Connect with us

تازه خبرونه

په قرغزستان کې د حکومت سیاسي مخالفانو حکومتي ودانۍ ونیولې

Ariana News

خپور شوی

 په

(Last Updated On: October 7, 2020)

په قرغزستان کې سیاسي ناکراریو او پر حکومتي ودانیو د مخالفانو وردننه کیدو دا هېواد له سیاسي ګډوډیو سره مخ کړی دی.

د تېرې شپې له اړودوړ او لاریونونو وروسته د قرغزستان لومړي وزیر کبات بیک برونوف استعفا ورکړې ده.

نن سهار د دې هېواد ولسمشر سورونبای جینبکوف له ټولو خواوو سره د خبرو غوښتونکی شو.

په تېرو ۱۵ کلونو کې د قرغزستان دوه ولسمشران له دندې ګوښه شوي دي. روسیه، چې له اوږدې مودې راپدیخوا له دې هېواد سره متحد پاتې دي؛ په قرغزستان کې پراخیدو اندېښنه څرګنده کړې ده.

پرون، د دې هېواد پارلمان په یوه بېړنۍ ناسته کې سادیر ژپاروف، چې لاریون کوونکیو له زندانه خوشې کړ، د قرغزستان د نوي لومړي وزیر په توګه وټاکه.

رویترز راپور ورکړی، چې قهرجنو خلکو پر هغه هوتل برید وکړ، چې د نوي لومړي وزیر د ټاکلو مراسم په کې روان ول؛ خو هغه دې ته اړ شو، چې د هوتل له شاتنې دروازې بریالۍ تېښته وکړي.

د څو مخالفو ګوندونو لخوا د خلکو د همغږۍ شورا نن چهارشنبه سهار مهال څرګنده کړه، چې دوی د ژپاروف لنډمهاله کابینه په رسمیت نه پېژني او ټول حکومتي واک تر لاسه کول غواړي او پارلمان له منځه وړي.

د یکشنبې په ټاکنو کې ۱۶ ګوندونو برخه اخیستې وه او ۱۱ ګوندونو د ټاکنو پایلې رد کړې.

د دوی په وینا، واک دوه ګوندونو ته ورکړ شوی دی.

د لاریونونو او ناکراریو د زیاتیدو له کبله د ټاکنو خپلواک کمیسیون رایې لغو کړې.

ژپاروف د سه شنبې پر شپه ویلي، چې هغه به له ولسمشریزو او پارلماني ټاکنو څخه مخکې په راتلونکیو دوه یا درې میاشتو کې د اساسي قانون د تعدیل طرحه وړاندیز کړي.

تازه خبرونه

د تاوتریخوالي د ډېرولو له کبله امریکا پر طالبانو فشار راوړي – راس ویلسن

Ariana News

خپور شوی

په

توسط

(Last Updated On: November 30, 2020)

په کابل کې د امریکا سفارت چارسمبالي راس ویلسن ویلي، چې هېواد یې پر طالبانو؛ ځکه فشار راوړي، چې تاوتریخوالی یې ډېر کړی دی.

په افغانستان کې د جګړو او تاوتریخوالی د ډېریدو له کبله د امریکا سفارت چارسمبالي راس ویلسن اندېښمن شوی او او ټينګار کوي؛ پر طالبانو به فشارونه راوړي، چې تاوتریخوالی کم کړي.

ویلسن ويلي، چې طالبانو د تاوتریخوالي د کمولو په برخه کې د نړیوالې ټولنې او امریکا سپارښتنې په پرلپسې توګه بابیزه ګنلي او په افغانستان کې هدفي وژنې هم  د طالبانو کار دی.

ویلسن له آریانا نیوز سره په ځانګړې مرکه کې پر طالبانو نیوکه کړې، چې د دوحې له هوکړې سرغړوي.

راس ویلسن وایي: طالبان پر هغه ژمنه ندي ولاړ، چې د فبرورۍ پر نهه ویشتمه یې له مونږ سره کړې ده. مونږ په کراتو له طالبانو غوښتي، چې تاوتریخوالی کم کړی؛ خو له بده مرغه  طالبانو زمونږ او ملګرو ملتونو غوښتنې ندي منلي. اوس مونږ پر طالبانو ډېر فشار راوړو. دا د سولې د بري لپاره مهم دي.  

ویلسن د افغانستان په اړه د امریکا د نوې ادارې پر کړنلاره څه ونه ویل؛ خو دا یې ویلي، چې امریکا د افغانستان شرایطو ته په کتو خپل سرتېري وباسي.

هغه زیاته کړې؛ امریکايي او د نړیوال ائتلاف سرتېري دلته د ذخیرې په توکه ساتل کیږي. د وتلو موضوع له هغو شرایطو سره تړلې ده، چې امریکا مخکې اعلان کړي دي.

ویلسن ويلي، چې په افغانستان کې له اداري فساد سره مبارزه داسې هڅو ته اړتیا لري، چې مطلوبې پایلې ولري.

دا په داسې حال کې ده، چې نړیوالې ټولنې د ژنیو په غونډه کې له افغانستان سره د میلیاردونو دالرو مرسته له اداري فساد سره پر مبازره مشروطه کړې ده.

هغه په دې اړه وایي: مونږ له چارواکو سره ګډ کار کوو او هغه پیسې، چې ځينو کسانو په فساد کې ټولې کړي بېرته تر لاسه پر سمه لار ولګول شي.

ویلسن وايي، چې د سولې لپاره د خبریالانو، سوداګرو، د شورا له غړیو او د مدني ټولنې له استازیو سره خبرې کوي او نظرونه یې راټولوي.

Continue Reading

تازه خبرونه

ولسي جرګې ۶ نوماند وزیرانو او د ملي امنیت مشر ته د باور رایې ورکړې

Ariana News

خپور شوی

په

توسط

(Last Updated On: November 30, 2020)

ولسي جرګې د اطلاعاتو او فرهنګ او ښځو چارو وزارتونو نوماند وزیرانو ته د باور رایې ورنکړې؛ خو ۶ نورو نوماند وزیرانو او د ملي امنیت عمومي مشر د باور رايې ترلاسه کړې.

ولسي جرګې د دوشنبې ورځې( د لیندۍ ۱۰) په غونډه کې هغو نوماند وزیرانو ته د رایو صندقونه کيښودل، چې خپل کاري لومړیتوبونه یې تشریح کړي وه.

شپږ نوماند وزیران بریالي شول، چې د ولسي جرګې د باور رایه ترلاسه کړي، خو د اطلاعاتو او فرهنګ او ښځو چارو وزارت نوماندان بریالي نه شول.

ملي امنیت مشرتابه ته احمد ضیا سراج ۲۲۰، کرنې، اوبو لګولو او مالدارۍ وزارت ته انوارالحق احدي ۱۸۹، د کډوالو او راستنیدونکو چارو وزارت ته نور رحمان اخلاقي ۱۶۵، د ترانسپورت وزارت ته قدرت الله ذکی ۱۶۵، ښار جوړونې او استوګنې وزارت ته محمود کرزي ۱۵۴، د کانونو او پترولیم وزارت  ته هارون چخانسوري ۱۵۴ د باور رایې ترلاسه کړې او بریالي وپېژندل شول.

اطلاعاتو او فرهنګ وزارت ته نوماند طاهر زهیر د ۷۸ او د ښځو چارو وزارت ته نوماندې حسینه ساپۍ د ۱۱۹ رایو پخپلولو بریالي نشول، چې د ولسي جرګې د باور رایې تر لاسه کړي.

د رایو په بهیر د جرګې ځينې غړیو نیوکې وکړې، چې ګواکي د رایو بهیر روڼ نه و او دې کار دا بنسټ تر پوښتنې لاندې راوستی دی.

د ولسي جرګې غړي محمد عارف رحماني ویلي؛ بهیر روڼ نه و او رایې ناقانونه شمېرل شوي او دې کار د ولسي جرګې باور زیانمن کړی دی.

د ولسي جرګې غړی رمضان بشردوست وایي: قانون باید پلی شي؛ خو دوه ځله د رای اچونې له قانونه سرغړونه شوې او په ښکاره د کمپاین هڅې شوي او د خلکو ډېري استازي له قانونه سرغړونه کوي.  

د ولسي جرګې مشر میر رحمان رحماني له حکومت وغوښتل، چې دغو دوه وزارتونو ته دې نوي نوماندان راوپېژندل شي.

په پام کې ده، چې په راتلونکیو ورځو کې د پاتې ۴ وزارتونو نوماند وزیران او د افغانستان بانک سرپرست ولسي جرګې ته کاري لومړیتوبونه وړاندې کړي.

Continue Reading

تازه خبرونه

په غزني کې د موتربم برید پلانوونکی د هوایي برید ښکار شوی

Ariana News

خپور شوی

په

توسط

(Last Updated On: November 30, 2020)

ملي دفاع وزارت نن (دوشنبه د لیندۍ ۱۰) څرګنده کړې، چې په غزنی ولایت کې د تېرې ورځې د ترسره شوي موتر بم برید پلانوونکی له خپلو ملګرو سره د هوایي ځواکونو د عملیاتو پر مهال وژل شوی دی.

د وزارت د خبر پاڼې له مخې: حمزه وزیرستاني نومي، چې په غزنی کې د پروني موتربم برید پلانوونکی دی؛ له خپلو اووه ملګرو سره وژل شوی دی.

حمزه وزیرستانی تېره شپه د غزني ولایت د ګیرو ولسوالۍ د علی شېرخېل کلي په اړوند سیمه کې د هوایي ځواکونو د هدفي برید ښکار شوی دی.

خبرپاڼې  د دغه برید په اړه نور جزئیات ندي ورکړي.

د یادونې ده، چې پرون سهار مهال یوه ځانمرګي برید کوونکي له چاودېدونکيو توکو ډک هاموی د عامه نظم کنډک ته نږدې چولی، چې د ولایتي روغتون د څرګندونو له مخې په کې ۳۱ امنیتي ځواکونه وژل شوي او له شل ډېر نور ټپیان دي او  طالبانو هم په دې برید کې لاس لرل رد کړي .

Continue Reading
Advertisement

Trending