Connect with us

ساینس او ​​ټیکنالوژي

په مصر کې د ۴۳ میلیون کلونو لرغونی نهنګ پاتې شوني کشف شوي

خپور شوی

 په

(Last Updated On: وږی ۶, ۱۴۰۰)

رویټرز د پوهانو د څرګندونو له مخې په ډاګه کړې؛ په مصر کې پوهانو د څلور پښو لرونکي نهنګ پاتې شوي یا فوسیل موندلی، چې ۴۳ میلیون کاله لرنی تاریخ لري.

رویټرز زیاته کړې، چې نوي موندل شوي فوسیل د ورک شويو نهنګونو یوې بڼې سره تړاو لري.

دغه د ۳ مټرو پر اوږدوالي او ۶۰۰ کیلوګرامه وزن لرونکی څاروی لومړنی آفریقایي نهنګ پېژندل شوی، چې پوهانو فیو میکېتوس آنوبېس نومولی دی.

د اړوند پوهانو د څرګندونو له مخې؛ د دې حیوان د اسکلیټ پاتې شوني ښیي، چې دا آفریقایي حیوان د نهنګ لومړنۍ تاریخي بڼه ده.

د نهنګ د نوم لومړۍ برخه فیومیکېتوس د هغه ځای او د ده د جنس ښکارندویي کوي، چې پاتې شوني یې په کې پیدا شوي او دوه یمه برخه آنوبیس؛ د لرغوني مصري سپي سري خدای پر نوم نومولو ته، چې د مړیو د مومیایي کولو مسوول او آخرت ته د هغو د ورپېژندلو مشرۍ ته نغوته ده؛ پېژندل کیږي.

پوهان په ډاګه کړې، چې پر وروستي فوسیل موندنو سربېره په آفریقا کې د نهنګ لومړنۍ ارتقایي انځور یو راز پاتې دی.

دا په داسې حال کې ده، چې تر دې دمه نهنګ ته ورته د بېلابېل سترو نهنګانو فوسیلونه موندل.

ساینس او ​​ټیکنالوژي

مونږ د چین حکومت د امریکایي سناتورانو له معلوماتو بې برخې ساتو – ټیک ټاک

خپور شوی

په

توسط

(Last Updated On: لړم ۵, ۱۴۰۰)

رویټرز څرګنده کړې؛ د امریکا د پارلمان د حاضرو استازیو په ناسته کې د ټیک ټاک په اړه اندېښنه څرګنده شوې او ادعا کیږي، چې دا چینایي شرکت د بایټ ډنس ملکیت دی او چین ته د امریکایي کاروونکیو معلومات لېږدوي.

هېره دې نه وي، چې ټیک ټاک یوټیوب او سنیپ چیټ ته ورته سیالان هم لري.

د کانګرس استازيو ويلي، دغه ټولنیزې شبکې داسې لارښوونې هم لري، چې د ځوانانو لپاره خطرناکې کېدی شي.

د ټیک ټاک د عامه پالیسۍ مشر مایکل بکرمن د امریکا په وچه کې د دې شرکت لومړنی اجرائیوي مشر دی، چې کانګرس ته یې وینا وکړه او د سنا د سوداګرۍ فرعي کمېټې د غړیو پوښتنې ځواب کړي.

جمهوري غوښتونکیو هڅه وکړه، چې د ټیک ټاک کاروونکیو د معلوماتو د لېږد په اړه د رامنځته شویو اندېښنو له کبله بکرمن تر فشار لاندې ونیسي.

د کانګرس یوې بلې غړې مارشا بلیک برن ویلي، چې هغه د کاروونکیو غږیزو او د ځای په اړه معلوماتو تر لاسه کولو اندېښمنه کړې او وېره لري، چې د چین حکومت به ورته لاسرسی ومومي.

بکرمن ډاډ څرګند کړی، چې مونږ دا معلومات د چین حکومت ته نه سپارو.

د پخواني ولسمشر ډونلډ ټرمپ په اداره کې هم په دې اړه اندېښنې راپورته شوې وې.

د امریکا ولسمشر جو بایډن د روان کال په پیل کې د ټرمپ اجرائیوي فرمان لغوه کړ او نوې اجرائیوي سپارښتنې یې وړاندې کړې، چې له بهرنیو دښمنانو لکه چین څخه د امریکا انټرنېټي ټیکنالوژي خوندي کړي.

Continue Reading

ساینس او ​​ټیکنالوژي

ناسا د مشتري د سپوږمکیو په اړه لومړنۍ خلایي څېړنه پیل کړه

خپور شوی

په

توسط

(Last Updated On: لړم ۲, ۱۴۰۰)

ناسا د شنبې پر ورځ (د لړم لومړۍ / د اکتوبر ۲۳) د مشتري پر شاوخوا د ټروا پر ستورو د راڅرخېدلو ماموریت پیل کړ.

د پوهانو پر اند په دې تشه کې له لمره د دوه لویو بېلې شویو ډبرو، چې یوه یې د مشتري مخې ته او بل یې شاته حرکت لري؛ څېړنه کوي.

دوی باور لري؛ دا د لومړنيو موادو پاتې شوني دي، چې د لمریز سیسټم بهرني ستوري جوړوي.

ساینس پوهان پدې اند دي، چې دغه دوه ډبرې زمونږ د لمریز غونډال( شمسي نظام) د جوړیدو پاتې شوني دي.

دا فضايي بیړۍ نن د فلوریډا له کیپ کاناورال هوایي اډې د اطلس وي توغندي پر مرسته توغول شوې ده.

دغه څېړنیز ستورمزلی لوسي نومیږي او ناسا هیله لري، چې له مونږ سره به د لمریز غونډال په جوړیدو او ښه پوهیدو کې مرسته وکړي.

دا به لومړنی ماموریت وي، چې د ټروا ستوریو پر څېړنه او کشف راڅرخي.

د راپور له مخې؛ ترټولو لوی پېژندل شوي ټروا ستوري، چې د یوناني افسانوي جنګیالیو پر نومونو نومول  شوي؛ د قطر کچه یې ۲۲۵ کیلومټره (۱۴۰ میله) ده.

ساینس پوهان هیله من دي، چې اووه ټروا ستوریو ته د لوسي نږدې الوتنه به د شمسي سیسټم د ستوریو د جوړېدو څرنګوالی، چې شاوخوا ۴.۵ میلیارډ کاله دمخه رامنځته شوي؛ د دوی اوسنی جوړښت هم  راښکاره کړي.

ناسا ویلي، چې دغه ستوري د کاربن پوره مرکبونو لري، چې ان په ځمکه کې به د عضوي موادو او د ژوندانه د سرچینې په اړه نوي لیدونه وړاندې کړي.

دغه ماموریت به د انسان د نیکه په اړه، چې فوسیل یې ډونالډ جوهانسن د لوسي پر نوم په ۱۹۷۴ زېږدیز کال کې له ایټوپیا تر لاسه کړی؛ د آسمان برښنایي ټک ونومول شي.

لوسي ستورمزلې بېړۍ به په فضایي الوت کې د تاریخ بله پاڼه واړوي او بریالۍ به ځمکې ته بیرته راستنیږي.

د رویټرز د څرګندونو له مخې؛ ناسا څرګنده کړې، چې دغه ۱۲ کلن ماموریت د لمریز غونډال(سیسټم) د پوره پوهیدنې لپاره پیل شوی دی.

Continue Reading

ساینس او ​​ټیکنالوژي

فیسبوک به راتلونکې اوونۍ خپل نوم بدل کړي

خپور شوی

په

توسط

(Last Updated On: تله ۲۹, ۱۴۰۰)

رویټرز څرګنده کړې؛ د ټولنیزې شبکې شرکت فیسبوک په پام کې لري، چې خپل نوم بدل او راتلونکې اوونۍ خپل نوی نوم په ډاګه کړي.

د دغه راپور له مخې، ممکن نوم یې هوریزون ته نږدې یو څه وي.

سرچینې زیاته کړې؛ د فیسبوک اجرائیوي مشر مارک زاکربرګ په پام کې لري، چې د اکتوبر پر ۲۸ د شرکت د نوم بدلولو په اړه وغږیږي؛ خو شوني ده، چې د نوم بدلون نرې ډېر ژر اعلان شي.

فیسبوک تر اوسه پدې اړه رسنیو ته څه ندي ویلي.

د فیسبوک برانډ بدلولو له هڅې موخه په آنلاین نړۍ کې د شرکت پر نوی هڅې راڅرخېدل دي او خلک به وکولی شي په مجازی چاپېریال کې د خپلو هڅو او خبرو لپاره بېلابېلې وسیلې وکاروي.

فیسبوک په حقیقت کې ډېره پانګونه کړې او پلان لري، چې شاوخوا درې میلیارډ کاروونکي د ډېرو وسیلو او غوښتنلیکونو له لارې ونښلوي.

ویل کیږي، چې شرکت غواړي د راتلونکیو پېنځه کلونو دننه په اروپایي ټولنه کې ۱۰۰۰۰ کاري دندې رامنځته کړي.

Continue Reading

Trending

آریانا نیوز: ټول حقونه خوندي دي