړل؛ خو امنیتي ځواکونه و نه توانیدل، چې دغه نامسوول وسلوال قوماندان ونیسي.

تازه خبرونه

د کونړ د شیګل ولسوالۍ امنیه قومندان په ماین چاودنه کې ووژل شو

خپور شوی

په

توسط

(Last Updated On: تله ۲۲, ۱۴۰۰)

چارواکو ویلي؛ نن پنجشنبه د تلې ۲۲ له غرمې مخکې د افغانستان اسلامي امارت د کونړ ولایت په مرکز اسعدآباد کې د شیګل ولسوالۍ د امنیه قومندانۍ  پر رینجر موټر د سړک غاړې ماین چاودنه کړې ده.

ځایی چارواکو ویلي؛ په پېښه کې، چې له غرمې مخکې ۱۱ بجې شوې رامنځته شوې؛ موخه یې د اسلامي امارت د کونړ ولایت د شیکل ولسوالۍ امنیه قومندان و.

امنیتي سرچینو ویلي، چې د شیګل امنیه قومندان په چاودنه کې وژل شوی او ۱۱ کسان نور ټپیان دي.

د کونړ ولایتي روغتون ډاکټرانو هم پېښه تائید کړې او زیاتوي، چې په ټپیانو کې  څلور د اسلامي امارت ځواکونه دي، چې مرکزي روغتون ته رالېږدول شوي.

تر اوسه کومې ډلې د دې برید مسوولیت پر غاړه ندی اخیستی؛ خو داعش په هېواد کې د وروستیو چاودنو تر شا خپل لاس لرل منلي دي.

Continue Reading

تازه خبرونه

جاپان له افغانستان سره ۱۹۰ میلیون ډالر مرسته کوي

خپور شوی

په

توسط

(Last Updated On: تله ۲۲, ۱۴۰۰)

جاپان له افغانستان سره په جي ۲۰ سرمشریزه کې په ډاګه کړې، چې د نړیوالې ټولنې له لارې به له افغانستان سره ۹۰ میلیون ډالر بشري مرسته وکړي.

جاپاني رسنیو څرګنده کړې؛ د جاپان لومړي وزیر کیشیډا فومیو د جي ۲۰ هېوادونو په ځانګړې سرمشریزه کې ویلي، چې توکیو به د نړیوالو ټولنو له لارې له افغانستان سره ۱۹۰ میلیون ډالر بشري مرستې ولیږي.

کیشیډا د کندوز د اړوند سیمې په یوه جومات د تیرې اوونۍ برید هم وغانده او ژمنه یې وکړه، چې له ترهګرۍ سره د مبارزې له اړوند اړخونو سره به خپلې هڅې چټکې کړي.

هغه ویلي په افغانستان کې د ټولو افغانانو د حقونو ساتنه مهمه ده او ښځې باید د کار او زدکړې حق ولري.

له دې مخکې د اروپایي کمیسیون مشر اورزولا فن ډرلاین د افغانستان او ګاونډ هېوادونو لپاره، چې افغان پناه غوښتونکي مني؛ د یو میلیارډ ډالرو اعلان کړی دی.

دا په داسې حال کې ده، چې د جرمني لومړۍ وزیرې انګېلا میرکل یو ځل بیا د خپل هېواد ۶۰۰ میلیون یورویي مرسته اعلان کړې ده.

Continue Reading

تازه خبرونه

د بهرنیو چارو وزارت لوړ پوړي پلاوی ترکیې ته روان شو

خپور شوی

په

توسط

(Last Updated On: تله ۲۲, ۱۴۰۰)

د افغانستان اسلامي امارت د بهرنیو چارو وزارت ویاند عبدالقهار بلخي ویلي؛ د دې وزارت یو لوړ پوړی پلاوی د ترکیې هېواد د بهرنیو چارو د وزیر مولود چاووش اوغلو په بلنه انقرې ته روان شو.

یاد پلاوی به د ترکیې له لوړ پوړیو چارواکو سره پر دوه اړخیزو همکاریو، سوداګریزو اړیکو، بشري مرستو، کډوالو چارو، هوایي ټرانسپورټ او یو لړ نورو اړوند موضوعاتو خبري وکړي.

یادې سرچینې ویلي؛ له مولوي امیرخان متقي سره په دې سفر کې ملا خیرالله خیرخوا، ملا عبدالحق وثیق، مولوی نورجلال جلالي، شیخ شهاب الدین دلاور، محمد سهیل شاهین، حاجی محمد ابراهیم او عبدالقهار بلخي مل دي.

له دې مخکې د مولوي متقي په مشرۍ يو لوړپوړي پلاوي په دوحه کې د امريکا، چين او ځينو نورو غربي هېوادونو له استازیو سره پر سياسي، اقتصادي او ځينو نورو مهمو موضوعاتو خبرې کړې دي.

پر افغانستان د اسلامي امارت له واکمنۍ وروسته دا لومړی رسمي سفر دی، چې د بهرنيو چارو وزير يې يو بهرني هېواد ته پیلوي.

دغه راز قزاقستان تېره ورځ د افغانستان په اړه د یوی ناستی کوربه و، چې په کې د منځنۍ آسیا د هېوادونو د بهرنیو چارو وزیرانو تر څنګ د هند او روسیې د بهرنیو چارو وزیرانو هم حضور درلود.

د روسیی د بهرنیو چارو وزیر په دې ناسته کې څرګنده کړې، چی د مسکو له ناستی وروسته یوه بله نړیواله ناسته د ملګرو ملتونو تر څارنې لاندی د افغانستان په اړه جوړیږي.

د ترکیې د بهرنیو چارو وزیر مولود چاوش اوغلو په انقره کې له خپل اندونیزیايي سیال رټنو مارسوډي سره یوې ګډې خبري غونډې ته ویلي؛ مونږ د افغانستان وضعیت له نږدې څارو او په پام کې لرو، چې په راتلونکي کې د ځینو بهرنیو چارو وزیرانو سره کابل ته سفر وکړو.

دا په داسې حال کې ده، چې ایران هم په افغانستان کې له ستر سیاسی بدلون وروسته د دې هېواد په اړه د ګاونډ هېوادونو د بهرنیو چارو وزیرانو انلاین ناستی کوربتوب وکړي.

Continue Reading

Trending

آریانا نیوز: ټول حقونه خوندي دي