Connect with us

تازه خبرونه

په مکه مکرمه کې دیني عالمان د افغانستان پر سوله او ثبات غونډه کوي

Ariana News

خپور شوی

 په

(Last Updated On: June 10, 2021)

نن د عربستان په مکه مکرمه کې د اسلامي نړې د اړیکو ټولنې په همکارۍ د افغانستان او پاکستان د دیني عالمانو حضوري او آنلاین سرمشریزه جوړیږي او د افغانستان د سولې په اړه به بحٍث او خبرې وکړي.

د اسلامي نړۍ د اړیکو ټولنې د چارشنبې پر شپه ویلي، چې د پنجشنبې پر ورځ د غبرګولي پر ۲۰ د افغانستان او پاکستان د مشرانو او عالمانو ترمنځ د سولې او پخلاینې یوه هوکړه د اسلامي اصولو پر بنسټ د افغانستان د ثبات او امنیت د ودې ورکولو لپاره لاسلیک کړي.

د افغانستان د ارشاد ، حج او اوقافو وزارت څرګنده کړې، چې له دوه کلونو هڅو وروسته بریالي شول، چې نن د سعودي عربستان پر کوربتوب په مکه مکرمه کې د افغانستان او پاکستان د دیني عالمانو لویه غونډه جوړه کړي.

دغه وزارت په ډاګه کړې په دې سرمشریزه کې د افغانستان په استازيتوب د ارشاد، حج او اوقافو وزيرمحمد قاسم حليمي، په سعودي عربستان کې د افغانستان لوی سفير او ځانګړی استازی احمد جاوید مجددي، د اسلامي همکاریو په ټولنه کې د افغانستان دايمي استازی دکتور شفيق صميم او د افغانستان د علمانو عالي شورا غړی عنايت الله بليغ  په حضوري توګه وينا وکړي.

د دغې سرچینې د څرګنذونو له مخې؛ د پاکستان په استازيتوب به د پاکستان د علمانو لوی مشر او د ديني چارو وزير دکتور نورالحق قادري، په سعودي عربستان کې د پاکستان سفير بلال اکبر او د اسلامي همکاریو په ټولنه کې د پاکستان سفير، دايمي استازی رضوان سعيد شيخ او د مسلمانانو نړيوالې ټولنې مشر شیخ ډاکټر محمد بن عبدالکریم العیسی برخه ولري‌.

ټاکل شوې، چې د افغانستان او پاکستان دیني عالمان د افغانستان د شخړې او د حل د لارو په اړه بحث او خبرې وکړي؛ خو طالبان له دې غونډې بې خبري ښیي.

دا په داسې حال کې ده، چې د روان کال په پیل کې  د اسلامي نړۍ د اړیکو ټولنې مشر العیسی د افغانستان د بهرنیو چارو له وزیر محمد حنیف اتمر سره وکتل او دواړو په افغانستان کې د تاوتریخوالي په پای ته رسولو کې د مسلمانو عالمانو د رول پر اړتیاوو خبرې وکړې.

تازه خبرونه

په فاریاب کې ۲۱ کومانډو ځواکونه وژل شوي او ۱۵ ناڅرګند دي

Ariana News

خپور شوی

په

توسط

(Last Updated On: June 18, 2021)

پخواني جنرال ظاهر عظیمي څرګنده کړې؛ د ملي اردو له ۳۶ ځانګړیو کومانډو ځواکونو څخه، چې د فاریاب ولایت د دولت آباد ولسوالۍ د بېرته نیولو لپاره تللي وه؛ ۲۱ یې وژل شوي او د ۱۵ نورو برخلیک ناڅرګند دی.

ملي اردو د چارشبنې پر ورځ ویلي وه، چې د فاریاب دولت آباد ولسوالي یې بېرته له طالبانو نیولې؛ خو طالب جنګیالیو د چارشنبې پر ماښام بیا پدې ولسوالۍ یرغل وکړ او نښتې یې بیا پیل کړې. په دې بریدونو کې افغان ځواکونو ته یاد تلفات اوښتي.

د نښتې له ځایه د خپرو شویو ویډیوګانو له مخې، د ملي اردو د سرتېرو مړي لیدل کیږي، چې د جګړې په ډګرونو کې وسلوالو طالبانو ته پاتې دي.

د ملي اردو متقاعد جنرال ظاهر عظیمي ویلي، چې زوی یې له ۳۶ نورو پوځیانو سره د دولت آباد ولسوالۍ د جګړې کابو کولو او د دې ولسوالۍ د بېرته نیولو لپاره په خپله خوښه تللی و.

د جنرال ظاهر عظیمي د څرګندونو له مخې، د زوی مړی یې اوس هم په دولت آباد کې پاتې دی.

جنرال ظاهر عظیمي زیاته کړې؛ دوه یم زوی یې ډګرمن سهراب عظیمي، چې د برید جنرالي په بست کې یې کار کاوه، په قربانیانو کې دی.

 ظاهر عظیمي وایي، چې د هغو معالوماتو له مخې، چې ده ته رسېدلي؛ د سهراب عظیمي ۲۱ نورو ملګرو هم په دې جګړه کې  ژوند بایللی او ۱۵ یې طالبانو نیولي. د قربانیانو مړي اوس هم له طالبانو سره دي.

د دفاع وزارت ملي اردو یوازې تائیدوي، چې سهراب عظیمي له خپلو یو شمېر ملګرو سره په دې جګړه کې وژل شوی؛ خو ډېر جزیئات نه ورکوي.

دغه راز په ولسي جرګه کې د فاریاب استازي مرکزي حکومت تورنوي، چې د جګړې په ډګرونو کې د افغان ځواکونو ملاتړ او تجهیز د اندېښنې وړ دی.

سهراب عظیمي خپلې پوځي زدکړې په امریکا کې کړې وې او لس کاله د ملي اردو د ځانګړیو ځواکونو غړی و.

Continue Reading

تازه خبرونه

هند د افغانستان د سولې په بهیر کې بنسټیزې هڅې کوي- خلیلزاد

Ariana News

خپور شوی

په

توسط

(Last Updated On: June 16, 2021)

د افغانستان د سولې لپاره د امریکا ځانګړي استازي زلمي خلیلزاد په ډاګه کړې، چې هغه سې شنبه د غبرګولي پر ۲۵ په دوحه کې د هند د بهرنیو چارو له وزیر جې شنکر سره وکتل او دا هېواد د افغانستان د سولې په بهیر کې بنسټیزې هڅې ترسره کوي.

خلیلزاد زیاته کړې، چې هند به په افغانستان کې د سولې، ثبات او اقتصادي سوکالۍ په رامنځته کولو کې بنسټیز کارونه تر سره کړي.

هغه زیاته کړې: لکه څنګه، چې مونږ ګډې هڅې کوو؛ هندوستان به د نړیوالې ټولنې تر څنګ په افغانستان کې د سولې، امنیت او اقتصادي سوکالۍ په رامنځته کولو کې بنسټیزې هڅې ولري.

د سولې امریکایي استازي خلیلزاد ویلي، چې هند او امریکا دواړه له یوه خپلواک، متحد او د ملي حاکمیت له لرونکي افغانستان څخه ملاتړ کوي.

خلیلزاد زیاته کړې، چې هند په تېرو دوه لسیزو کې د افغانستان په اقتصادي او ټولنیز پرمختګ کې بېخبنایي هڅې تر سره کړي او په دې اړه همغږی دی.

د هند د بهرنیو چارو وزیر جې شنکر هم څرګنده کړې، چې له خلیلزاد سره یې د افغانستان او سیمه ییزو مسلو په اړه بحث او خبرې کړي دي.

دا په داسې حال کې ده، چې یوه میشت مخکې داسې راپورونه خپاره شول، چې هند او طالبانو په لومړي ځل سره ولیدل.

Continue Reading

تازه خبرونه

په هرات کې ناڅرګندو وسلوالو د یوې کورنۍ ۱۴ غړیو ته مرګ و ژوبله اړولې

Ariana News

خپور شوی

په

توسط

(Last Updated On: June 16, 2021)

د هرات سیمه ییزو چارواکو منلې، چې تېره شپه د غبرګولي ۲۵ د ناڅرګندو وسلوالو په ډزو کې د یوې کورنۍ درې غړي وژل شوي او ۱۱ نور ټپیان دي.

د هرات پولیسو ویاند عبدالاحد ولیزاده ویلي، چې دغې کورنۍ د دې ولایت انجیل ولسوالۍ ته د لنډمهالي ښه وخت تېرولو لپاره سفر کړی و، چې هلته پرې ناڅرګندو وسلوالو ډزې کړې دي.

د ولیزاده د څرګندونو له مخې؛ په پېښه کې دوه میرمنې او یو ماشوم مړه شوي دي.

هغه زیاته کړې، چې د پېښې د علت او انګېزې د څرګندولو لپاره د پولیسو هڅې روانې دي.

Continue Reading

Trending

آریانا نیوز: ټول حقونه خوندي دي