Connect with us

تازه خبرونه

په لوګر کې د جنسي ځورودنې لومړنۍ پلټنې پیل شوي- لویه څارنوالي

Ariana News

خپور شوی

 په

(Last Updated On: December 8, 2019)

لویې څارنوالۍ په ډاګه کړې، چې د لوګر د مدني ټولنو د مشر او د هغه له همکار څخه د دې ولایت د ښوونځیو د ماشومانو د ځورودنې په اړه لومړنۍ پلټنې شوي او پایله به یې ژر له خلکو سره شریکه شي.

شاوخوا یوه ماشت مخکې د لوګر ولایت د زدکوونکیو په اړه یوه ټګان ورکوونکی خبر خپور شو په تړاو یې هیڅ ډول جزئیات ښکاره شوي ندي.

په دې وروستېو کې لویې څارنوالۍ او د بشرحقونو خپلواک کمیسيون د لوګر په ځینو ښوونځیو کې پر زدکوونکیو د جنسي تېري د ادعاوو پلټنې پیل کړې، چې دوه موخې لري: آیا پر زدکوونکیو جنسي تېری حقیقت لري؟ او څوک په دې قضیه کې ښکېل دي؟

د لویې څارنوالۍ ویاند جمشید رسولي ویلي؛ له هغه کس سره لومړنۍ خبرې شوي، چې په دې اړه یې راپور خپور کړی دی. دغه راز د پېښې په اړه د څېړنو او پلټنو کاري پلان جوړ شوی او په دې اړه مو د پوهنې وزارت په ګډون د افغانستان د بشر حقونو له خپلواک کمیسیون سره هم خبرې شوې دي.

د پوهنې وزارت هم د لوګر په یو شمېر ښوونځیو کې پر زدکوونکیو د جنسي تېري قضیه په بله بڼه څېړلې؛ خو د څړنو په اړه یې څه ندي ویلي.

د بشر حقونو خپلواک کمیسیون هم د دې قضیې د پلټلو جزئیاتو ته لاسرسی له وخت مخکې بولي.

د بشر حقونو خپلواک کمیسیون د ماشومانو څانګې کمیشنره راضیه صیاد وایي؛ لکه څنګه، چې ښکاري څېړنې او پلټنې مو تازه پیل شوي؛ خو په خواشینۍ، چې زه یې د پرمختګونو په اړه اوس څه نشم ویلي.   

که څه هم  ولسي جرګې یو پلاوی له څېړونکې پلاوي سره ملګری دی؛ خو تر دې دمه یې خپلې پلټنې دې غونډې ته ندې وړاندې کړي.

په ولسي جرګه کې د هرات استازې ناهید فرید ویلي، چې ولسي جرګه د پلاوي لخوا د ګزارش پر وړاندې کولو ټینګار کوي. مونږ یو پلاوی ور پېژندلی؛ دې پلاوي له ډلو او افرادو سره مرکې کړي او پایله به جرګې ته وړاندې کوي.  

که څه هم نړیوالو سازمانونو په تېره یوناما د امریکا، فرانسې، بریتانیا سفارتونو او ځینو نورو بهرنیو ادارو په لوګر کې د ماشومانو د جنسي ځورونې د پلټلو غوښتنه کړې؛ خو دا لړۍ اوس هم بشپړه شوې نده او د پټولو هڅې یې روانې دي.

تازه خبرونه

اشرف غني او خلیلزاد د افغانستان د سولې پر راتلونکي پړاو خبرې وکړې

Ariana News

خپور شوی

په

توسط

(Last Updated On: March 1, 2021)

ولسمشر محمد اشرف غني نن له غرمې مخکې په افغانستان کې د سولې لپاره د امریکا له ځانګړي استازي زلمي خلیل زاد سره وکتل.

ولسمشرۍ څرګنده کړې؛ ولسمشراشرف غني نن له غرمې مخکې د افغانستان د سولې لپاره د امریکا د بهرنیو چارو وزارت له ځانګړي استازي ډاکتر زلمي خلیلزاد سره وکتل.

ولسمشرۍ په ډاګه کړې؛ په دې ناسته کې د سولې پروسې پر راتلونکیو ګامونو بحث وشو او دواړو لوریو د دې پروسې پر ګړندي کولو هم ټینګار کړی دی.

ډاکتر زلمي خلیلزاد د سولې لپاره پر داخلي اجماع، سیمه ییزې او بین المللي ډيپلوماسۍ خوښي وښوده او یو ځل بیا یې په افغانستان کې د سولې د ټینګښت لپاره د امریکا د اغېزناک رول ډاډ څرګند کړ.

د امریکا د نوي حکومت لخوا د افغان سولې لپاره د امريكا د بهرنيو چارو وزارت د ځانګړي استازي زلمي خلیلزاد د دندې له غزولو وروسته؛ زلمي خلیلزاد خپل کاري سفر له خپل نوي مرستیال سره په ګډه له جرمني پیل کړ. دی له هغه هېواده افغانستان ته راغی؛ قطر، پاکستان، عربي متحده اماراتو او ځينو نورو هېوادونو ته به هم سفرونه ولري او د افغان سولې د خبرو د بري لپاره به د دې هېوادونو ملاتړ او مرسته تر لاسه کړي.

دا په داسې حال کې ده چې د ملي پخلاینې عالي شورا رییس عبدالله عبدالله د دوشنبې پر سهار په کابل کې له خلیلزاد سره د افغانستان د سولې بهیر په اړه خبرې کړې دي.

Continue Reading

تازه خبرونه

خلیلزاد د ملي پخلاینې عالی شورا له مشرتابه او غړیو سره ولیدل

Ariana News

خپور شوی

په

توسط

(Last Updated On: March 1, 2021)

د ملي پخلاینې عالي شورا مشر عبدالله عبدالله د دوشنبې پر سهار په کابل کې د امریکا د سولې له ځانګړي استازي زلمي خلیلزاد سره د افغانستان د سولې پر روان بهیر بحث او خبرې کړې دي.

عبدالله عبدالله په خپل یوه ټویټ کې څرګنده کړې؛ مونږ په دوحه کې  د سولې، د تړون د بیاکتنې او د راتلونکيو پرمختګونو په اړه خبرې وکړې.

هغه ویلي، چې مونږ د تاوتریخوالي د سمدستي پای او د سولې خبرو د ګړندۍ کیدو غوښتنه کوو.

سیمې ته د خلیلزاد سفر له طالبانو سره د امریکا د ولسمشر جو بایډن تر مشرۍ لاندې د خبرو د بیا پیل ښکارندویي کوي.

د امریکا د نوي حکومت لخوا د افغان سولې لپاره د امريكا د بهرنيو چارو وزارت د ځانګړي استازي زلمي خلیلزاد د دندې له غزولو وروسته؛ زلمي خلیلزاد خپل کاري سفر له خپل نوي مرستیال سره په ګډه له جرمني پیل کړ. دی له هغه هېواده افغانستان ته راغی؛ قطر، پاکستان، عربي متحده اماراتو او ځينو نورو هېوادونو ته به هم سفرونه ولري او د افغان سولې د خبرو د بري لپاره به د دې هېوادونو ملاتړ او مرسته تر لاسه کړي.

یو کال مخکې د کب پر لسمه د قطر په دوحه کې د امریکا او طالبانو ترمنځ په افغانستان کې د سولې رامنځته کولو تړون لاسلیک شوی، چې افغان حکومت ترې بې برخې پاتې شوی او اوس حکومت د امریکا د ولسمشر جو بایډن د نوې ادارې لخوا پرېکړې ته له بیاکتنې هرکلی کوي.

Continue Reading

تازه خبرونه

د دوحې تړون د سولې پر ځای افغانان له ترهګرۍ او وحشت سره مخ کړي ـ د ملي امنیت شورا

Ariana News

خپور شوی

په

توسط

(Last Updated On: March 1, 2021)

د افغانستان ملي امنیت شورا ویاند تېره ورځ ویلي؛ د امریکا او طالبانو ترمنځ تړون، چې تېر کال د قطر په دوحه کې لاسلیک شوی؛ افغانانو ته د سولې او اوربند پر ځای امریکا او طالبانو ته سوله او اوربند تضمین کړی دی.

د ملي امنیت شورا ویاند رحمت الله اندړ په خپل یوه ټویټ کې څرګنده کړې؛ افغانانو، چې د دوحې له هوکړه ليکه د سولې او امنيت اړوند کوم توقعات لرل هغه یې تر لاسه کړي ندي.  

د نوموړي د څرګندونو له مخې؛ دغه تړون تر اوسه پورې يوازې له امریکا سره اوربند يقيني کړی، له افغانانو سره اوس هم د طالب رابطه يوازې تر قتل، غارت، ترور او وحشت محدوده ده.

رحمت الله اندړ یاد تړون عملي نه بولي او په دې اړه څرګندوي: اوس هم په دې تړون کې د افغانانو لپاره د هيله مندۍ څه نشته او د خپلمنځي خبرو بهیر هم د طالبانو له لاسه ټکنۍ شوی دی.

رحمت الله اندړ ویلي؛ که د دوحې تړون ته د افغانانو له لیدلوري وکتل شي، د سولې په تمه وخت ضایع شوی، افغانانو ته درانده ځاني او مالي زیانونه اوښتي او په ټوله کې افغانستان ویجاړ شوی دی.

یو کال مخکې د کب پر لسمه د قطر په دوحه کې د امریکا او طالبانو ترمنځ په افغانستان کې د سولې رامنځته کولو تړون لاسلیک شوی، چې افغان حکومت ترې بې برخې پاتې شوی او اوس حکومت د امریکا د ولسمشر جو بایډن د نوې ادارې لخوا پرېکړې ته له بیاکتنې هرکلی کوي.

د لاسلیک شوي تړون له مخې؛ د ناټو او امریکا ټول بهرني سرتېري د می پر لومړۍ نېټه له هېواده وځي؛ خو ناټو او افغان حکومت د سولې تر راتلو د ځواکونو پر پاتې کیدوټینګار څرګندوي.

دا په داسې حال کې ده، چې طالبانو د یکشنبې پر ورځ د امریکا او طالبانو تر منځ د تړون د لومړۍ کلیزې په ویاړ له امریکا غوښتي، چې په تړون کې له ژمنې سره سم ګامونه پورته کړي او که نه د د سولې بهیر به زیانمن کړي.

Continue Reading

Trending

آریانا نیوز: ټول حقونه خوندي دي