Connect with us

تازه خبرونه

په فاریاب کې ۵۹ وسلوالو ته مرګ و ژوبله اوښتې – پولیس

Ariana News

خپور شوی

 په

(Last Updated On: April 3, 2021)

د فاریاب ولایت پولیسو ویلي؛ تېره شپه افغان هوایي ځواکونو د دې ولایت په ګرزیوان ولسوالۍ کې د عملیاتو پر مهال د درې طالب قومندانانو په ګډون ۲۶ وسلوال طالبان وژلي او ۳۳ نور ټپیان دي.

سرچینې زیاته کړې؛ له غور، سرپل او فاریاب ولایتونو څخه راټولو شویو وسلوالو طالبانو غوښتل؛ د دې ولایت د ګریزیوان ولسوالۍ د مرکز اړوند په سرچکان کلي کې د ولسوالۍ پر امنیتي او دفاعي ځواکونو برید وکړي، چې د هوایي ځواک له ځوابي برید سره مخ شول.

د فاریاب پولیسو څرګنده کړې؛ په دغو ځمکنيو او هوایي بریدونو کې درې وسلوال طالب قومندانان هر یو   قاري مجیب الرحمن عرب، د سرې قطعې مشر ملا عطاء الله او د ۱۰۰ کسیزې ډلې مشر او د ماین جوړونې استاد قاري شکیب وژل شوي دي.

دغه راز ویل کیږي، چې د دوی د یو شمشېر مشرانو او سرګروپانو په ګډون ۳۳ وسلوال طالبان ټپیان شوي او لسګونه موټرسایکلونه او د دوی ټولې سپکې او درندې وسلې له منځه وړل شوې دي.

د فاریاب پولیسو ویلي؛ د وسلوالو طالبانو مړي هم امنیتي او دفاعي ځواکونو ته د جګړې په ډګر کې پاتې دي.

ویل کیږي، چې امنیتي او دفاعي ځواکونو او ملکي وګړیو ته په دې برید کې زیان ندی رسیدلی.

تازه خبرونه

سیاسي او جهادي مشرانو له امنیتي ځواکونو ملاتړ څرګند کړ– اشرف غني

Ariana News

خپور شوی

په

توسط

(Last Updated On: July 31, 2021)

ولسمشر غني څرګنده کړې: د جمهوریت تر چتر لاندې ټولو مطرحو سیاسي مشرانو، جهادي رهبرانو، د مدني ټولنې استازیو، میرمنو او علماوو له ملي وسلوالو ځواکونو د دفاع ډاډ څرګند کړی دی.

د نوموړي د څرګندونو له مخې؛ ټولو د سولې غږ پورته کړ؛ خو وایي، چې مشروع دفاع زمونږ حق دی.

د شنبه پر ورځ له دغې مشورتي ناستې وروسته ولسمشر غني یو شمېر مهمو اړتیاوو ته نغوته کړې ده.

نوموړی لاندې درې اړین ټکي په ګوته کړي: ۱- د جګړې پای، عادلانه او تلپاتې سولې ته رسېدل د افغان حکومت لومړیتوب دی.

۲- حکومت مکلف دی، چې د افغانستان ځمکنۍ بشپړتیا، ملي ویاړونه، بنسټونه، ارزښتونه، د ښځو حقونه او آزادي وساتي.

۳- سیاسي او جهادي مشرانو ژمنه وکړه، چې د طالبانو پروړاندې په جګړه کې د افغان ځواکونو پر ملاتړ د ملي خوزښت لپاره هڅې ډېرې کړي.

د ولسمشر د ویاند مرستیال لطیف محمود ویلي: په دې ناسته کې جګړې ته د پای ټکی ایښودل، عادلانه او تلپاتې سوله ساتل، د امنیتي او دفاعي ځواکونو ملاتړ، د ځمکنۍ بشپړتیا او ملي ویاړ دفاع، په وروستیو کې دوه لسیزو کې د ترلاسه شویو ارزښتونو پر ساتنه او اساسي قانون بحث وشو.

د روسیې د تاس خبري سرچینې د څرګندونو له مخې؛ د ترویکا ناسته هم، چې د افغانستان د سولې لپاره جوړیږي او درې جمع یو هېوادونه په کې غړیتوب لري؛ په قطر کې یې استازي خبرو ته چمتووالی نیسي. افغان دولت به هم په کې استازی ولري او اجنډا هم له روسیې، چین او پاکستان د همکاریو غوښتنه ده، چې طالبان د تاوتریخوالی کمولو ته قانع کړي. که څه هم د مسکو په وینا، دا ناسته ټاکل شوې وه، چې روانه اوونۍ تر سره شي؛ خو یوه اوونۍ وځنډېده.

د ګلبدین حکمتیار په مشرۍ د اسلامي حزب مرستیال حفیظ رحمان نقي ویلي؛ له حزب اسلامي غوښتل شوي، چې په دې ناسته کې ګډون وکړي؛ خو ناسته وځنډېده. وګورو، چې که د افغانستان رښتینې ګټې خوندي کولی نشي ونډه په کې نه اخلو.  

دغه راز د استانبول ناسته، چې د دوحې ناستې ملاتړ او اجنډا لپاره یې په پام کې نیول شوې؛ ژر به تر سره شي. تمه ده، چې همداسې یوه ناسته د افغانستان په ټپه ولاړ حالت ته برخلیک ټاکوونکي وي؛ خو افغان دولت تر اوسه په رسمي توګه پدې اړه څه ندي ویلي.

د افغانستان د حکومتي مرکچي پلاوي غړي قادر سکندري ویلي: د استانبول ناسته د د دوحې د ناستې یوه برخه ده؛ خو اجنډا یې نامعلومه او ښکاره نده او وګورو، چې د طالبانو له خو څواک ورځي بیا به پرېکړه وکړو.                

د استانبول ناسته، چې ټاکل شوې وه په اپرېل میاشت کې تر سره شوې وای؛ خو طالبانو په کې ګډون رد کړ او له هغه مهاله ناسته تر دې دمه ځنډېدلې ده.

Continue Reading

تازه خبرونه

طالبان خپل منتقدین وژني – د بشري حقونو د څار ډله

Ariana News

خپور شوی

په

توسط

(Last Updated On: July 31, 2021)

د بشري حقونو څار ډله څرګندوي؛ سره له دې، چې طالب جنګیالي له خلکو سره د ښه چلند ادعا کوي؛ خو بیا هم خپل منتقدین وژني.

د بشري حقونو څار بنسټ په ډاګه کړې؛ طالبانو په کندهار کې د حکومت یو شمېر شکمن غړي، امنیتي ځواکونه او په ځینو مواردو کې د کورنیو غړي وژلي دي.

د څار بنسټ وايي؛ طالبانو په دې وروستیو کې نظرمحمد، چې ځوان خاشه هم یاد شوی؛ په ټولنیزو رسنیو کې د سندرو او ټوکېو له کبله اعدام کړی دی. د معلوماتو له مخې، ځوان خاشه له سیمه ییزو پولیسو سره هم همکار و.

د بشري حقونو څار ادارې زیاته کړې، چې د جولای پر ۲۲ طالبانو په کندهار کې ځوان خاشه له کوره وتښتاوه او وروسته یې بیا وواژه.

په ټولنیزو رسنیو کې یوه شریکه شوې ویډیو ښیي، چې طالب جنګیاليو ځوان خاشه تښتولی او پر څپېړویې وهي.

په دې ویډیو کې یو شمېر طالب جنګیالي وايي، چې ځوان خاشه اعدام کړئ.

د بشري حقونو د څار بنسټ د آسیایي برخې مرستیاله پاریشیا ګراسمن ویللي؛ طالب جنګیالو ځوان خاشه؛ ځکه اعدام کړ، چې د طالبانو پر مشرانو یې ملنډې وهلې.

ګروسمن زیاته کړې: د هغه وژنه او نورې وروستۍ حقوقي سرغړونې ښیي، چې طالب قومندانان غواړي د سختو نیوکو او اعتراضونو مخه ونیسي.

د بشري حقونو د څار ډلې د کندهار د اوسېدونکیو د څرګندونو له مخې ویلي، چې طالبانو په لسګونه دولتي پولیس نیولي دي.

دې بنسټ زیاته کړې، چې د جولای پر ۱۶ طالبانو په ډنډ ولسوالۍ کې دوه سړي پدې بهانه ونیول، چې ورور یې د ملي امنیت ۰۳ قطعې کارمند دی.

د دوی د کورنۍ غړي وايي، چې دا دوه کسان اوس هم ورک دي.

د یاد راپور له مخې؛ د جولای پر ۱۵ طالبانو په سپین بولدک ولسوالۍ کې د پولیسو یو پخوانی افسر تښتولی او اوس یې هم ځای معلوم نه دی.

د پخواني پولیس سرتېري کاکا ویلي، چې طالبانو دوی ته یو لیک استولی و، چې ویلي یې ول؛ هیڅوک نشي کولی د پخواني حکومت چارواکو او د هغوی بهرنیو همکارانو ته زیان ورسوي، چې د طالبانو پلاوی مجرم ثابت نشي.

دغه څارونکي بنسټ زیاته کړې، چې نړیوالو قوانینو د بیاباني اعدامونو، ورکېدو او نورو بندیانو سره ناوړه چلند جرم ګنلی.

د بشري حقونو د څار ډلې څرګنده کړې، چې له امنیتي لایلو پرته د ملکي وګړیو نیول اړین ندي.

په دې څرګندونو کې راغلي، چې غچ اخیستل هم منع دي.

په اعلامیه کې زیاته شوې، چې د جرمونو نړیواله محکمه په افغانستان کې د ټولو ښکېلو اړخونو په ځانګړې توګه د طالبانو لخوا د جنګي جرمونو او له بشري حقونو څخه د سرغړونو تورونه هم څېړي.

د څار اداره وايي؛ هغه کسان، چې د طالبانو قومندانان دي او د خپل کنټرول لاندې ځواکونو له ناوړه ګټه اخیستنې هم خبر وي او اقدام یې ندی کړی؛ باید حساب ورسره وشي.

ګراسمن ویلي: د سیمو لاندې کوونکي طالبان سپین چکونه نلري، چې خپل انتقاد کونکي په وحشیانه ډول په نښه کړي.

هغې زیاته کړې، د طالبانو مشرتابه دا سرغړونې ردوي؛ خو دا د دوی جنګیالي دي، چې د وژنو د درولو مسوولیت لري.

Continue Reading

تازه خبرونه

په لغمان کې له دوه ترافیکي پېښو ۳۸ کسانو ته مرګ و ژوبله اوښتې

Ariana News

خپور شوی

په

توسط

(Last Updated On: July 31, 2021)

د لغمان ولایت سیمه ییزو چارواکو منلې، چې د دې ولایت د قرغیو ولسوالۍ په اړوند سیمه کې له دوه بېلابېلو ترافیکي پېښو له کبله ۲۰ کسان مړه دي او ۱۸ نور ټپیان دي.

د لغمان والي وياند اسدالله دولت زي ويلي؛ تېره شپه ناوخته د کابل ـ جلال آباد پر لویه لار د قرغیو ولسوالۍ اړوند په نارنج باغ سیمه کې د یوه کاسټر او سراچه موټر د ټکر له کبله ۸ کسان وژل شوي او ۱۰ نور ټپیان دي.

دولتﺯى وايي: په ټپیانو او مړو کې مېرمنې او کوچنیان هم شامل دي.

دغه راز نن سهار د لغمان قرغیو ولسوالۍ اړوند د عزیز خان کڅ په اړوند سیمه کې د یوې ټوډي او دوه سراچه ډوله موټرو د ټکر له کبله ۱۲ کسان وژل شوي او ۸ نور سخت ټپیان دي.

دولتﺯي زیاته کړې؛ دواړه پېښې د موټر چلوونکیو د بې احتیاطۍ له کبله رامنځته شوي دي.

Continue Reading

Trending

آریانا نیوز: ټول حقونه خوندي دي